The Imperfect Marriage!(E-12)

Episode-12

Recap: Pichle episode me aapne dekha tha ki Ridayjeet aur Manpreet Kerala ghumte hain, wo wahan ke pahadon aur chai ke baghano me ghumte hain, dher sari pics click karte hain. Wahan Manpreet ko ek couple bhi milta hai jo uska fan hai. Manpreet is baat se bhot khush hai ki use log janne lage hain. Par room me aake jab Ridayjeet usse Jassi ke sath wali videos mangta hai to use bura lagta hai aur gussa bhi aata hai. Wo gusse me Ridayjeet se thik se baat nahi karti par baad me use realise hota hai ki isme Ridayjeet ki koi galati nahi hai, to wo fir se usse thik tarah se behave karne lagti hai. Ab aage…

Next day Manpreet aur Ridayjeet wahan ki wadiyon me se nikal ke wahan ke plains me aa jate hain. Wahan wo houseboat par ek din bitate hain. Nadi ke beechon beech naav ke upar tairate hue, thandi hawa ka maza lete hue, ek dusre ke sath, jahan bas wo dono hain aur koi nahi hai unhe disturb karne wala.

Dono houseboat me apne room me aa gaye hain. Manpreet window se bahar dekh rahi hai. Ridayjeet bhi wahin aake khada ho jata hai. Ridayjeet Mann ko apne kareeb kheench leta hai. Wo Mann ko kamar se pakade hue hai. Mann ki palakein jhuki hui hain aur Ridayjeet use hi dekh raha hai.

Ridayjeet: Please meri taraf dekho na.

Manpreet palakein upar utha ke Ridayjeet ko dekhti hai. Ridayjeet ke face par smile hai. Wo Manpreet ke mathe par kiss karta hai aur use apne aur nazdeek kheench leta hai. Dono ek dusre ke bilkul kareeb aa chuke hain. Dono ke beech ab koi faasla nahi hai. Pani me dono ki parchhayiyan dikh rahi hain, jo ab mil chuki hain. Dono ke chehre ek dusre ke bhot paas hain. Ridayjeet Manpreet ki aankhon par kiss karta hai.

Manpreet: (dhire se) Riday! Suno.

Ridayjeet: (dhire se) Shhh! Ajj mainu na roko Soniyo!

Ridayjeet Manpreet ki naak par kiss karta hai. Manpreet ki dil ki dhadkane badhi hui hain. Ridayjeet Manpreet ke hothon ke nazdeek aata hai. Manpreet aaj Riday ko rok nahi pa rahi. Shayad wo khud bhi rukna nahi chahti. Lekin wo baat uske dimag me hamesha rehti hai ki use Ridayjeet ko dhokha nahi dena hai. Islie wo Riday se dur ho jati hai. Riday use piche se aake apni bahon me le leta hai.

Manpreet: Riday! Yahan ye sab….

Ridayjeet: Mainu pata hai, tussi hamesha bahana bana ke mujhse dur chale jate ho, par aaj koi bahana nahi chalega.

Ridayjeet Manpreet ke baalon ko hatata hai aur Manpreet ki gardan ko apni naak se chhuta hai. Manpreet fir dur hone ki koshish karti hai par Ridayjeet use dur jane nahi deta. Apni naak Manpreet ki gardan me lagaye wo Manpreet ko pakade aise hi khada hai. Ridayjeet ke is tarah chhune se Manpreet ke shareer me bajali si kaundh gayi hai. Manpreet apni aankhein band kar leti hai. Ridayjeet dhire dhire uske hath apne hathon me pakad leta hai. Dono ke hath ab ek dusre ke hath me hain. Ridayjeet Manpreet ki gardan ko apne hothon se chhuta hai hai.

Manpreet: Riday! Mujhe jana hai…

Ridayjeet: (Manpreet ke kaan ko apne hothon se chhute hue dhire se) I love you!

Manpreet palat kar Ridayjeet ko hug kar leti hai. Ridayjeet Manpreet ko apni bahon me utha leta hai aur use dhire dhire niche utar deta hai.

Manpreet: (Ridayjeet ko na dekhte hue) I love you too!

Ridayjeet Manpreet ke baalon ko side karte hue use hi dekh raha hai. Manpreet ki palakein jhuki hui hain. Ridayjeet uske baaye kaan par kiss karta hai.

Manpreet: (aankhein band karte hue) Riday! Ye sab mat karo.

Ridayjeet: (dahine kaan par kiss karte hue, dhire se) Why? Don’t you love me?

Manpreet: (Riday ko ek nazar dekh kar nazare hata kar) I love you!

Manpreet Ridayjeet ki bahon me sama jati hai aur apna sir wo uske seene par rakh deti hai. Ridayjeet apne hath uski kamar par rakhta hai. Dono kuch bol nahi rahe, bas ek dusre ke sath us pal ko jee rahe hain. Chup chap ek dusre ki bahon me, ek dusre ko dekhte hue nahi, ek dusre ke sath pani ko dekhte hue. Ab Manpreet bhi Ridayjeet ke gale me apni bahein daal deti hai.

Ridayjeet: Soniyo!

Manpreet: Aap chup rahiye thodi der, jo puchna hai baad me puchna. Mainu thodi der aise hi rehna hai.

Ridayjeet apni baajuon ko kas ke Manpreet ko apne thoda aur kareeb le aata hai. Manpreet bhi apni bahein kas leti hai aur apni aankhein band kar leti hai. Thandi hawa chal rahi hai, jisse Manpreet ke baal ud rahe hain, jo Ridayjeet ke chehre par lag rahe hain. Ridayjeet bhi apni aankhe band kar leta hai. Dono Ek dusre ki bahon me khade hain, apni aankhein band kie hue. Thandi hawa ko mehsoos karte hue, ek dusre me simte hue. Soch ke hi kitna acha lagta hai na ye sab.

Dono ki aankhe band hain, aur dono ab aise hi baat kar rahe hain.

Ridayjeet: U know…

Manpreet: What?

Ridayjeet: Main is tarah tumhare sath kab se rehna chahta tha. Mujhe laga tha ki shadi ke baad tum aur main aise roz raha karenge. Par is chiz ke lie do mahine lag gaye.

Manpreet kuch nahi kehti.

Ridayjeet: Tumhe shayad sach me adjust karne me problem ho rahi si. Ab dhire dhire jaise jaise tum adjust ho rahi ho, waise waise mere aur kareeb aa rahi ho. Main hi be wajah pareshan ho raha tha. Mujhe tumhe space dena chahiye tha.

Manpreet: Nahi! Aapki koi galati nahi hai.

Ridayjeet: To kiski galati hai?

Manpreet: Kisi ki nahi.

Ridayjeet: Waise main ye hamesha sochta tha.

Manpreet: Ki?

Ridayjeet: Yahi ki jo ladki itna acha likh sakti hai wo aise behave kyun karti hai?

Manpreet: (apne hath Ridayjeet ki kamar me dalte hue) Kaise?

Ridayjeet: Jaise tum shadi se pehle behave karti thi. Emotionless, heartless. Par tumhari poems aur shayari unse bilkul ulat.

Manpreet: (baat sambhalte hue) To wo to shayari aur poems hi thi, usse aap kisi ki personality kaise judge kar sakte ho.

Ridayjeet: Shayar ya writer jaisa khud hota hai, waisi hi shayari ya kahani likhta hai. To uski shayari, uske mann ka aaina hota hai. Hota hai ya nahi?

Manpreet: Han!

Ridayjeet: To fir tum tab waisi kyun nahi thi? Mujhe kabhi laga hi nahi ki wo poems aur shayari likhne wali tum hi thi. Yaad hai na maine pucha bhi tha ki kisi aur ki diary mujhe la kar to nahi de di.

Manpreet: Kisi aur ki diary bhi hogi to kya? Wo bas kuch poems aur shayari hi to thi.

Ridayjeet: Kudiye! Maine bola si tainu, ki jo shayari aisi likh sakda hai, uska mann kaisa hoga? Tumhari shayari ka har ek lafz mujhe pasand aaya si aur mainu pyar ho gaya si tumse.

Manpreet: (surprised) Shayari padh ke pyar ho gaya?

Manpreet Ridayjeet ki shakal dekhti hai.

Ridayjeet: Han!

Manpreet: Avain! Shayari padhke pyar hota hai ki?

Ridayjeet: Kyun nahi ho sakda?

Manpreet: Kyun hoga?

Ridayjeet: Jab bhi main tumhari shayari padhta tha, to bas yahi sochta tha ki kitni gehrayi hai isme. Tum jo bhi likhti thi, wo main tumhare baare me sochne lagta tha. Aur kuch to bhot hi vadhiya lagi si mainu. Simple, short and sweet, but dil par asar karne wali lines.

Manpreet muskurati hai aur kehti hai, “Achha!”

Ridayjeet: Ek tumhara hi sher mujhe bahut acha laga tha, mujhe wo aaj bhi yaad hai.

Manpreet: Konsa sher?

Ridayjeet: “Humein kahan maaloom tha ki ishq hota kya hai?”

Manpreet: Hehe! Achha!

Ridayjeet: Hmmm! “Humein kahan maaloom tha ki ishq hota kya hai? Ek aap mile aur zindagi mohabbat ban gayi..!!”

Manpreet: Aapko to yaad hai…

Ridayjeet: Jab pyar hoga to yaad bhi ho jaengi na chize. Hun tumhari baari…

Manpreet: Nahi!

Ridayjeet: Kuch nahi. Jo likha hai bas wo bol do.

Manpreet: Naah!

Ridayjeet: Okay! Par ise padhke kaise pasand nahi aaogi tum? Batao zara.

Manpreet: To aap kehna chahte ho ki aapko meri shayari padh kar mujhse pyar hua tha?

Ridayjeet: Shayari aur sath me wo bhi…

Mann pareshan hai.

Manpreet: Wo bhi kya?

Ridayjeet: Tumne shayari aur poems bhi likhi thi aur diary ke kuch panne chhod kar beech me ek date jo mere birthday ki date hai, wahan se kuch aur bhi likha hua tha.

Manpreet: (pareshan) Wo bhi padh lia aapne?

Ridayjeet: Han!

Manpreet dhire se badbadati hai, “Jassi ki bacchi ne puri diary hi pakada di inha nu, Jabki maine boleya si ki jo sunana hai khud padh ke suna dena, kisi ko diary mat dena. Pagal kahin ki.”

Ridayjeet: (muskurate hue) Ki bol rahi ho dhire dhire?

Manpreet: Ki maine aap nu bola nai si ki puri diary na padhna, bas shayari padhna.

Ridayjeet: Bola si. Par jis chiz ke lie mana karo use padhne ka mann to aur jyada karta hai.

Manpreet: This is not good. Meri diary padh li aap ne.

Ridayjeet: To wo sab jo shayari ke alawa tha, jo alag se chupa ke rakha tha, wo kiske lie tha?

Manpreet Ridayjeet ko chhod ke room ke bahar jane lagti hai.

Manpreet: Main bahar ja rahi hu.

Ridayjeet uska hath pakad leta hai.

Manpreet: Mainu jane do.

Ridayjeet: (muskura ke) Jana kyun hai? Mujhse baat nahi karna chahti kyunki tumhari chori pakadi gayi hai?

Ridayjeet use dhire se apne paas kheenchta hai. Manpreet Ridayjeet ko nahi dekh rahi, uski nazarein nichi hain.

Ridayjeet: Hun dasso.

Manpreet: (face niche karke hi) Ki dassan? Aapne sab padh to lia.

Ridayjeet: Tussi bologi?

Manpreet: Ki?

Ridayjeet: Kiske lie tha wo?

Manpreet: Kisi ke lie nahi. Wo to bas aise hi likha tha. Khayalon me kisi ko imagine karke.

Ridayjeet: To wo khayalon wala mujhse itna milta julta kyun tha? Aur date of birth bhi same.

Manpreet: Coincidence!

Ridayjeet: (pyar se) Hune vi jhuth. Ab to shadi ho gayi hai, ab bata bhi do.

Manpreet: (dhire se) Aapke lie…

Ridayjeet: Agar wo sab main na padhta aur tainu khud se approach na karta tan tu to chup hi rehndi, kujh boldi hi na. Aur isilie rude behave karti thi jisse tumhare dil ki feelings na samajh lu. Hai na?

Manpreet apne mann me sochti hai, “Aapne galat insan ko approach kia. Jisne wo sab likha tha wo main thi par jisko aapne approach kia wo Jassi thi. Aur ye gal bata vi ajj rahe ho, pehle batayi hoti to shayad Jassi hi aap nu bata deti ki ye sab usne nahi maine likha hai.”

Ridayjeet: Bolo ab kuch.

Manpreet: Ki bolan?

Ridayjeet: Mere bare me itna sab likha tumne. Wo bhi chupa ke, wo tan maine aise hi dekh lia si, koi aur dekh leta to? Ya mujhe padhane ke lie diary isilie di thi?

Manpreet: Nai! Nai! Mainu nai pata si ki aap un pages tak pahunch jaoge. Te jyada sawal na pucho hun.

Ridayjeet: (muskurate hue) Sawal tan main puchunga, inna vada raaz maine kab se chupa ke rakha hua hai. Main tan bas teri narazagi khatam hone da wait kar riha si, te kahin bahar ghumne jane ka. Aise mahaul me aisi baate honi chahiye, jahan koi bhi disturb na kare. Nai tan ghar me to kadi biji, kadi bauji, kadi chachi… Ab jaldi se bata de mainu.

Manpreet: Hun ki batawaan? Sab to jaan lia.

Ridayjeet: Thik hai. To….

Manpreet: To kuch nahi… Main bahar ja rahi han.

Ridayjeet: (Manpreet ka hath pakadte hue) Abhi to nahi ja sakti.

Manpreet: Kyun?

Ridayjeet: Okay! Ek shart pe. Koi ek chiz jo mujhe sochke tumhare dimag me aati ho wo batao.

Manpreet: Chipku!

Ridayjeet: Main chhadne wala nahi han. Mainu pata hai aisa kujh vi tere dimag me nai hai mere layi.

Manpreet: (Riday ko dekh kar) Nahi mila koi tum jaisa aaj tak…

Ridayjeet: Hmmm.

Manpreet: Par ye baat alag hai ki ab tak mile tum bhi nahi…

Ridayjeet: Ye to tumhari galati hai. Main to kab se ready hu. Aur aaj is khulase ke baad main tumhe khud se dur nahi rehne dunga.

Manpreet chup rehti hai. Ridayjeet uske kareeb aata hai. Jaise hi wo apna chehra Manpreet ke chehre ke paas leke aata hai, Manpreet use dhakka deke room se bahar bhag jati hai. Riday bhi uske piche jata hai.

Ye kya hua? Manpreet Ridayjeet ko pehle se hi pasand karti thi? Par dono beheno ke confusion me Ridayjeet ne socha ki ye Jassi ne likha hai aur use propose kar dia. Par kehte hain na ki insan se bhale hi galati ho jaye, par rab koi galati nahi karta. Isilie rab ne Riday aur Jassi ki nahi, Riday aur Mann ki shadi kara di. Ab rab aage kya karta hai ye bhi hum dekh hi lenge. Par uske lie thoda sa intezaar karna padega. To milte hain aapse next episode ke sath. Tab tak… Shubh ratri, shabba khair, sayonara… enjoy your life & keep feeling the love… ❤

One thought on “The Imperfect Marriage!(E-12)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s