The Imperfect Marriage!

Episode-17

Recap: Pichle episode me aapne dekha ki Ridayjeet aur Manpreet ka argument hota hai. Jisme use ye pata chalta hai ki wo diary Jassi ki nahi Manpreet ki hi hai. Dinner ke time par sab use samjhane ki koshish karte hain aur Ridayjeet ke chacha use reality check karwate hain. Jisse shayad use thoda asar hota hai. Next day uske paas ek call aata hai, us call me caller use Jassi se baat karwana ke lie puchta hai. Par pichle din ke uske chacha ke samjhane ki wajah se shayad wo Jassi se baat karne se mana kar deta hai. Subah sab use Manpreet ko ghar wapas lane ke lie bolte hain. Ab aage…

Sham ho chuki hai. Manpreet academy me baithi hui hai, wo Ridayjeet ke aane ka wait kar rahi hai. Aur koi jo bhi kaam leke aata hai, sab ko taale ja rahi hai, ki agar us time Ridayjeet aa gaya to usse thik se mil ya baat nahi kar paegi. Is tarah chizon ko taalte hue use pura din beet gaya hai, par Ridayjeet ab tak nahi aaya hai. Ab uske sham ki class ke bacchon ke aane ka bhi time ho gaya hai. To wo maayus hoke un bacchon ko dance sikhane chali jati hai.

Wo bacchon ko dance sikha rahi hai par wo baar-baar piche mud ke gate ko dekh rahi hai. Lekin koi nahi aata. Tabhi ek ladki bolti hai, “Mann didi! Aap piche ki dekhe ja rahe ho?”

Manpreet: Kuch nai.

Manpreet bacchon ko dance sikha ke us room se bahar nikalti hai. Tabhi wo Ridayjeet ko uski taraf aate hue dekhti hai. Ridayjeet uske samne aake jaise hi khada hota hai, wo bolti hai, “Aap ab aaye hain, main subah se wait kar rahi thi.”

Ridayjeet: (hairani se) Kyun?

Manpreet: (sambhalte hue) I mean wo passport size pics chahiye thi na, islie.

Ridayjeet: Han! Main wahi dene aaya hu. Ye lo.

Manpreet: (pics lete hue) Thanks!

Manpreet un pics ko leke apne room me jati hai. Ridayjeet bhi uske piche aata hai. Manpreet un bacchon ki files open karke usme pics laga deti hai.

Ridayjeet: To wo song pura ho gaya?

Manpreet: Konsa song?

Ridayjeet: Wo jo kal tum jis par dance kar rahi thi.

Manpreet yaad karti hai ki subah se wo har chiz ko kis tarah taal rahi hai.

Manpreet: Nai! Wo to nai hua.

Ridayjeet: Kyun?

Manpreet: (bahana banate hue) Aur bhi kaam the islie nahi ho paya.

Ridayjeet: Okay!

Tabhi room ke door par ek knock hoti hai aur ek ladki andar aati hai. Wo Manpreet se kuch discuss kar rahi hai. Manpreet use kuch samjha rahi hai. Ridayjeet Manpreet ko ab dhyan se dekh raha hai. Uske baal, uski aankhein, uska face, uski naak, uske honth, uske kaano ki baliyan aur uska wo apne baalon ko side karne ka tareeka. Aisa nahi hai ki ye sab wo pehli baar dekh raha hai, lekin aaj pehli baar wo Jassi ko nahi Mann ko dekh raha hai. Jise wo dekhna nahi chahta tha, jise wo sirf Jassi ki behen samjhta tha, aaj wo use apni wife ki tarah dekh raha hai. Aur dekhte-dekhte wo kuch kehta hai.

Ridayjeet: To wo diary tumhari hai?

Manpreet jo us ladki se baat kar rahi hai wo suddenly us ladki ke samne Ridayjeet ke aise question ko sunke Ridayjeet ko hairani se dekhti hai. Ridayjeet bhi chup ho jata hai. Par Manpreet use ek shabd me jawab de deti hai, “Han!”

Ridayjeet: (bina sabr kie fir se) To wo diary tumne Jassi ko kyun di?

Manpreet ab Ridayjeet ko ghurti hai. Ridayjeet chup ho jata hai aur ab us ladki ke jane ka wait kar raha hai. Wo ladki chali jati hai.

Manpreet: Sorry! Wo… Uske samne me aapki baat ka jawab nahi de payi. Jassi ne mujhse kaha tha ki use apne kis friend ko shayari sunani hai.

Ridayjeet: Tumne usse pucha nahi? Kyun?

Manpreet: Pucheya si. Par usne tab ye kaha si ki us nu ik page mila hai te wo use lagda hai ki wo meri shayari ka hai.

Ridayjeet: To wo jhuth bol rahi thi aur tumne use bolne dia?

Manpreet: Mainu ni pata si ki wo aap nu padha rahi hai ye sab. Maine tan socha si ki hogi koi us di saheli. Te maine us nu diary kisi nu den layi vi mana kita si, par usne phada di aap nu. Te Islayi maine wo pages staple kite si, ki wo na padh le. Usne nai padhe par kisi aur ne padh lie.

Ridayjeet: Usne baad me bhi nahi bataya tumhe ki usne mujhe ye diary di thi?

Manpreet: Nai!

Thodi der baad.

Manpreet: Aap un baccheyan nu bol dena, next week se aa jave.

Ridayjeet: Okay! Hun tussi ghar ja rahe ho?

Manpreet: Han!

Ridayjeet: (hesitating) Wo ghar wale bol rahe si.

Manpreet: Ki?

Ridayjeet: Tuhadde ghar aan vaste.

Manpreet chup rehti hai.

Ridayjeet: Main chhad dunga tuhanu ghar pe. Te jab ghar wapas aana hove bata dena, main lene aa jawanga.

Manpreet: Okay! Par mainu der lagegi thodi.

Ridayjeet: Koi na. Main aethe hi han. Tussi aa jao.

Manpreet Ridayjeet ko wahan chhod ke room ke bahar chali jati hai. Sara kaam khatam karke wo wapas room me aati hai to dekhti hai ki Ridayjeet desk par sir rakh kar so gaya hai. Ridayjeet ki masoomiyat dekh kar uske chehre par smile aa jati hai.

Manpreet: (Ridayjeet ko jagate hue) Riday!

Ridayjeet: (achanak se uth ke) Hmm! Main so gaya si ki?

Manpreet: Han! Hun chale?

Ridayjeet: Han! Chalo.

Dono jake car me baith jate hain. Ridayjeet car chala raha hai aur Manpreet uske side me baithi hui hai.

Ridayjeet: Tan… Ki socha?

Manpreet: Kis baare ‘ch?

Ridayjeet: Ghar wapas aane ke baare me.

Manpreet: Aap jab bhi free ho.

Ridayjeet: Jad tussi bologe tab.

Manpreet: Kal Sunday hai. Aap free honge?

Ridayjeet: Kitne baje?

Manpreet: Breakfast ke baad?

Ridayjeet: Ready rehna tussi.

Manpreet: Okay!

Ridayjeet Manpreet ko ghar chhod deta hai aur chala jata hai. Manpreet ghar pe aake biji ko sab batati hai. Mann ke biji aur bauji rab ka shukriya karte hain. Dono hi ghar is baat se bhot khush hain. Ridayjeet ke ghar wale ab Mann ke aane ka besabri se intezaar kar rahe hain.

Agle din Ridayjeet Manpreet ko ghar le aata hai. Sab log uska bhot hi dhoom dham se welcome karte hain. Riddhi Mann ke gale lag jati hai. Ridayjeet ki mommy aur chachi Ridayjeet aur Mann ki nazar utaarti hain.

Ridayjeet’s mom: Hun kaan khol ke sun lae Cheeku ke bacche. Ae saddi nu hai te is da naam hai Manpreet.

Sab log haste hain.

Ridayjeet’s mom: Han! Bada hi rola paya si is ne. Te khabardaar je meri Mann nu zara bhi rulaya tan.

Ridayjeet: Aap rakho apni nu nu apne paas. Main ja raha han office.

Ridayjeet’s mom: Han! Ja! Te raat me ab se jaldi aaya kar.

Ridayjeet: Hun mainu jane dogi aap?

Ridayjeet’s mom: Ja!

Ridayjeet ki mommy Mann ko gale laga leti hain.

Ridayjeet’s mom: Mainu maaf kar de puttar. Tune tan inni vaari kiha si. Par hum hi ni maane.

Manpreet: Hun ye sab jane do biji.

Ridayjeet’s chachi: Han! Mann sahi keh rahi hai. Hun chhaddo is sab nu. Ab se sab vadhiya hovega.

Ridayjeet ki mommy Mann ko uske room me aaram karne ke lie bhej deti hain. Mann room me jati hai aur room ki har ek chiz ko dekhti hai. Pura room waisa hi hai jaisa wo chhod ke gayi thi. Koi bhi chiz idhar se udhar nahi hui. Use darr tha ki Ridayjeet uski sari chize room se hata dega, par Ridayjeet ne aisa kuch nahi kia. Wo Mann se gussa tha aur shayad ab bhi hai, par usne kabhi bhi kisi bhi ladki ke sath bura nahi kia. Aur Ridayjeet ki yahi baat to Mann ko pasand aayi thi. Par Mann soch rahi hai, ki yahan to aa gayi lekin kya Ridayjeet uske sath pehle ki tarah reh paega?

Raat bhi hoti hai aur Ridayjeet time se wapas bhi aa jata hai. Manpreet bas Ridayjeet ko hi notice kar rahi hai. Wo sab se ache se baat kar raha hai. Riddhi se majak bhi kar raha hai. Sab normal hai, par use ab bhi darr hai ki wo room me pata nahi usse kaise behave karega. Dinner ke baad dono room me jate hain. Manpreet change karke aati hai aur soch rahi hai ki kya kare. Tabhi Ridayjeet use dekhta hai.

Ridayjeet: Ki hoya?

Manpreet: Kuch ni.

Ridayjeet: Te sona nai hai? Bed pe aao.

Manpreet bed par aake let jati hai. Ridayjeet bhi bed ki dusri taraf aake let jata hai aur dusri taraf face karke so jata hai. Kitni ajeeb hoti hai kismat bhi, jab Manpreet Ridayjeet ke paas nahi aana chahti thi, tab Ridayjeet use pyar se apne paas sulata tha aur aaj jab wo uske kareeb rehna chahti hai to Ridayjeet usse dur hai.

Subah ho chuki hai. Par aaj ka nazara hamesha se thoda alag hai. Pehle hamesha Ridayjeet Manpreet se pehle uth ke use sote hue dekha karta tha, aaj ye kaam Manpreet kar rahi hai. Wo use sote hue dekh rahi hai use khush ho rahi hai. Usne jab Ridayjeet ko ye kehte suna tha ki wo is shadi ko nahi manta to use laga nahi tha ki Ridayjeet aur wo kabhi is tarah wapas bhi aa paenge. Wo janti hai ki Ridayjeet ko ye sach accept karne me time lagega, islie wo ab intezaar karegi. Tab tak jab tak Ridayjeet ko khud ye feel nahi hota ki wo Mann se pyar karta hai.
Manpreet ab dekhti hai ki Ridayjeet ke uthne ka time ho gaya hai to wo khud uth kar ready hone chali jati hai. Ridayjeet ke uthne se pehle hi wo naha kar academy ke lie ready hone lagti hai. Ridayjeet uthta hai aur use mirror ke samne tyar hote hue dekhta hai.

Ridayjeet: Tussi uth gaye? Ajj inni jaldi?

Manpreet: Han! Aap nu vi jana hunda hai, Islayi maine socha ki pehle ready ho jau.

Ridayjeet: Okay!

Ridayjeet neend me bed par baitha hai. Tabhi room ke door pe knock hoti hai. Mann door kholti hai. Riddhi room ke andar aati hai.

Riddhi: Mann ki bacchi tune mujhe bataya kyun nai?

Manpreet: Kya nai bataya?

Riddhi: Pehle bata kyun nai bataya?

Ridayjeet: (neend me) Ye kisi nu kujh vi nai batati. Sab sara kujh pata kar lendi hai.

Riddhi: Veer ji! Aap to na chup hi karo.

Ridayjeet: Okay! Main to chup hi han.

Ridayjeet fir bed pe let jata hai.

Riddhi: Te papa wait kar rahe hain. Aap ready ni hue ab tak?

Ridayjeet: Tu pehle use daant le fir mujhe daantna.

Riddhi: Han! To main kya keh rahi thi? Tune mainu kyun nai bataya ki tum log annual function kar rahe ho.

Manpreet: Kal hi to aayi hu main.

Riddhi: Phone to hai na. Phone pe nahi bata sakdi si?

Manpreet: Tainu ki karna hai annual function vich? Te pehle vi to hua hai annual function.

Ridayjeet: Kehda annual function?

Riddhi: Oho! Veer ji! Aap se bola na chup raho thodi der.

Ridayjeet: Arey! Yaar main so hi jata hu dobara.

Ridayjeet fir let jata hai aur aankh band kar leta hai. Riddhi Ridayjeet ko pillow marti hai.

Ridayjeet: Meeku! Tune maar khani hai ki? Na sone de rahi hai na puchne de rahi hai.

Riddhi: Aap nahane jao. Papa wait kar rahe hain aap da.

Ridayjeet: Arey! Yaar ye papa bhi na.

Ridayjeet fir uth ke baith jata hai. Par bed par hi baitha hua hai. Manpreet Ridayjeet ko is tarah aalas karte hue dekh ke smile kar rahi hai.

Riddhi: Ab tu veer ji ko dekhna band karegi? Te bataegi mainu?

Manpreet: (jhijhakte hue, jaise uski chori pakadi gayi ho) Ki batau?

Ridayjeet bhi Riddhi ki ye baat sunke Mann ko dekhne lagta hai.

Riddhi: Annual function kab hai?

Manpreet: Ek month baad.

Riddhi: Thik hai. Ab se main roz aa rahi hu teri academy. Tum logon ki to rehearsals chal rahi hongi na.

Manpreet: Han! Par tu itni excited kyun hai?

Riddhi: Kyunki pichli baar aayi thi main. Aur mujhe bhot acha laga tha. Te maine tainu bola si ki next time mainu pehle se bata dena. Lekin tune ni bataya.

Manpreet: Hun te pata chal gaya na. Aa jaya karna academy me.

Riddhi: Okay! Aur waise bhi veer ji nu tainu chhod ke te leke aana padta hai. Wo bhi nahi karna padega unhan nu.

Ridayjeet: Ab tu ja rahi hai ya nai?

Riddhi: Ja rahi hu. Tussi aa jao.

Riddhi wahan se chali jati hai.

Ridayjeet: Annual function?

Manpreet: Han!

Ridayjeet: Tussi tan fir busy rahoge is month.

Manpreet: Hmm!

Ridayjeet: Okay! Good. Te fir main vi apne kamm pe dhyan de pavanga. Kafi time kharab ho gaya hai shadi ke baad.

Ye keh ke Ridayjeet bathroom me chala jata hai. Ridayjeet ne ye baat boli to normally hi thi, par Manpreet ko ye baat achi nahi lagi.

Khair! Achi baat ye hai ki Manpreet ab ghar wapas aa chuki hai. Aur Ridayjeet bhi usse normally behave kar raha hai. Lekin abhi fir bhi dono ke beech pehle jaisa bond nahi hai. Aur aisa kab hota hai ye dekhna abhi baaki hai. Uske lie hum milenge aapse next episode me. Tab tak… Shubh ratri, Shabba khair, Sayonara…. Keep enjoying your life and keep feeling the love… <3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: