The Imperfect Marriage!(E-22)

Episode-22

Recap: Pichle episode me aapne dekha tha ki Ridayjeet ke chhedne se Riddhi usse gussa hokar chali jati hai. Ye baat Manpreet ko achi nahi lagti, use darr lagta hai ki kahin Ridayjeet fir se usse naraz na ho jaye. Lekin Ridayjeet ab Mann se naraz nahi hai. Ridayjeet ki care dekh ke wo uske gale lag jati hai. Ridayjeet bhi yahi chahta tha islie wo bhi use apni bahon me samet leta hai. Mann usse puchti hai ki wo usse gussa hai ya nahi. Jiske jawab me wo use bolta hai ki wo pehle usse naraz zarur tha lekin ab wo usse naraz nahi hai. Ye sab sunke Mann khush ho jati hai aur ek hope uske dil me paida ho jati hai. Ridayjeet uske lie roti banane kitchen me jata hai, tabhi uske phone par ek call aata hai jo Mann receive kar leti hai. Wo call Jassi ka hai. Wo kuch din me Punjab wapas aa rahi hai. Ye sab sunke uski sari khushi ek sath khatam ho jati hain. Ab aage…

Manpreet ab sab sochne lagti hai. Wo sochti hai, “Shayad isilie Riday khush hai aur use maaf kar dia hai, kyunki unhe Jassi ka pata chal gaya hai. Nahi to wo achanak itne khush kyun hote. Aur main be wajah khush ho rahi thi ki wo mujhe maaf karke mujhe accept kar lenge. Wo Jassi se pyar karte hain aur uske lie wo Mumbai tak gaye the. Wo kyun mujhe accept karenge. Main bhi pagal hu, jo ye sochne lagi thi ki ab meri life me sab thik ho jaega. Par acha hai ye sab mujhe abhi pata chal gaya. Jyada hopes badh jati to fir takleef hoti, abhi to main shayad khud ko sambhal lungi.” Wo ye sab soch hi rahi hai ki Ridayjeet kamre me aa jata hai.

Ridayjeet: Ae lo ji garma garam rotiyan.

Manpreet apne chehre ki shikan chhupate hue muskurati hai. Ridayjeet khana khilane ke lie jaise hi pehla niwala todta hai, waise hi Mann kehti hai, “Rehne dijiye main khud kha lungi.”

Ridayjeet: Okay! Par ab ye to kha lo. Muh kholo.

Manpreet muh khol deti hai. Ridayjeet uske muh me wo niwala daal deta hai. Manpreet ab roti ka tukda todti hai. Ridayjeet use dekhta hai.

Ridayjeet: Ye bite mainu khilaogi? Ya khud khaogi?

Manpreet muskurati hai aur Ridayjeet ko wo niwala khila deti hai. Ridayjeet kha leta hai. Agla niwala wo fir se Manpreet ko khila deta hai.

Manpreet: Aap kha lo, main kha laangi.

Ridayjeet: Tainu pata hai, ye maine tumhari biji se hi suna tha.

Manpreet: Ki suniya si?

Ridayjeet: Ki bimar ko dusre ke hath se hi khana khana chahiye, wo jaldi thik ho janda hai.

Manpreet: (muskura kar) Aap meri biji ki sari gallan mande ho ki?

Ridayjeet: Nai! Par ye tan manta hu. Islayi chup karke mere hath se kha lo.

Manpreet: Kab tak khilaoge aap aise mujhe?

Ridayjeet: (Manpreet ke muh me niwala dalte hue) Jab tak tussi thik nahi ho jate.

Manpreet: Aur aise mainu aadat ho gayi fir?

Ridayjeet: (sochte hue) Firrrr… nai fir tan nai khila sakda.

Manpreet: (dukhi mann se Jassi ki baat ke baare me sochte hue) Kyun?

Ridayjeet: Kyunki sabke samne kaise khilaunga aise? Uske lie hume apne room me hi khana khana padega. Jo bas abhi kuch din hi ho sakda hai.

Manpreet: Main ki aethe hi rehne wali hu?

Ridayjeet ko yaad aata hai Mann ne jo diary me likha tha, ki wo yahan se dur jana chahti hai sab kuch chhod ke.

Ridayjeet: Acha! Hun pehle khana kha lo. Fir baat karenge.

Ridayjeet is baare me baat nahi karna chahta kyunki wo Mann ko kahin jane nahi dena chahta. Mann samajhti hai ki wo is baare me islie baat nahi karna chahta kyunki Ridayjeet janta hai ki aaj nahi to kal Jassi wapas aa hi jaegi aur uski jagah Jassi Ridayjeet ke paas rahegi, isilie Riday ne uski is baat ka jawab nahi dia. Ridayjeet aur Mann ke beech me na jane kab ye galatfehmiyan dur hongi. Shuru se hi dono ke beech itni galatfehmiyan hain, na jane ye dono ko kab tak ek dusre se dur rakhengi.

Ab dono khana kha lete hain. Ridayjeet Manpreet ko sahara deke leta deta hai. Aur khud bhi apni side jake let jata hai. Manpreet apni aankhe band kar leti hai. Dawaiyon ki wajah se aaj kal use neend bhi bhot jaldi aa jati hai, islie wo so jati hai. Ridayjeet bhi tab se Manpreet ke kaamo me laga hua hai islie wo bhi so jata hai. Lekin raat me Mann ko ek sapna aata hai. Jisme Ridayjeet aur Jassi unke kamre me sath me hain aur Ridayjeet Jassi ke kareeb ja raha hai aur Jassi ki aadat ke mutabik wo usse dur nahi bhag rahi, balki Ridayjeet ko wo apni taraf kheench rahi hai. Wo dono kafi kareeb aa chuke hain. Ridayjeet ke uske bilkul nazdeek jate hi Manpreet ki neend toot jati hai aur wo chillati hai. Mann ki awaz sunke Ridayjeet ki neend bhi khul jati hai.

Ridayjeet: Mann! Ki hoya? Sab thik hai.

Manpreet ko pasina aa raha hai. Ridayjeet use pani pilata hai.

Ridayjeet: Koi bura sapna dekha ki?

Manpreet: Shayad!

Ridayjeet: Main hu tuhadde kol. Sone ki koshish karo.

Ridayjeet Mann ko sulane ki koshish karta hai. Lekin Mann ki neend ab ud chuki hai.

Ridayjeet: Ki hoya Mann?

Manpreet: Kuch nahi.

Ridayjeet: Tainu pata hona chahiye ki hun main tainu janda han. Ye sab tu pehla kardi si jab Jassi ke bare me chupa rahi si. Te hun fir se ye sab kar rahi hai. Bol ki gal hai. Ki chupa rahi hai?

Manpreet ko ab jhunjhlahat ho rahi hai, wo apni is zindagi se pareshan ho chuki hai. Ridayjeet jab uske piche padta hai to wo apna sara gussa uspar nikal deti hai aur chilla ke bolti hai, “Nai batana mainu. Ki karna hai?”

Ridayjeet hairan hai kyunki usne Mann ko is tarah baat karte hue kabhi nahi dekha.

Manpreet: (usi awaz me) Aap so jao. I am sorry meri wajah se aapki neend kharab hui. And please, aapko ye sab karne ki zarurat nahi hai mere lie, aap mainu kal mere biji bauji ke ghar chhod dena. Main wahan reh lungi.

Ridayjeet: Lekin mainu koi problem nahi hai, ye sab karne me.

Manpreet: Lekin mainu hai.

Ridayjeet: Ki problem hai?

Manpreet: Is shadi ki wajah se aapka pehle bhi bhot time waste ho chuka hai na, to aur time main ab waste nahi karana chahti. Islayi please aap mainu kal mere biji bauji ke ghar chhad dena.

Ridayjeet: Main ye na karaan te?

Manpreet: Te main khud biji bauji nu bula laangi.

Ridayjeet: Ki hua hai tainu? Abhi tak tan thik si.

Manpreet: Abhi tak main thik nahi si, abhi thik hui hu. Is layi mainu biji bauji ke paas bhej do.

Ridayjeet: Nai bhejna maine.

Manpreet: Kyun?

Ridayjeet: Kyunki nai bhejna bas. Har chiz me behas zaruri nai hoti hai Mann.

Manpreet bed se uthne lagti hai.

Ridayjeet: Tum pagal ho gayi ho kya? Ki kar rahi ho?

Ridayjeet Manpreet ko rokta hai. Use uski jagah par leta deta hai.

Ridayjeet: Chup chap yahin leti raho. Neend aaye to bhi aur na aaye to bhi. Yahan se hili to mujhse bura koi nahi hoga.

Manpreet: Aap chahte kya ho? Main aapki koi nai hu.

Ridayjeet: Mann! Tu meri wife hai.

Manpreet: Aap nai mante par.

Ridayjeet: Jab hamari shadi hui thi, tum manti thi kya is shadi ko? Lekin hum sath reh rahe hain na. To hum husband wife hain.

Manpreet: Par ye shadi Jassi ke naam se hui hai. Aur aap to use dhundne bhi gaye the na Mumbai, wo aa jaegi to mainu jana hi hai. Te abhi kyun nahi?

Ridayjeet: Jis bhi naam se hui hai, par hui tumse hai. Wahan par tum thi mere sath.

Manpreet: Ye sab aap kab se sochne lage? Aap ko to ye shadi manzoor nahi si. Aap to mere Biji Bau ji pe case karne wale si.

Ridayjeet: Main nahi kar raha koi case. Ae tu bhi jandi hai Mann ki wo sab maine gusse vich kiha si. Ab ye sab le ke mat baith. So ja.

Manpreet: Mainu nahi sona. Mainu apne ghar jana hai.

Ridayjeet: Mann! Tu kamali ho gayi hai ki? Pair toota hua hai, raat ho rahi hai. Fir bhi zid kie ja rahi hai. Agar biji bau ji se milna hai to main kal mila launga.

Manpreet: Mainu milne nahi wahi rehne jana hai. Aapka aur mera koi rishta nahi hai. Aap Jassi nu chahte ho

Ridayjeet: Te tu? Tu mainu nahi chahti?

Manpreet: Usse ki farak painda hai? Aap tan usi nu chahte ho. Isilayi aap Mumbai gaye si.

Ridayjeet: Han! Gaya si, par aayi kya wo? Nahi na. Wo nahi aaegi, main jaan chuka hu. Is layi…….

Manpreet: (Ridayjeet ki baat ko kaatate hue) Islayi aapne socha ki Jassi nahi te Mann naal hi kamm chala lo.

Manpreet ki is baat par Ridayjeet ko bahut gussa aata hai aur uska hath uthte-uthte ruk jata hai.

Manpreet: Ruk kyun gaye? Maar lete na. Agar First price nahi to consolation prize hi sahi.

Ridayjeet: (chillate hue) Bakwas band kar Mann!

Manpreet: Ye aapko bakwas lagti hai? To thik hai bataiye, agar Jassi aa gayi to aap mujhe ghar chhod kar aaenge ya nahi? Boliye!

Manpreet ki aisi baaton se Ridayjeet ka gussa bhi badh gaya hai aur isilie wo apne dil ki baat Mann se zahir karne ki jagah, gusse me use kuch aur hi bol deta hai.

Ridayjeet: Han! Lae aaunga main use is ghar vich, te tujhe chhadd aaunga tere bauji ke ghar. Ab thand pae gayi? Aur kuch janna hai?

Manpreet ke mann me jo ek choti si aas thi wo bhi tut gayi.

Manpreet: Nahi! Ab mujhe kuch nahi janna. Sab kuch samajh gayi hu main ab. Aap ye sab sirf dikhawa kar rahe ho.

Ridayjeet: (gusse me bhadakte hue) Han! Sab dikhwa hai, tere baare me sochna, teri care karna, tujhe khana khilana, sab dikhawa hai. Mere dil me tere layi kuch vi nahi hai. Par main tujhe tere ghar nahi chhaddne wala.

Manpreet: (aankhon me aansu lie) Main aappe hi chali javangi.

Manpreet bistar se uthati hai.

Ridayjeet: (gusse me) To aise nai manogi tum? Okay!

Ridayjeet use pakad kar kheench leta hai, use bed par leta deta hai aur Manpreet ko kas ke apni bahon me pakad leta hai, jaise wo kabhi pehle kia karta tha. Lekin uske pair ka dhayan rakhta hai.

Manpreet: Chhaddo mainu.

Ridayjeet: Hun chup karke so jao. Kyunki main tan chhadne wala nai han.

Manpreet bhot koshish karti hai par khud ko Ridayjeet se chhuda nahi pati. Aakhir me wo koshish karna band hi kar deti hai aur Ridayjeet ko pakad kar rone lagti hai. Ridayjeet uske aansu ponchta hai. Kuch pal dono ek dusre ko dekhte hain.

Ridayjeet: Hun sone ki koshish karo.

Manpreet: Neend nahi aa rahi.

Ridayjeet: Islie socha ki entertainment ke lie ladayi kar lu?

Manpreet: Aap jab Jassi ke sath rehna chahte ho to mujhe kyun roka hua hai yahan?

Ridayjeet: Aaj ke lie bahut ho chuka hai, ab thoda baki dino ke lie bhi bacha lo. Aur madam ek baat main aapnu bata du ki aap koi consolation prize nahi ho.

Manpreet chup hai.

Ridayjeet: Mainu pata hai tumhe ki lagda hai. Main tumhare har sawal ka jawab dunga Mann, please thoda sa wait aur kar lo. Aur tab tak tum kahin nahi jaogi.

Manpreet: Hmmm! Par ab main aur jyada wait nahi kar sakdi.

Ridayjeet: Apne pair thik hone tak ka wait to kar lo.

Manpreet: Thik hai.

Ridayjeet: Ek gall aur…. Tussi apna comparison Jassi se karna band kar do. Tum me aur usme bahut farak hai. Na tum Jassi ban sakti ho aur Jassi agar chahe bhi to Mann nahi ban sakti. Main hi bahut vadda gadha si jo tere aur Jassi me farak nai kar paya aur do mahine tak tujhe Jassi samajhta riha.

Manpreet bas Ridayjeet ki baatein sun rahi hai.

Ridayjeet: Wo kya hai na…. Us waqt tak main sirf Jassi nu janda si… Tum se kadi gallan hui hi nahi si.

Manpreet: Aur mainu janne ke baad aapko kya lagta hai? Ki kaun better hai?

Ridayjeet: Abhi bola hai ki usse apna comparison na karo, par fir shuru ho gayi.

Manpreet: Thik hai na bataiye fir.

Ridayjeet: Han! Good Girl. Par ek gal bata sakda han.

Manpreet: Wo ki?

Ridayjeet: Ye ki agar main pehle tumhe jaan paya hota to shayad Jassi kabhi meri life me aati hi nahi.

Manpreet lete hue hi Ridayjeet ko dekhti hai aur Ridayjeet bhi Mann ke chehre ko padhne ke lie uski taraf dekhta hai. Manpreet jaise hi aage kuch aur puchna chahti hai waise hi Ridayjeet use rok deta hai.

Ridayjeet: Hun baki baatein kal subah. So jao ab tussi. Aur main tumhe pakad ke sone wala hu, kahin mere sone ke baad tussi bhag na jao.

Ye keh kar Ridayjeet Manpreet ko pehle ki tarah hi apni bahon me samet leta hai. Manpreet ab shant hai. Ridayjeet bhi use shant dekh kar muskurata hai. Jab wo so jati hai, tab use dekhta hai aur dhire se bolta hai, “Pagal kudi! Acha hai. Main shayad dobara khud himmat na kar pata tumhare itne kareeb aane ki, par tumhare gusse ki wajah se ye bhi ho gaya. Bas hun isi tarah, dhire dhire tuhaddi sari galafehmiyan dur kar pau. Par uske lie Jassi ka yahan aana bahut zaruri hai.”

Ridayjeet Mann ke mathe ko dhire se chumta hai aur uske paas so jata hai.

Agle din Ridayjeet uthta hai aur Mann ko sote hue dekh raha hai. Use purane din yaad aa rahe hain. Wo muskura raha hai. Tabhi wo dekhta hai ki Mann shayad jagne wali hai. Wo aankhen band karke sone ka natak karta hai. Mann jaag gayi hai. Wo Ridayjeet ko sote hue dekhti hai aur muskurati hai. Fir dhire se bolti hai, “Sote me kitne cute lagte hain.”

Tabhi, Ridayjeet apni aankhein khol leta hai aur bolta hai, “Aur jaagte me?”

Manpreet: (hairan hote hue) Aap jaag rahe hain?

Ridayjeet: (smiling) Kyun nahi jagna chahiye tha?

Manpreet Ridayjeet se thoda dur hone ki koshish karti hai, lekin Riday ne raat ki tarah abhi bhi use pakada hua hai.

Ridayjeet: Waise ik gal dasso, tuhanu raat vich ki hoya si? Itna gussa. Haye Rabba! Main tan darr hi giya si. Ki hoya si bataogi hun?

Manpreet: Kuch nai, bas ek bura sapna si.

Ridayjeet: Bure sapne ki wajah se mujhpe gussa kyun kia?

Manpreet kuch ni bolti.

Ridayjeet: Main guess karaan?

Manpreet: Nai.

Ridayjeet: Riddhi lad rahi si mere naal?

Manpreet: Nai!

Ridayjeet: Te ki kar riha si?

Manpreet: Aapko kyun janna hai? Maine ni batana.

Ridayjeet: Sapne vich Jassi si ki?

Manpreet: Aapko kaise pata?

Ridayjeet: Kyunki? Raat me tainu Jassi ka bhoot chadha si.

Manpreet: Wo koi bhoot shoot nahi si. Wo aapki reality hai aur main bas kuch din ki mehmaan.

Ridayjeet: Tu fir shuru ho gayi. Tainu boleya si na raat vich.

Manpreet: Aap bol to aise rahe ho ki uske aane ke baad mainu nahi chhadoge.

Ridayjeet: Nahi! Nahi chhaddanga. Mainu dona behena de naal koi problem nahi hai. Tu vi reh le te o vi reh le mere naal.

Manpreet: Ki bole?

Ridayjeet: Kuch nai…

Manpreet: Main ja rahi hu.

Ridayjeet: Arey meri maa… Majak kar riha si main.

Manpreet Ridayjeet ko ghur kar dekhti hai aur Ridayjeet Mann ko pyar se dekhta hai. Phir dhire se Mann ke chehre par muskaan ubhar aati hai aur wo muskan hasi me badal jati hai. Dono haste hain. Ab aage Ridayjeet kis tarah Manpreet ki galatfehmi dur kar paega. Ye sab janne ke lie hum next episode me milte hain. Tab tak…. Shubh ratri, Shabba khair, Sayonara…. Keep enjoying your life and keep feeling the love…<3

One thought on “The Imperfect Marriage!(E-22)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s