HUMSAFARS…(E-6)

Episode-6

Recap: Raat me Prem Poonam ko phone karta hai. Prem Poonam se maafi mangta hai. Wo batati hai ki kaise uske jane ke wo apni padhayi nahi kar payi, uska ek saal drop ho gaya. Uske ghar walon ko bhi Prem ke baare me pata chal gaya tha to usne unka gussa bhi saha. Prem Poonam se aur janne ki koshish karta hai. Par poonam itne gusse me hai ki wo phone kaat deti hai. Prem preshan ho jata hai aur apne purane school ke dino ke baare me sochne lagta hai. Jab uski dost Nupur aur Sam ne Prem ke mann me ye misunderstanding paida kar di thi ki Poonam Prem ke sath ek hi seat par baithne ke lie uncomfortable hai. Jise Prem sach samajh leta hai aur Sam ke paas jakar baith jata hai. Isse aage kya hua ye janne ke lie ye episode padhe…….

Kuch din aise hi beet jate hain. Poonam ab Nupur ke sath baithne lagi hai aur Sam Prem ke paas. Par kehte hain na ki bhagwan ke aage kisi ki nahi chalti aur shayad ye hi hua Prem aur Poonam ke sath bhi. Unki class teacher change hui aur nayi class teacher ne bacchon ko roll number wise baithaya. Jisme Prem aur Poonam fir se ek hi seat par baith gaye. Class me jab class teacher ne Prem aur Poonam ka naam ek sath baithne ke lie lia to Poonam ke dil ki muraad jaise puri ho gayi ho. Usne jo chaha use mil gaya tha. Usne bhagwan ka dhanywad kia. Par use aage khud se mehnat karni thi. Prem aur Poonam ek seat par baith to gaye par ab Poonam ko Prem ko manana tha.

Prem Poonam sath seat par to baith gaya hai par ab bhi gusse me hai.

Prem: I am sorry. Tumhe fir se mujhe jhelna padega.

Poonam: Aisa kuch nahi hai Prem.

Prem: I will try ki main kam se kam bolu.

Poonam: Uski zarurat nahi padegi.

Prem: Nahi! Jo mujhse baat nahi karna chahta main bhi usse baat nahi karna chahta.

Poonam: Aisa nahi hai ki main tumse baat nahi karna chahti. I am sorry, us din ke lie.

Prem: It’s Okay Poonam. I know tumhe ajeeb lagta hai, islie don’t worry main tumhe ajeeb nahi lagne dunga.

Prem ki ye baat sunke Poonam kuch bol nahi pati aur chup ho jati hai.

Prem ne jaise kaha tha wo bilkul waise hi kar raha tha. Wo Poonam se ek shabd bhi nahi bolta tha. Sirf padhayi karta tha aur agar baat karni hoti thi to seat ke aage piche wale logon se baat karta tha.

Lekin ek din fir wahi hota hai, jo pehle ek baar ho chuka hai. Poonam school aati hai, Prem volleyball khel raha hai. Jaise ki Volleyball ground school ke andar enter karne ke baad kuch hi duri par hai. Poonam Prem ko dekhti hai, Prem bhi Poonam ko dekhta hai aur ball fir se usi tarah Prem ke muh par jakar lagti hai. Prem fir se chillata hai aur game chhod kar aa jata hai. Poonam ye sab dekhti hai aur use hasi aa jati hai.

Prem: Tum has rahi ho?

Poonam: (serious ho kar) Nahi to!

Lekin fir se use hasi aane lagti hai.

Prem: I can’t believe this.

Poonam: Okay! Sorry! Sorry! Sorry!

Prem: No Sorry… I don’t need sorry.

Poonam: But I want to say sorry.

Prem: Why? Tumhari galati nahi thi. It was my mistake.

Poonam: Nahi! Meri galati thi jo main tumhari seat se uth kar Nupur ki seat par gayi.

Prem: Ab rehne do us baat ko. It’s okay, main pehle bhi bol chuka hu. Shayad meri baatein tumhe pasand nahi aayi. You don’t like me.

Poonam: No, I like you Prem.

Prem: (surprisingly) You like me?

Poonam: Yes! I meannnn…..as a friend.

Prem: Then why you left that seat?

Poonam: Wooo… Sam wanted to sit with you.

Prem: Aur tumne tyag kar dia?

Poonam: (Niche dekhte hue, dheemi aawaz me) Han!

Prem: Tum pagal ho kya? Aur itne din se bataya kyun nahi?

Poonam: Kaise batati tum mujhse baat karte ho?

Prem: Hum ek hi seat par baithte hain na. Tum jo bhi bologi wo mere kaano me jaega hi.

Poonam: (Dheemi aawaz me) Par mujhe samajh nahi aa raha tha ki baat kaise shuru karu.

Prem: Dekho! Jitna tyag karna tha kar lia, par ab se mere sath ye tyag wali chiz nahi karogi tum.

Poonam: (smiling) Hmmm!

Prem: Aur agar kisi ne kaha to sabse pehle mujhe aake bataogi.

Poonam: Hmmm!

Prem: (Zor se bolte hue) Aur tum pagal ho kya? Mujhe bataya kyun nahi itne din tak?

Poonam: Sorry na!

Prem: What sorry? Pagal ladki.

Poonam ko is waqt Prem ki daant bhi achi lag rahi hai. Prem Poonam ka bag leta hai aur class me jakar apni seat par rakh deta hai. Bag rakh kar wo palat jata hai. Poonam uske samne khadi hai wo Poonam ko dekh kar muskurata hai. Poonam bhi muskurati hai.

Prem: Aur batao tumhari tai ji kaisi hain?

Poonam: Khush hain. Mujhe akele aate hue dekh rahi hain.

Prem: Thik hai. Aaj se wo fir se dukhi hone wali hain.

Poonam aur Prem dono muskurate hain.

Prem: Chalo ab nahi to assembly ke lie late ho jaenge.

Poonam: Hmmm!

Assembly ke baad class shuru hoti hai. Par aaj dono ka class me dhayan nahi hai. Wo dono act to kar rahe hain ki class me dhyan de rahe ho, par wo copy par likh-likh kar ek dusre se baate kar rahe hain.

Prem: Ek baat batao, ye Nupur ne bhi help ki Sam ki?

Poonam: Usi ka pura idea tha.

Prem: Nupur ko ab main bataunga. Meri friend hoke uska sath deti hai.

Poonam: Please ab ise rehne do yahi. Kuch mat karna.

Prem: Kyun nahi?

Poonam: Tumhe ye sab kisne bataya? Maine hi, to fir wo mujhe bolengi na.

Prem: Hmmm! Ok. Nahi kahunga kuch. Par Sam ko mere sath baithne me kya interest hai?

Poonam: She likes you.

Prem: Likes me?

Poonam: Han! Waise wala like jaise tum Disha aur Manav ke lie bol rahe the.

Prem is baat ko padh kar shock ho jata hai aur aage notebook par likhta hai, “Seriously?”

Poonam: Han baba! Use tum class me sabse ache lagte ho.

Prem: Should I approach her?

Poonam: (ghurte hue) No!

Prem muskurata hai aur uski is muskurahat ke sath period bhi over ho jata hai. School ke time me Prem Poonam se naraz tha aur Poonam ne uski misunderstanding dur kar ke uski narazgi bhi dur kar di. Par kya aaj jab wo 10 saal baad Poonam se mila hai, wo bhi Poonam ki narazgi dur kar paega?

Ab sab baate abhi bata di to aap aage kaise padhenge? Please padhiega zarur. Kyunki likh kar aapka manoranjan karna mera shaunk hai aur padh kar manoranjit hona aapka. Hai na! To next episode ke lie kal tak ka intezaar kijiye, swasth rahiye, zindagi ka maza lete rahiye, har pal ko jeene ki koshish kijiye and also……..

Keep Feeling the Love…………..<3

One thought on “HUMSAFARS…(E-6)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s