Sahi aur Galat!

Humne jeevan me humesha do paksh dekhein hain. Ek humare lie sahi hota to dusra galat. Par iski vyakhya kaise karein ki jo humare lie sahi hai wo dusron ke lie bhi sahi hai aur jo humare lie galat hai wo dusron ke lie bhi galat hai.

Misaal ke taur par maan lete hain ki aaj ki peedhi pehli peedhi ke lie kam samvedansheel aur rishton ko na pehchanne wali hai. Aaj ki peedhi sab apne hisab se karna chahti hai, na unke mann me badon ki baat ke lie aadar hai aur na hi wo unki baat manana chahte hain. Par soch ke dekhiye kya ye aapki peedhi aur usse pehli peedhi ke sath nahi tha? Aapke bade aap logon apni misaalein dia karte

the aur aaj aap bhi wahi kar rahe hain apne choton ke sath. To kya aap galat the? Jaise ab aapke lie aapke chote galat hain. Nahi!

Fark sirf soch ka hai, antar sirf soch me hai. Meri mane to sahi aur galat kuch hota hi nahi hai. Kyunki har vyakti ki sahi aur galat ki paribhasha alag hoti hai. Jab Mahabharat me Bheeshma pita ko marne ke lie Arjun ne Shikhandi ka sahara lia tha to wo galat hi tha. Par us waqt wo unke lie sahi tha. Itihas me aise anekon udaharan chhipe hue hain.

To fir kis chiz ki zarurat hai? Kya hum maan le ki jo log loot paat karte hain, jo logon ki jaan lete hain wo sahi hain? Nahi! Aisa bhi bilkul nahi hai. To jab aisa nahi hai to wo galat hi hue na. Iske lie main sirf itna kahungi ki wo log apni manavta kho baithe hain. Humara nazariya alag ho sakta hai, par hume manavta nahi khoni chahiye. To ye sahi galat ki nahi, manavta aur danavta ke beech ki ladayi hai. Jo shayad chalti rahegi. Hume humara sahi ya unka galat nahi, sirf manavta par dhyan dena hai.

Kyunki agar aaj koi apni patni ko beech majdhaar me chhod kar chala jaye to use galat kahenge, par Gautam Buddha ne bhi yahi kia tha aur aaj hum unki pooja karte hain. Aisa kyun hai? Kyunki ye humare vichar aur nazariye ka hi fark hai. Radha Krishna ki pooja hum din raat karte hain par jan koi ladka ladki apne prem ke baare me samaj me bataye to unke baare me baatein banate hain. Aur baat unke pariwar ki shan aur aan par aa gayi to, wo ladki ya ladke ko maar bhi dete hain. To ab isme sahi ya galat kaun hua? Jisne prem kia ya jisne amanavta dikha kar unki hatya ki? Aap sab khud hi samajhdar hain.

Fark sirf soch ka hai, agar ek dusre ki soch aur nazariye ko samajhne ki koshish ki jaye to is samaj me bahut kuch badal sakta hai. Aur jis tarah aaj ka samaj aage badh raha hai, wo is soch aur nazariye ke fark ko samajh kar sahi aur galat ki is deewar ko gira hi dega.

One thought on “Sahi aur Galat!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s