HUMSAFARS… (E-10)

Episode-10

Recap: Poonam aur Prem ke beech room me baat hoti hai. Prem ke sath jo bhi hua tha wo sab wo Poonam ko bata deta hai. Poonam uski baate sun kar usse aur naraz ho jati hai. Subah jab Poonam ke maa papa bahar jate hain tab Prem niche utar kar aata hai. Use dekh kar dono behene hairan hain. Isse aage janne ke lie aaj ka episode padhe........

Poonam aur Ananya dono mud kar dekhti hain aur Prem ke achanak wahan hone par hairan hain.

Ananya: Aap itni jaldi uth gaye?

Prem: Han! Wo thik se neend nahi aayi, baar baar hi jaag raha tha.

Ananya: Tea or coffee.

Poonam: Chai hi lega ye bhi.

Prem: (Poonam ki taraf dekh kar) Han! Chai hi pita hu.

Kuch der teeno ke beech ek khamoshi hai. Fir Ananya hi khamoshi ko todne ke lie bolti hai, “Aapko pata chal gaya tha Maa aur Papa gaye?”

Prem: Han! Main jaag hi raha tha, maine awaz sun li thi.

Ananya: Okay! Isilie niche aa gaye.

Prem: Aunty Uncle kab tak aaenge?

Ananya: Do din baad…

Ananya cups me chai karti hai aur un dono ko cups pakada deti hai. Teeno living room me sofe par baithe hain.

Ananya: Andar chale kya room me? Yahan thand hai bhot.

Poonam: Thik hai.

Prem: Yeah! Tum dono aaram se baitho main chai peekar chala jaunga.

Ananya: Abhi kya karoge ja kar? Aaram se jana, ab to Maa Papa bhi nahi hai.

Poonam Ananya ko ghur kar dekhti hai. Prem use ye karte dekh leta hai.

Prem: No! It’s fine. I should leave.

Ananya: It’s fine. U can stay. Chalo andar. Do beds hain chai peekar let jana.

Ananya, Poonam aur Prem room me jate hain. Ananya aur Poonam ek bed par hain aur Prem dusre bed par baith jata hai. Is beech Poonam kuch nahi bolti, bas Ananya aur Prem ke beech hi baate hoti hain. Chai khatam hone ke baad Ananya kehti hai, “Ab thodi der so jate hain.”

Prem: Main….

Prem kuch keh paye isse pehle hi Ananya bol deti hai, “Aap bhi so jao.”

Prem Ananya ki baat sun kar bed par let jata hai aur razai odh leta hai. Ananya jaan kar Poonam ko Prem ki side sulati hai. Bed alag alag hain par dono ek dusre ko dekh pa rahe hain. Dono ke beech koi baat nahi ho rahi par dono ek dusre ko dekh rahe hain. Aisa lag raha hai mano Prem aankhon aankhon me hi Poonam se maafi maang raha ho aur Poonam use mana kar rahi ho. Thodi der baad, Poonam aankhein band kar leti hai aur Prem bhi so jata hai.

Kareeb 10 baje Prem ki aankh khulti hai. Wo dekhta hai ki Ananya aur Poonam dono hi room me nahi hain. Wo ek sath hi uth kar baith jata hai. Itne me Ananya room me aati hai.

Ananya: Good morning again.

Prem: (smile ke sath) Good morning.

Ananya: Ek baat puchu?

Prem: Han!

Ananya: Aap di ko manana chahte ho na?

Prem: Han!

Ananya: I will help you.

Prem: Par tum kyun help karna chahti ho? Maine jo bhi kia wo galat tha, tumhari behen mujhse naraz hai.

Ananya: Hmm! Abhi naraz hai, par main janti hu ki wo normal ho jaegi. Aapke sath jo bhi hua wo bhi bada hi tha. Us time aap kuch bata nahi paye. Par aapko ek baar aa kar dekhna chahiye tha.

Prem: I know meri galati hai aur ab main ise sudhar nahi sakta, bas maafi hi maang sakta hu.

Ananya: Okay! I will help you in this.

Prem: Thanks!

Dono ki ye baate khatam hoti hain aur Poonam bathroom se naha kar nikalti hai. Prem Poonam ko dekhta hai. Uske baal towel me lipte hue hain. Wo apne baalon ko khol kar towel se ponch rahi hai. Prem ye sab dekh raha hai. Poonam apne baalon ko pochte hue bol rahi hai, “Anu! Tu ja nahane.”

Ananya: (Prem se) Aapko jana hai?

Prem: Yeah! Par mere paas kapde nahi hain.

Poonam: Tumhe yahin rehna hai kya? Ghar jao apne.

Ananya: Arey yaar di…. Mehman bhagwan hota hai aur bhagwan ko bina kuch khilaye nahi bhejte.

Poonam: Ye koi mehman nahi hai.

Ananya: Kya hua? Hum inhe nashta karwa sakte hain na. For the sake of old times.

Poonam chup ho jati hai.

Ananya: Jaiye aap naha lijiye.

Prem: Yeah! Thanks.

Prem bathroom me chala jata hai. Poonam ready hokar room ke bahar chali jati hai. Thodi der baad Prem naha kar nikalta hai aur room ke bahar aata hai. Poonam bahar hi baithi hui hai. Prem dhire se Poonam se kehta hai, “Poonam!”

Poonam: Han! Bolo.

Prem: Wo mujhe comb chahiye tha.

Poonam uth kar apne room me jati hai. Prem uske piche jata hai. Poonam use comb utha kar de deti hai aur bahar jane lagti hai. Prem use fir bolta hai, “Poonam!”

Poonam: (rudely) Ab kya hai?

Prem: Oil milega?

Poonam use oil bhi nikal kar de deti hai aur bolti hai, “Aur kuch?”

Prem oil lagata hai aur bolta hai, “Hath par lagane ke lie kuch milega? Bhot thand hai na.”

Poonam Prem ko moisturizer bhi nikal kar deti hai aur puchti hai, “Aur kuch chahiye?”

Prem: Han! Koi perfume ya deo?

Poonam use apne Papa ka deo lakar deti hai. Prem deo laga raha hai. Poonam use deo lagate hue dekh kar kehti hai, “Arey! Bas bas…. Isse nahana hai kya tumhe?”

Prem: (smiling) Wo kya hai na, kapde purane hain to socha deo ache se laga lu. Thanks!

Prem Poonam ko deo wapas de deta hai. Poonam deo le kar room se bahar aa jati hai aur kitchen me chali jati hai. Prem Poonam ke piche kitchen me aata hai.

Prem: May I help?

Poonam: No!

Prem: I can… Tum jo bhi bolo.

Poonam: Tumhe to cooking nahi aati thi na.

Prem: Wo pehle ki baat hai. Now I can cook, Chinese, Italian, Punjabi, Gujarati, Rajasthani and South-Indian as well.

Poonam: Jayda fenko mat.

Prem: Aisa nahi hai…

Poonam: Then?

Prem: Wo Mom ke jane ke baad seekhna hi pada. Kitne din bahar ka khana khate?

Poonam ko achanak yaad aata hai aur wo thodi naram pad jati hai.

Poonam: Ohh yeah! Main bhul gayi thi. Ye sab kaise hua aur kab?

Prem: Usi year jab humne Delhi chhoda tha. Sab kehte hain heart attack hua tha. Main nahi tha wahan, main hostel me tha.

Poonam: Ohkay!

Prem: To kya help karni hai batao.

Poonam: Koi help nahi karni, bahar baith jao.

Prem: Bolo na Poonam.

Poonam: Tum itne ziddi kyun ho?

Prem: Main to bas help ke lie puch raha hu.

Poonam: Acha thik hai. Ye lo pyaz aur inhe kaato.

Prem: Okay!

Poonam: Aur dhyan se chaku tez hai.

Prem: Don’t worry. I will manage.

Prem pyaz kaatne lagta hai aur uski aankhon me se aansu nikal rahe hain.

Poonam: Pyaz dho lo pehle.

Prem: Main kaat lunga Poonam. Tum baki kaam dekho na.

Poonam apne mann me sochti hai, “Bilkul nahi badla hai. Sunta nahi hai kisi ki, pata nahi kya hoga iska.?”

Aur tabhi awaz aati hai, “Ouuchh!”

Poonam palat kar dekhti hai. Prem ne apne hath ki ungali ko dusre hath se pakada hua hai. Poonam samajh gayi hai ki Prem ka hath kat gaya hai.

Poonam: Bola tha na, bahar baitho tum. Sunte nahi ho. Dikhao mujhe.

Poonam Prem ke hath ko dekhti hai. Hath bhot gehra kat gaya hai.

Poonam: (gusse me) Mana kia tha na. Itna gehra kat gaya hai.

Un dono ki awaz sun kar Ananya bhi wahan phoch jati hai.

Ananya: Kya hua?

Poonam: Hath kaat lia hai.

Ananya: To Dettol hai na, saaf karo aur patti kar do.

Poonam: Gehra hai cut. Hospital le jana padega.

Prem: Main chala jaunga. Paas me hi hai.

Poonam: Tum chup karoge?

Prem: Ek cut hi to hai. Main chala jaunga.

Prem apne hath ko dusre hath se dabata hai aur ghar ke bahar nikal jata hai.

Ananya: Kata kaise?

Poonam: Kyunki ye pagal hai. Mana kia tha maine. Par pata nahi kyun use help karni thi.

Ananya: Di! Wo tujhe manana chahta hai. Tujhe ye pata hai. Chhod na jo bhi past me hua. Wo abhi to tere sath hai na.

Poonam: Aur fir se usne pehle jaise kia to?

Ananya: Life is about to take risks na. Tumhe operation karte me bhi kya pata hota hai ki kuch bigadega ya nahi. Par uske baad bhi pure faith ke sath jate ho na tum log ki tum sab kuch sahi kar doge.

Poonam: Han! Par hume khud par faith hota hai. Main kisi dusre par faith nahi kar sakti.

Ananya: Par ek patient ke lie to tum koi dusre hi ho na. To iska matlab unhe bhi tum par vishwas nahi karna chahiye?

Poonam: Anu! Ye sab baate mat kar mujhse.

Ananya: Main sirf ye sab tere lie hi bol rahi hu. Kyunki abhi tu usse naraz hai, par jab narazgi khatam hogi to tujhe lagega ki tune galat kia tha. Tujhe ek chance dena chahiye.

Poonam: Sochungi… par abhi pehle nashta bana lein?

Ananya: Han! Chal.

Poonam aur Ananya breakfast banane kitchen me chali jati hain. Thodi der baad Poonam ke phone par Prem ka call aata hai. Poonam call receive karti hai, “Hello!”

Prem: Hello!

Poonam: Kahan ho tum?

Prem: Hospital me. Kya tum yahan aa sakti ho?

Poonam: Kya hua? Everything’s fine?

Prem: Yeah! Bas tum yahan aa jao.

Poonam: Okay! Aa rahi hu.

Poonam phone cut karti hai.

Ananya: Kya hua?

Poonam: Pata nahi, hospital me bula raha hai. Main jakar dekhti hu.

Ananya: Okay!

Poonam hospital jati hai aur dekhti hai ki samne bench par Prem baitha hua hai aur uske sir par patti bandhi hui hai. Poonam hairan hoti hai ki Prem hath par lagi chot thik karwane gaya tha, iske sir par chot kaise aa gayi. Wo Prem ke paas phochti hai to uske paas khada ward boy kehta hai, “Ye sir chakkar kha kar gir gaye the. Is wajah se inke sir me chot lag gayi.”

Poonam: Kya?

Ward boy: Han!

Poonam Prem ki taraf dekhti hai. Prem bolta hai, “Pata nahi kaise chakkar aa gaye? Shayad subah se kuch khaya nahi hai na islie.”

Ward boy: Sir blood dekh kar behosh ho gaye the.

Poonam: Hmmm! Okay bhaiya. Thanks!

Poonam dhire se muskurati hai aur apni hasi chupane ki koshish karti hai.

Poonam: Ab chale ghar?

Prem: Han!

Poonam scooty ke piche Prem ko baithati hai aur ghar wapas aa jati hai. Ananya bhi Prem ke sir par lagi chot ko dekhti hai.

Ananya: Ye kya hua?

Prem: Pata nahi kaise black out ho gaya tha.

Poonam: Itna sara blood ek sath nahi dekha na, islie chakkar aa gaye the.

Ananya: Kya?

Poonam: Han!

Ananya aur Poonam ek dusre ko dekhti hain aur fir zor se hasti hain. Prem udas chehra bana kar sofe par baith jata hai.

Prem: Yaaarr! Tum dono has rahi ho.

Poonam: Kisne kaha tha tumhe hero banne ke lie?

Prem: Yaar! Blood tapak raha tha hath se dabane par bhi. Ab ho gaya behosh, mujhe pata thode hi tha ki aise main behosh ho jaunga.

Poonam: Acha hua behosh ho gaye. Nahi to pata nahi kitna shor machate.

Ananya: Hmmm! Waise manna padega, kitni shiddat se pyaz kaat rahe the ki hath kaat lia.

Prem: Chaku sach me bhot tez tha. Kisi ka murder bhi kar sakte ho usse tum log.

Poonam: Nach na jane aangan tedha.

Prem: Tum majak mat udao. Ek to mujhe ab bhi weakness feel ho rahi hai.

Poonam: Tum andar aaram kar lo. Aur hum humara breakfast jo kab se atka hua hai, wo banate hain.

Ananya: Breakfast main la rahi hu. Tum uske paas raho.

Poonam Prem ko lekar room me jati hai aur Prem ko razai odha kar leta deti hai. Prem Poonam ko dekh kar smile karta hai.

Poonam Prem ko room me le gayi hai, dono fir se kuch der ke lie akele hain. Kya Prem Poonam ko apne halaat samjha paega? Ye janne ke lie agla episode padhna na bhule. Tab tak haste rahiye, muskurate rahiye, zindagi ka maza lete rahiye, aur…….

Keep Feeling the Love…………… ❤

One thought on “HUMSAFARS… (E-10)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s