The Imperfect Marriage!

Episode-18

Recap: Pichle episode me aapne dekha tha ki Ridayjeet Manpreet ko ghar wapas le aaya hai. Manpreet ke wapas aane se sab khush hain. Lekin Ridayjeet aur Manpreet ke beech abhi wo nazdeekiyan nahi hain jo pehle thi. Wo abhi bhi ek dusre ke sath us tarah se frank nahi hue hain jaise pehle hua karte the. Manpreet is soch me rehti hai ki Riday ko kahin bura na lage aur Riday Mann ko abhi puri tarah accept nahi kar paya hai. Isi beech ek nayi baat samne aati hai ki ek month baad academy me annual function hai aur Manpreet uski tyariyon me lagi hui hai. Ye sab jaan kar Ridayjeet use kehta hai ki acha hai wo bhi busy rahegi kyunki is shadi ki wajah se bhot time waste ho gaya hai. Ridayjeet ki ye baat Mann ko achi nahi lagti. Ab aage…

Ridayjeet nahane chala gaya hai aur Manpreet room se bahar ja kar Ridayjeet ki mommy aur chachi ke sath breakfast me help karane lagti hai. Ridayjeet bhi ab breakfast ke lie aa gaya hai. Ridayjeet breakfast ke lie baith jata hai. Ridayjeet ki mommy Mann ko bhi Ridayjeet ke sath breakfast karne ke lie kehti hain. Manpreet ishare se Ridayjeet ko dekhte hue mana kar deti hai. Ridayjeet ki mommy samajh jati hain.

Ridayjeet’s mom: Cheeku! Mann nu vi apne sath nashta kara lae. Isne vi academy jana hai. Te jane se pehle ise academy chhad dena.

Ridayjeet: Thik hai mommy.

Ridayjeet ki mommy Mann ko ab Ridayjeet ke paas jake baithne ke lie kehti hain.

Ridayjeet’s mom: Ja puttar baith ja. Mere samne kuch nai kahega wo tainu.

Manpreet Ridayjeet ki mommy ko dekh ke muskurati hai aur Ridayjeet ke paas chali jati hai. Lekin Riday ke paas ja ke use Riday se ek hi thali me khane ke lie bola nahi jata, to wo dusri thali le leti hai. Itne me Ridayjeet ki mom parathe lekar aati hain.

Ridayjeet’s mom: Ae ki? Tune alag thali kyun li hai? Isi ke sath kha. Sath khane se pyar badhta hai.

Ridayjeet aur Manpreet mommy ki ye baat sunke ek dusre ko dekhte hain. Unhe yaad aata hai jab wo bhi isi tarah bola karte the. Fir dono, ek sath, ek hi thali me nashta karte hain. Bilkul pehle ki tarah hi, ek dusre ki chance ka wait karte hue. Par aise me kabhi kabhi unka hath ek dusre se takra jata hai aur dono fir ek dusre ko dekhne lagte hain. Nashte ke baad Mann apna bag lene apne room me jati hai. Uske piche Riday bhi room me aata hai. Tabhi Manpreet ka pair room me gire oil par padta hai. Wo girte girte bach jati hai. Ridayjeet bhi ye dekhta hai.

Ridayjeet: Sorry! Wo mujhse oil gir gaya si. Maine saaf kar dia tha, par shayad thik se hua nahi hai. Tussi bathroom me jake pair saaf kar lo, kadi fir na fisal jao.

Manpreet bina kuch kahe bathroom me jati hai. Tabhi Manpreet ke cheekhne ki awaz aati hai. Ridayjeet bhag ke bathroom me jata hai aur zor se hasta hai.

Ridayjeet: Hahahaha! Hahahahaha!

Ridayjeet bas hase ja raha hai, uski hasi ruk nahi rahi. Manpreet muh banati hai.

Manpreet: (muh banate hue) Aap has rahe ho?

Ridayjeet: Hasaan na tan aur ki karaan? Ki kita ye?

Manpreet sari bheegi hui hai. Usne galti se tap ki jagah bathroom ka shower on kar diya tha.

Manpreet: Mainu ki pata si ki iska nob shower ki taraf muda hoya hai. Jaise hi maine tap on kia, shower chal gaya.

Ridayjeet: (haste hue) Pagal kudi! Itne bhi din nai hue hai tuhanu yahan se gaye hue ki sab bhul jao, ki kis side shower chalda hai te kis side tap.

Manpreet: (muh banate hue) Arey! Maine dhyan ni dia si na. Aap hasna band karo please.

Ridayjeet: (haste hue) Hahahaha! Main ki karaan jab hasi aa rahi hai to.

Manpreet muh banati hai.

Ridayjeet: (Ridayjeet apni hasi ko rokte hue) Acha ye batao….Kitthe si dhyan?

Manpreet: Aap par.

Ridayjeet ki hasi ek sath ruk jati hai aur wo use dekhta hai. Use samajh aa jata hai ki Manpreet kya bol rahi hai.

Manpreet: (khud ko correct karte hue) I mean….., kahin aapko der na ho jaye.

Par Ridayjeet to pehle hi samajh chuka tha ki Manpreet ke kehne ka kya matlab tha. Wo ab bina hase Mann ko dekh raha hai. Wo sir se leke pao tak puri bheeg chuki hai. Uske baal gile hain aur face par pani ki boonde hain. Wo ye sab note karta hai aur use upar se leke niche tak dekh raha hai. Ek pal ke lie wo Mann me kho jata hai. Fir use dhayan aata hai ki wo kya kar raha hai aur wo khud ko rokta hai.

Ridayjeet: Hun fir se ready hona padega tuhanu, puri bheeg gayi ho.

Manpreet: Mere kapde bhi bahar hain.

Ridayjeet: Ik kamm karo. Main tuhadda bahar wait karda han, tussi change kar lo.

Manpreet: Aur mere kapde?

Ridayjeet: Tan lae lo jake. Hor ki?

Manpreet: Main bheegi hui si is karke bol rahi si main tan.

Ridayjeet: Koi na! Fir se safayi ho jaegi room ki. Hun tussi jaldi se change karo.

Manpreet: Okay!

Manpreet bathroom se bahar nikalti hai aur kapde lene ke lie cupboard ke paas ja rahi hai ki tabhi uska pair fir se oil par padta hai aur bheegi hone ki wajah se is baar wo zor se phisalti hai. Ridayjeet uske pass hi hota hai aur use pakad ke kheench leta hai, lekin is sab me Ridayjeet ka khud ka balance bigad jata hai aur Ridayjeet Manpreet ke sath bed par gir jata hai. Manpreet Ridayjeet ke upar girti hai aur uske geele kapdon ki wajah se Ridayjeet ke kapde bhi geele ho jate hain. Manpreet jaldi se Ridayjeet ke upar se hat jati hai.

Ridayjeet: Lagta hai ajj da mahurat hi kharab hai. Kuch na kuch ho riha hai. Ik kamm karo aaj bahar jana cancel. Ajj ghar pe hi raho.

Manpreet: Kyun?

Ridayjeet: Kyun ki? Tin-tin vaari girte hue bachi ho. Mat jao aaj.

Manpreet: Wo to oil ki wajah se aur fir meri hi galati si na, maine hi ni dekhiya si.

Ridayjeet: Mann! Rehen de, ajj na ja.

Manpreet: Aap ja rahe hain?

Ridayjeet: Han!

Manpreet: Te fir main ki karangi aethe? Riddhi bhi ajj nai hai aethe. Wo bhi sham tak hi aavegi.

Ridayjeet: Okay! Par apna dhyan rakhna.

Manpreet uske lie Ridayjeet ki ye fikar dekh kar khush hoti hai. Use acha lagta hai Ridayjeet ka is tarah fikar karna.
Manpreet ab apne kapde bathroom me le jati hai aur change kar ke bahar aati hai. Ridayjeet tab tak apni shirt change kar leta hai. Manpreet bahar aake dryer se apne baal sukha rahi hai. Ridayjeet use dekh raha hai. Wo aaj ke din aur purane dinon ko compare karta hai. Wo sochta hai, “Kya Rabba! Ladki same hai, lekin dil vich feelings inni change kar ditti hain aapne ki ki batavan.” Ridayjeet muskurata hai. Wo aage sochta hai, “Par ab tan ye hi hai jo vi hai. Mere biji te piyo (Papa) di nu te meri wife. Kinni masoom lagdi ae ye. Apni behen se sidhi hogi par kamm ye vi ni hai. Mainu itna sa vi shaq ni hone ditta kadi vi. Te is di behen, diary ke baare ‘ch bin bataye mera use karti rahi. Sahi phas giya tu Cheeku bete inhan de jaal vich. Te ab vi khud ko dekh le use hi dekhe ja riha hai. Sudhar ja hun te, kinna dhokha khaega?”
Ye sab sochte hue Ridayjeet Manpreet ko dekh raha hai. Manpreet ab ready ho rahi hai aur Ridayjeet waise hi use dekh raha hai. Uski soch, jo uske dimag se nikal rahi hai aur uske dil me zameen aasmaan ka antar hai. Uska dimag use ye hi bol raha hai ki Mann dhokhebaaz hai, par dil Mann ki masoomiyat par aaj bhi bharosa karta hai. Isilie to use Mann ki itni fikar hai. Aur dhire dhire shayad Mann ke sath rehke uska dil uske dimag par kaabu kar le aur wo Mann ko galat samajhna band kar de.

Manpreet ab ready ho chuki hai. Ridayjeet use dekh raha hai. Wo mostly, casual dresses pehnti hai, lekin abhi usne ek Patiala suit pehna hai, jo uske upar bhot khil raha hai. Aur uske sath uske kaano ki jhumkiyan us par bhot jach rahi hain.

Ridayjeet: Hun chale?

Manpreet: Hmm!

Ridayjeet Manpreet ko nazare churate hue dekh raha hai. Wo Ridayjeet ko aur din se jyada khoobsurat lag rahi hai. Thodi der me academy aa jati hai.

Manpreet: Car se utarte hue? Aap sham nu aaoge?

Ridayjeet: Agar papa ne koi kaam nai dia te aa jawanga. Waise tussi phone kar dena, free hone se thodi der pehle.

Manpreet: Okay! Nai tan main akele aa jawangi.

Ridayjeet: Okay!

Ridayjeet wahan se chala jata hai. Manpreet thodi khush aur thodi maayus hai. Manpreet khush islie ki Ridayjeet uske sath pehle jaise reh na raha sahi, par baat to thik se kar raha hai. Aur maayus islie ki jab Manpreet ne kaha ki wo akeli aa jaegi to Ridayjeet “Okay!” bolke chala gaya. Wo Ridayjeet ki wahi concern aur pyar dekhna chahti thi jo wo pehle dekha karti thi. Jab wo use bilkul akela nahi chhodta tha, par aaj Ridayjeet ko uske akele wapas ghar jane se koi fark nahi pad raha, bas yehi baat use andar hi andar achi nahi lagi. Wo academy ke andar chali jati hai. Ridayjeet bhi apne kaam par chala jata hai. Lekin Ridayjeet ke paas sham ki jagah dopahar me hi Manpreet ka call aata hai. Us time Ridayjeet kaam me busy hai.

Ridayjeet: Hune nai aa pavanga lene. Kamm vich phasa hua han.

Manpreet ke phone se koi aur baat karta hai, “Hello sir!”

Ridayjeet: (hairani se) Hello! Aap kon? Te Manpreet kitthe hai?

Dusri taraf se: Sir main yahan ka ek choreographer bol raha hu. Mann mam ko injury hui hai, unse utha nahi ja raha tha islie hum hospital me leke aaye hain unhan nu.

Ridayjeet: (pareshan hote hue) Ki? Wo thik to hai na? Kon se hospital me?

Choreographer hospital ka pata batata hai. Ridayjeet sare kaam chhod ke hospital bhagta hai. Wo hospital me Manpreet ke paas phochta hai. Manpreet ek bed par leti hui hai. Ridayjeet doctor se milta hai.

Ridayjeet: Ki hua is nu?

Doctor: Nothing to worry. Hair line fracture hai. 15 days me sahi ho jaega.

Ridayjeet: Hun ghar tan le ja sakde hain na inha nu?

Doctor: Bilkul.

Ridayjeet: Thanks!

Ridayjeet Manpreet ke paas aata hai. Manpreet use udas lag rahi hai.

Ridayjeet: Ki kita ye? Ajj tainu girna hi tha. Mana kita si na jaan layi, par tussi mane nai. Pehle room vich, fir bathroom vich, fir dobara room vich, te hun academy vich. Kaise giri?

Manpreet: Dance karte me, gir gayi si.

Ridayjeet: Dance karte hue girne se ye sab?

Choreographer: (beech me bolte hue) Nahi sir! Inke pehle bhi ek baar yahan lag chuki thi aur aaj fir wahin lag gayi.

Ridayjeet: (choreographer se) Kab giri thi?

Choreographer: Friday ko.

Ridayjeet: Us din to video shoot hua tha na.

Choreographer: Han! Usi din. Lagne ke baad bhi dance kar rahi thi, sabke mana karne par bhi maan nahi rahi thi. Fir Saturday ko usually jo dance sikhati hain wo to kia hi, us time bhi inke pair me pain tha. Aur aaj ek chota sa ramp tha, usse gir gayi aur fir se wahin lag gayi, islie hua ye sab.

Ridayjeet: (Manpreet se) Ye ki bol riha hai? Ye sab kyun nai bataya ghar vich?

Manpreet: (sir jhuka ke) Wo mera dil kar riha si dance karne ka use din. Te mainu laga ni si itni jyada lag javegi.

Ridayjeet: To apna dhyan ni rakhna hota ki? Hun 15 din tak academy jana band, te usde baad vi, pehla main doctor se consult karanga tab jaoge tussi.

Manpreet: Par maine jana hai.

Ridayjeet: Nahi jana.

Manpreet: Jana hai.

Ridayjeet: Nai jana.

Manpreet: Jana hai.

Ridayjeet: Maine bol dia na ni jana.

Manpreet: Par Kyun?

Ridayjeet: Kyunki mainu ni pata ki in sab di gal tussi sunoge ya nai?

Manpreet: Sunungi na.

Ridayjeet: Te pehle kyun nai suni fir?

Manpreet: Pehle tan mainu pata nai si ki inni chot lag javegi.

Choreographer aur academy ke baki log bhi Manpreet aur Ridayjeet ki nok jhok ko dekh ke muskura rahe hain.

Academy me kaam karne wali do ladkiyan aapas me baat karti hain. Pehli bolti hai, “Such a cute jodi na.”

Dusri jawab deti hai, “Yeah!”

Pehli fir bolti hai, “Kitne pyar se daant rahe hain Manpreet mam ke husband unhe.”

Dusri jawab deti hai, “Kash! Hamare paas bhi koi aisa hota.”

Pehli fir bolti hai, “Manpreet mam bhot lucky hain na.”

Dusri jawab deti hai, “Han!”

Idhar Ridayjeet aur Mann ki baatein ab bhi chal rahi hain.

Ridayjeet: Maine bol dia na nai jana hai.

Manpreet: Par ik mahine vich annual function hai.

Ridayjeet: Aur bhi choreographers hain academy vich.

Manpreet: Han! Par mera dance…

Ridayjeet: Mann! Hun mere se maar khaegi tu.

Manpreet: Main akeli ki karangi ghar par?

Ridayjeet: Mommy aur chachi hain na.

Manpreet: Wo pure time mere room vich rahengi ki? (making a sad face) Main bore ho jawangi.

Ridayjeet: Te main reh langa. Ab chup kar nai te maar kha leni hai tune.

Manpreet chup ho jati hai. Wahan khade sab ye conversation dekh ke muskura rahe hain.

Kitna ajeeb hai na. Dono ke beech ladayi hai, man-mutav hai, fir bhi sab ko dono ki baatein badi achi lag rahi hain. Zara sochiye, jab ye dono pyar se baat karte the, tab sabko inki baatein kaisi lagti?

Hun Manpreet nu 15 din araam karna hai te Ridayjeet ne bhi use bola hai ki wo uske sath hi rahega. Ye 15 din kaise beetate hain, sab acha hota hai ya kuch bigad jata hai? Ye sab janne ke lie next episode zarur padhiyega. Tab tak… Shubh ratri, Shabba Khair, Sayonara…. Keep enjoying your life and keep feeling the love… <3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: