HUMSAFARS… (E-9)

Episode-9

Recap:
Prem Poonam se milna chahta hai aur wo Pooman ke ghar ke niche phoch jata hai. Poonam chupke se ghar ke bahar nikalti hai. Wo dekhti hai ki Prem ne drink ki hui hai. Use kuch samajh nahi aata to wo apni behen Ananya ko phone karti hai. Wo Poonam se Prem ko ghar ke andar le jane ke lie kehti hai kyunki unke maa papa agle din subah subah hi kahin jane wale hain. Wo dono ko apne room me bhej deti hai kyunki Ananya ka room upar hai. Isse aage janne ke lie ye episode padhe.....

Poonam room ko andar se band kar leti hai aur Prem ki taraf mudti hai. Prem Poonam ko hi dekh raha hai.

Poonam: (gusse me Prem ki taraf badhte hue) Tum drink karne lage ho?

Prem: Nahi!

Poonam: To ye sab kya hai fir?

Prem: Bataya to… Main aa nahi pata nahi to kabhi.

Poonam: Tumhe mujhe hamesha pareshan hi karna hota hai?

Prem: Nahi!

Poonam: Kyun ki fir drink? Tumne promise kia tha na? Tumhe kuch bhi yaad nahi hai. Sab bhul gaye ho tum.

Poonam us room me study table par rakha hua scale uthati hai aur usse Prem ko marna shuru kar deti hai. Prem Poonam se bachne ki koshish karta hai.

Prem: Arey! Kya kar rahi ho? Maar kyun rahi ho?

Poonam: Kyunki mera mann kar raha hai.

Prem: Poonam mujhe lag rahi hai.

Poonam: (marte hue) Lagne do. Tum isi ke layak ho.

Prem Poonam ke hath pakad leta hai aur bolta hai, “Ab bas karo na.”

Poonam ruk jati hai aur apne hath chhuda leti hai aur scale wahin rakh deti hai. Prem Poonam ki taraf dekh raha hai par Poonam Prem ko ghur rahi hai. Prem Poonam ke samne apne kaan pakadta hai aur uthak baithak shuru kar deta hai.

Prem: (uthak baithak karte hue) Eeekkk…. Dooooo… Teeeennn….

Poonam: Ab ye sab kya hai?

Prem: (Uthak baithak karte hue) Main kuch bhi bhula nahi hu. Mujhe sab yaad hai.

Poonam: Tumne isse pehle bhi drink ki hai?

Prem uthta hai aur table se scale le jakar fir se Poonam ko de deta hai aur apna muh niche kar leta hai. Poonam Prem ko ghurti hai aur scale phenk deti hai.

Poonam: (ghurte hue) Matlab pehle bhi ki hai.

Prem fir se uthak baithak shuru kar deta hai.

Poonam: (gusse me) Ye natak band karo.

Prem: Ye natak nahi hai.

Poonam: To aur kya hai? Tumhe fark hi kya padta hai, tum to chale gaye the na to meri kahi baatein kaise yaad rahengi?

Prem: (Uthak baithak karte hue hi) Ab kabhi nahi karunga. Please maaf kar do.

Poonam: Main nahi karungi maaf.

Prem: To main ye karta rahu?

Poonam fir se Prem ko ghurti hai. Prem samajh jata hai aur ruk jata hai.

Prem: Okay! Thik hai. Sorry!

Poonam: Aur ye kya tareeka hai? Is tarah agar mere ghar walon ne tumhe dekh lia to tumhare sath-sath mujhe bhi maafi nahi milne wali unse.

Prem: Tumhari behen ne kaha na wo sambhal legi.

Poonam: (gusse se aankhein dikhate hue aur Prem ki taraf badhate hue) Tummm….

Poonam ke aage badhate hi Prem piche ho jata hai.

Poonam: (khud ko shant karte hue) Tumhe milke batana tha na, ab batao kyun gaye the?

Prem: Papa ki wajah se….

Poonam: Kya matlab?

Prem: Tumhe yaad hai na wo function jab hum dono ne ek sath participate kia tha. Aur hum dono us play me main leads me the.

Poonam: Yaad hai.

Prem: Hum 12th class me the aur annual function ki tyari bhot pehle se shuru ho gayi thi.

Poonam: Hmmm…

Prem: Aur us play ke baad maine tumse kuch kaha tha.

Poonam: Ye sab kyun yaad dila rahe ho? Main janti hu tumne mujhse kya kaha tha aur main janti hu ki us din ke baad maine tumhara har pal intezaar kia. Us din ke baad na main thik se padh payi aur na main so payi. Tum to mujhe wo sab bolke chale gaye. Par mere ghar walon ke lie main hamesha ke lie galat ho gayi.

Prem: Kya matlab?

Poonam: Kuch nahi, tum apna batao pehle.

Prem: Aise kyun bol rahi ho?

Poonam: Kyun nahi bolu?

Prem: Main bataunga na. Tum batao mujhe.

Poonam: Mujhe apna ek saal drop karna pada, kyunki main padh nahi pa rahi thi aur mere ghar wale mujhe aage padhana nahi chahte the.

Prem: Kya? Par kyun?

Poonam: Pura din tumhare baare me sochti thi. Ki tum kahan hoge? Tum thik to ho? Tumne mujhe kuch bataya kyun nahi? Aur ek din main apne room me baithe hue yahi sab soch rahi thi. Aur na jane kyun maine ye sab notebook me likhna shuru kar dia. Wo notebook tai ji ko mil gayi aur…. Aur bas fir to mera ghar se nikalna tak band ho gaya. (kuch der ruk kar) Main hi janti hu ki maine kis tarah se apne ghar walon ko yakeen dilaya hai ki ab main in sab chizon se dur rahungi. Main hi janti hu ki kitna mushkil tha wo sab mere lie. Har waqt mere mann me aate hue tumhare khayal se ladna aur ye show karna ki wo sab jo bhi tha, wo ek galati thi. Shayad wo kuch bhi sach hi nahi tha.

Ye sab keh kar Poonam apne aansu pochti hai.

Prem: Mere lie bhi wo sab sach tha…. Aur aaj bhi hai…. Aur ye bhi janta hu ki tumhare lie bhi ye sach hi hai…

Poonam: Nahi!

Prem: To mujhe ghar par kyun roka? Jane dena tha na. Jisne tumhare sath itna galat kia uske lie acha kyun soch rahi ho tum?

Poonam: Mujhe ye sab baatein nahi karni. Mujhe janna hai ki tum kyun gaye the? Aur ab is tarah achanak kyun wapas aa gaye ho?

Prem: Tumhe yaad hai na maine bataya tha mere chacha ji ke baare me.

Poonam: Han!

Prem: Annual function ke baad tumse apne mann ki sari baate kehne ke baad main ghar gaya. Main bhot khush tha. Par ghar jate hi Dad aur Mom ne mujhe bahar hi rok diya. Main un logon se naraz tha kyunki wo log annual function par nahi aaye the. Socha tha ghar jakar un par gussa karunga. Main chahta tha ki annual function ke baad Mom ko tumse milwau. Par jab main ghar phocha to humara sara saman bahar tha.

Poonam: Matlab?

Prem: Chacha ji ne hume ghar se bahar nikal dia tha.

Poonam: Kya?

Prem: Dada ji ko Dad ke against bhot bhadkaya. Last me Dada ji ne Dad ko hi ghar se bahar nikal dia. Nikala Dada ji ne tha par ye sab kia chacha ji ka tha.

Poonam: Aisa kyun kia tumhare chacha ji ne? Wo to tumse bhot pyar karte the.

Prem: Wo sab dikhawa tha. Dad ka confidence jeetne ke lie.

Poonam: To tumne kisi ki help kyun nahi li?

Prem: Relatives to sab pehle hi Dada ji ki side the. Aur doston ne help ki nahi.

Poonam: Tumhare aur tumhare bhaiya ke dost?

Prem: Wo sab kya help kar pate? Hum itne bade bhi nahi the ki friends se help mange aur wo de paye. Aur usi din Dad ne ye shehar chhod dia. Thode bhot paise the Dad ke paas usi se sab kia. Main shuru me tum logon ko contact nahi kar paya, kyunki hum sab hi isi uljhan me uljhe hue the. Shayad dedh mahine baad maine sab ko call kia tha. Tumhara number main dial nahi kar sakta tha, Manav ka phone disconnected tha, Disha aur Nupur ke yahan kisi ne phone to uthaya tha par jab bhi maine apna naam bataya unhone phone kaat dia. I don’t know why? Main sach bol raha hu, I swear.

Poonam: To tumne college kab se join kia?

Prem: Exams to ho hi gaye the humare bas result aana tha.

Poonam: Par tumhare entrance exams to hone the. Wo sab kaise die?

Prem: Wo sab die the. Par kisi ka result acha nahi aa paya. Kyunki main bhi padh nahi pa raha tha. Par jis bhi college me admission mila le lia. Us time bas jald se jald Dad ki help karni thi hume. Main bas jaldi se apni padhayi puri karke unke lie kuch karna chahta tha.

Poonam: Tum log rehte kaise the? Uncle kaam karte the?

Prem: Han! Dad ne ek job kar li thi aur bhaiya bhi job karne lage the.

Poonam: Kahan gaye the tum log?

Prem: Allahabad.

Poonam: Aur tumhara college kahan tha? Wahin?

Prem: Nahi! Jaipur.

Poonam: Wow!

Prem: Kya… hua?

Poonam: Tum log Delhi se Allahabad gaye aur wahan se tum Jaipur gaye, par tumhe ek baar bhi khayal nahi aaya ki Delhi me koi hai jo tumhara wait kar raha hoga? Tumne ek baar bhi ye nahi socha ki main doston se mil leta hu?

Prem: Poonam… Wo…

Poonam: (Prem ki baat ko kaatate hue) Mere ghar ka pata nahi tha. Aur baki sab phone ni utha rahe the. Sab maan lia. Par ghar to ja sakte the na. Jaise ab mere piche pade ho tab kyun nahi aaye? Dus saal baad tumhe achanak se sab yaad aa gaya aur tum wapas aa gaye aur ab chahte ho ki sab tumse pehle ki tarah behave kare?

Prem: Poonam! Main manta hu meri galti hai. Main pehle nahi aaya kyunki mujhe Dad ko pareshan dekh ke bura lagta tha. Main unhe pareshan nahi dekh sakta tha.

Poonam: Tum yahan aake ye sab hume batate to hum tumhe help karte shayad. Tumhe motivate karte. Kam se kam ek baar to aate.

Prem: Poonam! (sir jhuka kar) Main janta hu meri galati hai.

Poonam: Tumhe kuch aur bhi kehna hai? Ya bas yahi sab kehna tha?

Prem: I am sorry Poonam!

Poonam: (bed ki taraf ishara karke) Tummm… (apne aansu rokte hue) yahan so jao.

Prem: (Poonam ko dekhte hue hi) Aur tum?

Poonam: Main Ananya ke paas ja rahi hu.

Prem: Thodi der ruk sakti ho?

Poonam: Kafi der ruk gayi. Ab rukna possible nahi.

Poonam ye bolke room se bahar chali jati hai. Prem akele room me baitha hua hai, uski aankhon me aansu hain. Poonam wahan se Ananya ke paas nahi chhat par jati hai. Wahan wo thodi der roti hai. Wahin rehti hai, shayad apne mann ke gubaar ko kam karna chahti hai. Thodi der rone ke baad wo Ananya ke paas room me jati hai. Ananya so chuki hai. Wahan Poonam apne bed par nahi letati. Wo Ananya ke paas hi uske bed par jake let jati hai. Poonam ke aane se Ananya ki neend khul jati hai.

Ananya: Tu yahan kaise? Prem ke paas rehna tha na tujhe.

Poonam: Mujhe nahi rehna uske paas.

Ananya: Kya hua? Sab thik hai?

Na chahte hue bhi Poonam ki aankho se fir aansu chhalak aate hain. Poonam Ananya se lipat kar rone lagti hai.

Ananya: (Poonam ko chup karate hue) Kya hua? Bolegi?

Poonam: Nahi! Mujhe aise hi rehna hai.

Ananya: Thik hai. Sone ki koshish kar.

Poonam aankhe band kar leti hai. Ananya Poonam ke sir par hath fer rahi hai. Prem bhi kamre me leta hua chhat ko dekh raha hai.

Kya hoga ab? Kis tarah ye dono mil paenge? Kaise Prem Poonam ko mana paega? Kya Prem ne jo bhi kuch kia wo sahi tha? Pyar ki rahon me itni mushkile kyun hoti hain pata nahi. Par dekhte hain ye dono kaise apni manzil tak phoch pate hain.

Agla din chhutti ka din hai. Jaise ki Ananya ne kaha tha Maa Papa subah 6 baje hi chale jaenge. Wo dono subah hi chale jate hain. Poonam aur Ananya dono ko bye bol kar ghar ke andar aati hain.

Poonam: Anu! Please ek cup chai bana na, mere sir me dard ho raha hai.

Ananya: Dard to hoga hi, thik se soyi nahi hai.

Poonam: Hmmm!

Ananya: Kya hua tha kal?

Poonam: Chhod na! Mujhe usse baat nahi karni ab.

Ananya: Par hua kya ye to bata.

Poonam: Usne reason bataya mujhe, jo mujhe samajh nahi aaya.

Ananya: Kya reason tha?

Poonam: Anu! Subah subah…

Ananya: Bol na meri behen.

Poonam: (smiles) Chai bana.

Ananya: Arey bana rahi hu. Tu batati ja na.

Poonam: Uske Papa ko unke ghar walon ne ghar se nikal dia tha. To unhe usi time shehar chhod kar jana pada.

Ananya: Han to sahi to hai.

Poonam: Kya sahi hai? Itne saalon me ek baar aakar apni majboori to batata. Allahabad gaye the wo log.

Ananya: Prayagraj!

Poonam: Arey! Han na. Tujhe tragedy me comedy karni hai?

Ananya: Nahi! Nahi! Bata na.

Poonam: Wahan par iske Papa ne job ki aur ise Jaipur padhne bheja.

Ananya: Tera main point kya hai?

Poonam: Hum kahan rehte hain?

Ananya: Delhi.

Poonam: Delhi aur Jaipur me kitna difference hai?

Ananya: Nahi yaar bhot time lagta hai.

Poonam: Tu uski side mat le.

Ananya: Arey yaar! Main side nahi le rahi. Par nahi aa paya hoga.

Poonam: Kam se kam ek baar to aana chahiye tha. Ye koi excuse nahi hai dus saal ke lie. Aur meri shadi ho gayi hoti to kya karta?

Ananya: Hmmm… Tera gussa valid hai. Par ab wo aaya hai, itni maafi maang raha hai. Har time tere piche ghumta rehta hai. Ye sab bhi to dekh na.

Poonam: How can I trust him, ki jo pehle kia tha wo ab nahi karega. Pehle bhi aise hi tha wo, har baat me mujhse consult karna, mere baare me soch kar hi sab kaam karna. Par dekh lia maine ki kya kia usne. Islie I can’t trust him anymore.

“Tumhe bhi to tumhare ghar walon ne ek chance dia tha na Poonam. Mujhe bhi bas ek chance chahiye.” Prem piche se aakar bolta hai.

Poonam aur Ananya dono hi use dekh kar surprised ho jate hain.

Hmmm! Socha tha Poonam Prem ki baat sun kar maan jaegi, par wo to usse aur naraz ho gayi. Kya uska Prem par naraz hona sahi hai? Kya use Prem ko ek mauka nahi dena chahiye tha? Kya Prem ki ye galati itni badi hai? Bataiyega zarur. Aur ab Prem Poonam ko kis tarah samjhaega ye dekhne ke lie aage ka episode bhi padhiega zarur.

Tab tak ke lie aapse vida lete hain. Please haste rahiye, muskurate rahiye, zindagi ka maza lete rahiye…….

Keep Feeling the Love…………<3

One thought on “HUMSAFARS… (E-9)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s