Dhan ke Lobhi Shikshak!!!

Kabhi kabhi mujhe bura lagta hai ki Shiksha kitni bikau ho gayi hai. Aur ilzaam shikshakon par lagta hai, par iske asli gunaahgaar wo log hain jo piche se baith kar school chalate hain. Shikshakon ko har kaam unke mutabik karna padta hai aur badnaam hote hain sikshak.
Wo har baar shikshak ko aage kar dete hain aur manmaane kaam karwate hain. Hum sab jante hain ki is duvidha ki ghadi me jab sab kuch band hai tab shikshak online classes chala rahe hain. Isse shikshak aur vidyarthi dono ko hi pareshani ho rahi hai. Par yeh baat upar bethe wo log nahi samajh rahe hain jo is sab se munaafa kamate hain.
Jo log ye keh kar fees maang rahe hain ki isse shikshkon ki salary jaegi, to ek baat bata du ki kisi bhi private school me summer vacations ki salary shikshkon ko nahi milti hai. To ye sari fees kahan jati hai? School management ke paas. School management wale aaj abhibhavakon ko fees dene aur bacchon ki kitabe khareedne ke lie majboor kar rahe hain, jabki aisi ghadi me wo ye jante hain ki paise ki kami sabhi ke paas hai. Aisa nahi hai ki unke paas iska koi upaay nahi hai. Wo bacchon ko kitaabon ki pdf files bana kar bhej sakte hain. Par isse unki kitaabe nahi bikengi aur unhe ghata ho jaega. Aur wo apna ghata kaise bardasht kar sakte hain? Wo bacchon se online fees manga sakte hain par shikshakon ko salary ni de pa rahe. Wo aage badh kar ye nahi keh pa rahe ki aap apne apne bank details hume send kar dijiye hum aapko bank me salary pahuncha denge. Han! Aapne sahi suna, aaj bhi private schools ka yeh haal hai. Unki vyavstha aisi hai ki aaj bhi wo shikshkon ko online salary nahi dete hain. Kya yeh sochne wali baat nahi hai ki ek taraf schools online classes chalane me saksham hain par online salary dene me nahi? Isse kya samajh aata hai? Mujhe to isse yahi lagta hai ki wo yeh kaam jaan kar nahi karna chahte hain, kyunki yadi unhe kaam karna hota to wo sabse pehle apne lie kaam karne walon ka dhayan rakhte. Abhi tak kayi private schools me shikshkon ko March ki salary tak nahi mili hai, phir bhi ve lagataar kaam kar rahe hain.
Sabhi log keh rahe hain, Corona Warriors ko salaam. Kya shikshak unme nahi aate hain? To fir shikshakon se is tarah ka vyavhaar kyun?
Log sirf chizon ko samne se dekhte hain, uske andar jakar uski teh tak dekhna aaj kal sab bhul chuke hain. Agar chizon ke andar ja kar dekhenge to pata chalega ki asli gunaahgaar kaun hai….
Mujhe aasha hai ki aap log meri baat samjhe hoge aur ab se shikshakon ko nahi balki unke piche chipe logon ki galatiyan dekhenge.
Jai Hindi! Jai Bharat!
Dhanyawad! 🙏🙏🙏

2 thoughts on “Dhan ke Lobhi Shikshak!!!

  1. Hey I just hope you are safe and doing well. Being a student I very well perceive what students, teachers, and professors are facing during this Corona crisis. Unprecedented times but its sad when many a times school or college managements seem so insensitive. Anyways Stay at home and Stay Safe

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s