SOCHA NA THA (E-2)

Episode-2

Recap: Pichle episode me aapne dekha tha ki Anuj aur Shivani ek dusre se mile, unhone ek dusre ko shadi ke lie pasand bhi kar lia tha, par Shivani ke Delhi job karne aur uski

salary Anuj se jyada hone ki wajah se Anuj ke ghar walon ne is shadi ke lie mana kar dia tha. Lekin baad me Anuj ki Mommy ko ye samajh aaya ki Anuj Shivani ko pasand karta hai. Par ab to der ho chuki thi, kuch kia nahi ja sakta tha. Kuch mahine baad Anuj ka transfer bhi Delhi ho jata hai aur badi mushkilon se apne flat par phochne ke baad jab wo flat locked dekhta hai to wo flat wo cancel kar kisi hotel me jane ke lie auto rukwata hai, ki tabhi use piche se ek awaz sunayi deti hai. Wo aur koi nahi, Shivani hi hai. Ab aage….

Shivani ko dekhte hi Anuj ka sara gussa ek sath gayab ho jata hai.

Anuj: Shivani!

Shivani: (smiling) Yeah! You recognised me.

Haha! Ab kon bataye Shivani ko ki Anuj use kaise nahi pehchanega?

Anuj: Yeah! Aap yahan kaise?

Shivani: Main to yahin rehti hu, isi society me.

Anuj: Oh! Okay!

Shivani: Aap yahan kaise?

Anuj: Wo mera transfer hua hai. Aur main abhi aaya hu yahan.

Shivani: Lekin aap to kahin jane ke lie bol rahe hain na.

Anuj: Yeah! Wo maine jo flat book kia tha, uske lie maine mana kar dia hai, so ab hotel ja raha tha. Aapko koi hotel pata hai jo paas me hi ho. Wo kya hai na mera phone bhi dead ho gaya hai, raste me GPS on rakha hua tha islie.

Autowala: Bhaisahab! Chalna hai ya nahi?

Anuj: Han! Bas ek minute.

Shivani: Nahi! Bhaiya aap jao. Inhe kahin nahi jana.

Autowala: Thik hai madam.

Anuj: Arey! Shivani.

Shivani: It’s okay!

Autowala wahan se chala jata hai.

Shivani: Abhi ek bajne wala hai. Aur yahan se half an hour to lag hi jaega hotel tak phochne me. Islie aap abhi mere sath chaliye.

Anuj: Arey! Nahi Shivani. How can I?

Shivani: Why?

Anuj: I mean, it’s a girls’ flat na. To…

Shivani: To…?

Anuj: To… your house owner can become angry.

Shivani: Aap uski chinta mat kijiye. Chale?

Anuj: (hesitating) Okay! If you say so.

Shivani Anuj ke hath se thoda saman le leti hai aur dono Shivani ki building ki taraf jane lagte hain.

Anuj: Abhi is auto me se aap hi aayi thi shayad.

Shivani: Han! Meri ek friend ka birthday hai. Bas use hi surprise de ke aa rahi thi.

Anuj: Okay!

Shivani: Waise mere sath do girls aur rehti hain.

Anuj: Shivani! Should I seriously go?

Shivani: You are my friend na. To kyun nahi aa sakte?

Anuj: I am your friend?

Shivani: Yeah! I mean, we know each other.

Anuj: (smiles) Hmmm!

Shivani: Waise wo dono thoda jyada bolti hain. So, please don’t mind.

Anuj: Mujhe darr lag raha hai.

Shivani: (haste hue) Don’t worry!

Anuj: Okay! If you say so.

Dono flat par phoch jate hain. Shivani doorbell bajati hai aur ek ladki door kholti hai. Shivani Anuj ko andar jane ka ishara karte hue bolti hai, “Andar aaiye!”

Anuj andar aa jata hai aur Shivani door band kar deti hai. Wo ladki Anuj ko sawal bhari nazaron se dekh rahi hai.

Shivani: Anuj! Ye hai Kirti aur Kirti ye hai Anuj.

Kirti (Shivani’s flatmate): (Anuj se) Hi! (Shivani se) Tu Charu ko surprise dene gayi thi na. To fir ye kon hai?

Shivani: Ye Mangalore se hi hain, mere friend.

Itne me Shivani ki dusri flatmate bhi apne room se bahar nikalti hai.

Shivani: Anuj! Ye hai Simran.

Simran: Hi! Nice to meet you.

Anuj: Hi! Same here.

Shivani: Wo actually aaj hi ye Delhi aaye hain aur coincidentally ye mujhe niche mil gaye.

Simran: Okay! Please! Baitho na Anuj.

Anuj: Yeah! Thanks.

Shivani Anuj ko pani deti hai. Anuj kabhi is tarah se girls ke beech me raha nahi hai. Ghar me bhi koi behen nahi hai aur school me bhi usne jyada ladkiyon se kabhi baat ki nahi hai, islie wo wahan uncomfortable feel kar raha hai.

Shivani: (apne room ki taraf ishara karte hue) Aap wahan fresh ho jaiye.

Anuj: Okay!

Anuj wahan se uth kar Shivani ke room me chala jata hai aur door band kar leta hai. Jaise hi Anuj door band karta hai, waise hi Kirti aur Simran Shivani ko pakad leti hain.

Simran: Ab bata beta, konsa friend hai ye?

Kirti: Bas friend hai?

Shivani: Arey! Yaar tum log pagal ho kya? Wo bas friend hai, even friend bhi nahi hai.

Kirti: Friend bhi nahi hai? To use yahan kyun leke aayi hai? Kuch to gadbad hai.

Shivani: Ye wahi hai.

Simran: Kon wahi?

Shivani: Wo jisse main shadi ke lie mili thi.

Simran: Oh teri! Ye wo hai?

Kirti: Yaaaarr! Banda to handsome hai.

Shivani hasti hai.

Simran: Ise yahan kyun layi hai waise? Isne to mana kar dia tha na.

Shivani: But he is a nice person. Pareshan tha to le aayi.

Simran: Tu galat track pakad rahi hai.

Shivani: Kon sa galat track?

Simran: Tujhe ye pasand tha na.

Shivani: Shhh! Tu pagal hai kya? Dhire bol.

Simran: (dhire bolte hue) Bata na.

Shivani: Aisa kuch nahi hai. Han! Thik laga tha, par jab usne hi mana kar dia to…

Kirti: Par banda bada handsome hai.

Simran: Bas ye to shuru ho gayi. Tushar (Kirti’s boyfriend) ko bolu kya?

Kirti: Simran! Sundarta ki tareef karni chahiye.

Simran: Is sundarta ki tareef bas Shivani kar sakti hai.

Teeno hasti hain.

Anuj Shivani ke room ko dekh raha hai. Usne apne room ko ache se maintain kia hua hai. Bed ke samne wali wall par usne apni kuch pics ka ek collage banaya hua hai. Anuj wo pics dekh raha hai. Har pic me wo Anuj ko khoobsurat lag rahi hai. Anuj use dekh kar smile karta hai. Thodi der me Anuj room se bahar nikalta hai. Simran, Kirti aur Shivani teeno bahar hi baithi hui hain. Anuj bhi Shivani ke paas jakar baith jata hai.

Shivani: Aapne kuch khaya nahi hoga na. Wait main kuch lekar aati hu.

Anuj: Shivani! Rehne dijiye. Waise bhi ab 2 bajne wale hain.

Simran: Koi baat nahi! Kal Sunday hai na, aaram se uth jaenge.

Anuj: (smiles) Okay!

Shivani kitchen me chali jati hai.

Simran: Shivani bata rahi thi ki aapne yahan ka flat cancel kar dia. Acha nahi laga?

Anuj: Nahi! Flat me lock laga hua tha, aur owner keys lake nahi de raha tha. Islie maine flat cancel kar dia. Thoda pareshan bhi tha main, islie.

Kirti: If you want, then ek flat yahin hai, lekin wo hamare landlord ka flat hai and they need a paying guest for their house.

Anuj: Wo log to family hogi na. Wo mujhe kaise allow karenge?

Kirti: Bas uncle aur aunty rehte hain unki family kahin bahar rehti hai, that’s why they need a paying guest. Ek baar baat kar sakte hain, agar aapko uncle aunty ke sath rehne me koi problem nahi hai to.

Simran: Yeah! And you will get good food also. Ghar ka khana milega, isse jyada acha kya hai? Aur Shivani bhi hogi samne wale flat me, to isse bhi kabhi bhi mil sakte ho.

Anuj: But! What if they will not approve me?

Simran: Arey yaar! Job ke lie apply thodi karna hai, thoda makkhan laga denge ho jaega. Aur waise bhi wo dono bhot cool hain. They will not have any problem.

Anuj: Okay! To hum kal baat kar sakte hain unse?

Kirti: Yeah! Why not. Hum dono jake baat kar aaenge.

Anuj: Okay! Great.

Ye baat khatam hoti hai aur Shivani kitchen me se Anuj ke lie khana leke aati hai.

Anuj: (Shivani ko dekh ke) Thanks Shivani! Itni raat me main is tarah aap logon ko pareshan kar raha hu.

Simran: Arey! Friends hote hi kis lie hain. Hain na Shivani.

Shivani: (smiles) Han!

Shivani ab Anuj ke paas sofe par baith jati hai. Simran Kirti ko wahan se chalne ka ishara karti hai. Kirti aur Simran dono khade hote hain.

Kirti: Okay guys! We are going to sleep. Subah milte hain.

Shivani: Okay! Main bhi aati hu abhi.

Kirti: Take your time baby. Good night Anuj!

Anuj: (smiles) Good night!

Simran aur Kirti wahan se apne apne rooms me chali jati hain. Wahan par ab Shivani aur Anuj akele hain. Anuj khana kha raha hai aur Shivani uske paas baithi hui hai.

Anuj: Thanks Shivani!

Shivani: Isme thanks ki koi baat nahi hai.

Anuj: No! You don’t know tumhare aane se pehle main kitna frustrated feel kar raha tha. Gussa bhot aa raha tha, aur shayad main ro bhi deta. Aise kabhi aaya nahi hu na itni dur, mujhe kuch bhi pata nahi tha, ek cab wala mujhe waise hi ek baar bewakoof bana chuka tha, flat ki chabi nahi mili thi, aur phone bhi band ho gaya tha. Aise me jab tumhe dekha to sach me aisa laga jaise kisi apne ko dekh lia ho. Pata nahi, tum nahi aati to main kya karta?

Shivani Anuj ko dekh rahi hai aur smile karti hai.

Shivani: Ab to sab thik hai na.

Anuj: Han!

Shivani: To fir bina pareshan hue ye khana khaiye. I know aapki mom jaisa nahi hoga, par itna bhi bura nahi hai.

Anuj: (Dhire se haste hue) No! It’s tasty.

Shivani smile karti hai. Anuj bhi smile karta hai.

Shivani: Aap mere room me so jaiye. Main Kirti ke room me hu, ye samne wala room hai. Agar aapko kuch chaiye ho, to please inform me.

Anuj: Okay!

Shivani: Okay then, Good night!

Anuj: Yeah! Good night and thanks!

Shivani smile karti hai aur Kirti ke room me chali jati hai. Anuj bhi Shivani ke room me chala jata hai. Shivani Kirti ke room me jake jaise hi bed par letati hai, waise hi Kirti uth kar baith jati hai.

Kirti: Kya bol raha tha handsome?

Shivani: Kuch nahi, khana khaya aur sone chala gaya.

Kirti: Bas?

Shivani: Hmmm! So ja 3 bajne wale hain.

Kirti: Okay! Good night!

Shivani: Good night!

Shivani Kirti ko to sone ke lie keh deti hai, par use khud neend nahi aa rahi. Wo dono ki pehli mulakaat yaad kar rahi hai. Wo yaad kar rahi hai ki Anuj us mulakaat me use kis tarah se dekh raha tha aur kis tarah unki baate hui thi. Wo aaj bhi use isi tarah dekh raha tha. Shivani yahi sab soch rahi hai aur neend uski aankhon me dur dur tak nahi hai.

Anuj bhi Shivani ke baare me hi soch raha hai. Wo khush hai ki is tarah use Shivani mili hai, wo jald se jald ye sab apni Mommy ko batana chahta hai, isilie use subah ka intezaar hai.

Agli subah hoti hai. Shivani uthati hai aur room ke bahar aati hai. Aaj weekend hai islie aaj kisi ko bhi office nahi jana hai. Shivani ke bahar aane ke kuch der baad hi Anuj bhi bahar aa jata hai.

Anuj: Good morning!

Shivani: Good morning! Aapko neend to thik se aayi na?

Anuj: Han! Wo dono so rahi hain?

Shivani: Nahi! Room me to nahi hain, pata nahi, shayad kahin gayi hain.

Anuj: Okay!

Itne me Kirti aur Simran flat ka door kholte hain.

Simran: Arey! Dono uth gaye.

Shivani: Kahan gayi thi tum dono?

Kirti: Wo hum Anuj ke lie Mishra uncle se PG ke lie baat karne gaye the.

Shivani: Kya? Tum logon ne unse pucha hai?

Simran: Han! Humari baat hui thi kal raat me, batao na Anuj.

Anuj: Han wo baat to hui thi.

Shivani: Aur main kahan thi?

Simran: Kitchen me.

Shivani: To wo maan gaye?

Kirti: Manenge kaise nahi, hum koi jugaad galat karte hain kya?

Shivani: Iska matlab kuch galat kia hai.

Kirti: Kuch bhi galat nahi hai, bas ek problem hai.

Shivani: Kya?

Kirti: Wo agar Mishra uncle tujhse aur Anuj se puche ki tum dono kon ho to unhe batana ki….

Kirti bolte bolte chup ho jati hai.

Shivani: Kya batana hai? Aage bolegi?

Kirti: (darte hue) Sorry! Par mere muh se nikal gaya ki tum dono ek dusre se…

Shivani: Ek dusre se what?

Simran: Arey! Kuch nahi. Humne uncle se kaha tha ki Anuj Shivani ka friend hai, to wo ye puche ja rahe the ki bas friend hi hai? Unhe aisa lag raha tha ki bas friend to nahi ho sakta. To iske muh se nikal gaya ki un dono ke parents ne unhe pehle milwaya tha shadi ke lie ek dusre se baat karne ke lie. Jaise hi Kirti ne ye bola unhone aage suna hi nahi.

Shivani apne sir par hath rakh leti hai aur Anuj bhi hairan hai, pehle is baat se ki un dono ko pata hai ki Anuj aur Shivani ek dusre ko kis wajah se jante hain aur dusri baat ye ki un dono ne ye sab unke land lord ko bhi bata dia hai.

Shivani: Tum log pagal ho kya? Ye sab bolne ki kya zarurat thi?

Simran: Puri baat to sun le, jo hum bol rahe hain.

Shivani: Tumse kisne kaha tha baat karke aane ke lie? Main chali jati baat karne.

Simran: (in sarcasm) Han! Bas, fir to wo maan hi jate.

Shivani Simran ko ghurti hai.

Simran: Unhone humari puri baat suni hi nahi, humne jaise hi bola ki parents ne shadi ke lie milwaya tha, to wo khush ho gaye. Kehne lage, “Ohhoo! Parents ne shadi fix karwayi hai, fir to thik hai.”

Shivani: To tumhe unhe clear karna chahiye tha na.

Kirti: (darte hue) Hume laga acha khasa room mil raha hai rehne ke lie, hath se kyun jane dena.

Simran: Han! Ek to tumhare baare me socha humne, upar se hume hi suna rahi hai. Bhalayi ka zamane hi nahi hai aaj kal to.

Shivani: Jhuth bol ke bhalayi nahi karni chahiye.

Simran: Kya jhuth yaar! Bol to aise rahi hai jaise life me kabhi jhuth nahi bola tune. Anuj tum batao tumhe koi problem hai isse?

Anuj is sab ke baare me abhi bhi soch hi raha tha ki Simran ne usse ye sawal puch lia.

Anuj: Huh! Nahi! Problem to nahi hai, but what they exactly know about us?

Kirti: Unhe lagta hai ki tum dono shadi ke lie mile the aur tumhari shadi fix ho gayi hai.

Shivani: No man! This is wrong.

Anuj: To unhe hume ye show karna hai ki humari shadi fix ho chuki hai.

Kirti: Han!

Anuj: Aur unhone pucha nahi ki shadi kyun nahi kar rahe?

Simran: Pucha tha, humne keh dia ki dono ko abhi career par focus karna hai, parents zid kar rahe the to bas shadi ke lie han ki hai.

Shivani: Ye kya karke aaye ho tum dono?

Simran: (gusse me) Meri baat sun Shivani. Tujhe thik nahi lag raha to jake unse mana kar de, waise bhi wo tum dono se milna chahte hain. To tum dono par hi depend karta hai, ki sach batana hai ya jhuth. Jaisi marzi ho karo.

Ye keh ke Simran apne room me chali jati hai.

Kirti: (Anuj se) Sorry! Wo thodi gusse wali hai. We know humse thodi mistake ho gayi hai, but humne socha ki jab tak aapko koi aur ghar ni milta tab tak aap yahan reh lo, fir shift kar lena.

Anuj: No! It’s okay!

Kirti: Main dekhti hu use, jab dekho muh bana leti hai.

Kirti bhi ye keh ke Simran ke room me chali jati hai. Ab Anuj aur Shivani akele hain living room me.

Shivani: I am so sorry! Maine bola tha na, ye thodi pagal hain. Sochti nahi hain kuch karne se pehle. Main abhi jake uncle ko bol dungi ki ye sab jhuth hai.

Anuj: Agar is tarah uncle ko bata dia to Simran aur Kirti ka impression acha nahi padega.

Shivani: Hmmm!

Anuj: So! Mujhe Kirti ki baat sahi lagi, ki hum abhi ke lie unse yahi keh dete hain, jab tak mujhe koi dusra flat nahi mil jata.

Shivani: I am so sorry for this.

Anuj: (smiling) It’s okay! I don’t have any problem.

Shivani muskurati hai.

Anuj: To kab milna hai unse?

Shivani: Breakfast ke baad chale?

Anuj: Okay! Tab tak aap apni friend ko mana lo.

Shivani: (smiles) Wo maan jaegi, jitni jaldi use gussa aata hai, utni hi jaldi chala bhi jata hai.

Ye Kirti ne kya kia? Maine kaha tha na ki kismat se badi chiz kuch nahi hoti. Kismat me likha tha to dono fir se mil gaye, aur dekhiye ab ek dusre se engaged hain ye bhi bolna padega unhe apne makaan malik se. Ise kehte hain destiny. To destiny unhe aage kis tarah ek dusre ke sath lati hai, ye to dekhna banta hai. Uske lie dekhiyega humara next episode. Aur doston episode aane me thodi der ho jaye to shama kijiega, deri ka reason to main pehle hi bata chuki hu aapko, apna pyar dete rahiega bas… To aaj ke lie bas itna hi…

Hum milenge aapse next episode me….

Keep enjoying your life…
&
Keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: