The Imperfect Marriage!(E-21)

Episode-21

Recap: Pichle episode me aapne dekha tha ki Ridayjeet ne Manpreet ki diary padh li thi. Usne uske dil ki sari baate jaan li thi, jo shayad Manpreet ne kabhi khud se nahi batayi. Wo us diary ko padh ke pachhtata hai ki usne Mann ke sath wo sab nahi karna chahiye tha. Ab wo decide kar chuka hai ki Mann ko ye ehsaas dila ke rahega ki wo bhi usse pyar karta hai aur wo use chhod ke kahin na jaye. Iske lie abhi tak usne kuch socha to nahi hai. Par wo ab Mann se bhot pyar se bol raha hai. Riddhi bhi Manpreet ko dekhne uske room me aati hai, aur wo jo seminar attend karne gayi thi, uske baare me batati hai. In sab baaton me Ridayjeet baar baar Mann ke lie apni care express karta hai, to Riddhi aur Mann dono hi uski in baaton se hairan hoti hain. Riddhi ko jo award mila hai, wo use lene apne room me chali jati hai. Ab aage…

Riddhi apna award lene room me gayi hai. Mann Ridayjeet ko dekh rahi hai par jaise hi Ridayjeet Mann ko dekhta hai wo apni nazare nichi kar leti hai. Ridayjeet dhire se muskurata hai.

Use wo pal yaad aata hai jab shuru me Mann isi tarah usse nazare chura liya karti thi. Wo yaad karta hai ki wo sab Mann hi kia karti thi aur uski in aadaton se hi uska pyar Mann ke lie (jise wo Jassi samajh raha tha) badh gaya tha.

Ridayjeet: Mann!

Manpreet: Han!

Ridayjeet: (chhedte hue) Kitna soti ho tussi. Inna koi sonda hai ki?

Manpreet: (sir jhuka ke) Pata nai mainu itni neend kyun aa rahi hai.

Ridayjeet: Pata hona chahiye na tuhanu. Ab raat me bhi soegi?

Manpreet: Mainu ki pata?

Ridayjeet: Agar raat me neend na aave tan mainu bata dena.

Manpreet: Aap ki karoge?

Ridayjeet: Kujh te kar hi laange.

Itne me Riddhi apna award le ke aati hai.

Riddhi: Ye dekho… Mera award…

Riddhi uske sath pose banake khadi ho jati hai.

Ridayjeet: Haye Rabba! Ik award ki mil gaya ye to pose hi banaye jandi hai.

Manpreet: Dikha mainu.

Riddhi Mann ko award de deti hai.

Manpreet: Nice han! Well done.

Riddhi: Veer ji! Aap se achi to meri bhabhi hai. Huh..

Ridayjeet: (muskurate hue) Hun bhabhi tainu makkhan ni lagaegi te tu bhabhi ki baat kive manegi?

Riddhi: (Eyebrows chadhate hue) Meri bhabhi aisi nai hai. Wo bhot achi hai. Samjhe na.

Ridayjeet: Han! Wo tan dikh hi raha hai.

Riddhi waise to apne veer ji ki sari baate sunke taal deti hai lekin aaj pata nahi kyun jab Ridayjeet ne majak Manpreet ko leke kia to use acha nahi laga. Shayad recently jo bhi ghar me hua hai islie. Riddhi ko kya pata ki Ridayjeet ke mann me ab Mann hi hai.

Riddhi: Veer ji! Mann ke baare me mere samne ik aur shabd bola na tan acha ni hovega.

Ridayjeet: Maine ki bol ditta aisa?

Riddhi: Sab bol jande ho te fir bolde ho ki bola. Us da fracture hua hai, fir vi aap nu chain nai hai. Us di burayi hi kie janne ho aap.

Manpreet: (Riddhi to shant karne ki koshish karte hue) Riddhi wo majak kar rihe si.

Riddhi: Mann tu chup baith. Tujhe bolne ki aadat nahi hai. Islayi inna kujh seh gayi chupchap, main teri jagah hoti tan ik baari me thik kar deti inhan nu.

Ridayjeet: Ho gaya tera?

Riddhi: Nai! Hune bacha hai. Aap jo is de layi kujh vi bolde rehnde ho na, mere samne na bola karo. Te han! Makkhan ye tan ni lagati mainu, par hoti na Jassi wo zarur lagati. Jaise usne aap nu lagaya si.

Manpreet: Riddhi! Ki bol rahi hai tu. Chup kar.

Riddhi: Sahi bol rahi hu main Mann. Inhan nu kujh dikhda nai hai usde agge, akkhan band kiti hoyi hain, khulwani tan padengi na.

Manpreet: Wo majak kar rahe si na.

Riddhi: Tujhe leke agar mere naal majak kita tan acha ni hovega.

Ye keh ke wo room se chali jati hai. Ridayjeet kuch soch raha hai. Mann Riday ko dekhti hai. Use acha nahi laga hai jis tarah se Riddhi Riday se baat karke gayi hai.

Manpreet: I am sorry. Shayad use aapka majak samajh nai aaya.

Ridayjeet: Tum kyun sorry bol rahi ho. Tussi aaram karo main thoda tehal ke aata hu.

Manpreet Ridayjeet ko rokna chahti hai par rok nahi pati. Uska mann bechain hai ki itni mushkil se to Ridayjeet ache se baat karne laga tha, kahin is incident ke baad wo fir se waise hi behave na karne lage usse. Jitna pyar aur care wo dikha raha tha kahin fir se wo waise hi gussa na show karne lage. Par wo bas wait kar sakti hai aur kuch nahi. Dinner ka time hota hai aur Ridayjeet wapas aata hai.

Ridayjeet: (apni mommy ke paas jake) Mommy! Khana ready hai?

Ridayjeet’s mom: Han puttar!

Ridayjeet: Main lae janda han. Main aur Mann sath me kha lenge.

Ridayjeet’s mom: Thik hai puttar.

Ridayjeet apna aur Mann ka khana room me le jata hai. Mann wahan baith ke Riday ka wait kar rahi hai.

Ridayjeet: Khana lae aaya han, kha lo chalo.

Ridayjeet Manpreet ko thik se baithata hai aur khane ka pehla bite todke use khilane ke lie aage karta hai. Par Mann wo khati nahi. Wo Riday ko dekhti hai aur uski aankhon se aansu nikalne lagte hain.

Ridayjeet: Ki hua? Ro kyun rahi ho? Maine kujh galat kia ki?

Manpreet na me sir hila deti hai.

Ridayjeet: Te fir?

Manpreet Ridayjeet ko dekh rahi hai.

Ridayjeet: Chalo tussi khana khao pehle. Muh kholo.

Manpreet Riday ko hi dekh rahi hai aur aansu uski aankhon se ruk nahi rahe. Ridayjeet khane ki plate side me rakhta hai. Room ka door band karta hai aur wapas Mann ke paas aake baith jata hai.

Ridayjeet: Hun dasso. Ki hoya?

Manpreet fir se na me sir hila deti hai. Ridayjeet Manpreet ke thoda aur kareeb aata hai aur uske aansu pochta hai.

Ridayjeet: Kyun ro rahi ho? Bataogi mainu?

Manpreet khud ko rokne ki bhot koshish pehle bhi kar chuki hai. Lekin ab… ab wo khud ko rok nahi pati. Wo Ridayjeet ke gale lag jati hai aur rone lagti hai. Ridayjeet uske sir par hath pher raha hai.

Ridayjeet: Chup ho jao. Kyun ro rahi ho?

Manpreet use kas ke pakad leti hai, aise jaise aaj ke baad wo usse kabhi mil nahi paegi. Ridayjeet bhi use apni bahon me le leta hai.

Ridayjeet: Mann! Ki hoya? Mainu nai bataogi?

Manpreet: Mainu acha nai lag raha. Aap thodi der aise hi raho please.

Ridayjeet bhi Mann ko pyar se apni bahon me samet leta hai. Dono apni aankhein band kar lete hain aur kuch der isi tarah ek dusre ke sath rehte hain. Mann ki aankhon ke aansu Ridayjeet ki shirt par jakar use bhiga rahe hain. Ridayjeet usse maafi mangna chahta hai ki uski wajah se Mann kitna royi hai. Lekin uski himmat nahi ho rahi hai kuch bhi bolne ki. Ab use samajh aa raha hai ki jab Mann bol rahi thi uski himmat nahi hui to Mann ko kaisa lag raha hoga.

Ridayjeet: (dhire se) Mann!

Mann koi jawab nahi deti, bas Riday ke gale lage hue use acha lag raha hai.

Ridayjeet: (fir se) Mann!

Mann ab bhi chup hai, use lag raha hai ki Ridayjeet use khud se alag hone ke lie na keh de islie wo jawab nahi de rahi.

Ridayjeet: Soniyo!

Mann ko believe nahi hota ki Ridayjeet ne use “Soniyo!” bulaya hai.

Manpreet: (gale lage hue hi) Ki? Ki bole aap?

Ridayjeet: (dhire se haste hue) Main check kar riha si ki tussi is naam se sunte ho ya nai.

Ridayjeet Manpreet ko khud se alag karta hai. Uske aansu ponchta hai.

Ridayjeet: (smiling) Ye kudi bhot shaitan hai.

Manpreet apni aankhein nichi kar leti hai.

Ridayjeet: Hun dinner kare?

Manpreet: Aap naraz nai hain mujhse?

Ridayjeet: Nai!

Manpreet: Sach?

Ridayjeet: Han! Main naraz nai han. Par tumhe mujhe bata dena chahiye tha, to shayad jo sab hua wo sab na hota. Aur shayad tumhari bhi galati nai hai, jo sab bhi hua aur jo bhi halaat the us wajah se ye sab ho gaya. Us time jab mainu sab pata chala si tan main gussa si, par hun mainu dhire dhire sab samajh aa riha hai. Islayi, hun main naraz nai han.

Manpreet Ridayjeet ko khushi se dekhti hai. Ridayjeet bhi muskura raha hai. Manpreet ke dil me ab dhire dhire wo ummid jaag rahi hai jo shayad usne wish me mangi thi. Tabhi door par knock hoti hai. Ridayjeet uth kar darwaza kholta hai. Uski mommy samne khadi hain.

Ridayjeet’s mom: Cheeku! Tune bataya nai aur roti te ni chahidi hain?

Ridayjeet: Hune khana hi nai khaya te ki batawan. Chal Mann hun chup karke khana kha lae. Main aur roti lae ke aanda han.

Manpreet: Okay!

Ridayjeet room ke bahar chala jata hai. Manpreet Ridayjeet ka ye behaviour dekh ke khush hai. Use sab kuch sahi hota hua dikh raha hai. Lekin jaise humne bataya tha ki Manpreet ki life me sab ek baar me sahi ho jaye aisa kaise ho sakta hai. Tabhi Ridayjeet ke mobile par ek call aata hai. Mann pehle to wait karti hai par fir sochti hai ki ho sakta hai koi important call ho, islie wo call receive karti hai.

Manpreet: Hello!

From other side: Hello! Ridayjeet ji hain?

Manpreet: Yeah! Ye unhi ka phone hai. Abhi wo kahin gaye hue hain, aap bataiye kya baat karni hai?

From other side: Unhone hume Jaspreet mam se baat karwane ke lie kaha tha. We have told her about him. She wants to talk to him.

Manpreet shock me hai. Wo abhi tak jo soch rahi thi, wo sab use dhundla hota dikh raha hai.

Manpreet: Where is she?

From other side: She is here only. You can talk to her.

Jaspreet: (phone lene ke baad) Hello!

Manpreet: Jassi!

Jaspreet: Mann! Kaisi hai tu?

Manpreet: Main thik hu. Tu kaisi hai? Aur tune ye sab kya kia Jassi. Kyun bhagi tu shadi se?

Jaspreet: Maine bhot badi galati kar di Mann. Hun main aa rahi han. Us nu sudharne. Ridayjeet kahan hai? Wo bhot gussa hoga na mujhse. Main darr gayi si Mann, islayi maine kise nu contact nai kita. Par jab Ridayjeet ke baare me pata chaliya ki wo mainu dhundte hue Mumbai aaya hai, tan maine socha ki us nu contact karu. Ek chota sa kaam hai, wo khatam kar ke main aa rahi han, tum logan de kol.

Manpreet: Okay!

Jaspreet: Sab mainu maaf kar denge na Mann.

Manpreet: Main ye kaise bata sakti hu.

Jaspreet: Han! Par Ridu te maaf kar hi dega mainu. Wo mainu dhundte hue Mumbai tak aaya si.

Manpreet: Shayad!

Jaspreet: Tu na Ridu ko na batana ki maine phone kita si. Main Punjab aake us nu surprise devangi. Thik hai?

Manpreet: Okay!

Jaspreet: Hun main rakhdi han. Te main apna number message kar dendi han. Save kar lena.

Manpreet: Okay!

Jaspreet phone rakh deti hai. Mann ki ab tak ki sari khushi ek sath khatam ho jati hai. Use samajh nahi aa raha ki wo Jassi ke milne par khush ho ya dukhi? Use jo khushiyan uske paas aati dikhayi de rahi thi wo ek sath chali gayi.

Kya Jassi ke aane se sab kuch bigad jaega ya sab kuch ab clear ho paega? Ye sab janne ke lie aap humse miliega humare next episode me. Tab tak…. Shubh ratri, Shabba khair, Sayonara… Keep enjoying your life and keep feeling the love… ❤

One thought on “The Imperfect Marriage!(E-21)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s