The Imperfect Marriage!

Episode-14

Recap: Pichle episode me aapne dekha ki Ridayjeet aur Manpreet ab ek ho chuke hain. Wahan se wo dono beech par jate hain, jahan fir Manpreet ke sath aisa kuch hota hai ki use yaad aa jata hai ki wo Ridayjeet se jhuth bol rahi hai aur wo upset ho jati hai. Usi sadness aur gusse me wo Ridayjeet se kuch aisa keh deti hai jo use nahi kehna chahiye tha. Ridayjeet fir uske piche pad jata hai aur use wo sach batana padta hai, jo wo ab tak Riday se chupati aayi thi. Ab aage…

Manpreet Ridayjeet se kehti hai.

Manpreet: Main Jassi nai Mann hu.

Ridayjeet ye sunke shocked ho jata hai.

Ridayjeet: (shocked) Ki? Ki boleya tussi?

Manpreet: (hesitated) Main… Jassi nai…

Ridayjeet: (zor se chillate hue) Bolooo…

Manpreet: (ghabra kar) Main Mann hu. Jassi nai hu.

Ridayjeet: (pareshan) To Jassi kahan hai fir?

Manpreet chup hai.

Ridayjeet: (gusse me) Jassi kahan hai?

Manpreet: (darr ke) Jassi shadi wale din bhag gayi thi aur sabne Jassi ki jagah mujhe…..

Ridayjeet: (Mann ki baat beech me hi kaatate hue) Kya? Shadi pe Jassi ki jagah tum…. (apne dono hath apne maathe pe rakhte hue) Haye Rabba!

Manpreet ki aankhon me aansu hain.

Ridayjeet: (thodi der khidki pe khade hone ke baad normal tone me) Jassi kahan hai?

Manpreet: (dhire se darte hue) Jassi bhag gayi thi, shadi wale din.

Ridayjeet: Kahan gayi?

Manpreet: Pata nai.

Ridayjeet: Kisi ne contact nai kia?

Manpreet: Kia si. Par usne uthaya nai si phone.

Ridayjeet ke dimag me sab baate chal rahi hain. Shuru se leke ab tak jo bhi kuch hua wo sab kuch yaad kar raha hai. Ek ek chiz fir se yaad kar raha hai. Gusse me apni aankhe band karta hai, zor se chillate hai aur apna hath kayi baar deewar me deke marta hai.

Manpreet: (darte hue hi) Aapke lag jaegi.

Ridayjeet: Aur kitni lagegi? (ab Riday ki aankhon me aansu hain, Manpreet se nazare milaye bina wo kehta hai) Ye sab mujhe pehle nai bata sakti thi?

Manpreet: (dhire se) Maine bhot koshish ki thi ki ye sab shadi se pehle aapko pata chal jaye, lekin aapke aur mere ghar walon ne aapko batane nai dia.

Ridayjeet: Ye sab mere ghar walon ko bhi pata hai?

Manpreet: Han!

Ridayjeet: Shadi ke baad kyun nahi bataya?

Manpreet: Ghar walon ne roka hua tha. Aapke aur mere dono ke ghar wale.

Ridayjeet: (gusse me) Tum mujhe akele me bata sakti thi ya nahi?

Manpreet: (darte hue) Meri himmat nai hui kabhi.

Ridayjeet: Aur meri life kharab karne ki himmat ho gayi?

Manpreet chup rehti hai. Ridayjeet room se bahar chala jata hai. Mann ab chup hai, uski aankhon me na to aansu hain aur na hi koi pachhtawa. Usne jaise khud ko aage aane wale badlawon ke lie ready kar lia hai. Uske dil se ek bhot bada bojh hat gaya hai, lekin wo ab bhi Ridayjeet se pyar karti hai aur uski chinta hai use. Wo usi ke lie pareshan hai, ki pata nahi kahan gaya hai? Kab tak aaega? Kahin kuch galat na kar le. Islie wo uska wait kar rahi hai.

Raat ke 12 baj chuke hain. Ridayjeet ab tak nahi aaya hai, Manpreet ab pareshan hai. Wo soch rahi hai use call karna chahiye ya nahi, kyunki ek din pehle tak wo Riday ke lie jitni apni thi, ab utni hi parayi ho chuki hai. Par fir bhi Riday ke lie uski fikr use Riday ko phone karne pe majboor kar deti hai. Wo call karti hai aur kafi der baad Riday phone uthata hai.

Manpreet: Kahan ho aap?

Ridayjeet: Aa raha hu.

Ridayjeet ye keh ke phone kaat deta hai. Manpreet ki pareshani ab thodi kam hui hai. Ridayjeet kuch der me room me aata hai. Manpreet usse kuch nahi bolti bas ek side me khadi ho jati hai.

Ridayjeet: Tumne kuch khaya?

Manpreet na me sir hila deti hai.

Ridayjeet: Main dekhta hu kuch milta hai is waqt ya nahi.

Ridayjeet intercom se phone karta hai aur khane ke lie puchta hai. Thodi der baad khana aa jata hai. Ridayjeet khana leke Manpreet ko de deta hai.

Ridayjeet: Khana kha lo.

Manpreet: Aur aap?

Ridayjeet: Mainu bhukh nai hai. Tussi kha lo.

Manpreet khana leke table par rakh deti hai. Ridayjeet kuch sochta hua sofe par baith jata hai. Manpreet change karke aati hai aur bed par let jati hai. Wo dekh rahi hai ki Ridayjeet apne me khoya hua hai. Use kisi chiz ka hosh nahi hai. Wo ye sab sach batana chahti thi par wo ye nahi chahti thi jo ho raha hai. Wo Ridayjeet ko aise udas nahi dekh pa rahi. Par ab wo sare haq kho chuki hai, islie bas chup reh ke sab dekh rahi hai. Dono aise hi puri raat kaat dete hain. Na Manpreet soti hai aur na Ridayjeet.
Ek din pehle bhi dono nahi soye the aur aaj bhi dono nahi soye. Par dono din na sone ki wajah me kitna bada fark hai. Khair! Suraj nikalta hai aur dono ready hote hain. Aaj unhe wapas Punjab jana hai. Wo dono Kochi se Delhi ki flight lete hain. Flight me jo Riday pure time Manpreet ko dekh raha tha, wo ab window se bahar dekh raha hai. Manpreet Ridayjeet ko dekhti hai aur uski kahi hui baat yaad karti hai. “Window ke andar ka view jyada acha hai.”

Ek baar fir se Manpreet ki life me sab badal gaya. Kitni mushkil hui thi use ye accept karne me ki use Ridayjeet ki wife banna hai aur ab jab usne ye accept kia, to fir uske hath se sab phisal gaya. Fir se sab badal gaya. Usne apni life me sabko badlte dekha hai. Apne biji, bauji ko, apni behen ko, apni life ko aur is sab se wo bahar nikal payi to bas Riday ki wajah se, uske support ki wajah se. Halaki ye Riday ko bhi nahi pata tha ki wo Mann ke lie itna bada support ban gaya tha. Lekin ab kya? Ab to shayad Riday bhi usse muh mod lega. Ab kya karegi wo?

Delhi airport aa jata hai. Dono utarte hain, apna saman lete hain. Ridayjeet Manpreet ko Punjab ki ticket deta hai.

Ridayjeet: Tum ghar jao. Mujhe kahin aur jana hai. Main do din baad aaunga ghar, sabko bata dena.

Manpreet: Aap kahan ja rahe hain?

Ridayjeet: Mumbai, Jassi ko dhundne.

Manpreet bina kuch kahe Ridayjeet se ticket le leti hai aur aankhon me aansu lie apni flight ke check-in ki taraf badhti hai. Wo bardaasht nahi kar pa rahi Ridayjeet ka ye behaviour. Par kuch pane ke lie kuch khona padta hai. Use Ridayjeet ke samne apna naam wapas pana tha to apne rishte ko khona pada.

Manpreet Punjab phochti hai. Ghar par sab use akela aate dekh ke hairan hote hain.

Ridayjeet’s mom: Puttar Cheeku kitthe hai?

Manpreet: Unhe kuch kaam tha, islie wo do din baad aaenge.

Ridayjeet’s mom: Aisa ki kamm si ki tainu akele bhej ditta. Ruk main khabar leti hu us di.

Ridayjeet ki mommy Ridayjeet ko phone karne lagti hai.

Manpreet: Biji rehne dijiye. Koi fayda nahi hai.

Ridayjeet’s mom: Han! Par bolu to sahi ki aise kaise chhad ditta tainu.

Ridayjeet ki mommy Ridayjeet ko phone karti hain.

Ridayjeet: Hello! Pairi pauna mommy.

Ridayjeet’s mom: Pairi pauna de puttar. Ye Jassi nu akela kyun bhejya hai? Khud kyun nahi aaya is de naal.

Ridayjeet: Main aake sab bata devanga.

Ridayjeet’s mom: Ae vi koi gal hundi hai?

Ridayjeet: Han ji! Mommy! Hun sari gallan main aake karanga.

Ridayjeet’s mom: Han! Aaja tu tainu batawangi main bhi.

Ridayjeet ki mommy phone rakh deti hain aur Manpreet se kehti hain, “Ja puttar thak gayi hogi, aaram kar lae.” Manpreet apne room me chali jati hai. Riddhi room me aati hai.

Riddhi: Kuch hua hai ki? Tu mainu pareshan lag rahi hai.

Manpreet: Han! Riday ko sab bata dia maine.

Riddhi: Kya? Ae ki kita tune?

Manpreet: Mere muh se nikal gaya tha gusse me ki mujhe Jassi na bola karo aur uske baad wo piche pad gaye mere. Mujhe sab batana pada.

Riddhi: Ab ki hoga?

Manpreet: (zameen me ek tak dekhte hue) Pata nahi.

Riddhi: Kahan gaye hain veer ji?

Manpreet: (zameen ko dekhte hue) Jassi nu dhundne.

Riddhi: Ki? Oh God!

Manpreet: Maine sab ko bola tha ki sach bata do. Par kisi ne nahi suna. (muskurate hue) Ab to jo hona hai wo hoga hi.

Aansu Manpreet ki aankhon se behne lagte hain, un aansuon ko pochte hue Manpreet kehti hai, “Sab ki kya meri khud ki bhi galati hai. Maine bhi nahi bataya sach unhe. Kam se kam main hi unhe sach bata deti. Ab jo bhi hoga wo meri hi wajah se hoga meri life me.”

Riddhi: Tu pareshan na ho. Sab samjhaenge veer ji nu.

Manpreet: Nai! Main nai chahti ki koi unhe samjhaye. Pehle mujhe samjha ke is shadi me baandh dia aur ab unhe samjhaenge.

Riddhi: Tu pagal hai ki? Tujhe samjha ke shadi me bandha tha to tu dukhi thi ki? Itne ache se reh rahe the dono sath me.

Manpreet: Wo Mann nahi thi Jassi thi jiske sath Riday reh raha tha. Ab Mann ke baare me pata chal gaya hai, ab wo nai rahega mere sath.

Riddhi: Rahenge. Wo tujhe pasand karte hain. Teri har baat se khush rehte hain. Unhe shock laga hai jaise tujhe laga tha. Jab tu nikal gayi us sab se to tujhe bhi to acha lagne laga na unke sath.

Manpreet: (crying) I don’t know anything right now. Bas itna pata hai ki sab khatam ho chuka hai.

Riddhi Mann ko hug kar leti hai. Manpreet Riddhi ko kas ke pakad leti hai aur jitna apne dil ka gubaar hai wo roke nikal deti hai.

Do din beet chuke hain. Manpreet ko ye do din kaatne bhot bhari pade hain, kyunki ye shadi ke baad pehli baar tha jab Ridayjeet uske sath do din ke lie nahi tha. Na to wo use apne paas bula sakti thi aur na hi uske paas ja sakti thi. Phone karne ka haq bhi wo kho chuki hai islie bas usne intezaar kia Ridayjeet ka.
Ridayjeet do din baad wapas ghar aaya aur usne pehle se hi phone karke Manpreet ke biji bauji ko ghar pe bula lia tha. Un logon ko to kuch nahi pata tha par Manpreet samajh gayi thi ki Ridayjeet unse kya baat karna chahta hai.

Sab log aa jate hain aur Ridayjeet bhi ghar me aa jata hai. Manpreet Ridayjeet ko dekhti hai. Uski halat bhot kharab hai, jaise usne thik se khana bhi na khaya ho. Shayad wo pure time bas Jassi ko hi dhund raha tha. Wahan Riday ke pure ghar wale aur Mann ke biji bauji hain. Ridayjeet sabke pair chhuta hai aur unke samne hi baith jata hai. Manpreet aur Riddhi ek side me khade hue hain aur sab dekh rahe hain.

Ridayjeet: Hun mainu dasso, ki aapne ye sab ki kita?

Ridayjeet’s dad: Ki kita?

Ridayjeet: Yahi tan main puch raha han. Ki kita aap logan ne?

Ridayjeet’s dad: Kis baare ‘ch gal kar raha hai ye bataega?

Ridayjeet: Meri aur Manpreet ki shadi ke bare me gal kar raha hu.

Sab log uski baat sunke hairan reh jate hain. Manpreet ki biji aur Riday ki mommy dono ek sath Manpreet ko piche mud ke dekhti hain.

Ridayjeet: Us nu kyun vekh rahe ho? Main aapse gal kar raha hu.

Sab log chup hain.

Ridayjeet: Ki laga tha aap sab nu ki mainu pata ni chalega? Kab tak chalani thi ive ye shadi? Aur aapko jab Mann ne boleya si ki mainu bata do tan kyun nai bataya mainu?

Ridayjeet’s dad: Hum batana chahande si par situation aisi thi ki ni bata paye.

Ridayjeet: Te hun mera faisla sun lo, aap log. Maine shadi Jassi de naal ki si, te shadi vi Jassi de naam se hi hui hai. Islayi main is shadi nu nai mannda.

Manpreet’s dad: Ae ki gal hui puttar?

Ridayjeet: Aap logon ne mere naal dhokha kita hai, main aap logan de upar case vi kar sakda han.

Ridayjeet’s dad: Ki bol raha hai tu ae? Hum vi shaamil si is faisle vich.

Ridayjeet: Mainu nai pata, kon shaamil si te kon nai si. Mere sath dhokha hua hai te main is shadi nu nai manta.

Ridayjeet’s mom: Puttar! Shadi to teri ho chuki hai. Aur wo bhi Mann naal hi. Ab tu ye sab rola na pa.

Ridayjeet: Ye rola lag riha hai aap nu mommy? Main ki avain bol riha han? Aap nu pata hai ki, aap bata dete tan main us da wait kar sakda si. Jab wo wapas aati tab hum viaah kar lete. Aap ne to kujh chhada hi nai. Hun ki karaan main? Maine Mann se nai Jassi se shadi karni thi. Kyun nai bataya mainu?

Ridayjeet’s dad: Beta! Us waqt log si, mehman si.

Ridayjeet: To ek din ke mehmaanan de vaste aapne meri puri life kharab kar diti?

Sab chup hain. Koi kuch nahi bol raha.

Ridayjeet: Sun lo aap sab log. Main is shadi nu nai manta. Jo karna hai wo kar lo.

Ye keh ke Ridayjeet ghar se bahar jane lagta hai. Ridayjeet ke papa aur Manpreet ke bauji use bahar jane se rokte hain. Wo dono use ek room me le jate hain. Manpreet Ridayjeet ke is roop ko dekh ke shocked hai. Use sab kuch bikharta hua nazar aa raha hai. Sab khatam ho chuka hai. Uska pyar, uski life, uski khushi, sab ek hi pal me khatam ho chuki hain. Wo dekh rahi hai ki Ridayjeet aur uske bauji use samjha rahe hain. Par wo andar se toot chuki hai. Jis aadmi ne use itna pyar kia, wo aaj uske lie ye sab bol raha hai. Kya Ridayjeet ko uske lie koi emotions nahi hain? Zara se bhi nahi? Manpreet apne room me jati hai, apna hand bag uthati hai aur ghar se bahar ja rahi hai. Ridayjeet aur uski khud ki biji us rokti hain, “Ruk ja puttar! Kahan ja rahi hai?”

Manpreet: Main ye sab aur nahi dekh sakti. Jo bhi faisla hoga, pehle ki tarah mujhe bata dena. Main maan lungi.

Manpreet ye kehke ghar se bahar nikal jati hai. Wo wahan se academy jati hai, jahan wo pichle ek week se nahi gayi thi. Wahan jate hi sab log usse milte hain, khush hote hain, sare bacche usse gale lagte hain. Wo soch leti hai, ki ab uski life me kisi ke lie koi jagah nahi hai. Bas wo aur uski academy ab isi par hi use dhyan dena hai.

Sach kahu to ye pata to tha ki aisa hona hai. Par ab jab ho raha hai to mujhe acha nahi lag raha. Is waqt mujhe kuch lines yaad aa rahi hai…. jo ek Punjabi gane ke bol hain.

Sab kujh badal gaya mera, sab kujh badal gaya mera…
Chal jar hi jawangi……..
Ve je hun tu vi badal gaya main te marr hi jawangi…”

Suna hoga shayad aapne. Agar nahi suna to suniye, Manpreet ki situation par suit karta hai ye song

Aage kuch kehne ka mann nahi hai, par dekhenge ki kya hoga next episode me. Tab tak…. Shubh ratri, Shabba khair, Sayonara….
Keep enjoying your life…
&
Keep feeling the love…. ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: