Kashmakash

“Hum bewafa hargiz na the, par hum wafa kar na sake…..”

Ye chand shabd us insan se shayad bahut kuch keh rahe hain, jo chah kar bhi wafa na kar paya ho. Humari ye kahani bas isi gaane se prerit hai. To jyada der na karte hue hum badhte hain is kahani ki taraf.

Janhvi! Janhvi Dilli ki ek metro me ja rahi hai. Wo wahan ladies coach ke aakhir me ek kone me baithi hui apni diary khole usme se kuch padh rahi hai. Wo kya hai, dekhte hain….

“Galati na teri thi aur na hi meri…

Bas halaaton ne soch rakha tha ki hum kabhi na mile….

Kitni ajeeb baat hai na, aaj us baat ko 4 saal ho chuke hain. Na tumne mujhse milne ki koshish ki aur main to tumhe milne layak hi nahi thi. Kitna bhi samjha lu khud ko ki galati meri nahi thi, par samjha nahi pati.

Tumse hi maine jana tha ki pyar kaisa hota hai. Ye dekho… tumhare sath rehte hue mujhe bhi filmi dialogue maarne aa gaye hain. Par sach me, tum se milne se pehle main sirf socha karti thi ki shayad pyar aisa hota hoga, shayad waisa hota hoga, par tumhare milne ke baad, wo meri soch se bhi pare tha.

Tumhare jaane ke baad, mujhe laga tha ki kaise rahungi main. Tum nahi mile to kya hoga? Par ek chiz jo maine khud se jani hai wo ye hai ki agar tum mujhe mil jate to shayad main tumhe itna pyar na karti jitna aaj karti hu. Han par tumse baat karna, tumse milna, tumhe jee bhar kar dekhna ye sab nahi kar pati hu ab main. Main kabhi nahi bhool sakti, tumhari wo baatein, tumhari hasi, tumhari sharartein, tumhara har baat par mujhe jhat se mana lena, mera tumhe chhod kar jane ke lie kehne par wo tumhari dil ki dhadkane badhna.

Ab kuch bhi nahi sirf yaadein hain, jo mujhse koi nahi chheen sakta, tum bhi nahi. Mujhe laga tha ki shayad tum mujhe maaf kar paoge, shayad tum laut kar aaoge, shayad tum meri galati se bada mere us pyar ko samjhoge jo maine tumse kia hai. Par tum nahi aaye……

Ab tum nahi aaoge, na ab tumhare aane ka intezaar hai aur na tumhe paane ki chahat kyunki sirf pa lena hi pyar nahi. Pyar….. kho dena hai.

Maine khud ko kho dia hai, tumhari yaadon me… Tumhara kuch hissa aaj bhi mere paas hai, meri yaadon me aur hamesha rahega…………”

Janhvi is diary ko padh rahi hai aur dheeme se muskura rahi hai aur tabhi ek jaani pehchani awaz uske kaano me goonjti hai, “Janhvi!”

Janhvi nazar utha kar dekhti hai. Wo wahi hai jiske bare me Janhvi ne abhi itna kuch padha hai. Mayank! Janhvi hairan hai aur khush bhi. Wo apni seat se khadi hokar bolti hai, “Mayank!”

Mayank ke chehre par dheemi muskurahat hai aur ek sukoon bhi, jaise usne na jane kise pa lia ho. Wo kehta hai, “Kaisi ho?”

Janhvi: Ek dum badhiya. Aur tum?

Mayank: Main bhi.

Itne me gents compartment me se ek ladki aati hai aur Mayank ke sath aa kar khadi ho jati hai. Janhvi use dekhti hai aur chup ho jati hai. Mayank Janhvi se kehta hai, “Ye meri behen hai.”

Janhvi: Han! Janti hu. Pic me dekha hai kayi baar.

Mayank ki behen (Anshika) Janhvi se kehti hai, “Hi! Nice to meet you.”

Janhvi: (muskura kar) Hi! Same here.

Mayank: (Anshika se) Tum kisi seat par baith jao, bahut si seats khali hain yahan.

Anshika aage jakar ek khali seat par baith jati hai. Mayank ladies aur gents compartment ke beech ki jagah me deewar se lag kar khada ho gaya hai. Janhvi wahi par samne wali deewar ke sahare khadi hai. Dono hi ek dusre ko dekh rahe hain ya shayad purane un lamhon ko yaad kar rahe hain, jo wo sath jee chuke hain.

Wo lamhe kya the? Janhvi aur Mayank kyun alag hue? Ye janenge hum isi kahani me, har roz raat 8 baje.

Kahani ke aage ke episode ke lie neeche diye gaye links par click karein…….

Kashmakash (E-1)                 Kashmakash (E-2)

Kashmakash (E-3)                 Kashmakash (E-4)

Kashmakash (E-5)                 Kashmakash (E-6)

Kashmakash (E-7)                 Kashmakash (E-8)

Kashmakash (E-9)                 Kashmakash (E-10)

Kashmakash (E-11)               Kashmakash (E-12)

Kashmakash (E-13)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s