HUMSAFARS… (E-15)

Episode-15

Recap: Sameer Poonam se har waqt baat karne ki koshish karta hai. Jo Prem ko bilkul pasand nahi hai. Sameer isi chiz ka fayda uthata hai aur Prem ko pareshan karne ke lie wo aur jyada Poonam se kareeb jane ki koshish karta hai. Prem ye sab dekh nahi pata, aur Sameer se ladayi kar leta hai. Jis wajah se Prem aur Poonam ki bhi ladayi ho jati hai. Din beetate hain aur unke board ke exams bhi khatam hote hain. Aaj Annual day hai jahan wo log play karte hain. Sabko Play bhot pasand aata hai. Prem Poonam se baat karna chahta hai aur wo use awaz deta hai. Poonam ruk kar use mud kar dekhti hai. Isse aage janne ke lie, ye episode padhe.....

Poonam ruk jati hai aur mud ke dekhti hai.

Prem: (Hichkichate hue) Mujhe kuch… baat karni thi.

Poonam: Bolo!

Prem: Kya hum ye dosti dobara kar sakte hain?

Poonam chup rehti hai.

Prem: I know tum mujhse naraz ho. Maine gusse me bhot kuch keh dia tha. I am sorry!

Poonam: Aur tumhare gusse ki wajah kya thi?

Prem: Janna zaruri hai?

Poonam: Han!

Prem: Wo… Us din… Recess jab start hua to Sameer ne mujhe roka aur tumhare baare me ulta sidha bolne laga.

Poonam: Kya bola usne?

Prem: Wo bol raha tha ki wo play me jab tumhare sath scene karta hai…..

Ye keh kar Prem chup ho jata hai.

Poonam: Bolo!

Prem: Aur scene karte me jab wo tumhe touch karta hai….

Poonam: Samajh gayi. Aur bhi kuch bola?

Prem: Tumhari ek aadat hai, jab tum padhti ho to pen ko daanton me daba leti ho.

Poonam: To?

Prem: (jhijhakte hue) To…. Usne isilie pen lia tha aur wo mere saamne….

Prem fir ruk jata hai.

Poonam: Tumhara bhai aisa hai, maine nahi socha tha.

Prem: Usne aur bhi kafi kuch kaha tha.

Poonam: Acha hua tumne mujhe ye sab pehle nahi bataya, nahi to main uske sath play kar hi nahi pati.

Prem: Main isilie tumhe kuch bhi batana nahi chahta tha ki pata nahi tumhe kaisa lagega. Aur mujhse bola bhi nahi jaega.

Poonam: I am sorry!

Prem: Ye sab tum mat kaho.

Poonam: Maine bhi tumhe kitna kuch kaha jabki tum mere lie hi soch rahe the.

Prem: Par maine to dosti hi todne ke lie keh dia. I was wrong. Meri itni achi dost ko main apne gusse ki wajah se chhodne chala tha.

Poonam: Main bhi to influence ho gayi thi.

Prem: To kya main ab sab pehle jaisa samjhu?

Poonam: (muskura kar) Han!

Prem: To hum dost hain?

Poonam: Han!

Dono ek dusre ko dekh rahe hain. Poonam Prem ke kuch kareeb aati hai aur kehti hai, “Waise agar main tumse gussa hui, to tum aise hi mujhse hamesha dosti tod loge?”

Prem: Ye galati pehli aur aakhiri baar ki hai. Ab dobara bhool ke bhi nahi karunga.

Poonam: To kya karoge?

Prem: Ladayi… Zor zor se chilla lunga, tumhe daant lunga par dosti nahi todunga.

Poonam: Promise?

Prem: Promise.

Prem apna hath aage badhata hai aur Poonam uske hath ko tham leti hai.

Prem: I am really sorry!

Poonam: Me too.

Ab wo dono bhi apni dresses change karne chale jate hain aur aage ka annual function sath me baith kar dekhte hain. Prem ka dhyan annual function se jyada Poonam me hai. Wo Poonam ke barabar me baitha hai, aur achanak Poonam se kehta hai, “Mujhe tumse kuch baat karni hai.”

Poonam: Abhi to ki thi.

Prem: Kuch aur bhi hai.

Poonam: Kya? Bolo.

Prem: Yahan nahi, akele me.

Poonam: Abhi to sab log hain yahan.

Prem: Han! Par us side dekho, wahan ki classes ki taraf koi nahi hai.

Poonam: (ghurte hue) Thik hai.

Dono us taraf jate hain jahan koi nahi hai.

Poonam: Bolo ab.

Prem: Main tumse kuch aur bhi kehna chahta tha.

Poonam: Bata chuke ho. Bolo ab.

Prem: Hamare school ab khatam ho chuke hain. Kuch hi din me hamare results aa jaenge.

Poonam: Ye sab mujhe pata hai. Jo bolna hai jaldi bolo, Nupur ki performance hai.

Prem: Poonam! Meri taraf dhayan do.

Poonam: Bolo bhi!

Prem: School ke baad, hum alag alag colleges me chale jaenge. Par main tumse jude rehna chahta hu.

Poonam: Hum dost hain na.

Prem: Nahi! I mean han hum dost hain par… Par main chahta hu ki jaise hum dono school time me ek sath aate jate the waise hi college time me bhi main hi tumhe tumhare college chhodu aur wapas leke bhi aau. Tum wait karogi na mera?

Poonam: Thik hai. Karungi… par tumhe khud late nahi hoga college ke lie.

Prem: Main tumhe thodi pehle chhod dunga na.

Poonam: (muskura kar) Thik hai. Ab chale?

Prem: Suno naaa…..

Poonam: Ohoo! Bolo.

Prem: Aur college ke baad jab job lagegi tab bhi main hi tumhe chhodne aur lene jaunga.

Poonam: Tumhe aur koi kaam nahi karna kya?

Prem: Karunga na. Par ye kaam bhi karunga.

Poonam: Aur kya karoge?

Prem: Aur tumhari shadi ke baad bhi main hi tumhe lene aur chhodne jaunga.

Poonam: (haste hue) Ye deal to tumhe mere husband se karni hogi.

Prem: Deal hum dono ke beech hi rahegi.

Poonam: Kyun?

Prem: (hichkichate hue) Kyunki…. Hum… Hum dono hi sath rahenge.

Poonam ye sun kar shock aur surprise dono ho jati hai.

Prem: (baat sambhalte hue) I know ye sab bahut awkward hai, mere lie bhi. Par main tumhare sath hi apna har safar karna chahta hu. Tumhara humsafar banke. Mujhe nahi pata ise kya kehte hain. Ise dosti kehte hain ya kuch aur. Ye sahi time hai ya nahi. Main kuch nahi janta. Par main ab tumse dur rehne ka risk nahi lena chahta. Hamari ladayi hui aur humne itne din baat nahi ki. Mujhe nahi pata aage kya hoga, ho sakta tum hi mujhse baat na karna chaho, islie main mere mann ki har chiz tumhe bata dena chahta hu. I know tumhe ye sab is waqt sahi nahi lagta. I promise main iske baare me kisi ko kuch nahi bataunga. Hum dono dost hain aur dost hi rahenge. Par jab tumhare hisab se sahi time aaega to… to hum dono hi sath rahenge. I know ye sab tumhe bhot ajeeb lag raha hai. Par jab tumhare sath hota hu to sab acha lagta hai. Aur main life aisi hi chahta hu. To bolo… Tum hamesha mere sath safar karne ke lie tyar ho? Mere sath rahogi, meri humsafar ban kar?

Poonam kuch nahi keh pati, bas khadi rehti hai.

Prem: I am sorry! Tumhe bura laga ho to. Mujhe shayad thoda aur wait karna chahiye tha. Mujhe Manav ne kaha bhi tha ki tu jaldi mat karna.

Poonam: Manav?

Prem: (hichkte hue) Hannn…. Sorry! Wo Manav ko shaq tha…..

Poonam: Aur tumne use sab bata dia?

Prem: Nahi! Par wo khud hi sab samajh gaya. Aur main bol bhi nahi paya.

Poonam: Waise itna bolte ho, aur uske samne bol nahi paye.

Prem: Yaarrr! I am sorry!

Poonam: Dekho! Ab bata dia to bata dia, par aaj ke baad use tum kuch nahi bataoge. Jab tak main nahi bolti tumhe.

Prem: (masoom chehra bana kar) Okay! Nahi bataunga.

Poonam: Aur hum dost hi rahenge, jab tak sahi time nahi aa jata.

Prem: (sir niche kar ke muskurahat ke sath) Okay!

Poonam: Aur kuch kehna hai tumhe?

Prem: To tum ready ho na, to be my Humsafar?

Poonam: Han! Agar tum mujhse ladoge nahi, to.

Prem: Ab se bas tum gussa karna aur main hamesha tumhe manaunga.

Poonam: Ab chale?

Prem: (Poonam ki taraf dekh kar serious face banate hue) Han!

Prem aur Poonam dono ab audience me jakar baith jate hain aur function enjoy kar rahe hain.

Prem: Tumhare parents nahi aaye?

Poonam: Aaye hain.

Prem: Kahan hain?

Poonam: Piche audience me baithe hain. Aur tumhare parents?

Prem: (udas hoke) Nahi aaye.

Function khatam hota hai. Poonam audience me baithe apne parents ke paas jati hai. Wo unhe apne doston se milwati hai.

Poonam: Maa aap Nupur aur Disha se to mili hi ho. In dono se nahi mili. Ye hai Manav… aur ye hai Prem.

Manav aur Prem dono hi jhuk kar Poonam ke parents ke pair chhute hain.

Poonam’s Mom: Prem play me tumhare opposite tha na.

Poonam: Han! Aur Manav Iago.

Poonam’s Mom: Han! Bhot acha play tha. Sabki mehnat saaf dikh rahi thi. Aur Main Disha ki Mommy se bhi mili.

Disha: Wo to aapse kab se milna chah rahi thi Aunty.

Poonam’s Dad: Beta! Acha hai, tumhari wajah se inke bhi friends ban rahe hain.

Disha: (muskura kar) Yes Uncle.

Poonam’s Dad: Baki sab ke parents nahi aaye?

Nupur: Aaye hain. Main milwati hu na.

Poonam’s Dad: Han! Kyun nahi.

Poonam’s Mom: (Poonam se) Poonam beta! Tum abhi chalogi humare sath ya baad me aaogi?

Disha: Aunty baad me.

Poonam’s Mom: (muskura kar) Thik hai. Par jyada der mat karna.

Poonam ke parents ko Nupur apne parents se milwane le jati hai. Jab sab ke parents aapas me mil lete hain aur ghar ke lie chale jate hain. Tab wo paanchon dost, Poonam aur Prem ki ladayi khatam hone ki khushi me thoda shor machate hain. Unhe to ye pata hai ki ab wo dono fir se dost ban chuke hain. Lekin wo ye nahi jante ki is dosti thodi aur aage badh chuki hai.

Poonam ki ‘Han’ ne jaise Prem ki zindagi me ek nayi jaan daal di hai. Wo bhot khush hai, kyunki use lag raha hai ki uski life ab set hai. Prem Poonam ko fir se apni scooty par baitha kar uske ghar tak chhodta hai. Raste me jate hue Prem Poonam se kehta hai, “Tumhare parents se mil kar bhot acha laga.”

Poonam: Par main tumhare parents se nahi mil payi.

Prem: Kisi din… Sare doston ko ghar bula lunga aur tab tumhe main Mom se milwaunga.

Poonam: Bas Mom se? Dad se nahi?

Prem: Wo to har time busy rehte hain. Jab dekho kaam kaam, Mom ko bhi time nahi dete.

Poonam: Ye to galat hai. Hum family ke lie hi to kaam karte hain, agar unke lie hi time na nikal paye to fir kya fayda?

Prem: Hmmm! Par main tumhe pura time dunga.

Poonam: (Prem ke kandhe par marte hue) Prem! Abhi hum dost hain bas.

Prem: Par main to aage ke bare me bol raha tha.

Poonam: Aage ki baatein aage chal kar karna.

Prem: Okay madam! Jaisa aap kahe.

Prem Poonam ko uske ghar tak chhod deta hai. Use bilkul andaza nahi hai ki ye un dono ki aakhiri mulakaat hai kyunki ghar jakar use ek naya surprise milne wala hai. Jo uski aur Poonam, dono ki life ko badal kar rakh dega. Par use aaj Poonam se alag hote hue acha nahi lag raha. Kehte hain na ki agar kuch bura hone wala ho to hume uska ehsaas hone lagta hai. Shayad ye wahi ehsaas hai.

Us din dono bhot khush the. Par us din ke baad dono ke hath me sirf udasi aur intezaar hi aaya. Us din ke baad Poonam ne Prem ka intezaar kia, par Prem nahi aa paya. Usne apne doston ko bhi Prem ke ghar par bheja, lekin wahan uske chacha aur Sameer ne un logon ko kuch nahi bataya, balki unki be-izzati karke unhe ghar se nikal dia. Is tarah doston ne bhi Poonam se uska intezaar karne ke lie mana kar dia. Lekin wo fir bhi uska intezaar karti rahi. Usne Prem ka intezaar karna tab chhoda, ya ye kahe ki chhodne ki koshish ki jab uske ghar par sabko pata chal gaya. Jab uski tai ji ne uski padhayi chhudwane ke lie keh dia aur uski Maa ne usse baat tak karna band kar dia. Tab usne apne mann ko Patthar ka bana lia aur ye tay kar lia ki ab wo khud ko itna busy kar legi ki Prem ka khayal bhi uske dimag me nahi aaega. Is din ke baad se uski tai ji aur tau ji ne usse sidhe muh baat tak nahi ki. Wo jab bhi baat karte to use taana hi marte. Usne badi mushkil se apni Maa ko manaya aur use vishwas dilaya ki ab wo apni Maa se kabhi kuch nahi chupaegi aur bas apni padhayi par dhayan degi.

Doston mujhe nahi pata ki isme Poonam ki galati thi ya nahi. Itna sambhal kar aur apni values ko sath me lekar chalne ke baad bhi uske sath ye sab hua. Aur shayad yahi wajah thi, jisne Poonam ko tod dia. Aur shayad yahi wajah hai ki wo aaj bhi Prem ko maaf nahi kar pa rahi hai. Bas yahi sochte hue wo kitchen me baithe hue apni aankhon se nikalte hue aasuon ko pochti hai aur us waqt se bahar nikalti hai.

Kya sach me is sab me Poonam ki galati thi? Ya Prem galat tha? Mujhe lagta hai dono hi galat nahi hain. Unke sath jo bhi hua, us par dono ka hi bas nahi tha. Han! Kuch galatiyan dono se zarur hui lekin unki umr hi aisi thi. Wo itne samajhdar kahan the. Aap logon ka kya maanana hai? Ye hume zarur batayein. Aur kal ka episode bhi padhna na bhule. Tab tak… Khush rahe, aur aati jati thandi ka maza lete rahe… Waise aapke yahan barish ke kya haal hain? Please stay connected doston aur ye to aap jante hi hain…..

Keep Feeling the Love……<3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Madhusudan Singh

Hindi Poems

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

%d bloggers like this: