The Imperfect Marriage!

Episode-20

Recap: Pichle episode me aapne dekha tha ki Ridayjeet Manpreet ki diary padhta hai. Lekin tabhi Manpreet ke biji aur bauji use milne aa jate hain. Wo jaldi se diary utha ke rakh deta hai aur Mann ko neend se jagata hai. Mann ke biji bauji Ridayjeet ke behavior se khush hain. Wo thodi der unke paas baith ke room ke bahar chala jata hai. Ab aage…

Ridayjeet room ke bahar chala jata hai. Ab Mann aur uske biji bauji usse baat kar rahe hain.

Manpreet’s mom: Cheeku! Tere naal thik se gal kar riha hai?

Manpreet: Hmm!

Manpreet’s mom: Changa hai chalo.

Manpreet: Par pehle ki tarah to nai.

Manpreet’s dad: Koi na puttar! Dhire dhire sab sahi ho javega.

Manpreet: Okay!

Biji aur bauji Mann se baat kar rahe hain. Tabhi Ridayjeet ki mommy aur chachi aa jati hain.

Manpreet’s mom: Hun Ridayjeet gussa tan nai hai?

Ridayjeet’s mom: Tussi fikar na karo behen ji, gussa hoke kitthe jana hai oh nu. Hun te lae aaya hai tuhaddi dhi (beti) nu te yahi hai usdi votti (wife).

Thodi der me Ridayjeet bhi wapas aata hai. Uske hath me ek bag hai. Wo use cupboard me rakh ke room me aake baith jata hai. Kuch der Manpreet se baat karne ke baad uske biji-bauji jane ke lie khade hote hain. Jate jate Manpreet ki biji ki aankhon me aansu hain aur wo Mann se kehti hain, “Puttar! Dhyan rakhi apna. Te koi bhi zarurat ho tan tere biji bauji hain, tussi chinta na kari.”
Manpreet ki aankhon me bhi aansu hain aur wo apni biji ki baat sunke muskura bhi deti hai. Dono gale milte hain aur fir Mann ke biji bauji room se bahar nikal jate hain. Ridayjeet aur baki sab unhe bahar tak chhodne aate hain.

Manpreet’s dad: Cheeku puttar! Mann ka dhyan rakhi.

Ridayjeet: (with a smile) Aap hun Mann ki chinta na karo, main use aapke ghar se lae aaya han. Te hun wo meri zimmedari hai. Main us da pura khayal rakhanga.

Mann ke bauji Ridayjeet ko gale se laga lete hain. Ridayjeet ke muh se ye baat sunke ab unhe Mann ki chinta nahi hai.

Ridayjeet: Te bauji aur biji, mainu maaf kar deo. Us din gusse vich main na jane ki ki bol gaya aap se.

Manpreet’s dad: Oye! Na puttar. Tera gussa vaajib si. Assi samajh sakde han.

Ridayjeet aur biji bauji ke beech hui is baat se biji bauji to khush hain hi, sath me Ridayjeet ki mommy aur uski chachi bhi khush hain. Ab Manpreet ke biji aur bauji bina kisi chinta ke apne ghar ke lie nikal jate hain.

Ridayjeet: Mommy! Hun sham ka nashta bana deo zara, main Mann nu kuch khila devanga.

Ridayjeet’s mom: (khush hote hue) Han! Puttar bana deti han main. Tu itne Mann de kol reh.

Ridayjeet: Okay!

Ridayjeet apne room me aata hai. Mann bed ka sahara lie baithi hui hai aur uski aankhein band hain.

Ridayjeet: Mann!

Manpreet ki aankh khulti hain.

Manpreet: (hadbada ke) Han!

Ridayjeet: Neend aa rahi hai?

Manpreet: Pata nai. Shayad…. Thodi…

Ridayjeet: Tan tussi kuch kha ke let jana. Main help kar dunga.

Manpreet muskurati hai.

Ridayjeet: Te kujh aur chahiye tan bata do mainu.

Manpreet ke mann me aata hai ki Ridayjeet se bol de ki use Ridayjeet ke gale lagna hai aur thodi der aise hi rehna hai. Kitne din ho gaye hain use Ridayjeet ke seene par sir rakhe hue, kitne din ho gaye hain un dono ko itne kareeb aaye hue. Wo ye sab sochti hai aur Ridayjeet ko dekh kar muskurati hai. Wo bolti hai, “Kuch nai.”

Ridayjeet: Kuch to hai. Nai tan inni soch ke jawab ni deti.

Manpreet chup hai.

Ridayjeet: Bolo!

Ridayjeet Mann ke pass bed par baith jata hai.

Ridayjeet: (pyar se) Bolo Mann!

Mann fir bhi kuch nahi bolti. Wo bas Ridayjeet ki is care ko dekh kar khush hai. Itne me Ridayjeet ki mommy nashta le aati hain. Ridayjeet unse nashta le leta hai.

Ridayjeet: Chalo hun kujh kha lo.

Manpreet: Ye bhot sara hai. Main nai kha pavangi.

Ridayjeet: Khana tan padega.

Manpreet: Nai!

Ridayjeet: Han!

Ridayjeet ki mommy dono ko is tarah baat karte dekh ke khush hoti hain aur room se bahar chali jati hain. Ridayjeet Manpreet ko apne hath se khila raha hai.

Manpreet: Aap nu ni khana ki?

Ridayjeet: Tussi khao pehla, main kha lavanga.

Manpreet: Main nai kha paungi itna sara.

Manpreet Ridayjeet se spoon le leti hai aur ab wo Ridayjeet ko khila rahi hai. Ridayjeet uske hath se kha leta hai. Ab baari baari dono ek dusre ko khila rahe hain. Manpreet se Ridayjeet thik se baat to kar raha tha, par wo usse dur bhi reh raha tha. Par ab achanak Ridayjeet Manpreet ka har kaam itne pyar se kar raha hai. Manpreet ko ye samajh nahi aa raha. Wo soch rahi hai ki shayad uske fracture ki wajah se Ridayjeet me ye badlav aaya hai.
Waise ek wajah ye bhi hai uske behaviour me sudden change ki, par main wajah hai wo diary jo usne aaj padhi hai. Us diary ko padhne ke baad Ridayjeet ke Mann me jo bhi chote mote sawal bache the, wo sab khatam ho chuke hain. Par abhi use aage ki diary padhni hai aur wo chance use kab milta hai pata nahi. Par us diary ki wo chaar lines use baar baar yaad aa rahi hain, jo Mann me Riday se alag hone ke baad likhi thi. Wo lines thi….

“Hanju saddi takdeer,

Assi hanjuan de vich rul jana.

Assi umran tak tuhanu yaad rakhna,

Tussi hauli-hauli sanu bhull jana…”

Wo ye lines yaad karta hai aur Mann ko dekhta hai. Use Mann bhot masoom lag rahi hai, wo kitne pyar se Riday ko khila rahi hai. Iske baad wo Manpreet ko leta deta hai aur room ke door ki taraf ja raha hai.

Manpreet: Aap bahar ja rahe ho?

Ridayjeet: (muskurate hue) Nai! Door band kar raha tha room ka. Kar du?

Manpreet: (smiling) Hmm!

Ridayjeet room ka door band karke khud bhi kapde change kar leta hai aur Mann ke paas bed ke dusri side aake baith jata hai. Ridayjeet Manpreet ki taraf karwat kar ke let gaya hai. Manpreet Ridayjeet ko dekh rahi hai.

Ridayjeet: Hun tussi so jao. Main itthe hi han.

Manpreet apni aankhein band kar leti hai. Thodi der me use neend aa jati hai. Ridayjeet Mann ko dekh raha hai. Jab use confirm ho jata hai ki Mann so chuki hai to wo cupboard se diary nikalta hai aur padhne ke lie kholta hai. Wo padhta hai…

“Unhe sab bata diya maine. Sab sach jaan gaye wo. Ab nafrat karte hain mujhse wo. Kash… ye sab maine unhe pehle bata diya hota, to shayad jitni takleef aaj ho rahi hai mujhe tab na hoti. Itni takleef to mujhe pehle bhi nahi hui thi, jab mujhe pehle unke aur Jassi ke baare me pata chala tha. Fir aaj kyun?
Main bhi kaise sawal puch rahi hu. Jinka jawab mere paas hai. Pyar karne lagi hu unse. Un par apna haq samjhne lagi thi main. Ye bhul gayi thi, ki chahe shadi meri hui ho unse, lekin haq abhi bhi Jassi ka hi hai. Jassi chahe to aaj bhi meri jagah leke un par wo sare haq jata sakti hai. Par main… Main kuch nahi kar sakti. Main sab kho chuki hu apna. Pata nahi kyun aap meri life me aaye? Pata nahi kya sochke maine is shadi ke lie han ki? Jiske lie kia, aaj wo hi mujhe galat samjhte hain, mujhe dhokhebaaz samajhte hain. Aur main… Na pehle kuch keh saki thi aur na ab kuch keh paungi. Bas is diary me hi sab likh sakti hu main. Kabhi kabhi mera dil karta hai ki yahan se bhot dur chali jau. Wahan jahan koi mujhe na dhund paye. Jahan koi mujhe na pehchan sake. Jahan main sirf main hu, kisi ko pata na ho ki meri jaisi dikhne wali koi aur bhi hai is duniya me….
Log kitne khush hote hain, jab unki age ke sath ka koi bhai behen hota hai. Par mere lie ye khushi se jyada dukh ki baat hai. Maine har baar apne biji bauji ki suni, har baar unka kaha mana, iska ye sila mila mujhe. Wo apni life me aage badhti chali gayi aur main yahan hu. Na career me kuch achieve kar payi…. Aur rishton me bhi main hi jhuthi saabit hui. Aakhir me kya hua? Mera dard, meri takleef nahi dikhi unhe. Na mere aansu dikhe. Wo chale gaye Jassi ko dhundne, jo khud apni marzi se us shadi ko chhod ke gayi thi. Mumbai jakar bhi wo unhe nahi mili, par main janti hu, unhe usi ka intezaar hai. Wo ab sirf Jassi ke baare me soch rahe hain, jisne unke baare me kabhi kuch nahi socha. Mere aansu to na pehle unhe samajh me aa rahe the aur aaj jab wo sach jaan gaye hain, tab bhi unhone koshish nahi ki meri pareshaniyan samajhne ki. Unhe jis din Jassi mil gayi, wo shayad mere sath bitaye hue sare pal bhul jaenge. Par main unhe kabhi nahi bhul sakti. Shayad ab un palon ke sahare hi mujhe apni sari life bitani hai.

Hanju saddi takdeer,
Assi hanjuan de vich rul jana,
Assi umran tak tuhanu yaad rakhna,
Tussi hauli-hauli sanu bhull jana..”

Ye wo lines thi jo Ridayjeet ne sabse pehle padhi thi. In lines aur uske baki sari diary me jo dard wo feel kar rahi hai, shayad ab wo Ridayjeet samajh pa raha hai. Ye sab padhke, Ridayjeet ki aankhein bheeg chuki hain. Wo Mann ko dekh raha hai. Mann so rahi hai, Ridayjeet uske paas hi bed par baitha hua hai. Wo Mann ko dekhke bolta hai, “Mann!”

Lekin Mann gehri neend me hai islie wo uthati nahi hai. Ridayjeet diary me dekhta hai. Ab kuch hi panne bache hain. Wo aage padhta hai.

“Baba ji! Aaj to kamaal hi ho gaya. Meri kismat aapne aisi hi likhi hai ye dhire-dhire mujhe samajh aa raha hai. Par itna ho jaega ye nahi pata tha mainu. Mera to kabhi kuch tha hi nahi. Na tab aur na ab…Meri zindagi me shayad har chiz aisi hi likhi hai.
Adhuri….
Adhuri chahat, adhura naam, fir ye adhuri shadi….
Aur ab ye diary… Ye bhi adhuri hi pehchan hai meri…. Main sochti thi ki sab sach pata hai unhe, to shayad ye to samajhte hi honge ki ye diary meri hai. Lekin wo to ise Jassi ki diary samajhte hain. Jassi yahan bhi jeet gayi. Aur main hamesha ki tarah haar gayi. Aaj bhot khush hui thi main jab unhan nu academy vich dekhiya si. Lekin meri khushi jyada der tikni nahi chahiye, ye sochke shayad aap meri life me aisi chize leke aate ho. Islie aaj ye nayi chiz pata chali, ki ye diary meri nahi Jassi ki hai… Ab to mera is diary me likhne ka dil bhi nahi kar raha. Kya karu likh ke, mera likha bhi Jassi ke naam hi ho jana hai. Shayad mujhe is duniya me hona hi nahi chahiye tha. Sirf Jassi ko hona chahiye tha. Jab mera kuch hai hi nahi, to mera yahan hona bhi zaruri nahi hai shayad. Islie soch rahi hu, ki yahan se kahin door chali jau. Unhone to mujhe accept karne se mana kar hi dia hai. Wo sirf mane hain to apne ghar walon ki wajah se. Jis tarah sab ne mujhe pressurize karke is shadi ke lie han karwa lia tha, usi tarah unhe bhi is shadi ko nibhane ke lie han karwa lia hai. Dil se wo aaj bhi mujhse nafrat karte hain, main janti hu. Is lie kuch din baad biji-bauji ko mana ke main yahan se chali jaungi. Abhi pata nahi kitthe? Par yahan se bhot dur. Par kabhi-kabhi sochti hu, main dur chali gayi to main unhe dekhungi kaise?
Mujhe bhi dekho, aaj itna sab bol dia unhone, fir bhi unhi ke baare me soch rahi hu. Sach me pagal ho chuki hu main. Pata nahi kyun main un par gussa nahi kar pati, unse naraz nahi ho pati. Us time bas kuch seconds ke lie gussa zarur aaya tha. Par gayab ho gaya kuch pal baad hi. Kyun main unse itna pyar karne lagi hu pata nahi. Na jane kyun khud ko rok nahi pati unke kareeb jane se. Aur wo to meri taraf dekhna bhi nahi chahte hain. Mujhe aaj bhi yaad hai, shadi ke baad ki wo pehli raat jab mainu fever hoya si aur unhan ne mainu apni bahaan vich sulaya si, thapki dete hue… Unki wo care main kabhi nahi bhul paungi. Lekin aaj jab aise ilzam wo mujhpe lagate hain na, to dil yahi karta hai, ki unse kabhi na milu. Par koi ni baba ji! Itne ilzaamon ke beech hi sahi, itne dinon me unki awaz sun payi, unhe dekh payi, mere lie to yahi ek khushi kafi hai…. Unhe is tarah dekhne ke lie unke sare ilzam manzoor hain mujhe. Mere yahan se jane ke baad, yahi kuch yaadein hongi mere paas unki.

Ikk tu te teri awaz yaad aavegi,
Teri aakhi hui har baat yaad aavegi,
Din dhal javega, raat yaad aavegi,
Har pal oh pehli mulakaat yaad aavegi…”

Ridayjeet ye sab padhke apne aansuon ko rok nahi pata. Wo Mann ko abhi jaga kar usse baat karna chahta hai ki ye sab kya likha hai usne? Kahan jana chahti hai wo sab kuch chhod ke? Par wo khud ko rok leta hai, kyunki wo Mann ko rest se jagana nahi chahta aur wo khud ko guilty bhi feel kar raha hai. Wo soch raha hai, “Kitni masoom hai ye. Maine ye sab pehle kyun ni dekha. Main pehle kyun ni samajh paya ki itni gehri baatein Jassi kar hi nahi sakti. Jo Jassi, pyar ko ek casual relationship manti thi, wo ye sab kaise likh sakti thi. Mujhse bhot badi galati ho gayi, jo main ye samajh hi nahi paya. Aur ab jab samajh paya hu to tumse kehne ki himmat nai hai mujh me Mann. Kaise kahu tumse? Itna rulaya hai maine tumhe. Tumse sach me seekhna chahiye ki pyar kaise nibhate hain. Tumne sirf pyar kia, sirf dia, kabhi kuch manga nai. Itne din tak Jassi banke ye sab karti rahi mere lie, taaki main khush reh saku. Tum chahti to shadi wale din hi mana kar sakti thi, kya fark padta. Galti tumne nai Jassi ne ki thi, lekin apni aur meri family ke lie itna sab kar gayi tum. Aur main bewakoof, tum par hi gussa karta raha. I am sorry Mann. I am really sorry. Par main ab sab thik kar dunga dhire dhire. I promise Mann. Hum fir se us hi tarah rahenge jaise pehle rehte the, bas tum jaldi se thik ho jao. Main tumhe kahin bhi jane nahi dunga.”

Ridayjeet ro raha hai aur pachhta raha hai. Wo Mann se baat karna chahta hai, uske paas jana chahta hai, par khud ko roke hue hai. Wo aankhon me aansu lie use dekh raha hai bas. Kuch der hoti hai. Ridayjeet ke aansu sukh chuke hain, par ab bhi wo Mann ko dekh raha hai. Tabhi unke room ke door par knock hoti hai. Ridayjeet jaldi se wo diary apni jagah par rakh deta hai aur door kholta hai. Samne Riddhi khadi hai.

Riddhi: Mann kitthe hai?

Ridayjeet: So rahi hai.

Riddhi: Hun annual function da ki hoga?

Ridayjeet: Jo hoga ho javega, pehla us di health important hai.

Riddhi room me aati hai. Wo Mann ko dekh rahi hai. Wo uske sir par hath pherti hai. Mann ki aankh khul jati hai.

Riddhi: Soja! Soja! Main bas tainu vekhan aayi si.

Manpreet: Nai! Bhot der se so rahi han. Tera seminar kaisa riha?

Riddhi: Sahi si. Pata hai, chot lagne ke baad bhi tu hi pehli bandi hai, jisne mainu seminar ke baare ‘ch pucheya hai. Kisi nu yaad hi nai hai, nai tan.

Ridayjeet: Puch ke karna ki hai. Tu te soyi hi hogi otthe.

Riddhi: Veer ji! Aap nu bas mera majak hi udana hunda hai. Mainu award vi mila hai otthe. Par aap nu aap di wife se fursat ho tab pucho na aap.

Ridayjeet: Meri wife hai, te mainu hi to dekhna hovega is nu.

Manpreet Ridayjeet ki ye baat sunke use dekhti hai. Ridayjeet ki ye baat uske lie surprise hai. Riddhi bhi hairan hai.

Riddhi: Oye hoye! Veer ji! Tussi tan ik fracture vich hi sudhar gaye. Mann tu ek do baar aur fracture kar lena.

Ridayjeet: Fracture kare oh de dushman. Tu kara lae apne body vich.

Mann aur Riddhi dono hi Ridayjeet ki baatein sunke hairan hain.

Riddhi: Veer ji! Ajj khane vich ki khaya si?

Ridayjeet: Tu chup kar, te award dikha apna.

Riddhi: Okay! Hune laandi han.

Riddhi ye keh ke room se nikal jati hai. Mann Ridayjeet ko dekh rahi hai, par jaise hi Riday use dekhta hai wo apni nazarein nichi kar leti hai.

Manpreet ko Ridayjeet ke achanak itne badal jane ki wajah samajh nahi aa rahi hai. Wo soch rahi hai ki ye badlav shayad uske fracture ki wajah se aaya hai. Lekin asli baat to abhi use pata nahi hai. Ridayjeet ke is tarah badalne ki wajah uska fracture nahi wo diary hai jo Ridayjeet ke hath Galati se lag gayi thi. Mann ke thik hone tak wo use ye ehsas dila dena chahta hai ki wo Mann ke sath khushi se rehna chahta hai aur Mann ko kahin bhi jane ki zarurat nahi hai. Lekin itni aasani se chize sulajh jaye aisa Mann ki life me nahi ho sakta shayad. Islie aage kya hota hai, wo dekhne ke lie hum aapse milenge next episode me. Tab tak…. Shubh ratri… Shabba khair… Sayonara… Keep enjoying your life and keep feeling the love…<3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: