SOCHA NA THA (E-6)

Episode-6

Recap: Pichle episode me aapne padha tha ki Anuj ne apne dil ki baat indirectly hi sahi par Shivani se keh di thi. Agle din subah se dono chat karne lage the aur ek dusre ke baare me kafi kuch jaan bhi gaye the. Lekin sham ko jab dono ek sath office se wapas aa rahe the to ek dusre se kuch bol nahi paye, par ghar par phochte hi Anuj ne fir Shivani ko message kia aur dono fir se baat karne lage. Baato baato me hi Shivani ne Anuj ko apne ghar par chai ke lie invite kia aur Anuj bhi ye baat maan gaya. Ab aage….

Anuj jaldi se fresh hoke Shivani ke flat ke bahar jake doorbell bajata hai. Kirti door kholti hai.

Kirti: Hi! What a timing? Hum abhi chai bana hi rahe the.

Anuj: Okay!

Anuj Kirti ko ye show nahi karta ki use Shivani ne bulaya hai. Anuj andar aa kar baith jata hai. Simran kitchen me hai aur Kirti uske paas baith jati hai.

Kirti: So, how was your day handsome?

Anuj: (smiles) Yeah! Good. (idhar udhar dekhte hue) Shivani nazar nahi aa rahi.

Kirti: (chhedte hue) Kya baat hai, bada dekhne ka mann kar raha hai use?

Anuj: (smiles) Nahi! Aisa kuch nahi bas dikh nahi rahi hai islie puch raha tha.

Kirti: Abhi aayi hai office se, fresh hone gayi hai, aa hi rahi hogi.

Anuj: (Shivani ke room ki taraf dekhte hue) Okay!

Shivani ke room ka door khulta hai aur Shivani bahar nikalti hai. Anuj Shivani ko dekh ke smile karta hai, Shivani bhi use dekh ke muskurati hai. Shivani kitchen me chali jati hai. Anuj use jate hue dekh raha hai aur Kirti bole ja rahi hai. Anuj ka dhyan Kirti par bilkul bhi nahi hai, wo bas Shivani ko dekh raha hai. Shivani ko bhi maaloom hai ki Anuj use hi dekh raha hai isilie wo nazare utha kar uski taraf dekh nahi rahi. Shivani aur Simran dono chai le kar aate hain. Anuj aur Kirti dono chai lete hain.

Simran: Aur batao Anuj ghar par sab kaise hain?

Anuj: Sab ache hain.

Kirti: Aunty ne koi naya rishta dekha?

Anuj: (Shivani ko dekhte hue) Ab zarurat nahi hai. (Kirti ko dekhke) I mean ab main yahan hu to ab nahi dekh rahe. Jab jaunga to may be…

Kirti: Kab jaoge ghar?

Anuj: Abhi to aaya hu, Diwali par hi jaunga.

Kirti: Yaar! Its not good.

Anuj: (hairan hoke) Kya hua?

Simran: Hona kya hai ye pagal hai.

Anuj: Han! Wo to mujhe pata hai par fir bhi…

Kirti: This is not fair Anuj, tum bhi mujhe pagal bol rahe ho.

Anuj: Nahi! Main tumhe pagal nahi bol raha, main bas puch raha hu kya hua?

Shivani is beech kuch nahi bol rahi, wo bas Kirti ki nautanki dekh rahi hai aur beech beech me nazare churate hue Anuj ko dekh leti hai.

Kirti: Tum dono kitne lucky ho, ek sath Diwali pe ghar ja paoge. Main aur Tushar to ek sath ghar bhi nahi ja sakte, kyunki hum dono ke ghar totally opposite hain.

Anuj: Ohh! To is wajah se upset ho?

Kirti: Han! Aur Shivani tumhare sath jaegi ek hi flight me, ek sath is tarah jana kitna amazing hoga tum dono ke lie.

Anuj Shivani ko dekhta hai jo is waqt chai ka sip le rahi hai.

Anuj: Han! Wo to hai.

Shivani Anuj ko chai pite hue dekhti hai, Anuj use dekh ke smile karta hai.

Kirti: Aur main aur Tushar alag alag.

Simran: Kyun ro rahi hai? Pure time Tushar ke sath rehti hai office me, fir bhi tujhe Tushar chahiye.

Kirti: Waise kitna acha hai na, dono sath me jaenge, ek dusre ka hath pakad ke, Shivani Anuj ke shoulder par so bhi sakti hai. Aur inke parents bhi ek dusre se mile hue hain, bas inko ghar pe batana hai.

Shivani ye sab sunke apne sir pe hath rakhti hai. Usne kitni baar Kirti ko samjhaya hai ki Anuj ke samne ye sab baate na kiya kare lekin wo sunti hi nahi hai.

Shivani: Tu kya bole ja rahi hai? Hum bas acting kar rahe hain, real me kuch nahi hai aisa.

Kirti: To kar lo na.

Anuj Shivani ki taraf dekhta hai jab wo ye kehti hai. Use kahin na kahin Shivani ka ye kehna bura lagta hai.

Kirti: Ye dono pagal hain kya Simran? Sun hi nahi rahe hain, main bol rahi hu kab se.

Simran: Beta! Pyar tere bolne se nahi hoga, jab hona hoga khud hi ho jaega.

Anuj: Han! Aur ho sakta hai ki jab tak ghar jane ki baari aaye to Kirti ki baat sach ho jaye.

Shivani Anuj ko hairani se dekhti hai ki ye sab wo kya bol raha hai, wo bhi Kirti ke samne.

Kirti: That’s the spirit my boy!

Kirti aur Anuj taali marte hain. Shivani dono ko dekh ke sir na me hilate hue dhire se muskura rahi hai.

Shivani: Tum dono pagal ho gaye ho.

Kirti: Pagal hi sahi, ab to Anuj bhi maan gaya hai tu bhi maan ja.

Shivani muskurati hai. Thodi aur chit-chat ke baad Anuj wahan se chala jata hai.

Raat ko khane ke baad Anuj fir se Shivani ko message karta hai. Shivani apne room me hi hoti hai.

Anuj: Hey!

Shivani: Hmm!

Anuj: Kya main aapse baat kar sakta hu?

Shivani: Nahi!

Anuj: Why?

Shivani: Kyunki mujhe kuch kaam karna hai.

Anuj: Kya kal office me nahi ho sakta?

Shivani: Kya baat karni hai?

Anuj: Yahi ki hum dono sath me ghar jaenge.

Shivani: Han! Par pehle batao, wo sab kya tha Kirti ke samne?

Anuj: Wooo…. Wo to aise hi bol diya tha maine, wo chup nahi ho rahi thi islie. Uske baad ho gayi thi na.

Shivani: Okay!

Anuj: Han to tickets book kar de kya?

Shivani: Abhi do months hain.

Anuj: Par tickets to abhi book kar dete hain na, sasti padengi.

Shivani: Tum pagal ho, tumhe pata hai?

Anuj: Shayad, thoda sa.

Shivani aur Anuj dono hi chat karte hue lagataar muskura rahe hain. Ek pyari si smile unke face par aur ek unique si khushi unke dilon me hai. Aisi feeling, unhone kabhi feel nahi ki. Kya kabhi aapko feel hua hai ye sab? Agar han, to aap sach me bhot lucky hain, kyunki aapko bhi pyar hua hai.

Shivani: Ek month baad karana tickets.

Anuj: Mujhe abhi karani hain, tum kal baat kar lena na apne bank me.

Shivani: Okay! Kar lungi, par mujhe baat to karne do.

Anuj: Yeah! Okay!

Shivani: Aur kuch?

Anuj: Han! Konsi flight me jana chahogi?

Shivani: Iske alawa koi baat nahi hai kya?

Anuj: Han! Hai na.

Shivani: To bolo…

Anuj: Kya kal hum dono sath me office chale?

Shivani: Kyun?

Anuj: Aunty ne kaha tha na, jab tab ek dusre ke sath time spend nahi karoge, tab tak ek dusre ko janoge kaise?

Shivani: Han! Par wo kisi aur wajah se kaha tha unhone.

Anuj: Han… To kya hua? U never know… kuch bhi ho sakta hai.

Shivani: (blush aur smile ke sath type karte hue) Mr. Anuj! Aapko nahi lagta aap kuch jyada flirt kar rahe hain?

Anuj: (muskura kar type karte hue) Aisa hai kya?

Shivani: Ye to aapko pata hona chahiye.

Anuj: To thik hai, flirt nahi karunga agar aap samne aa jaengi.

Shivani muskurati hai, ye ek alag hi smile hai, jo sharmate hue aati hai, jo tab aati hai jab aapko lagne lagta hai ki jise aap pasand karte ho wo bhi aapko pasand karta hai. Shivani type karti hai, “Okay!”

Anuj reply karta hai, “To kal, sath me ja rahe hain na hum?”

Shivani: Han!

Anuj: Great!

Shivani: Ab main thoda kaam kar lu?

Anuj: Yeah! Why not, agar zaruri hai to…

Shivani: Ok. Gud nyt then…

Anuj: Agar zaruri nahi hai to kal kar lena.

Shivani Anuj ka message padh ke hasti hai.

Shivani: Zaruri kaam hai.

Anuj: (sad) Ok.

Shivani Anuj ka message dekhke smile karti hai aur use “Gud nyt.” send kar deti hai.

Anuj bhi use “Gud nyt.” type karke bhej deta hai aur let jata hai.

Dono baat karni to band kar dete hain, par wo smile dono ke chehre se jane ka naam nahi le rahi. Dono bas khush hain, aur ye bhi nahi jante kyun. Itni khushi isse pehle un dono ne kabhi mehsoos nahi ki hai. Na jane kyun, ye sab itna acha lag raha hai dono ko, aur iska jawab dono ke paas hi nahi hai. Bas jawab me hai to ye muskurahate jo dono ke chehron par rehti hain ab, jab dono ek dusre ke sath hote hain aur ek dusre se alag bhi.

Agla din hota hai aur dono ab ready ho rahe hain, pehle din ki tarah aaj bhi dono ek dusre ko message par “Good morning!” keh chuke hain. Anuj ready hoke Shivani ke flat me aa jata hai. Shivani use 5 minute wait karne ke lie kehti hai aur wo kuch dhundne lagti hai. Anuj Shivani ko dekh raha hai aur wo apne kaam karne me busy hai. Shivani ke baal bheege hain, usne ek white colour ki kurti aur blue jeans pehni hui hai, kaano me choti choti jhumkiyan hain aur jo wo dhund rahi thi wo bhi use mil chuka hai, uski watch. Wo apni kalayi par use baandhti hai aur Anuj se chalne ka ishara kar deti hai. Dono ghar se bahar nikal jate hain aur ek auto me baith jate hain. Auto me baith ke bhi Anuj Shivani ko dekh raha hai. Shivani is waqt kisi se phone par baat kar rahi hai islie wo dhyan nahi de rahi. Wo phone pe kisi ko daant rahi hai. Wo phone rakhti hai aur Anuj chup chap samne dekhne lagta hai.

Shivani: Sorry! Wo kuch kaam tha islie.

Anuj: Its okay! Par tum daantati bhi ho ye nahi pata tha mujhe.

Shivani: Matlab?

Anuj: (smiles) Matlab… I never thought ki tum kisi ko aise daant bhi sakti ho. Hamesha bhot soft aur caring nature hi dekha hai tumhara.

Shivani: (smiles) It depends ki samne wala kaisa hai aur kya kar raha hai?

Anuj: Han! Wo to hai. But mujhe to nahi daantogi na kabhi.

Shivani: It depends.

Anuj: Means you can scold me?

Shivani: Kyun nahi?

Anuj: Seriously?

Shivani: Agar tum koi galati karoge to obviously daantungi. Dosti sirf acha bane rehne ke lie thodi ki hai? Agar tumhe sahi raste pe lane ke lie mujhe thoda strict bhi hona pada to main ho sakti hu.

Anuj smiles at Shivani. Shivani also smiles at Anuj.

Anuj: You look good while smiling.

Shivani: (blushing) Thanks!

Anuj: Please aaj baat kar lena for holidays. Mujhe tickets book karwani hain.

Shivani: Okay! Kar lungi.

Ab dono fir se chup hain, soch rahe hain ki kya baat kare aur itne me hi Shivani ka bank aa jata hai. Wo auto se utar jati hai.

Shivani: Bye!

Anuj: I will come in the evening. Okay?

Shivani: (smiles) Okay!

Shivani wahan se chali jati hai. Anuj bhi apne office ke lie chala jata hai. Aur fir wahi office me chatting shuru ho jati hai. Dono kaam karte hue chat bhi kar rahe hain, ya ye bhi keh sakte hain ki chat karte hue kaam kar rahe hain. Ye silsila ab roz ka hai. Roz subah se leke sham tak dono ke messages aur chats chalti rehti hain. Sabke samne dono pretend karte hain ki dono ke beech kuch nahi hai, lekin chats ke through apne dil ki baate ek dusre se share karte hain. Simran aur Kirti ko ab tak kuch nahi pata hai ki dono ke beech me chal kya raha hai, bas wo Shivani ko har time apne phone me ghusa hua dekhti hain to tokti hain, ki tu sare din phone me karti kya rehti hai. Jiske lie Shivani koi na koi bahana bana deti hai.
Lekin ek din, jab Shivani Anuj se chat kar rahi thi, tab Simran aur Kirti plan karti hain ki wo check karke rahengi ki ye aakhir baat kisse karti hai aur wait kar rahi hain ki koi mauka mile. Aur unhe mauka mil jata hai. Anuj aur Shivani dinner ke baad chatting kar rahe hain. Simran aur Kirti dono ek dusre ko kuch ishara karti hain.

Simran: Kisse chat kar rahi hai?

Shivani: Anuj se.

Simran: Ohh! Anuj!

Shivani mann me sochti hai ki Anuj ka naam kyun lia ab ye dono investigate karne lagengi. Par ab to wo bol chuki thi.

Shivani: Han!

Kirti: Aaj kal tu sara time usi se baate karti hai na?

Shivani: (hesitating) Nahiii! Ye to bas aaj hi, jab uska message aaya to… Warna mujhe kahan time hai, main to bas office ka kaam hi discuss karti hu, to islie tumhe shayad lagta ho.

Kirti: Ye pehle to nahi tha.

Shivani: Han! Wo… Aise hi… ab aise tum logon se bhi baat kar leti hu.

Simran: Hmmm! Correct!

Shivani chup rehti hai aur fir se chat karne lagti hai.

Anuj Shivani ko message karta hai, “Tum itni der me reply kyun kar rahi ho? Jaldi reply karo na.”

Shivani replies, “Simran and Kirti are questioning that’s why?”

Anuj: About what?

Shivani: About my chatting. Kisse chat karti rehti hai, all the time.

Anuj: To kya bola?

Shivani: Abhi to taal dia hai.

Anuj: To bata do.

Shivani: Kya batau? Mujhe khud hi nahi pata hai.

Anuj: Kya nahi pata?

Shivani: Agar main bataungi that I chat with u then they will ask me another ques n den ques ans round will start.

Anuj: To bta dena na unhe.

Shivani: Kya btau? Kyn karti hu main tumse itni baat?

Shivani ye message send karke phone leke washroom jane lagti hai.

Shivani: (to Kirti and Simran) Main abhi aayi washroom se.

Simran: Arey! Phone to chhod ja, wo kahan leke ja rahi hai?

Shivani: Yeah! Okay!

Shivani apna phone wahin sofe par chhod jati hai. Jaise hi wo jati hai, Simran uska phone le leti hai, aur dekhti hai. Tab tak Anuj ne bhi Shivani ke message ka reply kar dia hota hai.

Anuj ne message bheja tha, “Bata do jo bhi hai humare beech.”

Simran Anuj ka ye message padh ke Shivani ke phone se use reply kar deti hai, “I don’t know what is between us. U tell me.”

Kirti: Abey! Ye kya kar rahi hai, Shivani bhot maregi aake.

Simran: Marungi to main use, hume kuch nahi bataya aur Anuj ke sath message message khel rahi hai.

Itne me Anuj ka reply aata hai, “Kya tumhe ab tak samajh nahi aaya ki why we chat?”

Simran Anuj ko reply karti hai, “Yeah! I know everything. Should I tell you?

Anuj iska reply karta hai, “Yeah!”

Simran message karti hai, “You know, I think I am attracting towards you. Main jab bhi tumhe dekhti hu, mujhe kuch ho jata hai.”

Kirti: (Simran se) Kya likh rahi hai ye? Wo shock me chala jaega.

Simran: Aane de, main bhi to dekhu ye shareef ladka kitna shareef hai.

Anuj ka reply aata hai, “Kya hota hai?”

Simran: (Kirti se) Dekh aa gaya reply.

Kirti: Shivani aane wali hogi.

Simran: Tab tak kaam ho jaega.

Simran Anuj ko message karti hai, “I feel like come close to you and hugging u.”

Anuj ye message padhke surprised hota hai, kyunki aaj tak kabhi bhi Shivani ne use ye sab nahi kaha hai. Wo Shivani ke phone par reply karta hai, “Shivani are u ok? Ye tum hi ho na?”

Simran: (Kirti se) Ladka samajhdar hai, pehchan gaya ki ye Shivani nahi ho sakti.

Simran use reply karti hai, “Yeah! Of course, aur kon hoga? Main hi hu. Tum bolo na, tumhe kabhi mann nahi karta to hug me?”

Anuj is message ko padh ke soch me pad jata hai ki ab kya reply kare, par wo reply karta hai, “Yeah! Karta hai.”

Simran: (to Kirti) Ye dekh! Sacchai bahar nikal rahi hai.

Kirti: Tu marwaegi.

Simran: Abhi dekh aur kya puchti hu.

Simran use fir message karti hai, “Aur kiss?”

Anuj ye message padh ke to shocked ho jata hai. Wo reply karta hai, “Is it u Shivani?”

Simran replies, “Yeah! Its me baby.”

Anuj message padh ke shocked ho jata hai, kyunki message me “baby” likha hua tha. Jabki Shivani ne kuch din pehle hi Anuj ko ye bataya tha ki use is tarah ke naam, yani ‘Sona, Babu, Baby, Janu’ ye sab naam pasand nahi hain. Aapko ye bhi bata du ki un dono ka ye discussion kyun ho raha tha. Ye sab baatein wo islie kar rahe the kyunki Anuj ko Shivani ka ek nick name rakhna tha. Aur baat karte karte wo is baat tak phoch gaye the. Ye sab yaad aate hi Anuj ko shak hota hai ki ye Shivani nahi hai. Wo message karta hai, “Are you serious? Tum mujhe baby bol rahi ho. Tumhe kya ho gaya hai? Is it you Shivani?”

Simran soch me pad jati hai ki kuch gadbad ho gayi hai shayad. Wo Anuj ko reply karti hai, “Yeah! Its me only Anuj. Aur kya main tumhe baby nahi bol sakti?”

Anuj reply karta hai, “Yeah! But tumne hi to kaha tha ki tumhe aise names pasand nahi hain.”

Simran message karti hai, “Kabhi kabhi mann kar jata hai aise naam lene ka, tum ho hi aise. Ab batao na, tumhe mann karta hai to kiss me?”

Simran ne ye message type kia hi tha ki tabhi Shivani apne room se bahar aati hai aur dekhti hai ki uska phone Simran ke paas hai. Wo Simran ke paas aati hai. Simran jaise hi Shivani ko dekhti hai, wo phone leke dusri taraf chali jati hai.

Shivani: Simran! Kya kar rahi hai? Phone de mera.

Simran: Nahi dungi. Kya bola tha tune? Office ka kaam? Anuj se to bas aaj hi baat kar rahi hu. Ye kaam hai tera.

Shivani: Yaar! Phone de na.

Shivani Simran ke piche bhagti hai. Simran bhagte hue wo message bhi send kar deti hai. Anuj wo message padhta hai aur reply karta hai, “I cant believe ki ye sab tum bol rahi ho.”

Simran bhagte hue apne room me chali jati hai aur room band kar leti hai. Wo Anuj ko message send karti hai, “Batao na baby.”

Anuj iska reply karta hai, “Yeah! Sometimes.”

Shivani room ke door par zor zor se marti hai, aur bolti hai, “Simran! Yaar phone de na.”

Simran Anuj ko fir message karti hai, “Thik se bolo na baby. Kya mann karta hai?”

Ye message karke wo room ke bahar aa jati hai aur Shivani ko uska phone de deti hai.

Shivani: Kya kia tune?

Simran: Tumhari gaadi jo bailgaadi ki tarah chal rahi thi use express me badal dia hai.

Shivani: Kya?

Shivani messages check karti hai. Wo message padh ke shocked hai. Wo jaldi se Anuj ko message karti hai, “Anuj please don’t reply this and wait.”

Anuj jo abhi tak ye soch raha hota hai ki kya aur kaise likhu wo ye message dekh ke ruk jata hai aur soch me pad jata hai ki hua kya?

Hahaha! Ye Simran ne kya kia? Ab aage kya hoga? Kaise Shivani Anuj ko face kar paegi, aur agar Shivani ne Anuj ko sach bata dia ki wo messages usne nahi Simran ne bheje the to Anuj kaise Shivani ko face karega? Ye to dekhne layak hoga. Lekin wo sab hoga next episode me. Tab tak aap log aage ke baare me sochiye, apni life enjoy kijiye, thandi thandi ice-cream khaiye aur pyar ke ehsaas ko hamesha apne andar zinda rakhiye. Just keep feeling the love friends… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: