About Talking Hearts

Is blog ka naam hai ‘Talking Hearts’. To main iske baare me bhi dil se hi bataungi. Kyunki ye site banayi bhi dil se hi gayi hai. Isilie aapko bhot sare dil dikhayi bhi denge is site par. Baat bas itni si hai doston, ki main yahan par apne dil ki baate kehna chahti hu.

Aapne shayad suna hi hoga, jo log bol nahi pate wo likhne me ache hote hain. Pata nahi main likhne me achi hu ya nahi, wo to aap log hi decide karne wale hain. Par main bas itna kehna chahti hu, ki bachpan se hi, jab koi baat apne ghar walon ya apne doston ko bol nahi sakti thi to unhe likhke bata diya karti thi. Kyunki main introvert hu, islie logon se ghulne milne me time lagta hai. Par likh behichak leti hu, shayad meri kuch posts se aapne ye notice bhi kia ho. To unhe bhi isi tarah likh kar apne mann ki baatein bata diya karti thi. Isse mere emotions bhi un tak phoch jate the aur meri kam bolne ki aadat bhi waisi hi rehti thi. Waise is chiz ka credit main “Lage Raho Munna Bhai” movie ko dena chahungi. Usme ek scene tha, jab Bapu yani Gandhi ji, Munna se kehte hain, ki jo baat boli na jaye use likh ke bata do. Us movie ki is baat ne mere upar bhot gehra asar kia. Aur sach me doston, aisi kayi baatein jo main shayad kabhi kisi ko nahi bol pati wo maine likhne ke zariye unhe batayi. Kisi se pyar ka izhar, kisi se apni galati ki maafi, to kisi ko uski galati realise bhi isi likhne se karayi hai. Han! Par ye baat main thodi der se samajh payi ki likhna mere lie meri sabse strong quality hai, nahi to shayad thoda aur jaldi aapse mil pati. But kehte hain na, it’s better to be late than never.

So, isilie hi aapse judne ke lie bhi mujhe yahi zariya acha laga. Mere mann me jo bhi aata hai, koi kahani, koi kavita, ya koi baat jo mujhe aapse kehne ka mann karta hai, wo main yahan likh kar aap tak phocha deti hu. Baki to sab aapke hi upar hai, ki aap use pasand karte hain ya use na pasand karte hain. Lekin jo bhi hota hai, wo sidha dil se hota hai. Usme koi banawat nahi hoti.

To bas aapse yahi kahungi ki aap is site ko apna pyar dete rahiye aur mera sath hamesha dete rahiye.

Shukriya!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: