The Imperfect Marriage!

Episode-16

Recap: Pichle episode me aapne dekha ki Manpreet aur Ridayjeet ke ghar wale Ridayjeet ko mana lete hain. Wo Manpreet ko ghar lane ke lie to maan gaya hai, lekin wo use dil se ab bhi apni wife nahi manta. Manpreet bhi Ridayjeet ke is behaviour se pareshan aur dukhi hai. Wo ab apne biji bauji ke paas aa jati hai. Uske biji bauji bhi Mann ki halat dekh ke pareshan hain. Kuch din beetate hain. Manpreet aur Ridayjeet ab kaam me apna dil laga rahe hain. Par ek din Ridayjeet kuch bacchon ko dance karte hue dekhta hai aur unka admission Manpreet ki academy me karane ke lie wahan phochta hai. Manpreet Ridayjeet ko wahan dekh kar khush hoti hai. Ridayjeet wapas jate time usse apne sath le jane ke lie puchta hai aur Manpreet ka academy ke bahar wait kar raha hai. ab aage…

Ridayjeet bahar jakar khada ho jata hai. 25 minute ho gaye hain aur Mann ab tak bahar nahi aayi hai. Ridayjeet andar jata hai. Wo gusse me hai. Manpreet academy ke kisi bande se kuch baat kar rahi hai. Ridayjeet uske wahan se jane ka wait karta hai. Wo aadmi wahan se chala jata hai. Ab wahan Mann aur Riday akele hain.

Manpreet: I am sorry! Wo thoda jyada time lag gaya.

Ridayjeet: (gusse me) Tumhe kisi ke time se farak hi ki painda hai. Tumhe bas khud se matlab hai.

Manpreet: I am sorry!

Ridayjeet: Sorry! Bas yahi bolti raha karo. Ab mujhe samajh aa raha hai ki shadi ke baad har time tumhare muh se sorry kyun nikal raha tha.

Manpreet chup rehti hai.

Ridayjeet: Meri life kharab ki thi na tumne islie.

Manpreet: (dheemi awaz me) Main wo sab karna nahi chahti thi.

Ridayjeet: Kitni baar bologi ye sab? Aur kuch bolna nahi aata kya? Wo log nahi mane to shadi ke baad kyun nahi bataya tumne ye sab? Tab kya ho gaya tha? Kya sab hamare sath rehte the pure time?

Manpreet: (sir jhuka ke) Meri himmat nahi hoti thi, ki main aapse ye sab keh pau.

Ridayjeet: Par jhuth bhi kitni safayi se bole hain tumne. “Mera phone tut giya si tan maine Mann ka phone lae lia.” Te main bewakoofan ki tarah teri har baat pe vishwas karta gaya. Aur kitne jhuth bole hain?

Manpreet sehemi hui khadi hai.

Ridayjeet: Sab jhuth tha na? Sab dikhawa tha?

Manpreet sir jhuka ke apni aankhein band kar leti hai.

Ridayjeet: Wo pyar karna, wo “I love you” Sab jhuth si na. Sirf Jassi banne ke vaste kia si na wo sab?

Manpreet sir jhukaye khadi hai.

Ridayjeet: Bolo! Bolti kyun nahi? (Ridayjeet aankhon me aansu lie hue) Wo sab jhuth tha. Aur main pagalon ki tarah ye samajh raha tha ki ye Jassi hai. Tumhare har jhuth ko sach manta raha. Sahi me kitna pagal munda hai, yahi sochti hogi na tum? Ise bewakoof banana to kitna asaan hai. Hai na!

Manpreet: (dhire se) Maine aisa kabhi kuch nahi socha aapke baare me?

Ridayjeet: Tan ki socha?

Manpreet chup ho jati hai.

Ridayjeet: Te wo diary… kitthe hai wo diary?

Manpreet Riday ko dekhti hai.

Ridayjeet: Bolo! Kahan hai wo? Jassi ki diary le ke use apni dairy bana dia. Uski har chiz padh li aur uske baad is tarah se react kar rahi si. Dance to karti hi ho, acting bhi kar sakti ho tum.

Manpreet: (hairani se) Wo aapko lagta hai ki Jassi ki dairy si?

Ridayjeet: Han! Jaise uski har chiz ko pe haq jata lia to diary kya cheez hai. Tumne to mujhe bhi nahi chhoda.

Manpreet ne socha nahi tha ki Ridayjeet usse kabhi is tarah bhi baat karega. Use yakin nahi ho raha ki jo insan usse itna pyar jatata tha wo aaj use is tarah bol raha hai.

Manpreet: (aankhon me aansu lie) Aapko lagta hai wo Jassi ki diary thi?

Ridayjeet kuch nahi kehta.

Manpreet: Aap jo sochna chahe soch sakte hain. Kyunki galati mujhse hui hai. Maine aapko kuch nahi bataya. Kya karti? Kabhi himmat nahi hui aapka dil todne ki. Kyunki mere sath to aisa do baar ho chuka hai. Jise pasand karti thi wo meri aankhon ke samne hi kisi aur ke paas chala gaya. Aur sahi kaha aapne wo diary Jassi ki hi thi aur maine wo diary padhi thi aur padhi hi nahi uski har chiz yaad kar li thi kyunki mujhe lag raha tha ki aap kisi na kisi din us diary me se mera test lene wale hain. Hai na!

Ab Riday chup hai aur Manpreet aage bolti hai.

Manpreet: Mainu pata hai maine galati ki hai. Bhot badi galati ki mujhe aapko sab sach bata dena chahiye tha. Par main pareshan thi aur sath hi aapke chehre ki khushi dekh ke hamesha chup ho jati thi. Kyunki nahi chahti thi ki jis tarah main is chiz se guzar rahi hu aap bhi guzaro. Aur aapko pareshan kyun nahi dekh sakti thi, agar aap mane ki wo diary meri hai, to shayad aapko us diary se pata chal gaya hoga.

Ridayjeet ab chup hai.

Manpreet: Shayad aapke mann me kayi aur sawal honge. To jab bhi jawab chahiye ho, aap puch sakte ho. Main ab aapse kuch nahi chupana chahti. Aapko pasand karti thi main pehle se. Jaise ki diary me likha tha maine, aapka sab ki taraf attitude, jis tarah se aap sabse baat karte ho, Riddhi ke lie aapki care aur pyar, un bacchon ke lie aapka wo sab karna jo koi karne se pehle do baar sochega, aapka ladkiyon se baat karne ka tareeka, aapka helping nature, is sab ke baare me detail se likha hai maine. Chahe to puch sakte hain kuch bhi.

Ridayjeet: Agar ye sab sach hai to shadi kyun nahi karna chahti thi tum mujhse? Sab se mana kyun kar rahi thi shadi karne ke lie? Aur shadi ke baad tum jis tarah chup aur udas thi wo sab kyun tha?

Manpreet: Main aapko pasand karti thi. Main chahti thi us waqt ki meri shadi kisi se ho to wo aap jaisa hi ho. Aapke jaisi qualities ho. Us waqt aap mera crush the, jise agar pa lia to usse badi baat shayad na hoti mere lie. Lekin jab mujhe pata chala ki aap aur Jassi ek dusre se shadi karna chahte ho to maine khud ko rok lia. Aur fir Jassi bhag gayi. Us waqt tak aap mere lie meri behen ke hone wale husband ban chuke the. To kaise kar leti aapse shadi?

Itne me room ke door par knock hoti hai. Mann aur Ridayjeet apne aansu ponchte hain.

Manpreet: Kon hai?

Door khulta hai aur wahan academy ki receptionist khadi hai.

Receptionist: Mam! Sab ja chuke hain. Aur guard bhi aa chuka hai. Aap log abhi yahin rahenge?

Manpreet: Nahi! Hum bhi aa rahe hain. Tum jao.

Receptionist wahan se chali jati hai. Mann aur Riday ek dusre ko dekhte hain.

Ridayjeet: Kafi late ho gaya hai. Main bahar hu, tum aa jao.

Ridayjeet room se bahar chala jata hai. Manpreet kuch minutes baad academy ke bahar nikalti hai. Ridayjeet bahar khada Manpreet ka wait kar raha hai. Bilkul waise hi jaise wo hamesha kia karta tha. Mann ye dekh ke purane din yaad karti hai aur smile uske chehre par aa jati hai. Car ke paas aake wo car me baith jati hai. Ridayjeet car start karta hai. Thodi der baad Ridayjeet baat shuru karta hai.

Ridayjeet: Aaj kal late tak rehne lagi ho academy me?

Manpreet: Han!

Ridayjeet: Ghar par biji bauji thik hain?

Manpreet: Hmmm! Aapke mommy papa?

Ridayjeet: Han! Thik hain.

Dono fir chup ho jate hain. Thodi der baad Manpreet ka ghar aa jata hai. Manpreet car se utar ke Ridayjeet ko “Thanks!” kehti hai.

Ridayjeet bhi use “It’s okay!” keh ke chala jata hai.

Manpreet ghar me aati hai. Uski biji uska wait kar rahi thi.

Manpreet’s Mom: Mann puttar! Aaj late ho gaya tainu.

Manpreet: Han! Biji wo aaj Ridayjeet aa gaye the academy me, do bacchon ka admission karana tha unhe, to end moment par aaye the islie late ho gaya.

Manpreet’s mom: Ridayjeet aaya tha?

Manpreet: Han!

Manpreet’s mom: Tum donan di kujh gal hoyi.

Manpreet: Han! Par wo abhi bhi waise hi hain. Hurt aur naraz.

Manpreet’s mom: Beta! Galati to hum se hi hui hai na, to use to naraz hona hi hai. Tu fikar na kar sab dhire dhire thik ho jana hai.

Manpreet: I hope biji.

Mann ye keh ke apne room me chali jati hai. Itne me Manpreet ki biji Ridayjeet ki mommy ko phone kar deti hain. Aur unhe sab bata deti hain.

Raat ko Ridayjeet ke ghar par sab khana kha rahe hain.

Ridayjeet’s mom: Cheeku! Tu Mann ko wapas kab leke aa raha hai?

Ridayjeet: Mommy! Maine pehlan hi keh dia si ki main use lene nai jawanga. Fir aap baar-baar ye sab kyun puch rahe ho?

Ridayjeet’s mom: Tu Mann se milne uski academy ja sakta hai par use ghar nai la sakda?

Ridayjeet: Oh! To usne ye bhi bata dia aap nu?

Ridayjeet’s mom: Usne kujh nai bataya hai. Har chiz ka ilzam us par lagana band kar de tu. Itni changi kudi de naal viaah hoya hai, fir vi aise bolda hai us nu.

Ridayjeet’s chachi: Chhaddo parjayi! Jad aati na Jassi tab pata chalta is nu, ki wo kaise hai aur Mann kaisi?

Ridayjeet: (gusse me) Aap logan nu hor koi gal ni karni hundi hai ki? Jab dekho Jassi te Mann. Aur kujh ni hai kya is ghar me jispe baat ki ja sake.

Ridayjeet’s chacha ji: Bas kar Cheeku! Tainu veer ji aur parjayi ji kujh kehte ni hain, tan tu bole hi janda hai? Tainu ki pata hai Jassi ke baare ‘ch? Tin mahine raha si tu us de naal shadi se pehlan. Aur hum avain ni bol rahe. Tere bade hain, tujhse jyada duniya dekhi hai. Tere abhi gal samajh ni aane wali. Us Jassi ko dhundne gaya si na tu? Ki hoya? Aayi ni wo?

Ridayjeet: Chachu! Aap ye sab na bolo.

Ridayjeet’s chacha ji: Arey kyun na bolu? Main aksar bahar rehta hu Islayi kadi boleya nai ghar di gallan vich. Par tune tan kamaal hi kar rakha hai ik kudi de vaste. Tainu pata vi hai, kinni call kiti si tere bauji te Mann de bauji ne us nu? Par ek vi call da jawab ni ditta usne. Aur tu chhad ye sari gallan. Tere naal tan pyar si na us nu. Tainu ab tak ik vaari bhi call kitta usne? Agar tainu Mann na batati ki wo Jassi nai hai tan tainu pata chalda kabhi?

Ridayjeet sir jhukaye chup chap apne chacha ki baatein sunta rehta hai.

Ridayjeet’s chacha ji: Bol! Ab bolta kyun nai? Us bechari kudi ne ye socha ki is de naal dhokha nai karna chahiye Islayi usne sab is nu bata ditta. Par use ki pata si ki ye sadda gabru jawan usde naal ae sab karega. Hum sab ne bola si us nu, ki sach na bata, ki farak painda hai. Naam me kya rakha hai? Pati to wo tera hi hai. Par usne har baar yahi kaha ki main unhan nu dhokha nai de sakdi. O khote! Ye hunda hai asli pyar, wo ni jo tainu chhad ke chali gayi te ik vaari socha vi ni tere baare ‘ch. Ab bhi kujh ni bigada hai, maan ja, le aa use wapas. Wo hi tere layi bani hai. Kadi aisa na hove ki wo tere se dur chali jave tab tainu is gal da ehsaas hoye.

Ridayjeet se ye sab keh ke uske chacha wahan se chale jate hain. Baki sab bhi use wahin chhod ke apne-apne rooms me chale jate hain. Bas Ridayjeet ki mommy wahin rehti hain. Wo Ridayjeet ko khana khila rahi hain.

Ridayjeet’s mom: Tu chacha ki baat ka bura na maani puttar. Wo bachpan se Mann nu khilate aa rahe hain na is layi. Kal raat jab wo aaye si Jalandhar se tan teri chachi ne sab bataya si unhan nu. Te wo bade pareshan hue si ye sab sunke.

Ridayjeet: Sab ko bas Mann ki pareshani dikh rahi hai. Meri pareshani da ki?

Ridayjeet’s mom: Ni puttar! Sab nu pata hai ki tu vi pareshan hai. Par tu Mann ke bare me bhi to soch na.

Ridayjeet chup rehta hai.

Ridayjeet’s mom: Tainu pata hai puttar! Shadi wale din, humne usse kaha si ki tere naal viaah kar le. To pehlan tan wo maan hi ni rahi si. Fir mani to ye bolne lagi ki Ridayjeet nu bata do sab, main unhan de naal dhokha nai karna chahundi han. Aur shadi ke baad bhi hamesha ye hi kehndi si wo. Wo tere naal koi dhokha nai karna chahti thi puttar. Ye tan bas halaat aise paida ho gaye ki na hum kujh kar paye aur na wo.

Ridayjeet khana kha ke, apne room me jata hai. Aur aaj ki jo bhi baate hui thi, Manpreet ke sath aur ghar walon ke sath un sabke baare me sochta hai. Wo leta hua sab kuch soch raha hai. Wo us diary ke baare me bhi soch raha hai, jo use aaj hi pata chala ki wo Jassi ki nahi Mann ki hai. Wo us diary me likhi hui har chiz ke baare me sochta hai aur ab use Manpreet se jod kar dekh raha hai. Use ab samajh aa raha hai ki Jassi ki baatein us diary se kyun nahi milti thi aur shadi ke baad wo har chiz use waisi hi kyun lagne lagi thi. Wo ab apne mann me soch raha hai, “To iska matlab Mann ne wo sab likha tha mere baare me aur mujhe laga ki wo Jassi ne likha hai.”

Fir wo zor se bolta hai, “Haye Rabba! Ye Mann aur Jassi mainu pagal kar daangi.”

Thodi der baad wo apna phone leta hai aur Mann ki wo video jo usne aaj us ladke se li thi wo open karta hai. Wo video dekh raha hai, aur uske dimag me sawal aata hai, “Kya sach me jo Mann ne mujhe aaj bataya wo sab sach si?”
Video khatam ho jati hai, wo fir se dekhne lagta hai. Use ye feel ho raha hai ki wo shayad ye sab use hi bol rahi hai. Aur… Ye to sach hi hai. Mann ne ye sab Ridayjeet ke lie hi to kia tha. Wo itni shiddat se Riday ko yaad karte hue ye video bana rahi thi ki use chot bhi lag gayi par usne ye video banana band nahi kia. Aur uski is yaad me itni shiddat thi ki Riday academy aa hi gaya tha usse milne. Aur uski ye shiddat rang bhi layi hai shayad, kyunki Ridayjeet ye video baar baar dekh raha hai. Pata nahi use aisa kya acha lag raha hai usme. Ho sakta hai aapko itna khaas kuch bhi na lage us video me, lekin agar koi aapse pyar karne wala aapko yaad karke aisi ek choti si koshish bhi kare to kitni achi lagti hai na wo koshish. Wahi shayad Riday ko bhi feel ho raha hai. Aap khud hi dekh lijiye….

Agli subah ho chuki hai. Ridayjeet so raha hai. Tabhi uske paas ek call aata hai.

Ridayjeet: (neend me) Hello!

Caller: Hello sir! Main Mumbai se bol raha hu.

Ridayjeet: Boliye!

Caller: Aap Jaspreet ko dhundte hue yahan aaye the na. Wo kal aayi thi mujhse milne, aaj bhi aaengi. Aap kahe to main unki baat karwau aapse?

Ridayjeet: Purani sari baate yaad karta hai. Usne jo bhi kuch kia, uske sath jo bhi hua, sab ek sath uske dimag me aane lagta hai.

Caller: Sir! Bataiye.

Ridayjeet: Han! Nahi! Rehne dijiye. Ab mujhe zarurat nai hai usse baat karne ki.

Caller: Are you sure sir?

Ridayjeet: Yeah! I am sure.

Caller: Okay!

Ridayjeet: Okay thanks buddy! Bye!

Ridayjeet phone rakh deta hai aur bolta hai, “Chachu sahi keh rahe si. Agar Jassi nu mujhse pyar hota to ek baar to call karti mainu.”

Ridayjeet ready hoke breakfast ke lie aata hai. Sab log wahin use milte hain.

Ridayjeet: Aap log Mann nu wapas lana chahte ho tan la sakde ho. Main nai jawanga par.

Ridayjeet’s mom: Wo nai aaegi jab tak tu ni lene jaega.

Riddhi: Veer ji! Le aao na ab us nu. Kitne din ho gaye hain.

Ridayjeet: Kyun? Teri saheli ne teri gal manni band kar diti ae ki?

Riddhi: Saheli hai wo meri, par pehle aapki wife hai na.

Ridayjeet: Teri bhabhi ni hai ki?

Riddhi: Hai! Par aap leke aaoge to khushi se aa jaegi wo.

Ridayjeet’s chachi: Le aa na puttar us nu.

Ridayjeet: Ek gal dasso mainu. Aap log inni tarafdari kyun karte ho us di? Ki rishwat deyi hoyi hai usne aap sab nu? Matlab meri gal vi ni manni ja rahi hai.

Ridayjeet’s chacha ji: Puttar! Itne din raha tu us de naal, fir vi samajh ni paya ki?

Ridayjeet’s mom: Le aaega us nu?

Ridayjeet: Sochanga.

Ridayjeet breakfast karke kaam par chala jata hai.

Ridayjeet ke chacha ne jo us ko samjhaya hai shayad usse Ridayjeet ko kuch samajh aaya hai. Uska gussa kam zarur hua hai, par abhi bhi wo Mann ko maaf nahi kar paya hai. Wo kis tarah Mann ko maaf kar paega? Kya Mann use manane ki koshish karegi ya wo khud hi use aur uske emotions ko samajh paega? Ye dekhne ke lie hum aapse next episode me milenge. Tab tak… Shubh ratri, Shabba khair, sayonara…. Keep enjoying your life and keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: