HUMSAFARS…(E-3)

Episode-3

Recap: Poonam Prem ki family se milti hai. Wo log decide karte hain ki ab aage wo log Poonam se hi uski bhabhi ka treatment karwaenge. Prem apni bhabhi ko batata hai ki Poonam Prem ke sath school me thi. Poonam bhi is baat se agree karti hai. Wo unhe discharge ke baare me bolke wahan se chali jati hai. Prem Poonam se baat karne ki koshish karta hai. Par Poonam usse thik se baat nahi karti. Ghar phoch kar Poonam purani baaton me kho jati hai. Wo apne school ke din yaad karti hai, jab wo pehli baar Prem se mili thi. Unki friendship kaise shuru hoti hai wo sab sochne lagti hai. Poonam wahi sab sochte hue us din ke baare me soch rahi hai jab wo aur Prem akele movie dekhne gaye the. Aage kya hua ye janne ke lie, aage ki story padhiye……

Agle din Poonam jab school phochi tab Prem kuch friends ke sath volleyball khel raha tha. Par na jane kyun Poonam ke wahan aate hi Prem ka sara dhayan Poonam ki taraf chala gaya. Poonam ne bhi Prem ko dekha aur use dur se hi “Hi!” wave kia. Prem muskuraya aur itne me hi volleyball Prem ke muh par aakar lagi. Prem ko bhot gussa aaya aur wo chillaya, “Ye kya tarika hai? Kam se kam dekh ke to ball do.”

Tab uske sath khel rahe ek ladke ne kaha, “Jab game khel raha hai to dhayan idhar hi hona chahiye kahin aur nahi.”

Uski ye baat sunkar Prem ne kaha, “Thik hai. Tum log hi khelo.” Aur wo game chhod kar Poonam ke paas chala gaya. Poonam ke paas jake usne ek baar fir use bola, “Hi!”

Poonam: Hi! I am sorry. Meri wajah se tumhare lag gayi.

Prem: Ohh! Wo meri galati thi. Waise class ja rahi ho?

Poonam: Han!

Prem: Tum chaho to meri seat par apna bag rakh sakti ho.

Poonam: Han! Par main Disha ke sath baithti hu.

Prem: Par Disha to aaj Manav ke sath baithi hai.

Poonam: Kya? Par kyun?

Prem: Ab ye to tum usi se hi puchna.

Poonam: To main Nupur ke sath baith jaungi.

Prem: Nupur Samiksha ke sath baithi hai. Tumhe pata to hai, uski bonding alag hai Sam ke sath.

Poonam: Han!

Prem: Par mujhe ye acha nahi laga.

Poonam: Kya?

Prem: Jane do. Jao tumhe jahan baithna hai baith jao.

Poonam: Tumhe kya acha nahi laga?

Prem: Yahi ki tum sabke sath baith sakti ho par mere sath nahi.

Poonam: Nahi! Aisa nahi hai. Main baith sakti hu.

Prem: Tumhe abhi bhi problem hai mujh se?

Poonam: Nahi Prem! Main tumhari seat par hi bag rakh ke aati hu. Okay?

Prem: (Muh banate hue) Tumhari marzi, main force nahi karunga tumhe.

Poonam jati hai aur Prem ki seat par apna bag rakh kar bahar aati hai. Prem bahar hi khada hai.

Poonam: (Prem ke paas jakar) Waise pata chala ye log kyun nahi aaye the us din?

Prem: Disha ke ghar walon ko end time par kahin jana pada islie Disha nahi aayi. Disha ke sath hi Manav ko aana tha islie wo nahi aaya. Aur Nupur ko Manav ne phone karke bata dia tha islie wo bhi nahi aayi.

Poonam: Par atleast hume to inform karna chahiye tha.

Prem: Yeah! Maine yahi kaha tha. Par ye log bolne lage ki kaise inform karte, aur unhe laga ki agar wo log nahi jaenge to hum wapas chale jaenge.

Poonam: Maine to pehle hi kaha tha tumse ki chalte hain. Ab wo log kaise dekhenge movie?

Prem: Poonam! Plan kharab unhone kia, humne nahi. Aur agar Disha nahi aa sakti thi to Manav to aa sakta tha, kya usne rasta nahi dekha tha? Ab jaenge khud teeno.

Poonam Prem ko dekh rahi hai. Prem Poonam ko dekhta hai.

Prem: Kya? Aise kya dekh rahi ho? Sahi bol raha hu main. Aur acha hi hua na, wo log nahi aaye. Hum dono ki baat hone lagi. Jo hota hai, ache ke lie hota hai.

Poonam Prem ki baat sunke muskurati hai. Prem bhi Poonam ko dekh kar muskurata hai. Itne me assembly ki bell bajti hai aur Prem aur Poonam assembly ke lie chale jate hain.

Assembly ke baad sabhi class me aate hain. Disha aur Nupur Prem aur Poonam ko sath me baitha dekh kar hairan hoti hain. Disha Poonam se kehti hai, “Tu aur Prem ke sath?”

Prem Disha ki ye baat sunkar kehta hai, “Kyun? Kya wo mere sath nahi baith sakti?”

Disha: Maine kab mana kia? But is she comfortable?

Prem: Are you comfortable with Manav?

Disha chup ho jati hai aur apni seat par chali jati hai.

Disha ke jane ke baad Poonam Prem se kehti hai, “Tum aise kaise bol dete ho har kisi se?”

Prem: Jaise sab bol dete hain. Usne bhi to same question pucha na tumse. Maine bhi puch lia. Jab wo tumse jawab maang sakti hai to tumhe jawab de bhi sakti hai na. Aur jab uske paas koi jawab nahi tha to chali gayi na wo. Aur waise bhi uske seat change karne ki wajah se hi tum yahan baithi ho.

Poonam: Tum kitna bolte ho.

Prem: Arey! Main to tumhari hi side se bol raha hu fir bhi…. Okay! Ab nahi bolunga.

Poonam: Gussa bhi bhot jaldi hote ho.

Prem ab chup rehta hai, kuch nahi bolta. Teacher class me aate hai aur padha kar chale jate hain, par Prem ab ek shabd apne muh se nahi nikalta. Poonam ye notice karti hai. Wo try karti hai ki Prem uski baaton ka jawab de, par wo kuch nahi bolta. Sari koshishe karne ke baad Poonam use kehti hai, “Prem! Please bolo na.”

Prem ab bhi kuch nahi bolta.

Poonam: Okay! I am sorry. Mujhe tumhe waise nahi bolna chahiye tha. Please baat karo na. Pleaasssee.

Prem: Itna Please Please mat karo. Bol raha hu main, waise bhi main jyada der tak chup nahi reh sakta.

Poonam muskurati hai aur kehti hai, “Hmmm! Wo to hai.”

Chutti hoti hai. Sab apne ghar ja rahe hain. Poonam bhi school se bahar nikal rahi hai ki tabhi uske samne Prem scooty rok deta hai.

Prem: Chalo main tumhe chhod dunga.

Poonam: Nahi! Main chali jaungi.

Prem: Chalo. Tumhara ghar mere ghar ke raste me hi hai. Mujhe extra nahi chalna padega. And don’t worry tumhare ghar ki gali ke bahar hi utarunga.

Poonam: Okay!

Poonam scooty par baith jati hai. Aur Prem scooty start kar deta hai. Scooty chalate hue Prem Poonam se kehta hai, “Tumhe aaj kuch weird nahi laga?”

Poonam: Kya?

Prem: Disha aur Manav.

Poonam: Disha aur Manav kya?

Prem: Oho! Tumhe sab batana padega kya?

Poonam: Bolo na.

Prem: Kal jab Disha nahi aayi to Manav bhi nahi aaya aur aaj dono sath me baithe the.

Poonam: To?

Prem: Aur movie ka plan bhi unhi dono ne banaya tha.

Poonam: To?

Prem: To.. To.. Mat karo.. There should be something between the two.

Poonam: Isme kya hai? Agar koi seat par sath me baithta hai to kya unke beech me kuch hai?

Prem: Nahi! Par unke beech me hai.

Poonam: Kya bol rahe ho tum? Aise nahi hota.

Prem: Hota hai.

Poonam: Kuch bhi mat bolo. Ab aise to hum bhi sath me baithe the aur kal bhi sath me gaye aur aaj bhi to kya humare beech…..

Poonam bolte bolte chup ho jati hai. Prem muskurata hai.

Prem: Bolo! Humare beech…

Poonam: Kuch nahi…

Prem: Waise hone ko to humare beech bhi ho sakta hai. Mujhe koi problem nahi hai.

Poonam: Prem!

Prem: Okay! Samajh gaya. Nahi ho sakta tumhari taraf se.

Poonam: Abhi humare padhne ke din hain. In sab chizon me hume nahi padna chahiye.

Prem: For God’s sake. Ye sab mat bolo. Tum ab twenty first century me ho aur aisi baate kar rahi ho.

Poonam: Acha agar tumhare parents ko pata chala ki school me padhayi nahi ye sab chal raha hai to wo kya kahenge?

Prem: Parents ko bataega kon? Main to nahi batane wala.

Poonam: Kahin se pata chala to? Unhone tumhe us ladki ke sath dekh lia to.

Prem: You mean tumhare sath dekh lia to?

Poonam: Prem!

Prem: Okay! To tumhare hisab se abhi time sahi nahi hai. Abhi padhayi karni chahiye, uske baad ye sab kar sakte hain.

Poonam: Har chiz ka ek time hota hai.

Prem: Pyar karne ka koi time nahi hota. Aur hum karte nahi hain wo bas ho jata hai. Pyar ke lie sare rules aur sari theories bekar hain.

Poonam: Mujhe nahi lagta.

Prem: Ye main tumhe tab puchunga jab tumhe pyar ho jaega. And I know ki ye hoga.

Poonam: Nahi hoga.

Prem: Hoga because you are vulnerable to love.

Poonam: No!

Prem: Okay! I don’t want any argument. Par ye jaan sakta hu ki tumhari time limit kya hai pyar na karne ki?

Poonam: Tumhe kyun janna hai?

Prem: Kyunki main uske baad try karunga na.

Poonam: (gussa dikhate hue) Prem!

Prem: (haste hue) Okay! Thik hai mat batao. Main try karta rahunga.

Poonam: Prem!

Prem: Okay! Kuch nahi bol raha. But, on a serious note, mujhe acha lagega agar Disha aur Manav sath honge to.

Poonam: Mujhe bhi.

Itne me Poonam ke ghar ki gali aa jati hai. Prem scooty rok deta hai aur Poonam scooty se utar jati hai.

Prem: (Poonam ko dekhte hue) Waise…… do you have a problem with me?

Poonam: Nahi! Mujhe kyun problem hogi?

Prem: Nahi! Aise nahi. Par maine jab bhi tumse bola ki hum dono ke beech me kuch….. (After a pause) Tumne mana kar dia. Main acha ladka nahi kya?

Poonam: Maine aisa to nahi kaha. Wo to bas main time ke baare me bol rahi thi.

Prem: To agar jo time tumhare hisab se sahi hai us time me….??? Main aur…… wo ladki jo aaj mere sath meri scooty par baith kar aayi hai, uske beech kuch ho sakta hai?

Poonam: (ghurte hue) Prem!

Prem hasta hai aur bolta hai, “Hahaha! Prem ke aage bhi kuch bola karo na.”

Poonam: (Ghurte hue hi) Shut up!

Prem: Tum aise ghurti acha ho. Gusse me, bilkul lal.

Poonam ghurna band kar deti hai.

Prem: Dekho! Gusse se bilkul shant ho gayi ab. Ye bas tum hi kar sakti ho.

Poonam: (smiling) Prem! Bas karo.

Prem: (Haste hue) Don’t take it seriously. Main majak kar raha tha.

Poonam: I know.

Prem: Good. Ab jao nahi to tumhare ghar wale tumhe maar dalenge.

Poonam: Yeah! Okay bye!

Prem: Bye!

Prem wahan se chala jata hai aur Poonam apne ghar aa jati hai. Poonam jaise hi ghar me enter karti hai, Poonam ko uski tai ji wahin samne sofe par baithi hui dikhti hain. Poonam chupchap apne room me jane lagti hai. Poonam ki tai ji use rokti hain, “Ruk! Kahan ja rahi hai?”

Poonam: Tai ji! Apne room me.

Tai ji: Wo ladka kon tha?

Poonam darr jati hai aur kehti hai, “Kkkkon ladka?”

Tai ji: Wahi jiske sath tu scooty par aayi thi.

Itne me Poonam ki Mom bhi bahar nikalke aati hain aur bolti hain, “Koi baat nahi beta, jo bhi tha bata de.”

Poonam: Tai ji wo mera classmate hai. Uska ghar mere ghar ke aage hi padta hai to usne mujhe yahan tak chhod dia.

Tai ji: Tu ladko se dur raha kar samjhi. School me jo kar rahe ho thik hai, par school ke bahar ye sab nahi chalega. Ek to bacchon ko co-ed me padhate hain aaj kal ke Maa-baap. Humne bhi to apne bacche padhaye the. Sirf ladkon ka school tha wo.

Poonam’s Mom: Bhabhi ji! Ab zamana badal raha hai. Pehle hota hoga ye sab ab nahi hota.

Tai ji: Tabhi to bacche bigad rahe hain ab.

Poonam’s Mom: Humari Poonam aisi nahi hai. Wo samajhdar hai.

Tai ji: Sab yahi kehte hain, wo to baad me pata chalta hai. Mujhe kya? Bigado apne bacchon ko.

Ye kehke tai ji apne room me chali jati hain. Unke jane ke baad Poonam rone lagti hai aur kehti hai, “Maa! Maine use kaha bhi tha ki main chali jaungi, par usne kaha ki mera ghar uske ghar ke raste me hi hai, islie main baith gayi. Ab se nahi karungi ye.”

Poonam’s Mom: Beta! Jab teri galati hi nahi hai, to kyun nahi karegi. Tune kuch galat nahi kia. To tujhe darne ki bhi zarurat nahi hai. Main hu na, main sambhal lungi. Aur yaad rakhna kisi se darne ki zarurat nahi hai agar tum sahi ho aur tumhare irade sahi hain to. Thik hai?

Poonam: Han Maa!

Poonam’s Mom: Ab chup ho aur jake kapde badal le. Main tere lie khana lagati hu.

Poonam: Thik hai.

Poonam apne room me jake change karti hai. Tabhi uski Mom use khane ke lie awaz lagati hain, “Poonam… Poonam…”

Present Day…

Poonam’s Mom: Poonam… Poonam…

Poonam apni pichli yaadon se bahar nikalti hai aur room se bahar aati hai.

Poonam’s Mom: Beta! Dinner lag gaya hai, aaja.

Poonam: Aayi Maa!

Poonam fir apne room me jati hai, fresh hoti hai aur dinner table par baith jati hai. Poonam ki choti behen Ananya bhi dekhti hai ki Poonam kuch upset hai.

Ananya: Hello! Poonam… Kya hua tujhe? Thik hai sab?

Poonam: Han!

Poonam’s Mom: Maine bhi ise pucha tha, ki hospital me kuch hua kya? Par kuch bataya hi nahi.

Ananya: Papa ko bulau? Unhe bataegi?

Poonam: Aisa kuch nahi hai.

Ananya: To bata fir…

Poonam chup rehti hai. Ananya usse dhire se kehti hai, “Room me bataegi?”

Poonam “Han” me apna sir hila deti hai.

Ab room me jakar dono behene kya baat karengi, pata nahi. Ye aapko agle episode me pata chalega. Par I hope aapko ab tak aapko ye story pasand aayi hogi. Aage ke twist and turns ke lie kal tak ka wait kare. Zindagi ka maza lijiye, muskurate rahiye, and always……

Keep Feeling the Love…….. ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Madhusudan Singh

Hindi Poems

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

%d bloggers like this: