Kashmakash (E-1)

Episode-1

Isse pehle aap sabhi Janhvi ki diary ke kuch shabd padh chuke hain, jo usne Mayank se bichhadne ke 4 saal baad likhe the. Wo diary padh hi rahi thi ki Mayank uske samne aa gaya tha. Wo dono metro me ek dusre ke samne khade hue ek dusre ko dekh rahe the, ya ye kahe ki ek dusre ke sath bitaye hue pal yaad kar rahe the.

Par aisa kya hua tha ki dono alag ho gaye? Ya dono kabhi sath the hi nahi? Iske lie hume 4 saal pichhe jana hoga, aur janna hoga ki ye sab aakhir shuru kahan se hua. To chaliye chalte hain 4 saal pichhe…..

4 Saal Pehle…

Subah ke 5 bajte hi alarm bolne laga. Janhvi ne alarm band kia aur kuch pal aur jhapki lene ke lie jaise hi leti doorbell baj uthi. Uth kar usne ghar ka darwaza khola, samne kaam wali bai khadi thi. Ghar me ghuste hi usne apna kaam shuru kar diya. Janhvi bhi apne ghar ke kaamon me lag gayi. Bai ke jane ke baad naha dho kar usne jaldi se mandir me matha teka, sabka nashta bana dia, apna aur apne pati Raghav ka lunch pack kia aur use uthane ke lie apne kamre me daudi.

Janhvi: Raghav! Raghav! Jaldi utho warna late ho jaoge.

Raghav: (Neend me) Han! Bas 5 minute aur….

Janhvi: Koi 5 minute nahi. Aapke roz ke 5 minute mujhe late kara dete hain. Jaldi utho!

Raghav ko jaga kar usne use nahane ke lie bheja aur khud apni saas yani Raghav ki maa ke lie chai le kar unke kamre me chali gayi. Raghav ki maa bhi abhi so rahi thi. Usne unhe bhi jagaya aur chai hath me thama kar khud office ke lie tyar hone chali gayi. Raghav aur Janhvi dono ready hue, nashta kia aur maa ke pair chhu kar apne apne office ke lie nikal gaye.

Han! Janhvi shadishuda hai, aur umr 24 saal hai. Uske maa baap ne uski shadi thodi jaldi kara di thi. Karate bhi kyun nahi, rishta khud chalke unke ghar par aaya tha, ladke ki sarkari naukari thi, acha kamata tha, sath me unki koi maang bhi nahi thi, ek hi shehar me rehte the. Maa baap ne pucha ki humari ladki shadi ke baad bhi naukari karna chahti hai, uske lie bhi koi manahi nahi thi. Bas fir kya tha, shadi tai kar di gayi. Janhvi waise abhi aur padhna chahti thi, usne apne mann ki yeh baat rakhi bhi lekin usse ghar walon ne keh diya ki ghar pariwar acha hai, jab naukari karne de rahe hain to padhne bhi denge. Janhvi ko waise ladke me koi burayi bhi nahi lagi thi, jab pehli baar Raghav se mili thi to wo har wo kaam kar raha tha jo ek acha ladka karega. Raghav ke pariwar me uski maa aur uska ek bada bhai tha jo ab unke sath nahi rehta tha. To shadi ke baad ka Janhvi ka pariwar tha, Raghav aur uski maa. Ab shadi ko 3 mahine beetne wale the. Sab kuch sahi chal raha tha. Janhvi apni is zindagi se santusht to thi, lekin wo apne jeevansathi ke sath wo ehsaas nahi jee pati thi jiske baare me usne socha tha. Raghav har chiz me acha tha, wo Janhvi ka khayal bhi rakhta tha. Par uske paas Janhvi ke lie waqt nahi tha. Ek chiz aur thi jo wo shadi se pehle nahi samajh payi thi. Wo thi Janhvi aur Raghav ki soch. Dono ki soch me zameen aasmaan ka antar tha. Par fir bhi wo ye sochti thi ki ye sab to har ek ki zindagi me hota hi hoga. Aur ye kahawat bhi to mashahoor hai- “Opposite attracts.” Lekin kabhi ye socha hai ki agar ‘Opposite attracts’ sahi hai to ‘Kundali milan’ galat hai. Janhvi ko apni zindagi me sab hone ke baad bhi kuch adhoora sa lagta tha. Aur wo adhoorapan kya tha wo yeh samajh nahi pa rahi thi. Wo aksar socha karti thi ki sab to sahi hai, to kami kis chiz ki hai meri zindagi me? Par use kabhi jawab nahi mil pata tha. Use bhi pata nahi tha ki bhagwan uski zindagi ki is kami ko aise poora krenge….

Janhvi ek chote se IT institute me assistant manager ki post par kaam karti thi. Wo apne kaam me mashgool thi ki tabhi, Janhvi ki maa ka phone uske phone par aane laga. Usne phone uthaya aur kaha, “Maa! Main abhi thodi busy hu, baad me call karti hu aapko.”

Dusri taraf se awaz aayi, par wo uski maa nahi thi, wo kisi ladke ki awaz thi, “Hello! Am I speaking to Miss Janhvi?”

Janhvi soch me pad gayi ki uski maa ke phone par yeh kaun aadmi hai jo baat kar raha hai. Usne jawab diya, “Yes! You are speaking, but who are you?”

Wahan se fir awaz aayi, “Sorry to disturb you this time, when you are so busy. But I found this phone on the Rajiv Chowk metro station, I found your number in the lock screen and called you. So, where should I return this phone?”

Janhvi uski ye sari baatein sun kar kehti hai, “Oh! Thanks! Thanks a lot for this kind gesture of yours. But I am really busy right now. And if I still come Rajiv Chowk, it will take at least 30 minutes.”
Jawab me phir se yeh awaz aati hai, “Oh! Its totally fine. Even I have to rush to my office right now, what if I will return it in the evening?”

Janhvi jawab deti hai, “Yeah! Thanks a lot. So, where should I reach in the evening and at what time?”

“Umm! Can I tell you this in the evening itself?”

“Oh! Okay! Thanks again.”

“Yeah! Its totally fine.”

“Bye!”

“Bye!”

Dono phone rakh dete hain aur sham ko wo shakhs fir se Janhvi ko call kar ke jagah bata deta hai. Wo Janhvi ke comfort ke lie phone le kar Janhvi ke office ke metro station hi aa jata hai. Dono metro station par pahunchte hain. Ek dusre ke samne aate hain. Wo shakhs puchta hai, “Miss Janhvi?”

Janhvi use jawab deti hai, “Yeah!”

“Hi! I am Mayank.”

“Hi!”

“Here is your phone.”

“Thanks a lot!”

“It’s okay!”

“No, you came along here, to only give this phone. So thank you!”

“Ahh! It’s not like that, my office is also nearby. So, this is easy for me as well.”

“Oh! It’s like that.”

Mayank: (muskura kar) “Yeah! It is like that.”

Janhvi: So, okay thanks again for this. Bye!

Mayank: Bye!

Dono apne apne raste nikal jate hain. Ye thi Janhvi ki Mayank se pehli mulakaat. Mayank ne Janhvi ko uski maa ka phone lautaya tha. Ye mulakaat bahut hi formal aur kuch second ki hi thi. Dono ko bilkul andaza nahi tha ki iske baad unki zindagi me kaun se naye mod aane wale hain.

Janhvi wahan se pehle apne sasural na ja kar apne mayke jati hai aur apni maa ko daant’ti hai.

Janhvi: Maa! Aise kaise phone chhod dia aapne? Itna mehenga phone dilaya hai papa ne aapko.

Maa: Han! Ab ho gayi galati. Itna sara saman tha hath me.

Janhvi: Maine kitni baar kaha hai phone ko apne purse me rakha karo.

Maa: Arey tere papa ka phone aa gaya tha, aur fir hath me reh gaya.

Janhvi: Wo to bhala ho us ladke ka jisne IPhone lauta dia. Aage se dhayan rakhna.

Maa: Han meri maa dhayan rakhungi.

Janhvi: Thik hai ab main ghar ja rahi hu.

Maa: Raghav kaise hain?

Janhvi: Thik hain wo bhi. Main jati hu mujhe ghar par kaam bhi hai.

Maa: Thik hai.

Janhvi: Bye!

Maa: Bye!

Janhvi wahan se apne sasural ke lie chali jati hai. Wahan sare kaam khatam karke wo ab kuch der shanti se baithne ke lie apne kamre me ja hi rahi hai, ki doorbell bajti hai. wo darwaza kholti hai to samne Raghav hai. Janhvi Raghav se gale lagne ke lie aage badhti hai to Raghav use rok deta hai. “Kya kar rahi ho? Maa yahin hain.”

Janhvi wahin ruk jati hai aur kehti hai, “Maa apne kamre me hain.”

Raghav: Achanak bahar bhi to aa sakti hain.

Janhvi: (mayusi se) Han!

Raghav ghar ke andar badh jata hai aur maa ke kamre me chala jata hai. Janhvi Raghav ke lie chai le kar unhi ke kamre me chali jati hai. Raghav chai leta hai aur Janhvi se khana lagane ke lie bol deta hai. Janhvi bina kuch kahe khana lagane chali jati hai. Chai pine ke baad Raghav aur uski maa dono bahar dining table par aa kar baithte hain jahan teeno khana khate hain. Raghav ki maa khana kha kar apne kamre me sone ke lie chali jati hai. Ab living room me bas Raghav aur Janhvi hain. Raghav ab television par sports channel laga kar dekh raha hai. Janhvi bhi sara kaam samet kar Raghav ke paas aa kar baith jati hai.

Janhvi: Aaj pata hai kya hua?

Raghav: (T.V. dekhte hue) Kya hua?

Janhvi: Aaj maa ka phone khote hue bach gaya.

Raghav: (T.V. dekhte hue hi) Acha kaise?

Janhvi: Aaj maa gayi thi market saman jyada tha to phone metro station par hi chhut gaya.

Raghav: Tumhari maa waise laparwah bhi hain.

Janhvi ko apni maa ke lie Raghav ke ye shabd ache nahi lage, par fir bhi usne kaha, “Han! Thodi si.”

Raghav: (T.V. me dekhte hue) Oh! Six!

Janhvi: (apni baat ko aage badhate hue) Fir pata hai mila kaise?

Raghav: (T.V. me dhyan dete hue hi) Kaise?

Janhvi: Ek ladke ne khud phone kar ke wapas kia. Socho aise log kahan hote hain aaj kal?

Raghav: Hmmm!

Janhvi dekh rahi hai ki Raghav ka dhyan uski baaton me nahi T.V. me hai.

Janhvi: Suniye na main kuch bol rahi hu.

Raghav: Aur tum bhi dekh rahi ho ki main match dekh raha hu. Room me chal kar baat karenge.

Janhvi: Room me jakar to aap so jate hain.

Raghav: Kya chahti ho? Main kuch time T.V. bhi na dekhu?

Janhvi: Nahi! Aap dekhiye. Main room me ja rahi hu.

Raghav: (Ab bhi T.V. dekhte hue hi) Thik hai. Main thodi der me aata hu.

Raghav Janhvi ki zarurat ko samjhta nahi tha. Raghav aur Janhvi do alag alag kism ke insan the. Janhvi emotional ladki thi, use sirf pyar ki do meethi baatein chahiye thi, lekin Raghav uske lie wo chand pyar jatane ke pal chhod kar duniya jahan ke tohfe le aata tha. Raghav ko lagta tha ki ek ladki ko sirf tohfon ki zarurat hoti hai. Agar ek ladki ka dil jeetna hai to use dher sare tohfe do, par Janhvi alag thi, uski soch alag thi. Wo insan ki neeyat dekhti thi, uske andar basa uske lie pyar dekhti hai, usne bachpan se leke aaj tak sirf insan ki neeyat dekhi thi tohfe ki keemat nahi. Raghav ke paas paise ki kami nahi thi aur wo usi paise se uski har narazgi door karna chahta tha, jabki Janhvi ka manana tha ki rishte paison se nahi dil se nibhaye jate hain.

Janhvi apne kamre me chali jati hai. Wahan jakar wo bed par let jati hai aur apna phone khol kar dekhne lagti hai. Wo dekhti hai ki uske phone me ek message hai. Wo kisi anjaan ka hai. Usme likha hai, “Hey! Is it you Miss Janhvi?”

Janhvi soch me pad jati hai ki ye kaun hai, jo uska naam bhi janta hai?

Janhvi us message ka reply karti hai, “Hi! May I know who are you?”

Jaise hi wo message send karti hai wahan se turant reply aata hai, “Its me… Mayank! Aaj metro station par mila tha.”

Janhvi ko yaad aata hai, aaj ke din ke baare me aur wo reply karti hai, “Lekin aapko mera no. kahan se mila?”

Mayank reply karta hai, “Aap bhul gayi sham ko maine aapko apne no se call kia tha.”

Janhvi reply karti hai, “Yeah! I forgot. waise, kaise msg kia? Any problem?”

Mayank jawab me likhta hai, “Nahi! Problem to kuch nahi bas aise hi msg kar dia tha. I was thinking something about you.”

Janhvi: What?

Mayank: Yahi ki IPhone hone ke baad bhi aapne sham tak ka wait kar lia. Main hota to tabhi hi turant bhag kar phone lene aa jata. J

Janhvi: Actually! I was really busy aur fir jab aapne samne se khud phone kia tha to fir kaisa darr tha? J

Mayank: Aur sham tak mera mann badal jata to? 😉

Janhvi: Haha! Ab agar aisa hota to meri mom ko unki galati ki saza bhugatni padti aur kya? 😛

Mayank: Ek baat kahu agar aap bura na mane to? Plz mujhe galat mat samjhna.

Janhvi: Okay! Kahiye.

Mayank: Mera mann shayad badal bhi jata but I genuinely wanted to see the face of that sweet voice which I heard in the morning.

Janhvi uski ye baat padhke samajh nahi pati ki use kya jawab de par uske chehre par ek muskaan ubhar aati hai. Aur itne me uska ek aur message aa jata hai.

Mayank: Dekhiye! Plz main koi aisa waisa ladka nahi hu. Plz aap mujhe galat mat samjhiye. I just said which I genuinely felt. Don’t think, I am a bad guy.

Janhvi ab jawab deti hai, “Its okay! Jo aapko laga aapne wo bol dia. Thanks aapko meri awaz achi lagi.”

Mayank: Kya hum is tarah kabhi kabhi baat kar sakte hain?

Janhvi fir soch me pad jati hai, par is baar wo likhti hai, “Kya aapko lagta hai ki strangers ko baat karni chahiye?”

Mayank: I am a genuine person. You can ask me anything. I will reply you honestly. Life me har dost pehle stranger hi hota hai.

Janhvi ko uski kahi hui baat achi lagti hai aur wo jawab me likh deti hai, “Yes! U said right.”

Mayank likhta hai, “To main ise aapki han samjhu?”

Janhvi jawab me likhti hai, “Okay!”

Mayank iske jawab me likhta hai, “Thanks a lot Miss Janhvi! I hope the start of this conversation will reach to its goal, which is friendship.”

Janhvi jawab me likhti hai, “I don’t know about the goal. I have just accepted your request because I feel you are a decent person. If I found any trouble in this conversation, I will immediately stop talking to you.”

Mayank: Yes! I accept it and I assure you, you will not have any problem with this conversation.

Janhvi: Thanks! So, is it enough for today? I have to go to office tomorrow and have to wake up early.

Mayank: Yeah! Sure. Good night!

Janhvi: Good night!

Janhvi ne us ladke ko baat karne ke lie han to kar dia, lekin wo sochti hai ki yeh usne sahi kia ya galat. Wo ek shadishuda aurat hai, is tarah kisi anjaan ladke se uska baat karna sahi nahi hai. Par ab jab usne han keh dia hai to wo dekhna chahti hai ki uska ye faisla sahi hai ya nahi.

Aur ye faisla kis tarah se uski zindagi me uthal puthal laega ye bhi dekhenge, isi kahani me…. Par aaj ke lie itna hi… Kal phir milenge…. Tab tak…..

Take care of yourselves……

&

Keep feeling the Love…………. ❤

One thought on “Kashmakash (E-1)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s