The Imperfect Marriage!

Episode-23

Recap: Pichle episode me aapne dekha tha ki Manpreet Jassi se baat karne ke baad ye sochti hai ki Riday ne use isilie maaf kia hai kyunki use yakeen hai ki kabhi na kabhi Jassi wapas aaegi aur wo usi ke sath apni shadi aage badhaega. Isi galatfehmi ke chalte wo Ridayjeet se dur hone ki koshish kar rahi hai kyunki wo nahi chahti ki pichli baar ki tarah fir se uska dil toote. Lekin Ridayjeet Manpreet ki diary padhne ke baad ye decide kar chuka hai ki ab use Mann ke sath hi rehna hai aur chahata hai ki kisi tarah ye sab wo Manpreet ko bata de. Par use itna rulane ke baad ab use samajh nahi aa raha ki kis tarah wo usse is baare me baat kare. Ridayjeet ka behaviour Manpreet ke lie isi wajah se badla hai, par Mann ko iski wajah Jassi lag rahi hai. Raat ko sote hue Mann ko ek sapna aata hai jisme wo Riday aur Jassi ko ek sath dekhti hai, us sapne ke baad wo Ridayjeet par bhot naraz hoti hai aur use agle din uske ghar wapas bhejne ki baat karti hai. Par Ridayjeet use kisi tarah chup kara deta hai. Agle din wo Manpreet se raat ke gusse ki wajah puchta hai aur usi me dono ek dusre ke kareeb aa jate hain. Ridayjeet use cuddle kar leta hai aur Manpreet bhi use nahi rokti. Ab aage…

Dono ek dusre ke sath aise hi lete hue hain. Thodi der aise hi lete rehne ke baad Manpreet ko fir pata nahi kya hota hai aur wo Ridyajeet se dur ho jati hai. Ridayjeet bhi ye samajh nahi pata.

Ridayjeet: Kya hua?

Manpreet: Aapko jana hoga na kaam pe. Aap ready ho jao.

Ridayjeet: Han! Jana to hai, par tumne hi to kaha tha ki ghar par tum akele bore ho jaogi, islie main yahin hu tumhare paas.

Manpreet: Nai! Us di koi lod nai hai. Main Riddhi nu bol dungi, wo ruk jaegi mere kol.

Ridayjeet: Pakka? Tussi yahi chahti ho?

Ridayjeet uski aankhon me dekhte hue bolta hai jo Manpreet chura rahi hai. Mann bhi ek pal ke lie Ridayjeet ki aankhon me dekhti hai aur fir nazare hata kar kehti hai, “Han! Pakka.”

Ridayjeet: Okay!

Ridayjeet bed se uth kar ready hone chala jata hai. Mann use jane nahi dena chahti islie udas hai, lekin wo khud ko aane wale time ke lie tyar rakhna chahti hai islie Ridayjeet se dur rehna hi use sahi lag raha hai.
Ridayjeet ready ho raha hai. Wo mirror me se Mann ko dekhta hai, wo use udas lag rahi hai.

Ridayjeet: Mann!

Manpreet: Han!

Ridayjeet: Pakka javaan?

Manpreet: Han!

Ridayjeet: Yahi baat agar smile karte hue keh dogi to acha hoga.

Manpreet smile karne ki koshish karti hai, par kar nahi pati. Ridayjeet ye dekh raha hai.

Ridayjeet: Meri koi baat buri lag hai kya Mann?

Manpreet: Nahi to…

Ridayjeet: To is tarah behave kyun kar rahi ho?

Manpreet: Mujhe hamesha se aise hi rehna chahiye tha.

Ridayjeet: Aisa kyun bol rahi ho?

Manpreet: Kyunki aapne mujhse nahi kisi aur se shadi ki thi.

Ridayjeet: Maine tumse hi shadi ki hai.

Manpreet: Par aapko lagta to kuch aur tha na. Aapko is tarah compromise karne ki koi lod nai hai.

Ridayjeet samajh nahi pa raha ki Mann ko kaise samjhaye ki wo koi compromise nahi kar raha hai. Wo samajh pa raha hai ki Mann ke dil me ye baat baith gayi hai ki usne usse nahi Jassi se pyar kia tha aur yahi galatfehmi Ridayjeet ko mitani hai. Ridayjeet Mann ke paas aata hai, bed par.

Ridayjeet: Tussi sahi keh rahe ho, mainu is tarah compromise karne ki koi lod nai hai. Islayi jald hi main ye sari confusion khatam karne wala han. Tab tak tuhanu wait karna hovega. Bas tab tak.

Ridayjeet Manpreet ko dekhta hai, Manpreet ab bhi udas hai.

Ridayjeet: Lekin jab tak ye confusion khatam nahi hoti tab tak hum dost ki tarah to reh sakde hain na. Tum chahe meri wife raho na raho ek dost hamesha rahogi Mann.

Manpreet Ridayjeet ko dekhti hai aur han ka ishara kar deti hai.

Ridayjeet: Hun meri dost smile kar sakdi hai ya nai?

Manpreet smile karti hai.

Ridayjeet: Aur meri is dost ka mujh par pura haq hai, meri wife se bhi jyada. (Mann me: Aur wo bhi tum hi ho Mann.)

Ridayjeet: (Mann ke face par hath rakhte hue) Okay!

Mann han me apna sir hila deti hai aur apni palkon se aansu girne se rokti hai.

Ridayjeet: Hun tuhaddi best friend nu bulanda han. Wo thoda khayal rakhegi tuhadda. Te main jaldi aan di koshish karanga. Okay?

Manpreet: Okay!

Ridayjeet wahan se uth kar room ke bahar chala jata hai. Mann ne ab tak jo aansu roke hue the wo aankhon se beh jate hain. Wo un aansuon ko phonchti hai aur bolti hai, “Hun in hanjuan naal hi rehna hai, dosti tan karni paegi inhan de naal.”

Ridayjeet Riddhi ko Manpreet ke paas rehne ke lie bolta hai aur Mann se ‘bye’ kehke chala jata hai.

Riddhi ke room me aane ke baad Mann use Jassi ke call ke baare me sab bata deti hai. Riddhi pehle se hi Ridayjeet se gussa hai ab aur naraz ho jati hai.

Riddhi: Veer ji nu lod hi ki si us Jassi nu dhundne jaane ki?

Manpreet: Wo usse pyar karte hain.

Riddhi: Pyar! My foot! Jad aavegi na yahan wo, tab pata chalega unhan nu. Pata nai ki hunda ja raha hai veer ji nu.

Manpreet: Leave it! Maine tujhe ye sab islie bataya kyunki tu koi expectations na rakhna, te mere jane ke baad ghar walon nu samjha dena. Main apne biji bauji nu samjha dewangi.

Riddhi: Tu kamliyon wali gal na kar Mann. Kyun javegi tu yahan se? Jana hoga tan wo jaegi, te veer ji nu us de sath jana hove tan wo bhi chale jaye.

Manpreet: Riddhi! Tujhe aaj kal bhot gussa aane laga hai.

Riddhi: Aur tujhe bilkul nai aata. Thoda gussa karna seekh aur ladna seekh.

Manpreet: Ki fayda? Isse wo mainu mil nai sakde. Agar maine unhe rok bhi lia tan dil tan unka otthe hi rehvega.

Riddhi: Tu sach me pagal ho gayi hai.

Manpreet: Kuch bhi samajh. Par main unhe pareshan nahi karna chahti.

Riddhi: Chahe khud sari life roti rahe?

Manpreet: (smiling) Wo lines suni hai na tune Riddhi? ‘Ye ishq nahi aasan, bas itna samajh lijiye… Ik aag ka dariya hai aur doob ke jana hai.’

Riddhi: Chaped khaegi na to sari shayari nikal jaegi teri.

Manpreet hasti hai. Riddhi bhi hasti hai aur use hug kar leti hai.

Riddhi: Veer ji tainu thik hi kehnde han.

Manpreet: Ki?

Riddhi: Pagal kudi!

Manpreet: (muskurate hue) Ab unki yahi baate hi yaad kia karungi bas.

Is tarah dhire dhire 10 din beet jate hain. Manpreet ki haalat me ab kafi sudhar hai. Ridayjeet puri koshish karta hai ki kaam se jaldi free hoke ghar aa jaye. Dono ek dusre se behad pyar karte hain par na to Mann use bata sakti hai aur na hi Ridayjeet use batana chahta hai. Dhire dhire din beet rahe hain aur Jassi ke Punjab aane ki date bhi nazdeek aa rahi hai.
Manpreet apne room me baithi hui hai aur Ridayjeet kaam se wapas aata hai. Mann Ridayjeet ko roz zabardasti bhej to deti hai, lekin bas intezaar karti hai ki kab wo wapas aaega. Jaise hi wo Ridayjeet ki awaz sunti hai, uske chehre par smile aa jati hai. Lekin Ridayjeet ke room me aane tak wo apne emotions par control kar leti hai aur waise hi baith jati hai jaise wo pehle baithi thi. Ye ab roz ka kaam ho gaya hai. Ridayjeet room me aata hai.

Ridayjeet: Soniyo! Kaisi ho?

Manpreet: Aapne kya kaha abhi?

Ridayjeet: Soniyo!

Manpreet: Kyun?

Ridayjeet: Kyunki ye tuhadda naam hai na.

Manpreet: Mera naam nai hai.

Ridayjeet: Fir kiska hai?

Manpreet: Mainu nai pata.

Ridayjeet: Thik hai. Nai pata tan hun sun lo. Main tuhanu is naam se bula sakda han. Te baki jo vi naam maine rakhe si.

Manpreet: Kyun?

Ridayjeet: Kyunki mera mann hai. Bhot sawal puchti hai kudi. Pata ni inne sawal aate kahan se hain isde kol?

Mann chup rehti hai.

Ridayjeet: Mommy bol rahi si tuhadda dil ni lag riha aethe.

Mann ab bhi chup hai.

Ridayjeet: Hun bolo bhi.

Manpreet: Han!

Ridayjeet: Kyun?

Manpreet: Kuch karne ko nai hota.

Ridayjeet: Rest karo na. Kamm kyun karna hai?

Manpreet: (hichkichate hue) Ki main?

Ridayjeet: Ki main?

Manpreet: Ki main academy ja sakdi han?

Ridayjeet: Batawan tainu? Koi academy nai.

Manpreet: Par main aethe bore ho jandi han.

Ridayjeet: Riddhi nu chhad ke janda han na, te fir?

Manpreet: Wo kab tak baithi rehvegi mere kol? Main usnu bhej dendi han.

Ridayjeet: Mann!

Manpreet: (nazare churate hue) Please na. Jane deo mainu.

Ridayjeet: Ye sari strategy si tuhaddi. Hai na?

Manpreet: Kehdi strategy?

Ridayjeet: Yahi, ki pehla mainu kamm te bhejo fir Riddhi nu bhej do, te fir academy jaan layi bol do.

Manpreet: (smile karte hue) Avain! Aisa kujh vi nai hai.

Ridayjeet: Teri smile te kujh hor hi das rahi hai.

Manpreet aur jyada muskurane lagti hai.

Manpreet: Nai na!

Ridayjeet: Par academy tan nai jana.

Manpreet: Kyun?

Ridayjeet: Kyunki tussi otthe kisi di gal ni sundi.

Manpreet: Sunaangi na.

Ridayjeet: Thik hai. Tan main vi jawanga sath me, manzoor?

Manpreet: Okay! Manzoor.

Ridayjeet: Te wahan gussa kita ya mainu kamm pe jane layi kaha tan tussi fir ghar vich te main kamm vich.

Manpreet: Okay!

Ridayjeet: Thik hai. Kal chalaange fir tuhaddi academy.

Manpreet khush ho jati hai.

Next day, Ridayjeet Mann ko academy le jata hai. Wahan sab usse milke khush hote hain. Wo dekhti hai ki annual function ki preparation thik tarah se chal rahi hain. Jab se Mann ka fracture hua hai, uske bauji academy aa jate hain, academy ke kaam ko dekhne. Mann apne bauji se milti hai, bauji use dekh kar khush hote hain. Soniya jo ek choreographer hai wo Mann se puchti hai, “Mann annual function tak to thik ho jaogi na?”

Manpreet: I don’t know. May be.

Soniya: Lekin tumhari performance to honi chahiye na.

Manpreet: I will try ki main perform kar pau. But tum inhe dekh rahi hi na, (Ridayjeet ki taraf ishara karte hue) ye isilie aaye hain yahan ki mujhe dance na karne de.

Un dono ki baate sunke Mann ke bauji muskurate hain.

Manpreet’s Dad: Sahi kar raha hai wo. Abhi tera dance karne ka time nai hai.

Manpreet muh bana leti hai. Ridayjeet use is tarah muh banate hue dekh ke muskurata hai.

Ridayjeet: Muh banane se kuch hone wala nai hai.

Wahan khade sab log haste hain. Manpreet ka ye din kafi acha jata hai, wo bhot din baad sabse milti hai, jo chize use pasand hain unhe hote hue dekhti hai. Ridayjeet bhi use is tarah khush dekh kar khush hai. Sham ko ghar wapas aate hue wo use doctor ke paas check up ke lie le jata hai. Doctor fir se Mann ke pair ka x-ray karte hain aur kehte hain, “Pair jud gaya hai. Aap chahe to fracture khulwa sakte hain.”

Ridayjeet: Are you sure doctor? Kyunki abhi to 11 din hi hue hain.

Doctor: Yeah! Sure.

Ridayjeet: Aage koi problem nahi honi chahidi hai.

Doctor: Nahi! Koi problem nahi hogi. Aap logon ne inka dhyan kafi ache se rakha hai, islie jaldi improve kia hai inhone.

Ridayjeet: Okay doctor!

Doctor: To kal aap log isi time aa jaiye main plaster remove kar dunga. Lekin medicines abhi chalengi.

Ridayjeet: Thik hai. Hum kal aa jaenge.

Ridayjeet next day Manpreet ko leke hospital jata hai aur uska plaster remove ho jata hai. Doctor use kuch exercise karne ke lie kehte hain, jisse uska pair fir se usi tarah chalne lagega.

Ridayjeet Manpreet ko car me baitha kar ghar le ja raha hai.

Manpreet: (Khushi se) Hun main dance kar pavangi.

Ridayjeet: Mann! Abhi tuhadda pair itna bhi sahi nai hua hai.

Manpreet: Lekin annual function hai.

Ridayjeet: Kuch bhi ho.

Manpreet: Main hi dance nai karangi te ki fayda hai annual function da?

Ridayjeet: Annual function postpone kar lo.

Manpreet: Nai kar sakde. Cards bat chuke hain. Main jyada dance nahi karangi, bas ik minute da dance ta kar hi sakdi han.

Ridayjeet: Mann! Main academy jaan layi Mann giya si, par iske layi nai manunga. Kujh vi kar lae.

Mann chup ho jati hai aur apna sir niche kar leti hai.

Lagta hai Ridayjeet Mann ko dance nahi karne dega. Use Mann ki bhot chinta hai aur wo nahi chahta ki Mann ko zara si bhi takleef ho. Lekin Mann Ridayjeet ki baat maanegi ya is baat ko wo kisi aur tarah use karegi? Ye janne ke lie miliyega humse next episode me. Tab tak… Shubh Ratri… Shabba Khair… Sayonara….

Keep enjoying your life…
&
Keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: