Guru

Guru Purnima ki shubhkamanayein!

Gu-ru… Guru matlab andhkaar se prakash ki ore. Yahi hai iska matlab. Yani jo bhi hume andhkar se prakash ki taraf le jaye wo humara guru hai.
Jo insan hume agyanta ke andhere se bahar nikal kar gyan ki roshni me leke aata hai, use hum guru kehte hain. Hum guru ki upadhi aaj kal ek teacher ko bhi dene lage hain. Ek teacher aur ek guru me antar hota hai.

Hume ye lagta hai ki ek teacher hume gyan de raha hai, par wo gyan nahi ek tarah ki information hume de raha hai. Is tarah ka gyan humne Angrejon ke aane ke baad se lena shuru kia hai.
Sach kahu to ise gyan nahi information kehte hain. Ye gyan aur information hume internet aur computer se bhi milti hain, to kya wo humare guru ho jaenge? Soch ke dekhiye.
Guru wo hai jo hume Satya ka aabhas karaye. Sochne ki baat hai ki kaisa satya? Wahi satya jo shashwat hai. Jise janne ke lie hume baar baar janam lena padta hai. Aur jise humne jaan lia to hume baar baar janam lena nahi padega. Aapko meri baatein shayad ajeeb lag rahi hongi.
Aapne Hindu mythology par bane serials ya movies dekhi hain? Halaki mujhe use mythology nahi kehna chahiye. Yeh shabd bas aapko samjhane ke lie istemal kia hai. Hindu mythology me kayi baar dikhaya jata hai ki log shastrarth karte hain. Aur shastrarth me kabhi bhi GK, Maths, Science, Social Science aise questions nahi puche jate. Kuch alag hi tarah ke questions puche jate hain. Jaise… Sansaar kya hai? Mrityu kya hai? Prem kya hai? Bhakti kya hai?
In sabhi prashnon ka aaj kal ke padhaye jane wale subjects se koi lena dena nahi hai. Ye sabhi questions aise kyun hain? Kyunki yeh sabhi questions us param satya se jude hain.
Ek teacher ya shikshak hume bhautik ya physical chizon ke baare me bata sakta hai ya samjha sakta hai par ek guru hume wo batata hai jo bhautik ya physicality se bhi pare hain. Jo humara asli nature hai.
Isilie hume ek Guru aur ek Shikshak me fark pata hona chahiye. Aur hume Shikshakon ko Guru ki upadhi nahi deni chahiye.
Iska yeh matlab nahi hai ki shikshakon ka aadar nahi karna chahiye. Shikshak bhi apna kaam bahut mehnat aur imandari se karte hain. Par do alag alag chizon ko jodna sahi nahi hota. Jaise hum ek Scientist aur ek Pandit ko ek nahi bata sakte waise hi hum ek Teacher aur ek Guru ko ek nahi bata sakte.
Kehte hain roshni ke lie hume kuch jalana padta hai. Hume roshni dene ke Guru bhi jalta hai. Agar hume gyan aur vidya ka prakash chahiye to hume bhi Guru ki tarah jalana hoga, tabhi hum jeevan ke satya tak pahunch paenge.
Kyunki Jeevan wo nahi jo hum samjhte hain, Jeevan wo hai jise hum aaj tak nakaarte aaye hain. Jeevan Jeevan hi hai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s