Sach Kya Hai?

Pata nahi aap logon ne kabhi aisa socha bhi hoga ya nahi. Par kabhi kabhi main soch me pad jata hu, ki main hu kaun?

Kya hai mera astitva?
Is itne bade brahmand me, main ek mitti ke kan ke saman hu. Mere hone na hone se is duniya ko koi jyada fark nahi padega. Ye duniya aise hi chalti rahegi. To fir kyun aaya hu main yahan? Kya sirf paise kamana hi mere jeevan ka lakshya hai?
Mujhe aisa lagta nahi. Mujhe sach me nahi pata ki mere jeevan ka lakshya kya hai. Par main ye zarur keh sakta hu ki sirf paisa ya dhan ikattha karna jeevan ka lakshya nahi ho sakta. Jeevan ka lakshya to kuch gehra hai, jo shayad aaj tak koi insan nahi samajh paya hai. Aur yadi wo is lakshya ko samajh le to wo shayad insan rahega hi nahi.
Meri baate shayad aapko thodi ajeeb lag rahi hongi. Kyunki ye sab hi jante hain ki aaj kal thode se sukh pane ke lie paisa kitna zaruri hai. Main is baat se zara bhi mana nahi kar sakta hu. Aur maine kayi logon ko ye kehte hue bhi suna hai ki bhagwan tum un logon par hi apni kripa kyun karte ho jo bhot ameer hote hain? Par kya ameer log sach me paisa pa kar sukhi hain? Unke ghar me har din ladayi jhagda hota hai jo hume dikhta nahi hai ya wo log kisi na kisi bimari se pareshan hote hain ya unhe kisi aur tarah ki pareshani hoti hai. Aur fir paisa pa kar bhi wo log ek atal satya ko nahi badal sakte. Wo hai Mrityu! Mrityu ek aisa satya hai, jo chahe ameer ho ya gareeb sabko aani hi hai. Use koi nahi taal sakta. Ye ek param satya hai ki hum jis shoonya se aaye hain, ek din hume us shoonya me hi mil jana hai.

Par is jeevan ko pane ka laabh tab hi hoga jab hum is param rahasya ko samajh paenge. Ye rehashya hum kaise samajh paenge pata nahi. Kyunki ye sab chize insan ka dimag samajh paye ye uske bas me nahi hai.

Par han itna zarur janta hu ki humara Hindustan in sab chizon me pehle bhot aage hua karta tha. Apne reeti riwaz, apne sanskaaron par use naaz hua karta tha.

Mujhe koi aapatti nahi hai aaj ke logon se, par main bas ek chiz dekhta hu jo puri duniya aur hum me alag hai, wo ye ki puri duniya apni chizon par apni sanskriti par naaz karti hai. Aur hum dusron ki chize seekhna chahte hain. Hume khud par naaz nahi hai. Hume apna sab kuch bekar lagta hai.

Aapko yaad hai Bharat ki dharti par hi Rishi Muniyon ne janam lia tha. Chaliye itne purane logon ki baat nahi karte. Ramayan aur Mahabharat to logon ke lie mythology hai, itihaas nahi. Par kya Gautam Buddha ko bhi jhuthala sakte hain? Unhone to param satya hum logon ke samne hi prapt kia tha. Unka janam bhi Bharat me hua tha, par unki shiksha aur us shiksha ka laabh ab humare padosi desh ke log China me le rahe hain. Ab aap bolenge ki Gautam Buddha ne Bharat me nahi Nepal me janam lia tha. Par main aapko ye bata du ki jis waqt Bhagwan Gautam Buddha ka janam hua tha tab Nepal Bharat ka hi hissa tha. Par baat yahan par Nepal aur Bharat ki nahi, Bharat ki values ki hai. Jis desh me Bhagwan ne janam lia us desh ne unki baate nahi apnayi aur dusre desh aaj unki baaton aur unki shikshao par amal kar rahe hain. Chinese Acupressure aur Acupuncture techniques aur Shoulin Mandir ye sabhi chize Hindustan se China me gayi hai, par hum apni hi sanskriti ki awhelna ke kaaran use Cheen ka batate hain. Kyunki hume gyan hi nahi hai ki humari sanskriti kitni utkrishtha hai. Hume bas apni sanskriti ka majak udana aata hai. Agar ye acupressure Bharat me log kar rahe hote to kuch buddhijeevi log use bhi nakar dete kyunki jo unke dimag me nahi baithta wo use nakar hi dete hain.

Aapko shayad ye pata hai ki ped kaatne se paryavaran ko nuksaan hota hai. Maine kuch din pehle hi social media dwara dekha tha ki kayi pandit aur sadhu paryavaran ko swachh karne ke lie yagya (hawan) kar rahe the. Tab mujhe hairani hui kyunki comments me unke khilaf bhot kuch likha hua tha. Log bol rahe the ki kitna andhvishwas hai, paryavaran bachane ke lie paryavaran ka hi naash kar rahe hain. Hawan ke dhue se paryavaran ko aur nuksaan hoga. Para shayad un logon ko ye nahi pata, ki hawan humesha aam ki lakdiyon se kia jata hai jo apne aap me bhot gunkaari hoti hain, saath me dala jata hai gaay (cow) ka shuddh ghee, aur samagri me sukhe meve, kheel, batashe, aur alag alag tarah ki aushadhiyan. Jab ye sabhi chize jal kal upar uthati hain to ye vatavaran ko shudh karti hain. Meri baat par yakeen na ho to aap log is tathya ko Google par bhi search kar sakte hain. Baat bas itni si hai ki hum apni hi jadon ko nahi pehchante.

Aapko nahi pata doston, humari sanskriti kitni bhavya hai. Kabhi padh kar dekhiye, aap samajh paenge ki ye reeti neeti humare rishi muniyon ne kyun tai ki thi. In reeti neetiyon se hi hum apne andar jhank sakte hain. Aur apne andar jhank kar hum us param satya tak pahunch sakte hain jiske lie humara janam hua hai. Hume jaanana hoga swayam ko, tabhi ye jeevan sarthak ho paega. Nahi to kuch bhi kar lijiye, ye jeevan vyarth hi hai.

Mera ye article padhne ke lie dhanyawad. Baki sabhi articles bhi aapko ache lagenge aisi meri aasha hai. Islie baki sabhi articles par bhi ek nazar zarur daliega. 🙂

5 thoughts on “Sach Kya Hai?

Add yours

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: