SOCHA NA THA (E-7)

Episode-7

Sabse pehle to aap sab se maafi chahungi kyunki pichle kuch din se main apne exams ki wajah se ye story likh nahi pa rahi thi. Par ab vada hai ki is story ke sare episodes timely publish ho jaenge. Aapko itna wait karane ke lie, I am really sorry. Is khata ko thik karne ke lie main puri story ko ek baar phir se short me dohra rahi hu. Please go through the recap.

Recap: Story shuru hui thi, Shivani aur Anuj ko ek dusre ko shadi ke lie milne se. Shivani aur Anuj dono hi Mangalore se belong karte hain. Anuj Mangalore me hi ek IT company me kaam karta hai, aur Shivani Delhi me ek bank me assistant manager ki post par hai. Dono ke ghar walon ne unhe Arranged marriage ke lie milwaya tha. Dono ne ke dusre ko pasand bhi kar lia tha, par Anuj ke parents ko ye baat manzoor nahi thi ki Shivani Mangalore me nahi Delhi me job karti hai. Dusri baat jo unhe khal rahi thi wo ye thi ki Shivani ki salary Anuj se jyada thi. Islie Anuj ke ghar walon ne is rishte ke lie mana kar dia tha. Anuj bhi apne ghar walon ki baat se inkaar nahi kar paya kyunki wo us time shadi karna nahi chahta tha. Apne ghar walon ki wajah se hi wo Shivani se milne ke lie mana tha. Isilie wo apne mann ki baat apne ghar walon se nahi bol paya. Aur is rishte ke lie mana ho gaya.

Kuch mahine baad Anuj ka transfer bhi Delhi ho gaya aur jis din wo Delhi phocha wo din uske lie unlucky tha, tab tak jab tak Shivani use nahi mili thi. Anuj us waqt bhot preshan tha aur Delhi aur Delhi walon ko kos raha tha ki tabhi use Shivani mili. Us din Shivani Anuj ko apne flat par le gayi, jahan use Shivani ki flatmates Kirti aur Simran bhi mili. Un dono ne Anuj ke rehne ke lie apne flat ke landlord se baat ki jo unke flat ke samne wale flat me hi rehte the. Lekin Anuj ko us ghar me set karane ke chakkar me unhone apne landlord ko ye bol dia ki Shivani aur Anuj ki engagement ho chuki hai. Simran aur Kirti ke lie Anuj aur Shivani apne landlords ke samne ye natak bhi karna pada. Lekin ye natak ab shayad dhire dhire sach me badal raha tha. Anuj aur Shivani ek dusre ke samne baat nahi kar pate the, par chatting ke through apne dil ki har baat ek dusre se kar lia karte the. Isi wajah se Simran aur Kirti ko shaq hua ki ye din raat kisse itni chat kia karti hai. Aur unhone ye janne ke lie Shivani ka phone check kia. Shivani ke us time apne phone ke paas na hone ki wajah se Simran ne Anuj ko Shivani ke phone se messages bheje, jinhe padhke Anuj hairan tha. Aur usne bhi unka reply kia. Ab aage…..

Story:

Simran ne Shivani ko uska phone wapas de dia.

Shivani: Ye sab kya tha Simran?

Simran: Tumhari story bailgaadi ki tarah aage badh rahi thi, maine use expressway me change kar diya.

Shivani: Tujhe kitni baar bola hai, humari koi kahani nahi hai. Hum bas doston ki tarah baat karte hain.

Simran: Ye jhuth tu khud se bol le par mujhe pata hai ki kuch hai, jo abhi tujhe samajh nahi aa raha.

Shivani: Ab main Anuj ko kya bolungi?

Simran: Ye tu soch. Bataya kyun nahi tha hume?

Shivani: Pagal ladki.

Simran: Thank you!

Shivani Anuj ko message karti hai, “Hey! Sorry! Wo main nahi thi. Wo Simran thi. Mera phone leke masti kar rahi thi.”

Anuj reply karta hai, “Ohh! I am sorry. Mujhe laga hi tha.”

Shivani message karti hai, “Jab tumhe laga tha to tumne reply kyun kia?”

Anuj replies, “Par mujhe ye nahi pata tha ki Simran aur Kirti is tarah se messages bhi kar sakti hain.”

Anuj ab khud ko rok nahi pata aur Shivani ko call kar deta hai. Shivani Anuj ka call receive karti hai.

Shivani: Hello! Kya hua?

Anuj: Nothing! Kya main tumse mil sakta hu?

Shivani: Is waqt?

Anuj: Han! Main building ke neeche wait kar raha hu. Please come.

Shivani: Okay!

Shivani phone rakh ke Anuj se milne ke lie flat se bahar chali jati hai. Shivani building ke neeche phochti hai jahan Anuj uska wait kar raha hai. Dono is time weird feel kar rahe the, kyunki abhi hi Simran ne Anuj ko wo messages bheje the jisme Anuj ne sare messages ka answer ‘yes’ hi dia tha. Kuch seconds chup rehne ke baad Shivani bolti hai, “Ghumte hue baat karte hain.”

Anuj: Okay!

Dono dhire dhire tehlne lagte hain. Dono chup hain. Anuj kuch kehna chahta hai par use samajh nahi aa raha kaise kahe.

Anuj: Listen!

Shivani: Hmmm.

Anuj: I am sorry. Wo mujhe samajh nahi aaya mujhe lag raha tha ki ye tum nahi ho sakti par na jane kyun maine wo sab reply kia jo mujhe nahi karna chahiye tha.

Shivani: It’s okay! Main samajh sakti hu.

Anuj: Thanks Shivani! Tum mujhse naraz nahi na.

Shivani: (smiles) Nahi!

Anuj: Thanks!

Shivani: Ab baar baar thanks mat bolo.

Anuj: Pata nahi aisa kaise ho gaya? Mujhe lag raha tha ki wo tum nahi ho, fir bhi maine maan lia ki wo tum hi ho. How idiot I am.

Shivani: Ab bas bhi karo.

Anuj: No! Itni stupid chiz ki kaise maine?

Shivani: Acha! Wo sab tumne ye sochke likha tha ki main hu, to iska matlab….

Shivani isse aage kuch kahe Anuj use wahi rokne ki koshish karta hai.

Anuj: Please… please…. Ab tum iska matlab mat nikalo.

Shivani zor se hasti hai.

Anuj: Yaar! Tum has rahi ho… its embarrassing!

Shivani ab bhi has rahi hai.

Shivani: Hasu na to aur kya karu? Tumne kaam hi aisa kia hai.

Anuj: Acha ab chup ho jao.

Shivani: Waise meri dost hain badi kaam ki.

Anuj: Hahaha! Very funny.

Shivani: Ab log apne kie hue kaamon par kyun hasenge?

Anuj: Bhot bol rahi ho.

Shivani: Tumne jo message par bheja usse kam hi hai.

Anuj: Tum aise nahi manogi. Ruko….

Anuj Shivani ki taraf badhta hai aur Shivani Anuj se bachne ke lie aage bhag jati hai. Anuj kafi der tak Shivani ko pakadne ki koshish karta hai par use pakad nahi pata.

Anuj: (thak ke) Okay! Main ab thak gaya.

Shivani Anuj ke paas aati hai. Anuj Shivani ka hath pakad leta hai.

Shivani: This is cheating han.

Anuj: Ab to pakad lia, cheating ho ya na ho. Ab batao kyun has rahi ho?

Shivani: Tumhe nahi pata?

Shivani ki ye baat sunke Anuj ke face par bhi smile aa jati hai aur dono hasne lagte hain.

Shivani: Ab mera hath chhodo.

Anuj: Nahi!

Shivani: Kyun?

Anuj: (smiling) Abhi to sirf hath pakada hai, message me yaad hai na kya kya likha tha.

Shivani: Really?

Anuj: Really!

Shivani aur Anuj dono smile karte hain. Dono ek dusre ka hath pakade ghum rahe hain. Dono kuch der chupchap tehlte rehte hain.

Anuj: Ek baat kahun?

Shivani: Kaho!

Anuj: Tumhare hath bhot soft hain.

Shivani: (smiles) Thanks!

Anuj: Mera inhe chhodne ka mann nahi kar raha.

Shivani: Ab bhot der ho gayi hai.

Anuj: Thodi der aur…

Shivani: (smiling) Okay! Thik hai, only 15 minutes more.

Anuj: Okay!

Ab dono ruk jate hain aur paas me padi bench par baith jate hain. Lekin Anuj Shivani ka hath ab bhi nahi chhodta. Wo Shivani ke hath ko bhot dhyan se dekh raha hai. Shivani ye sab dekhti hai to usse puchti hai, “Kya dekh rahe ho?”

Anuj: Dekh raha hu ki ye kis material ka bana hai.

Shivani dhire se hasti hai.

Anuj: Sach me! Aaj tak main Mom se kehta tha ki aapka hath bhot soft hai. Par tumhara to…

Shivani: Tum apni Mom se bhot close ho na.

Anuj: Hmmm! Papa to shuru se hi busy rahe, bhaiya ke dost hi bhot the to unse bhi kam hi baat ho pati thi. Main apne dil ki sari baate Mom se share karta tha. Apne doston se bhi itna close ya frank nahi hua kabhi jitna main apni Mom se hu.

Shivani: Okay!

Anuj: Aur ab tumse…

Shivani Anuj ko dekhti hai aur smile karti hai.

Anuj: Mujhe lagta hi nahi tha ki koi meri life me aaega jisse main meri Mom ki tarah baate share kar paunga. Jaise main apni Mom ke sath free feel karta hu waise hi tumse baat karte hue. Mujhe darr nahi hota ki tum mujhe judge karogi. Hai na…

Shivani: Hmmm! Main tumhe kabhi judge nahi karungi. Aur dekho hum pehle is tarah ek dusre ke samne baat nahi kar pate the, par shayad ab se wo problem bhi nahi hogi.

Anuj: (smiles) Han! To ab se main message par hi nahi balki direct call par ya tumhare samne aakar bhi tumse baat kar sakta hu.

Shivani: Han! Lekin ab chale? Bhot der ho gayi hai.

Anuj: Hmmm! Okay.

Shivani aur Anuj dono ab apne apne flats ke samne hote hain.

Anuj: Good night Shivani!

Shivani: Good night Anuj!

Dono apne apne flats me chale jate hain.

Is incident se sach me unki story jo ab tak bailgadi ki tarah chal rahi thi, wo expressway to nahi, par patri par zarur aa gayi thi. Dono jo ek dusre se aamne samne baat nahi kar pate the wo ab khul ke baat karne lage the. Aaiye dekhte hain ki aage kya hota hai dono ki is story me…

Ab Anuj ko Delhi aaye hue 3 mahine ho chuke hain. Ab wo din paas hain jab Anuj aur Shivani dono ko Diwali ke holidays ke lie ek sath apne ghar jana hai. Anuj is tarah Shivani ke sath Mangalore jane ke lie bhot excited hai. Wahin Shivani ise bhot casually le rahi hai. Anuj is time Shivani ke flat me aaya hua ha aur dono abhi isi baare me ek dusre se baat kar rahe hain.

Anuj: Tumhe dekh ke lag hi nahi raha ki tum ghar jane ke lie excited bhi ho.

Shivani: Tum aise first time ghar ja rahe ho na islie tumhe itni excitement hai. Do teen baar aur jaoge, tumhe bhi aadat ho jaegi.

Anuj: Baat pehli ya dusri baar jane ki nahi hai. Hum dono ek sath ja rahe hain.

Shivani: So what?

Shivani aur Anuj ki ye baate wahan baithi Kirti bhi sun rahi hai.

Kirti: Arey! Shivani! He simply wants to say ki tum dono jaoge, wahan tumhare parents honge to wo tum dono ko ek sath dekhenge.

Shivani: To?

Anuj: Fir to… is ladki ko koi baat hi samajh nahi aati.

Kirti: To wo tum dono ko ek sath dekh ke sochenge na.

Shivani: Kya sochenge? Hum dost hain, dono ke parents ko pata hai ki hum dono ke flats ek dusre ke aamne samne hain. Hum dono ek dusre se baat karte hain. To agar hum sath me ja rahe hain to isme kya badi baat hai?

Shivani apni packing karne lagti hai. Kirti dhire se Anuj se puchti hai, “Waise uski baat me point hai.”

Anuj: (dhire se) Hmmm…

Kirti: (dhire se) Waise tum itne excited kyun ho?

Anuj: Pata nahi! Ye hi mujhe bhi samajh nahi aa raha.

Kirti: Tumhe pata hai tum bilkul meri tarah behave kar rahe ho. Jab main Tushar ko apne ghar leke gayi thi na pehli baar to main bhi aise hi react kar rahi thi. Lekin hum dono tab relationship me aa gaye the. Tum dono ke beech to aisa kuch bhi nahi hai, to fir?

Anuj: Woooo…. Han! Keh to tum sahi hi rahi ho. Mujhe bhi nahi pata ki aisa kyun hai.

Kirti: Kyunki tum stupid ho.

Anuj: Kya?

Kirti: Aur kya? Ab tak samajh hi nahi paye ho ki tum dono kyun itna baat karte ho, kyun ek dusre ke sath rehte ho. Because you both are made for each other.

Anuj chup rehta hai.

Kirti: Nahi aur kitne proofs chahiye tumhe? Tum batao. Tum dono har time sath rehte ho, sath aate jate ho, use koi suggestion chahiye to tumhare paas jati hai, tumhe kuch puchna hai to tum uske paas jate ho. Ek dusre ki silly habits bhi ignore kar dete ho. Dono ek dusre ke lie worried rehte ho. To aur kya chahiye fir? Aur kya hota hai kisi relationship me?

Anuj: Par ye sab kisi dost ke sath bhi to ho sakta hai. Koi jo humara bhot acha dost ho.

Kirti: ‘Koi jo humara bhot acha dost ho.’ Kab tak jhuth bologe khud se? Koi jo bhot acha dost ho use kiss karne ka mann karta hai kya?

Anuj: Kya bol rahi ho ye? Maine aisa kabhi kuch nahi kia hai.

Kirti: Nahi kia! Par socha hai, ye main guarantee se bol sakti hu. Nahi to tum us din Simran ke messages ke reply me ‘han’ na likhte.

Anuj: Wo ek misunderstanding thi.

Kirti: Koi misunderstanding nahi thi, tumhe laga tha ki wo sab Shivani likh rahi hai islie tumne wo sab kaha tha.

Anuj chup rehta hai.

Kirti: It’s love! Tum dono jitni jaldi accept kar loge utna acha hoga tum dono ke lie. Nahi to friendship ka tag laga ke ghumte raho, koi aur uda le jaega tumhari is friend ko. Ghar waise hi ja rahi hai, ghar walon ne rishte dhund rakhe honge. Jaise pehle tumse mili thi, waise hi dusron se milegi aur agar usne han kar dia to baithe rehna.

Anuj Kirti ki ye baat sunke thoda soch me pad jata hai. Kirti ye sab baat keh ke room se chali jati hai. Shivani apne ghar jane ke lie packing me busy hai aur Anuj wahin uske room me baithe hue ye sab soch raha hai.

Anuj: (Shivani se) Shivani!

Shivani: Han!

Anuj: Tumhare ghar walon ne is baar bhi koi ladka dekha hai kya tumhare lie?

Shivani: Pata nahi. Is baare me baat nahi hui meri unse.

Anuj: Agar dekha hoga to tum jaogi usse milne?

Shivani: I don’t know. Tab kya situation ho us par depend karta hai.

Anuj: Okay!

Shivani: Meri packing ho gayi hai, tumhari help karwani hai?

Anuj: Nahi! Main khud kar lunga.

Shivani: Okay!

Anuj wahan se uth ke chala jata hai. Aur wo din bhi aa jata hai jab un dono ko Mangalore jana hai. Dono Simran aur Kirti aur apne aunty uncle se ‘bye’ keh ke airport ke lie nikal jate hain. Anuj us din se chup hai jab se Kirti ne use Shivani ke ladke dekhne ki baat ki hai. Wo Shivani se jyada baat nahi kar raha.

Dono check-in kar lete hain aur ab plane board karne ka wait kar rahe hain.

Shivani: Kuch khaye? Mujhe thodi bhuk lagi hai, pata nahi plane me kaisa khana milega?

Anuj: Okay! Chalo.

Dono ek fast food joint par jate hain aur burger khate hain. Par Shivani notice kar rahi hai ki Anuj chup hai. Wo jyada kuch bol nahi raha.

Shivani: Anuj!

Anuj: Hmm!

Shivani: Kya hua hai?

Anuj: Kuch bhi nahi.

Shivani: To tumhari excitement kahan gayi?

Anuj: I am exicted.

Shivani: Mujhe lag nahi raha. Kya hua hai batao.

Anuj: Nothing!

Shivani: Tell me na.

Anuj: Tumhe koi ladka dekhne aaya aur tumne use shadi ke lie han bol dia to…

Shivani: To?

Anuj: To kuch nahi. To main tumhe congratulate karne aaunga.

Shivani samajh jati hai ki Anuj kyun chup hai. Wo muskurati hai.

Shivani: Waise maine mana kar diya hai ghar par, ki is baar ladke dekhne ka koi scene nahi hona chahiye.

Anuj: Sach?

Shivani: Haannn! Kyunki pichli baar jis ladke ko dekha tha usne mujhe shadi ke lie mana kar diya tha, to mujhe thoda time chahiye apna moral boost karne ke lie.

Anuj: Maine mana nahi kia tha.

Shivani: Okay! Tumhare ghar walon ne to kiya tha na.

Anuj: Yeah! Whatever.

Shivani: Han! To bas confidence hi nahi raha ladke dekhne ka.

Anuj: To tum koi ladke nahi dekhne wali ho?

Shivani: Nahi!

Anuj: Promise!

Shivani: Han baba… promise.

Anuj: (smiles) Okay!

Anuj apna hath aage karta hai, Shivani hand shake karne ke lie apna hath uske hath me de deti hai. Lekin hand shake ke sath hi Anuj Shivani ko apne kareeb kheench leta hai aur use hug kar leta hai. Shivani Anuj ke is act se surprised hoti hai, par fir muskurate hue wo bhi use hold kar leti hai. Dono alag hote hain aur tabhi plane me board karne ki announcement hoti hai. Anuj aur Shivani plane board kar lete hain. Anuj Shivani ko plane me apne side wali seat par dekh ke bhot khush hai. Wo khud bhi nahi janta ki use ye khushi kyun hai. Plane ke take off hote hi Shivani badalon ko dekhne lagti hai aur Anuj Shivani ko dekhne lagta hai. Wo Shivani ki choti choti chize humesha se note karta hai aur aaj bhi kar raha hai. Iske sath hi wo Kirti ki kahi hui baat bhi soch raha hai aur soch raha hai ki aaj tak kisi aur ladki ke sath use itna acha feel kyun nahi hua? Wo yaad kar raha hai apni pehli soch jab wo ye sochta tha ki ladkiyan responsibility hoti hain. Lekin yahan to Shivani ne Anuj ko sambhala tha, Shivani ne ab tak har chiz me uski help ki hai. Anuj ko kabhi laga hi nahi ki wo Shivani ke lie kuch kar raha hai.

Shivani ab andar dekhti hai. Anuj use dekh raha hai.

Shivani: Kya hua?

Anuj: Kuch nahi.

Shivani: Tumhe pata hai, tum bol rahe the na ki tum excited kyun nahi ho, hum sath me ja rahe hain. Mujhe ab wo excitement feel ho rahi hai. Lekin tum ab bhi chup ho. Kya hua hai?

Anuj: Nothing!

Shivani: Bolo na.

Anuj: Mujhe tumse kuch kehna hai.

Shivani: Kaho.

Anuj: Abhi nahi. Baad me.

Shivani: To chup mat raho na.

Anuj: Okay!

Shivani: What okay? Bolo na kuch.

Anuj: Tum so jao.

Shivani: Kya?

Anuj: Tum so jao.

Shivani: Kyun?

Anuj: Acha nahi sona to kya mere kandhe par sir rakh sakti ho?

Shivani: Anuj! You okay?

Anuj: I am okay. Please! Rakho.

Shivani: Okay!

Shivani Anuj ke left shoulder par apna sir rakhti hai. Anuj Shivani ka right hand apne hath me le leta hai. Shivani apna left hand Anuj ki left arm par rakh deti hai aur Anuj ki taraf dekh kar bolti hai, “Ab thik hai?”

Anuj: (smiling) Thik nahi, perfect hai.

Dono aise hi baithe rehte hain. Anuj apne right hand se Shivani ke hath ko sehla raha hai. Wo aaj uske hath par kiss karna chahta hai par khud ko roke hue hai. Kyunki jo aaj usne maanga hai aur Shivani ne uske kehne par kia hai wahi uske lie bhot hai. Wo chahta hai ki wo dono aise hi hamesha ek dusre ke sath rahe. Delhi me ek sath aur fir Mangalore me bhi ek sath. Wo ye sab ab imagine kar raha hai. Ye sab imagine karte hue use sab kuch bhot hi khoobsurat lag raha hai. Wo ladki jo use sabse jyada samajhti hai, agar wo hi uski life partner bane to kitna acha hoga. Aur ye hi to wo shuru se chahta tha, par pata nahi Shivani kya samjhegi ye soch kar bol nahi pa raha tha. Lekin Shivani ne use promise kia tha ki wo use kabhi bhi judge nahi karegi.

Isilie wo faisla karta hai ki Manglore jake, Shivani se apne dil ki baat zarur karega. Par kaise? Ye dekhne ke lie next episode tak wait karna padega. Tab tak…. Shubh Ratri, Shabba Khair, Sayonara…. Agla episode leke jald hi aaungi main aapke samne. Tab tak…

Keep enjoying your life…
&
Keep feeling the love… ❤

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: