SOCHA NA THA (E-8)

Episode-8

Recap: Pichle episode me aapne dekha tha ki Anuj aur Shivani ab ek dusre se khul ke baat karne lage hain. Ab wo Diwali par ghar jane ki tyari kar rahe hain. Anuj Shivani ke sath ghar jane ke lie excited hai par Shivani ise casually le rahi hai.

Anuj ko Shivani ka is tarah behave karna pasand nahi aa raha. Is par Kirti Anuj se puchti hai ki use kyun itni excitement hai, aur use samajh lena chahiye ki ye Anuj ka love hai Shivani ke lie. Is sab me Kirti Anuj ko Shivani ke shadi ke lie ladke dekhne ke plan ke baare me bhi batati hai. Tab se Anuj Shivani se kam baat karne lagta hai. Shivani ye sab notice karti hai aur Anuj se usse baat na karne ki wajah puchti hai. Jab use wajah pata chalti hai to wo Anuj ko promise karti hai ki wo shadi ke lie koi ladka nahi dekhegi. Ye sab sunkar Anuj khush ho jata hai. Shivani ke sath is tarah plane me ek sath safar karte hue use ye realise hota hai ki ab use der nahi karni chahiye aur apne dil ki baat Shivani ko bol deni chahiye. Ab aage…

Shivani Anuj ke kandhe par sir rakhe hue hai. Anuj ne bhi Shivani ke hath ko pakad rakha hai. Anuj beech beech me Shivani ko tirchi nazaron se dekhne ki koshish kar raha hai.

Shivani: (kandhe par sir rakhe hue hi) Ya to mujhe dekh lo ya kandhe par sir rakhwa lo.

Anuj: Main tumhe kahan dekh raha hu? Main tumhe nahi dekh raha.

Shivani: Nahi dekh rahe?

Anuj: Nahi! Main to window se bahar dekh raha tha.

Shivani: Okay!

Shivani apne aankhe band kie aise hi rehti hai. Anuj use is tarah se beech beech me dekhta rehta hai aur muskurata bhi hai. Fir khud bhi apna sir Shivani ke sir par tika deta hai. Dono apni aankhein band kar lete hain. Dono ko hi is tarah sath reh kar acha lag raha hai.

Mangalore par flight land karti hai. Anuj aur Shivani wahan se nikal hi rahe hote hain ki Shivani apne parents aur apni behen ko wahan wait karte hue dekhti hai. Is waqt Shivani aur Anuj ne ek dusre ka hath pakda hua tha. Parents ko dekh kar dono hi hath chhod dete hain. Shivani aur Anuj dono Shivani ke parents ki taraf badhte hain.

Shivani: (unke paas phochne ke baad) Maa-Papa! Ye sab kya hai? Aap log yahan?

Shivani’s Mom: Hum tumhe surprise dene aaye the.

Shivani: What surprise? Itne saalon se aa rahi hu main. By the way, meet Anuj, waise to aap pehle mil hi chuke hain.

Shivani’s dad: Han! Kyun nahi. Rishte ke lie mana karke ab dosti nibha rahe hain.

Shivani: Papa!

Shivani’s dad: Maine kuch kaha kya? Nahi….

Anuj ko ye sab weird lagta hai kyunki Shivani ke parents use ajeeb tarah se ghur rahe hain. Fir bhi wo dono ko ‘Namaste’ karte hue un dono ke pair chhuta hai.

Anuj ke pair chhune ke baad bhi wo log use totally ignore kar dete hain. Anuj ko ashirvad de ke wo Shivani ko ghar chalne ke lie kehte hain. Shivani Anuj se ‘bye’ kehti hain aur apne parents ke sath chali jati hai. Shivani ke parents ka ye behavior dekh ke Anuj ne isse pehle jo Shivani ko apne mann ki baat bolne ka plan kia tha, use plan ko leke wo soch me pad jata hai. Par filhal wo apne ghar par Diwali manane aaya hai islie is baat ko yahin chhod kar apne ghar ke lie badh jata hai.

Shivani apne gharwalon ke sath car me baithi hui hai, wo bhi apne parents ke behavior ko note karti hai aur unse puchti hai, “Wo sab kya tha?”

Shivani’s Mom: Kya sab?

Shivani: Wo sab… Anuj se is tarah se behave kyun kia?

Tani (Shivani’s sister): Wo ye log test le rahe the.

Shivani: Kaisa test?

Shivani’s Mom: Ki hum usse aise behave karenge to tujhe kitna fark padta hai?

Shivani: Iska kya matlab hai? Wo mera friend hai, of course mujhe fark padega hi.

Shivani’s dad: Han! To bas friend hi hai ya???

Shivani: Papa!

Shivani’s dad: Nahi! Main bas puch raha hu.

Shivani: Friend hi hai.

Shivani’s Mom: Aage koi chance hai? Ya hum ladke dekhne shuru kare tere lie?

Shivani: Mujhe ladke dekhne me koi interest nahi hai ab.

Shivani’s Mom: Aa gayi na line pe.

Shivani: Aaiiisa kuch nahi hai. Bas abhi interested nahi hu.

Tani: We know ki tum aage bhi interested nahi hone wali. Di kya problem hai, wo itna sahi to lagta hai aur ab to baat tumhare hath me hai.

Shivani’s Mom: Han! Hume to pehle bhi koi problem nahi thi aur ab bhi nahi hai. Hume pata hai ki wo acha ladka hai.

Shivani ye sab sunke chup rehti hai par uske face par ek alag hi smile hai.

Anuj bhi ab apne ghar phoch chuka hai. Wahan sab log uska wait kar rahe the. Jaise ji wo ghar par jata hai, Vishal (Anuj ka bada bhai) daud kar uske paas jakar uske gale lagta hai. Anuj ghar ke andar aake apne mom dad ke pair chhuta hai aur Bhabhi se hath milata hai.

Anuj’s Mom: Kaisa hai? Thik se rehta hai na wahan?

Anuj: Mom! Please. No typical Maa wale dialogues.

Anuj’s dad: (haste hue) Ab Maa Maa ke jaise baat nahi karegi to kon karega?

Bhavna (Anuj’s sister-in-law): Shivani!

Bhavna ki ye baat sunke sab has padte hain aur Anuj smile karte hue blush karne lagta hai.

Sab log Anuj ke sath baith kar lunch kar rahe hain.

Bhavna: Tum humesha Mom se hi baate karte ho phone par, ab hume bhi batao, kaisi hai wo?

Anuj: Kon?

Vishal: Ab jyada ban mat, Shivani ke baare me puch rahi hai wo.

Anuj: (smiling) Achi hai.

Bhavna: Sath me aaye hoge na dono.

Anuj: Han!

Bhavna: Par kuch batao to uske bare me. Waise to Mom ke muh se sun lia hai, par tumhare muh se sunna hai ki tum dono Delhi me kaise mile the.

Anuj: Bhabhi!

Vishal: Arey! Bata na. Mujhe bhi sunna hai.

Anuj: Delhi me main pareshan tha, kyunki pehle taxi wale ne ghumaya tha, fir flat wale ne keys dene se mana kar dia, phone ki battery bhi dead ho chuki thi. In short, main bhot pareshan tha. Aur jab building se nikala to Shivani ka auto mere samne aake ruka. Maine to dhyan bhi nahi dia tha ki kon utra hai us auto se, par usne mujhe pehchan lia.

Vishal: Aur raat ko tujhe apne flat par roka, tujhe khana khilaya, specially raat ke 1 baje. Aur fir apne flat owner se teri baat bhi karwayi aur tujhe flat dilwaya.

Anuj: Han!

Vishal: Waise kuch bhi kaho. Ladki me dum to hai.

Bhavna: Han! Itna kuch kia, wo bhi tab jab shadi ke lie mana kar dia tha.

Anuj: Hmmm! Main bhi yahi sochta hu ki usne itni help kyun ki meri?

Sab log khana khake uth jate hain. Anuj hath dhone ke lie basin ke paas jata hai, jahan Bhavna aati hai aur Anuj se bolti hai, “Waise status abhi tak friends ka hi hai ya baat kuch aage badhi hai?”

Anuj: (smiles) Only friends!

Bhavna: Aww! Not good. Jaldi se aage badhao na status hume aapki shadi karwani hai.

Anuj: I don’t know!

Bhavna: What you don’t know?

Anuj: Nothing! Chhodiye.

Bhavna: Waise main bhi advice de sakti hu, try kar sakte ho ek baar.

Ye kehke Bhavna smile karti hai.

Anuj: Wo kya hai na ki main samajh nahi pa raha ki use bolna chahiye ya nahi. Mujhe lagta to hai par abhi jab hum airport par aaye the to uske parents ne thik se respond bhi nahi kia, to mujhe darr lagta hai.

Bhavna: Ab ye to hoga hi, tum use pehle mana kar chuke ho same chiz ke lie, to uske parents protective to honge hi na. Unka dil to jeetna hi padega nahi to baat aage kaise badhegi? Lekin usse pehle first step to lo. Shivani ko bolo, pehle to uski han hai ya na wo janna important hai. Ho sakta hai uske parents tak baat hi na phoche wo pehle hi mana kar de. Aur agar usne tumhara proposal accept kar lia to wo khud bhi to help karegi tumhari uske parents ka dil jeetne me. Right?

Anuj: Yeah! Right.

Bhavna: To kab bol rahe ho?

Anuj: Not decided yet, but soon.

Bhavna: Good! Waise main bhi achi advice deti hu, so you can count on me too.

Anuj Bhavna ki is baat par muskurata hai. Bhavna wahan se chali jati hai.

Shivani ke ghar par bhi sab is shadi ke lie razi hain, ab baat bas dono ko apne dil ki feelings batane tak seemit hai. Uske baad to chat mangni aur pat biyah hona hi hai.

Diwali ke lie ek din bacha hai, Shivani ki Mom ne Shivani se apne hath me mehndi lagwayi hai. Aur wo ab Shivani ke bhi piche pad rahi hain ki wo bhi mehndi lagwa le.

Shivani: Maa! Mere important calls aate hain.

Shivani’s Mom: Do ghante me kuch nahi hota, chupchap lagwa le.

Shivani: Ohho! Aap manne nahi wali, laga lo fir.

Shivani baith jati hai. Tani (Shivani’s sister) use mehndi lagane lagti hai.

Shivani: Aur Taani ko mehndi kon lagaega?

Shivani’s Mom: Use abhi zarurat nahi hai. Tujhe hai.

Shivani: Kya matlab?

Shivani’s Mom: Matlab ye ki teri shadi jadli se honi chahiye. Uski shadi me abhi time hai.

Shivani: Hey bhagwan! Maa…

Shivani’s Mom: Chup kar. Aur chuphap mehndi lagwa.

Shivani chup hoke mehndi lagwa leti hai. Par mehndi lagwate hi Shivani ke phone par Simran ka phone aane lagta hai.

Shivani: Isilie mana kia tha maine. Ab jake dhoni padegi.

Shivani’s Mom: Koi zarurat nahi hai. Simran hi hai, isse do ghante baad bhi baat kar sakti hai.

Shivani: Okay!

Simran ka call baar baar aata hai, par na Shivani ki Mom na khud phone uthati hain aur na Shivani ko uthane deti hain. Shivani bhi ab chupchap baith jati hai.

Thodi der baad unke ghar ki doorbell bajti hai. Tani jake door kholti hai. Samne Anuj khada hai.

Tani: (muskurate aur hath hilate hue) Hii! Aap di se milne aaye hain na.

Anuj: Han! Wo ghar par hai?

Tani: Han! Hain na. Aaiye.

Tani Anuj ko ghar ke andar le aati hai. Shivani apni Mom ke paas unke room me baithi hui hai. Tani Shivani ko awaz lagati hai. Shivani aur uski Mom room se bahar aati hain. Shivani aur uski mom Anuj ko dekhke surprised hai.

Shivani: Anuj! Tum yahan?

Anuj: Sorry! Wo is tarah se achanak aana pada. Namaste aunty.

Shivani’s Mom: Namaste! Baitho.

Shivani: Kya hua? Sab thik hai?

Anuj: Han! Wo mere paas Simran ka call aaya tha, wo bol rahi thi ki tum uska call nahi utha rahi.

Shivani: (apni Mom ki taraf dekhte hue) Maa! Maine kaha tha na ki important hoga, par aapne suna nahi. (Anuj se) Kya bol rahi thi wo?

Anuj: Kirti ka accident ho gaya hai.

Shivani: Kya? Oh God! Aur main uska phone nahi utha rahi.

Anuj: Nahi! It’s okay! Itna serious nahi hai. Uske parents bhi aa gaye hain uske paas. Bas use kuch medical insurance ke papers chahiye the, shayad tumhare paas hain.

Shivani: Han! Wo meri cupboard me rakhe hain.

Anuj: Main call kar leta hu tum baat kar lo.

Shivani: Main hath dhoke aati hu.

Anuj: No! It’s okay! Main pakad lunga phone.

Shivani: Okay!

Anuj Simran ko call karta hai aur phone Shivani ke kaan par laga deta hai. Ye sab Tani aur usnki Mom bhi dekh rahe hain aur dekh ke smile kar rahe hain.

Tani: (dhire se) Mom! Perfect hai.

Shivani’s Mom: (smiles) Hmmm.

Shivani call par Simran ko batati hai ki wo papers kahan rakhe hain. Wo Simran se baat kar rahi hai aur Anuj patiently phone ko pakade uske kaan se lagaye khada hai. Baat karte karte ek baar Shivani se baal chehre par aate hain, jinhe Anuj apne hathon se piche karta hai.

Baat khatam hoti hai. Anuj Shivani ke kaan se phone hata deta hai. Shivani aur Anuj kuch pal ke lie ek dusre ko dekhte hain. Lekin jald hi realise kar lete hain ki aas paas aur log bhi hain.

Shivani: Thanks! Apne ghar se yahan aane ke lie.

Anuj: Simran aur Kirti meri bhi dost hain.

Shivani’s Mom: Anuj beta! Baitho.

Ab dekhna ye hai ki Shivani ke parents Anuj se kis tarah se baat karte hain aur Anuj ko unka behaviour kaisa lagta hai. Par ye sab janne ke lie wait for the next episode. Till then… Shubh Ratri, Shabba Khair, Sayonara….
Enjoy your life…
&
Feel the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: