HUMSAFARS…(E-5)

Episode-5

Recap: Poonam apne mann ki baate apni maa ko batati hai. Uski maa use shant reh kar Prem ki baat sunne ki salaah deti hain. Agle din wo waisa hi karti hai. Jab Prem usse baat karta hai to wo shant rehti hai. Prem usse apne baki doston ke baare me puchta hai, jisse use ye pata chalta hai ki agle mahine uske dost Disha aur Manav ki sagayi hai. Prem Poonam se wahan jane ke lie kehta hai, par Poonam use wahan jane ke lie saaf mana kar deti hai. Prem Poonam ko contact karne ke lie uska phone number lekar wahan se chala jata hai. Jab Poonam ghar par aati hai to Poonam ki behen Ananya aur Poonam ki maa dono usse Prem ke bare me puchti hai. Aage janne ke lie ye episode padhe……

Raat me jab sab log sone ke lie apne apne rooms me chale jate hain. Poonam bhi sone ke lie let jati hai aur Ananya Poonam ka phone leke usme koi game khel rahi hai. Tabhi ek watsapp message Poonam ke phone me aata hai. Ye koi aur nahi Prem hi hai. Ananya jab message dekhti hai to koodne lagti hai aur Poonam ko jaga deti hai.

Poonam: Kya hai? Tujhe itni raat me bhi chain nahi hai. Sone degi ya nahi?

Ananya: Prem ka message… Prem ka message…

Poonam: Kya? Par tujhe kaise pata ki Prem hi hai?

Ananya: Arey usne bola hai. Dekh le khud hi.

Poonam phone leti hai aur dekhti hai. Message hai, “Hey Poonam! It’s me Prem. I hope I am not disturbing you. May I talk to you?”

Poonam: Hmm! Hai to wahi. Par ise aur koi time nahi mila message karne ka? Dekh raat ke 10:30 baje rahe hain.

Ananya: Tu pagal hai kya? 10:30 baje bas tu hi soti hai.

Poonam: Okay! To reply karu.

Ananya: Hannnn! Aur kya?

Poonam phone leti hai aur reply karti hai, “Hii!”

Prem apne ghar me phone hath me lie hi baitha hai. Jaise hi wo Poonam ka reply dekhta hai khush ho jata hai. Wo reply karta hai, “Thanks! Tumne reply kia.”

Poonam message karti hai, “Kyun msg kia hai mujhe itni raat me? Koi kaam hai?”

Prem: Koi kaam to nahi hai. Par bas aise hi tumse baat karne ka dil kia.

Poonam: Koi zaruri baat nahi hai to fir main so rahi hu.

Prem: Nahi! Plz… Ruko na…

Poonam: Bolo…

Prem: Kya tum mujhe maaf nahi kar sakti?

Poonam: Ye baat tumhe chat par karni hai?

Prem: Karni to tumhare samne chahiye. Par tab tum sunti nahi ho. Islie socha ki is tarah baat karu. Main call karu kya?

Poonam: Nahi! Ye koi time hai call karne ka?

Prem: Han! Time to nahi hai, par fir bhi…

Ananya Poonam se puchti hai, “Kya bol raha hai?”

Poonam Ananya ko batati hai, “Use call par baat karni hai.”

Ananya: To kar le. Kya problem hai?

Poonam: Nahi maine use mana kar dia hai. Ye koi time hai call karne ka?

Ananya: Tu pagal hai kya? Aur kab baat karega wo tujhse? Din bhar tu busy rehti hai. To kabhi to baat karega na.

Poonam: Hmmm! Par maine aise kabhi baat nahi ki itni raat me.

Ananya: Kyunki tune Prem ke jane ke baad sab chizon ko kuch jyada hi seriously le lia tha. Leti bhi kyun nahi, tujhe bhot daant padi thi. Par main bhi karti hu baat aise raat me… to chill…

Poonam: Tu kab karti hai?

Ananya: (Haste hue aankh marke) Jab jab mujhe apne room me sone ka mann karta hai.

Poonam: Tu bhot chalu hai.

Ananya: Wo to main hu. Aur ab main ja rahi hu. Tu usse baat kar le phone par.

Poonam: Anuu! Sach me karu?

Ananya: Han! Kar le. Acha hai tere lie.

Poonam: Okay! main use bolti hu.

Ananya: Good night!

Poonam: Good night!

Poonam fir se phone me dekhti hai. Prem ke kayi messages hain. Wo use reply karti hai, “Okay! Call karo. Par jyada der nahi.”

Jaise hi ye message Prem ke paas deliver hota hai, waise hi Poonam ke paas uski call aane lagti hai. Poonam sochti hai, “Uthau ya nahi…” Par wo phone utha leti hai.

Prem: Hello!

Poonam: Hello!

Prem Poonam ki awaz sunkar muskurata hai.

Prem: Thanks!

Poonam: (rudely) Bolo jaldi kya kehna hai?

Prem: Bas yahi ki jitna rude tum bolti ho, uski 10% bhi rude nahi ho tum.

Poonam chup rehti hai.

Prem: Gusse me hi sahi par meri har baat maan jati ho.

Poonam: Aisa kuch bhi nahi hai.

Prem: Aisa hai. Tumhe nahi pata.

Poonam: Tumhe yahi baat karni hai?

Prem: Arey nahi!

Poonam: Bolo fir.

Prem: Poonam! Maine tum sab ko bhot miss kia. Aur sach me agar mujhe tumhara ghar pata hota to main sabse pehle tumhare ghar jata.

Poonam: Ghar nahi par gali to pata thi. Kabhi ek baar bhi yahan aaye?

Prem: Roz!

Poonam: Roz?

Prem: Han! Roz… Par tum mujhe kahin dikhi hi nahi. Pata hai us gali ke andar bhi gaya tha main. Ye soch kar ki shayad tumhare ghar par tumhare Papa ka naam likha hoga aur main wo padh ke tumhe dhund lunga.

Poonam: Wo… Ghar ke bahar… Dada ji ka naam hai.

Prem: Isilie…… dhund hi nahi paya. Aur ye darr bhi tha ki kahin tumhari tai ji ne dekh lia to tumhe kuch na kahe.

Poonam: Tai ji ab humare sath nahi rehti. Wo log chale gaye hain yahan se.

Prem: Kahan?

Poonam: Apne beton ke paas.

Prem: Jo abroad me rehte hain?

Poonam: Tumhe yaad hai?

Prem: Sab yaad hai mujhe.

Poonam: Tum yahan is shehar me wapas kab aaye?

Prem: 6 ya 7 month.

Poonam: Aur tum ab ye sab bol rahe ho?

Prem: Poonam bataya na, maine try kia tha.

Poonam: Tum gaye hi kyun the?

Prem: Main jana nahi chahta tha.

Poonam: Main nahi manti.

Prem: Tumhe mujh par vishwas nahi kya Poonam?

Poonam: (aankhon me aansu lie) Nahi!

Prem: Mujhe pata hai tum jhooth bol rahi ho.

Poonam ki awaz me Prem uska rona sun leta hai.

Poonam: Batao! Tum kyun gaye the?

Prem: Poonam pehle rona band karo.

Poonam: Tum mujhe bataoge ya nahi?

Prem: Poonam! Pehle chup ho jao.

Poonam: (rote hue) Aur gaye the to tum mujhe bata kar nahi ja sakte the?

Prem chup rehta hai.

Poonam: Tumne mujhse wo sab kaha hi kyun tha jab tumhe agle din jana hi tha. (Sisakte hue) Aur main pagalon ki tarah tumhara wait karti rahi. Sabko ye bolti rahi ki tum aa jaoge.

Prem bas Poonam ki baatein sun raha hai.

Poonam: Tumhe pata hai. Main kitni pareshan rahi thi tumhare jane se? Har waqt bas tumhare bare me sochti thi. Mera ek saal kharab ho gaya tumhari wajah se. Ghar par Maa Papa aur tai ji tau ji ki baate suni wo alag.

Prem: Kya? Tai ji tau ji? Maa Papa?

Poonam: Ek baar to ye laga tha ki main ab Maa ka trust dobara kabhi gain nahi kar paungi.

Prem: Kya hua tha Poonam? Batao mujhe.

Poonam: Nahi batana mujhe.

Ye kehke Poonam phone kaat deti hai. Prem sunna chahta tha. Par Poonam ne phone kaat dia. Usne dobara call kia. Par Poonam ne phone nahi uthaya. Uske baad Prem ne use kayi message kie. Uske jawab bhi Poonam ne nahi die. Prem fir bhi koshish karta raha aur usne message kie, “Poonam!”

“I am sorry.”

“I never wanted to hurt you.”

“Main kuch bhi purana yaad nahi dilana chahta tha.”

“Please! Bas ek bar call utha lo Poonam.”

“Plzzzzz…”

Poonam ye sab padhke use call karti hai. Prem turant call receive kar leta hai.

Prem: Hello!

Poonam: Hello!

Prem: Thank God tumne phone kia.

Poonam: Bolo.

Prem: I am sorry. Mujhe nahi pata kya hua tha tumhare sath. Tumhe jab thik lage tab batana. But Poonam, bas itna kehna chahta hu. That I missed you. I missed you a lot.

Poonam ki aankhon se aansu gir rahe hain. Prem bhi ab emotional ho gaya hai.

Prem: Poonam! Pata hai main jahan bhi gaya na. Aisa nahi hai maine dost banane ki koshish nahi ki. Mere dost bhi bane. Par tum jaisa, mujhe koi nahi mila.

Poonam chupchap Prem ki baatein sun rahi hai.

Prem: Maine pehle bhi kaha tha aur aaj bhi mere lie ye sach hai Poonam. Tum meri sabse special dost ho. Mujhe Manav, Nupur ya Disha jaise dost mil jaenge. Par mujhe tum nahi milogi. Ye baat main pehle bhi janta tha. Par tum se alag hone ke baad, main ye aur ache se samajh chuka hu.

Poonam: Aur islie ab tum yahan aaye. Ki ek Poonam to hai hi jo pagal hai. Wo to maan hi jaegi.

Prem: Aisa bilkul nahi hai Poonam. Please don’t misunderstand me.

Poonam: Prem! Mujhe abhi baat nahi karni hai. Mere sir me dard ho raha hai. Kya main so sakti hu?

Prem: (udas aur maayus) Okay!

Poonam: Thanks! Good night.

Prem: Good… (Poonam phone kaat deti hai) Night.

Poonam let jati hai aur apni aankhe band kar leti hai. Prem bhi let jata hai, par uske dil aur dimag me is waqt bas Poonam hai. Aur wo Poonam ke baare me soch raha hai. Aur yahi sab sochte hue wo bhi purane dino me kho jata hai….

Old days….

Prem: Kya? Tumhari tai ji ne kaise dekha par?

Poonam: Pata nahi.

Prem: Jyada daant padi?

Poonam: Tai ji bol rahi thi, par Maa ne chup kara dia.

Prem: Okay! (after a pause) To tum aaj nahi jaogi mere sath?

Poonam: Tum batao. Mujhe jana chahiye?

Prem: Ummhh… Main tumhe…. Thoda aur pehle utar dia karunga.

Poonam Prem ko dekhti hai aur muskurati hai.

Poonam: Okay!

Ye baat usse agle din ki hai jab Poonam ki tai ji ne Prem aur Poonam ko scooty se ek sath jate hue dekha tha. Aur ab dono ne hi decide kia hai ki wo sath me to jaenge par Prem Poonam ko thoda aur pehle chhod dega. Jaise hi dono ye decide karte hain. Waise hi recess ki bell baj jati hai. Sabhi log lunch ke lie chale jate hain. Poonam, Disha, Nupur aur baki ladkiyan lunch kar rahi hain. Tabhi Nupur ki friend Samiksha Poonam se kehti hai, “Poonam! Kya baat hai aaj kal tu aur Prem sath baith rahe ho?”

Poonam: Bas wo Manav Disha ke sath baith jata hai to fir mere lie seat nahi rehti.

Samiksha: Waise tumhe bhot ajeeb lagta hoga na Prem ke sath baith kar. Tum log kahan aise boys ke sath baithe hoge apne schools me? Chalo tum ek kaam karna, recess ke baad tum Nupur ke paas baith jana. Main Prem ke paas baith jaungi.

Poonam: Nahi! It’s okay Sam (Samiksha’s nick name). Main baith jaungi.

Samiksha: Tumhe Prem me interest hai kya?

Poonam: Nahi! Mujhe kyun interest hoga?

Samiksha: Mujhe hai. Wo class ka most adorable ladka hai.

Nupur: Ise baithne de na Poonam. Tu mere sath baith jana.

Poonam: Lekin Prem ko bura bhi lag sakta hai.

Nupur: Use main sambhal lungi.

Poonam kuch kehti nahi, par use andar hi andar acha nahi lagta ki Sam Prem ke sath baithna chahti hai aur wo usme interested hai. Par fir bhi wo Nupur ke kehne se apni seat Sam ke sath exchange kar leti hai.

Recess khatam hoti hai aur sab log class me aate hain. Prem jab Sam ko apni seat par baitha hua dekhta hai to wo hairan ho jata hai aur wo Sam se puchta hai, “Tum yahan kaise? Yahan to Poonam baithi thi na.”

Samiksha: Poonam ko ek ladke ke sath baithne me uncomfortable lag raha tha. To islie maine usse seat exchange kar li.

Poonam ye sunti hai aur bolna chahti hai ki ye sab galat hai par wo Sam aur Nupur ke samne kuch keh nahi pati aur chup rehti hai.

Prem Poonam ki taraf dekhta hai. Poonam kuch nahi bolti. Par Nupur bolti hai, “Tujhe to pata hi hai, Poonam thodi introvert hai aur use aise boys ke sath baithne me problem hoti hai. So humne uski help kar di.”

Prem: Really Poonam? Tumhe mere sath baithne me problem hai?

Poonam kehna chahti hai, “Nahi Prem aisa kuch nahi hai.” Par wo kehti hai, “Wo…. Prem….”

Wo bas itna hi keh pati hai aur Prem use kehta hai, “Agar ye hi baat thi to tum mujhe bata sakti thi. Maine tumhe bola tha ki kuch bhi ho tum mujhe bol sakti ho.”

Nupur: Tujhe to pata hai. Wo kam bolti hai.

Prem: It’s okay Poonam. I will not disturb you from now.

Poonam ye sab sun kar udas ho jati hai. Wo chup to rehti hai, par sochti hai ki chhutti hone ke baad Prem se is baare me baat karegi. Sam is mauke ka fayda uthati hai aur wo Prem se close hone ki koshish karti hai. Usse baat karke uski achi dost hone ki koshish karti hai. Lekin Prem use koi khaas bhav nahi deta. Chhutti hoti hai aur Prem Poonam se bina mile hi chala jata hai. Poonam ye dekh kar udas hoti hai. Par use lagta hai ki usi ki galati hai aur wo apne ghar chali jati hai.

Poonam Prem ko kaise sach bataegi ye to ab kal hi pata chalega. Waise mujhe bhi is waqt Sam par gussa aa raha hai. Achi khasi story me villain banne aa gayi. Kal dekhiyega ki Poonam is villain se kaise nibatati hai. Tab tak aap apne khayal rakhiye, swasth rahiye, zindagi ke har pal ko khul mehsoos kijiye aur last me bas….

Keep Feeling the Love……….<3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Madhusudan Singh

Hindi Poems

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

%d bloggers like this: