The Imperfect Marriage!

Episode-13

Recap: Pichle episode me humne dekha tha ki Ridayjeet ek bhot badi baat Manpreet se karta hai. Jab Jaspreet aur Ridayjeet mila karte the tab Jaspreet ne Manpreet ki diary lekar Ridayjeet ko di thi aur us diary me Ridayjeet ne kuch aisa padh lia tha jisse use ye pata chala gaya tha ki ye diary me jisne bhi likha hai wo use pasand karta hai. Lekin use ye pata nahi chal paya ki ye diary Manpreet ki hai. Wo ye hi samjhta raha ki ye diary Jaspreet ki hai. Aur isi confusion me usne Mann ki jagah Jassi ko propose kar dia. Ab jab is baat ka pata Mann ko laga to use afsos to hua, par sath me ab wo ye jaan gayi hai ki Jassi ko kabhi Ridayjeet ne pyar nahi kia tha. Wo sab jo bhi tha uski diary ki wajah se tha. Aur isilie Ridayjeet har time Jassi ko change karne ke baare me bhi sochta rehta tha, kyunki jis insan ko usne us diary me samjha aur mehsoos kia tha, wo to wo thi hi nahi. Wo Mann hi thi aur isilie shadi ke baad wo Mann aur bhi jyada pasand karne laga tha. Ab aage…

Ridayjeet ke kareeb aane se Mann bahar bhag jati hai. Ridayjeet uske piche aata hai. Dono ab boat ke aage wale hisse me khade hain. Mann boat ke bahar pani ko dekh rahi hai. Ridayjeet uske piche aake khada ho jata hai. Wahan boat chalane wale bhaiya bhi hain. Ridayjeet unse request karta hai ki wo dono ki pics click kare. Dono ek dusre ke sath pics click karte hain. Alag alag poses aur ek dusre ke kareeb bhot si pics click karne ke baad, Ridayjeet Manpreet ke sath selfie click karne lagta hai.

Ridayjeet: Soni! Now one selfie, when you will kiss me.

Manpreet: No! Ye sab nai.

Ridayjeet: Kyun? Ab to sab confusion bhi dur ho gayi hai. Maine sab clear kar ditta hai.

Manpreet: Abhi aur bhi confusion hai.

Ridayjeet: Ohhoo! Gaal pe kiss karne me itne nakhre na kar ab Soni.

Manpreet chup rehti hai. Ridayjeet pose banata hai. Mann Ridayjeet ke gaal par jaise hi kiss karti hai waise hi Riday selfie click kar leta hai. Manpreet ki lipstick ka mark Ridayjeet ke gaal par laga hua hai. Manpreet wo dekhti hai.

Manpreet: (hichakte hue) Riday! Wo aapke gaal par mark reh gaya hai…..

Ridayjeet: Kehda mark?

Manpreet: Wo…. Meri… Lipstick ka…

Ridayjeet: (khush hote hue) Ye mark to main kab se chah riha si. Hun te selfie lewanga is de naal.

Manpreet dhire se hasti hai aur apne maathe par hath marti hai.

Manpreet: Inne pagal vi nai hunde.

Ridayjeet: Hunde hain kudiye! Tainu ki pata jis din ye pata lagge ki munde di wife us nu kinna pyar kardi hai, pagal hona to banta hai.

Manpreet: Sudhar jao tussi.

Ridayjeet: Main tan ive hi rehna hai, te tainu aise hi jhelna padega mainu. Bol manzoor hai?

Manpreet: (smile karte hue) Hmmmm. Aur koi option vi te nai hai, manzoor karna hi paega. Hehe!

Ridayjeet: (Manpreet ko apni taraf kheenchte hue) Idhar aa kudiye. Option nai hai tere kol?

Manpreet: Ki kar rahe ho aap? Wo bhai ji vi baithe hoye hain.

Ridayjeet: Assi te honeymoon pe hain na, tan sab allowed hai sanu.

Manpreet haste hue Ridayjeet ke gale lag jati hai aur Ridayjeet ke gaalon ko kheenchti hai.

Manpreet: Aap nu nai pata aap is tarah kinne cute lagde ho.

Ridayjeet: Aur tainu nai pata ki tu is tarah kitni hot lagdi hai.

Manpreet: Chup kar jao hun.

Ridayjeet muskurate hue apne muh par ungali rakh leta hai. Manpreet Ridayjeet ko is tarah chup hote dekh muskurati hai.

Raat ho chuki hai. Dono ek dusre ke sath candlelight dinner karte hain. Waise khana unke taste ke hisab se unhe pasand nahi aa raha hai, lekin dono sath me hain aur ye baat unke dinner ko yaadgaar banane ke lie kafi hai. Upar se jo boat wale bhaiya hain, wo aur aise mahaul me romance ka tadka lagane pe tule hain. Hehe! Han unhone kuch Hindi romantic songs, jo wahan logon ke paas mushkil se milte hain, wo chala die hain. Dono ab dinner kar chuke hain, to dessert ke sath wo bhaiya unki table par aate hain.

Boat manager: Sir! This is Kerala’s famous sweet dish, Unniyappam, please try it.

Ridayjeet: (smiling) Okay! Thanks.

Boat manager: One thing more sir. Weather is nice and I think music is also nice.

Ridayjeet: Yeah! Thanks for the Hindi music.

Boat manager: Sir! If you want, you may dance.

Manpreet hairani se us boat wale ko dekhti hai.

Ridayjeet: (smiling) Okay! Thanks.

Ridayjeet Manpreet ko dekhta hai. Manpreet samajh jati hai ki ab Ridayjeet kya soch raha hai.

Manpreet: No… No… No… Nooo…

Ridayjeet: (smiling) Yes!

Manpreet: Riday! Yahan sab hain, ye boat wale bhai ji bhi. Yahan nahi.

Ridayjeet: Hun mere naal koi bahana nai chalne wala hai. Dance sikhaundi ho te yahan inni sharam? Kis layi?

Manpreet: (dhire se badbadate hue) Dance karne me nai, dance karte me aap ki karo wo pata nai hai mainu.

Ridayjeet: Ki boli?

Manpreet: Kuch nai.

Ridayjeet: Hmmm! Ye dhire dhire jo boli janni ae, sab pata hai mainu.

Manpreet: Pata hai, te puchde kyun ho?

Ridayjeet: (Manpreet ko hath dete hue) Hun mainu ik chance mila hai meri Soni de naal dance karan da. Please na mat kar na.

Manpreet Ridayjeet ko apna hath de deti hai. Ridayjeet Manpreet ko leke dance karne ke lie floor pe chala jata hai.

Ridayjeet: Mujhe tumhare jaisa dance to nai aata, par tum kuch steps sikha sakti ho mainu.

Us time par jo song wahan chal raha tha wo tha, “Jeena Jeena.” Yaad aaya?

“Dehleez pe mere dil ki, jo rakhe hain tune kadam,
Tere naam pe, meri zindagi likh di mere humdum…
Han… Seekha maine jeena-jeena kaise jeena,
Han.. Seekha maine jeena mere humdum…
Na seekha kabhi jeena-jeena kaise jeena,
Na seekha bina tere bina humdum…”

Ridayjeet ne Manpreet ka ek hath apne hath me lia hai aur apna dusra hath Manpreet ki waist par rakha hai. Manpreet ne apna dusra hath Ridayjeet ke shoulder par rakha hai. Aur dono music ke sath dhire-dhire softly dance kar rahe hain. Mausam to suhana hai hi, sath me gana bhi romantic, dil bhi romantic aur jahan wo is waqt hain wo sab bhi unke romance ko badha raha hai. Boat pani me chal rahi hai, kabhi dagmag bhi karti hai, boat ke dagmagane se wo dono bhi dagmagate hain aur Ridayjeet Manpreet ko aur kas ke apni bahon me pakad leta hai. Dhire-dhire dono kab ek dusre me kho jate hain, dono ko hi pata nahi chalta. Manpreet Ridayjeet ke seene par sir rakh leti hai aur Ridayjeet use apni bahon me chupa leta hai. Dono apni aankhein band kar ke bas us moment ko enjoy kar rahe hain.

Thodi der baad dono apne room me aa jate hain. Ridayjeet change karke aa chuka hai aur bed pe leta hua hai. Manpreet change karke aati hai aur wo bhi bed par let jati hai. Ridayjeet uske paas aata hai par Manpreet use aaj fir dur kar deti hai.

Manpreet: Mere kol na aao.

Ridayjeet: Hun ki hoya? Tainu roz bukhar chadhda hai ki bathroom se bahar aane ke baad?

Manpreet hasti hai.

Manpreet: Nai! Ajj mainu koi bukhar nai chadeya. Bas ajj mainu tuhadde kol sona hai, is layi.

Ridayjeet: (smile karte hue) Okay! Par utne hi paas rehna jitna main rehta hu.

Manpreet: Nai rahi to aap mere paas aa jana.

Ridayjeet: (pyar se) Kitne paas aawan?

Manpreet: (pyar se) Jitne paas aap chahe.

Ridayjeet uchal kar baith jata hai.

Ridayjeet: Ae tussi sach bol rahe ho?

Manpreet: (haste hue) Hehehe! Abhi mainu sone doge ya nai?

Ridayjeet: (dhire se) Mere kol na.

Manpreet: (smiling) Hor ki! Aap hi ke kol.

Ridayjeet: (let jata hai) Okay!

Manpreet Ridayjeet ki apne side wali baju failati hai aur apna sir us par rakh kar let jati hai. Ridayjeet Manpreet ki taraf karwat kar leta hai aur dusre hath se use apne kareeb kheench leta hai. Dono ke beech faasle aaj na ke barabar hain. Dono itne kareeb hain ki dono ki naak chhu rahi hai. Ridayjeet Manpreet ke face par aa rahe baal apni ek ungali se dhire se bade pyar se hatata hai. Manpreet apni aankhein band kar leti hai. Ridayjeet Manpreet ko apne andar sama lena chahta hai aur usi iraade se wo use apne kareeb pakade hue hai.

Manpreet: Mainu sone do.

Ridayjeet: So jao maine kahan roka hai.

Manpreet: Aap bhi so jao te mainu vi sone do.

Ridayjeet: Tussi so jao. Main aise hi thik han. Tainu takde hue.

Manpreet iska kuch jawab dene ke lie apne honth kholti hai aur tabhi Ridayjeet aage badh kar apne honth uske honthon par laga deta hai. Kuch seconds baad wo honth alag kar leta hai. Manpreet kuch bol nahi pati wo hairan hai. Ridayjeet uske maathe par kiss karta hai. Manpreet use kas ke pakad leti hai. Ridayjeet bhi use kahin jane nahi dena chahta. Wo fir apne honth uske kareeb leke jata hai aur is baar kuch jyada der ke lie. Riday ab Mann ko dekhta hai, Mann thodi is khush, thodi si sharmayi, thodi si chup hai. Ridayjeet Mann ke gaalon par kiss karta hai, fir uske baalon ko kaan ke piche karke uske kaano ko apne honthon se chhuta hai. Wo Manpreet ko cuddle karke uski gardan me apne chehra ghusa leta hai. Manpreet wo sab mehsoos kar rahi hai aur beech-beech me Riday ka naam pukar rahi hai, jaise wo Riday ko is sab ke lie mana kar rahi ho. Lekin aaj uske hothon pe aur uske dil ki baaton me fark Ridayjeet ko saaf dikhayi de raha hai.
Manpreet ab janti hai ki Ridayjeet ka pyar, Ridayjeet ki sari care, wo sab kuch hamesha se uske lie hi tha. Jaspreet bas ek confusion thi, jo uske aur Ridayjeet ke beech me aayi thi, islie aaj wo bhi shayad Ridayjeet ko nahi rok rahi.
Manpreet ab, Ridayjeet ke maathe par kiss karti hai. Uski naak par apne honth lagati hai, uske chehre ki har ek jagah par kiss karti hai. Dono ko ab kuch aur dikh nahi raha. Wo dono ek dusre me itne sama jana chahte hain, ki unhe fir koi alag na kar sake.

Sahi hi kehte hain, ki mausam aur jagah ka fark to padta hai. Aur aaj… Aaj to, din bhi acha hai, mausam bhi acha hai, jagah bhi achi hai aur waqt bhi acha hai, isilie jo kuch bhi hua wo to bhot hi acha hai. Waise dono chahte the ki ye pal yahin ruk jaye, par waqt ko koi rok saka hai kya? Islie din bhi ho gaya aur Suraj bhi nikal aaya.

Aur Ridayjeet bhi har baar ki tarah Mann ko sote hue dekh raha hai. Manpreet ki neend khulti hai aur wo apne samne Ridayjeet ko pati hai. Manpreet smile karti hai.

Ridayjeet: Good morning Soniyo!

Manpreet: (smiling) Good morning!

Mann aur Ridayjeet dono muskurate hain. Mann raat ko yaad karke Ridayjeet se nazare bhi churati hai. Ridayjeet Manpreet ke forehead par kiss karta hai.

Ridayjeet: Ajj tan tussi late ho gaye. Inni der tak sonda hai koi?

Manpreet: (muskurate aur sharmate hue) Jad mainu koi sone nahi denda tan hi inni der se neend khuldi hai meri.

Ridayjeet: Te main kive jaag janda hu?

Manpreet: Main ki janu ae?

Ridayjeet: (smiling) Tussi jande sab ho, par dasde nahi. Hun chheti karo te ready ho. Yahan se nikalna hai sanu.

Manpreet: (muskurate hue) Hmmm!

Ridayjeet: But I am not happy.

Manpreet: Kyun? Ki hoya?

Ridayjeet: (sad) Honeymoon period is about to end. Aur fir mainu papa ke paas jana padega roz tainu chhod ke.

Manpreet: (muskurate hue) Chalo changa hai, mera picha chhutega.

Ridayjeet: Aise na bol kudiye tainu fir le javanga honeymoon pe.

Manpreet: (bed pe baith ke) Is baar kitthe javange assi?

Ridayjeet: Jitthe aap bologe Sarkar.

Manpreet: Is baar to assi samandar vekheya na, to next vaari assi pahadan utte chalaange.

Ridayjeet: Main vi ae hi soch riha si.

Manpreet: (smiling) Safed pahaad, barf naal dhake hue, te hum wahan ka mausam enjoy karde hue.

Ridayjeet: (smiling) Te main tere utte barf daalde hue. Aur tu cool-cool weather me hot-hot vi to lagegi mainu.

Manpreet: Bhot shaitani sujh rahi hai aap nu. Chup karke ready ho jao.

Ridayjeet: Naah! Mann nahi hai mera. Tere kole tujhe phad (pakad) ke baithne da mann hai.

Ridayjeet ye kehke Manpreet ko fir se bed pe leta deta hai aur cuddle karke let jata hai.

Manpreet: Chhaddo mainu. Jana ni hai tussi.

Ridayjeet: (Manpreet ke paas aate hue) Nai!

Dono ek dusre ke sath time spend karte hain aur kuch der baad ready hoke next jagah ke lie nikal jate hain.
Ab dono ki next destination hai, beach. To wo dono beach par phonch kar wahan ke hotel me check-in karte hain aur beech par phoch jate hain.

 

Sham ho chuki hai. Dono beach par baithe hain. Rait se ghar bana rahe hain. Ghar banane ke baad wo us ghar ki pics click karte hain. Fir Ridayjeet us rait par dono ke naam likhta hai. Wo naam hai, Ridayjeet aur Jaspreet!

Jaspreet! Yahi wo naam hai jo Manpreet ki khushi ke beech me har baar aa jata hai. Ab to Manpreet har tarah se Ridayjeet ki ho chuki hai, lekin ye naam ab bhi uske samne baar-baar aa jata hai. Manpreet wahan Jaspreet ki jagah apna naam likhna chahti hai. Par kya kare wo? Kuch nahi kar sakti. Ye sab dekh ke uski sari khushi ek sath gayab ho gayi hai.

Manpreet: (udas aur pareshan) Main room me ja rahi hu.

Ridayjeet: Par kyun? Abhi to sun set hone wala hai.

Manpreet: Meri tabyat thik nahi hai.

Ridayjeet: Kya hua?

Manpreet: Kuch nai. Aap ruko yahan main ja rahi hu.

Ridayjeet: Arey ruko! Main bas ice-cream wale ko paise de du fir chalte hain.

Ridayjeet paise dene ke lie shop par jata hai. Itne me Manpreet chali jati hai. Ridayjeet ko ye ajeeb lagta hai.

Room me jake wo andar se door lock kar leti hai. Uske hath me jo bhi saman hota hai, wo sab bed par fenk deti hai aur khud bhi bed par let jati hai. Manpreet ro rahi hai. Aaj use aisa lag raha hai ki usne jitna bhi is shadi me dia wo uska nahi Jassi ka hai. Ridayjeet ka pyar to badha par Jassi ke lie, par use is sab se kya mila. Apna naam badalwa lene se Ridayjeet use Jassi samajhna band to nahi kar dega. Sochti hai aur roti hai. Use khud pe aur un sab par gussa aa raha hai, jisne use Ridayjeet ko sach batane se roka tha. Khud ko bhot bebas mehsoos kar rahi hai wo. Wo room se bahar nikalti aur samudra ke samne ja ke baith jati hai. Manpreet ke jate hi Ridayjeet room me aata hai. Wo dekhta hai ki Mann room me nahi hai to wo use dhundne jata hai. Manpreet rote hue rait par apna aur Ridayjeet ka naam likhti hai aur apne phone se uski pic click kar leti hai. Aansu abhi bhi uski aankhon me hain. Wo rote hue soch rahi hai, “Kya kabhi Riday ko main nahi bata paungi ki main Jassi nahi Mann hu? Mujhe nahi rehna hai Jassi ban ke, main Mann banke rehna chahti hu. Mujhse ab aur nahi ho raha hai Jassi banke rehna. Main thak chuki hu. Riday ki wife hu main, usse pyar karti hu, par haq sare Jassi ke naam hain. Aisa kyun hai baba ji? Aap kuch karte kyun nahi? Please mainu is sab se bahar nikal do. Mainu nai rehna is tarah.”

Wo ye sab soch rahi hai aur ro rahi hai. Ridayjeet use dhundte hue tab tak wahan phoch jata hai jahan Manpreet baithi hui hai. Wo Ridayjeet ko dekh kar sabse pehle rait se khud ka naam mita deti hai aur fir apne aansu pochti hai.

Ridayjeet: Kahan si tussi? Mainu keh ke aayi si ki room me ja rahi hu aur jab main wahan phocha tan tussi aethe ho?

Manpreet: Mujhe laga mujhe aapke paas hona chahiye islie main bahar aa gayi thi, par shayad tab tak aap room me chale gaye hoge.

Ridayjeet: Ki hua tainu? Abhi tak to thik thi.

Manpreet: Main thik han.

Ridayjeet: To yahin rehna hai ya room me chalna hai?

Manpreet: Thodi der yahin baithte hain fir chalenge.

Ridayjeet: Okay!

Ridayjeet bhi Mann ke paas hi baith jata hai. Dono wahan ki leheron ko aate jate dekh rahe hain.

Ridayjeet: Tum thik ho na?

Manpreet: (in a serious tone) Han! Thik hu.

Ridayjeet: Mainu lag nahi raha.

Manpreet: Thik hu main.

Ridayjeet: (kuch soch kar) Tumne yahan aake ye nahi kia hoga?

Manpreet: Kya?

Ridayjeet khada hota hai aur Manpreet ko apna hath deta hai. Wo use leheron ke paas leke jata hai. Wahan leherein unke pairon ko chuke jati hain. Pani ke niche unke pair saaf dikhayi de rahe hain. Ridayjeet Manpreet ke pair se apne pair mila leta hai.

Manpreet: Kya kar rahe ho aap?

Ridayjeet: Chup!

Ridayjeet dusri leher ke aane par dono ki pic click karta hai. Aur Manpreet ko dikhata hai.

Ridayjeet: Dekho kaisi aayi hai ye pic?

Manpreet: (serious tone me hi) Achi hai.

Ridayjeet: Ki hua Jassi? Meri Soniye..

Manpreet ko ye sunke aur acha nai lagta. Wo gusse aur sadness me Riday se kuch aisa bol deti hai, jo shayad use nahi bolna chahiye tha.

Manpreet: (chilla ke) Maine aapse kitni baar bola hai, aap mainu Jassi na bulaya karo. Fir vi jab dekho tab aap mainu Jassi bulate hain.

Ridayjeet: (hairan) Ki hua tainu? Jassi ko Jassi na bulau to aur ki bulau?

Manpreet: (rote hue) Nahi sunna hai mujhe ye naam. Aaj ke baad aap na bulana mujhe is naam se.

Ye keh ke Manpreet room me chali jati hai. Ridayjeet pareshan hai ki Jassi khud apna naam kyun nahi sunna chahti. Wo room me jata hai. Mann wahan bed par baithi hai aur ro rahi hai. Ridayjeet uske samne jata hai.

Ridayjeet: Jassi! Kya problem hai hun batao mainu.

Manpreet ne jo beech pe bola tha use realise ho gaya hai ki galat bola tha. Islie ab wo baat ko ignore karna chahti hai.

Manpreet: Kuch nai. Koi problem nai hai. Wo bas meri tabyat thik nahi hai.

Ridayjeet: Jhooth na bolo Jassi! Kya baat hai batao mujhe. Tumhe mere Jassi bolne se kya problem hai?

Manpreet: Kuch nai.

Ridayjeet: Bolo Soniye! Ki hoya? Mainu to bata deo. Tussi boleya si na ki mere upar trust karogi, te bolo hun.

Manpreet Ridayjeet ki ye baat sunke chup ho jati hai.

Ridayjeet: Bolo. Main sun raha hu.

Manpreet: Nai! Agar maine ye aapko bata dia to shayad, sab khatam ho jaye.

Ridayjeet: Ki bole ja rahi ho? Mainu pareshan na karo aur batao hun.

Manpreet: Nai! Main nai bata sakdi aap nu.

Ridayjeet: Matlab koi baat hai.

Manpreet chup rehti hai.

Ridayjeet: Bolo Jassi!

Manpreet ab bhi kuch nahi kehti. Ridayjeet ko ab gussa aa raha hai.

Ridayjeet: (zor se) Bolo Jassi!

Manpreet: (darr se) Main Jassi nai hu.

Ridayjeet: (gusse me aur hairani se) Ki matlab hai iska?

Manpreet: Main Jassi nai Mann hu.

Ridayjeet: (shocked) Ki?

Aakhir bol hi dia Mann ne ki wo kon hai. Jis sach ko batane ki himmat use ab tak nahi ho rahi thi, wo sach usne aaj bata hi dia. Hun vekho, agge ki hunda hai. Ridayjeet Manpreet ko maaf kar pata hai ya usse sare rishte tod leta hai. Uske lie milte hain aapse next episode me. Tab tak… Shubh ratri, shabba khair te sayonara…
Keep enjoying your life…
&
Feel the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: