The Imperfect Marriage!

Episode-11

Recap: Pichle episode me aapne dekha tha ki Ridayjeet Manpreet ko surprise dene ke lie Kerala ki tickets book karta hai aur usi wajah se wo pure din busy rehta hai. Par Mann ko darr lagne lagta hai ki aisa kya hua hai ki wo achanak itna busy ho gaya hai, kahin use uske baar me sach to pata nahi chal gaya. Wo pareshan hai. Par jab Ridayjeet use trip ke bare me batata hai to wo uske gale lag jati hai aur pehli baar khud Riday ko I love you kehti hai. Ab aage…

Do din beet chuke hain. Dono Kerala ke lie ghar se nikal chuke hain. Ab dono flight me hain jo Kerala ke Kochi airport par land karne wali hai.

Mann Ridayjeet ke kandhe par apna sir rakhe ke baithi hui hai. Ridayjeet ne Mann ka hath apne hathon me le rakha hai. Mann ki aankhein band hain aur Ridayjeet Mann ko hamesha ki tarah dekh raha hai. Wo Mann ke hath par kiss karta hai. Mann aankhein kholti hai aur muskura kar Riday ko dekhti hai.

Manpreet: Aap nu bas mainu hi vekhna hunda hai?

Ridayjeet: To kis nu vekhu?

Manpreet: Window se bahar dekho na, kitna acha view hai.

Ridayjeet: Window ke andar ka view jyada acha hai.

Manpreet apni nazare jhuka leti hai.

Ridayjeet: Mujhe tumhe kuch batana hai.

Manpreet: Kya?

Ridayjeet: Wo main is trip pe bata dunga. Tussi fikar na karo.

Manpreet: (eyebrows sikodte hue) Okay!

Airport aa jata hai flight land ho jati hai. Riday aur Mann ab ek cab me baith gaye hain aur apni destination par ja rahe hain. Ridayjeet cab me baithte hi Manpreet ki dher sari pics lene lagta hai.

Manpreet: Ki kar rahe ho tussi?

Ridayjeet: Apni Soni ki pics click kar raha hu. Honeymoon par kisi bhi tarah ki koi rok tok nahi hogi.

Manpreet muskurati hai.

Kuch ghante baad wo dono apne hotel me pochte hain. Sham ho chuki hai. Wo dono room ki balcony me jate hain aur dekhte hain ki samne pahaad hain.

Manpreet: Kitna sundar hai na.

Ridayjeet: Hmmm!

Dono flight aur journey ki wajah se thak gaye hain to aaram karte hain. Next day unhe ghumne jana hai.

Agle din dono wahan ki wadiyon me ghumte hain, wahan ke nazaron ko dekhte hain, wahan ke logon se milte hain, halaki wahan unhe kisi ki language thik se samajh nahi aa rahi, par kehte hain na, emotions ko language ki zarurat nahi padti. Wo kisi tarah wahan kaam chala hi rahe hain. Kuch tooti footi Hindi aur English ye bol rahe hain aur kuch tooti footi Malayalam aur English wo bol rahe hain. Pahadon me ghum ke, wadiyon ka maza leke, wahan ki marshal art, Kalaripayattu dekh ke, wahan ki famous dance form ka maza leke dono sham ko wapas hotel aate hain. Dono subah se leke sham tak itna ghum kar aur itni masti karke thak gaye hain. Wo dono ab dinner ke lie ek restaurant me gaye hain. Wahan wo dono baithe hain. Tabhi ek couple jo shayad honeymoon ke lie hi aaya hai, wo unki table par aata hai.

Boy: (Ridayjeet se) Hi! I am sorry to disturb you. Par kya main aapki wife se baat kar sakta hu?

Ridayjeet: (hairani se) What happened?

Boy: Actually meri wife aapki bhot badi fan hai.

Manpreet: (in surprise) Meri fan?

Tab tak uski wife bhi wahan aa jati hai.

Girl: Hi! Aap Manpreet ho na.

Ridayjeet aur Manpreet hairan ho jate hain.

Manpreet: Han! Par aapko mera naam kaise pata?

Girl: Actually! Aap jo videos dalte ho na. Wo mujhe bhot hi pasand aate hain. Kitne songs par dance sikha hai maine aapke un videos se. Aur aap gidda aur bhangra to kamaal ka karte ho.

Manpreet: (khushi se) Thanks! Thanks a lot. Mujhe to pata bhi nahi tha ki is tarah mujhe log pehchanne lagenge.

Girl: Ye aapke husband hain?

Manpreet: Han!

Girl: Oh! Aapki bhi abhi shadi hui hai shayad.

Manpreet: Han!

Girl: May I have your autograph?

Manpreet: (surprise aur khushi dono se) Yeah! Why not.

Manpreet use autograph deti hai.

Girl: Thanks a lot! But one more request.

Manpreet: (smiling) Yeah what?

Girl: May I take a selfie with you?

Manpreet: Okay!

Wo ladki Manpreet ke sath ek selfie click karti hai aur wo dono Manpreet ko thanks bolke chale jate hain.

Ridayjeet: (surprise) Wah! Yaar Mann to famous ho gayi.

Manpreet: (khushi se) Yeah! Mujhe to pata hi nahi tha ki itna acha response milega mujhe.

Ridayjeet: Tumhe nahi Mann ko.

Manpreet: Yeah! Ek hi baat hai.

Ridayjeet: Han! Kisi ko kya pata ki tum Mann ho ya Jassi.

Manpreet: (jyada na bolte hue) Hmmm.

Ridayjeet: Waise tumne uska autograph kaise dia?

Manpreet: (jhooth bolte hue) Use kya pata ki main Manpreet hu ya Jaspreet, to bas de dia.

Ridayjeet: Yeah! Ye bhi hai.

Thodi der baad, khana khate hue.

Ridayjeet: Mujhe bhi wo videos dekhne hain, jo tumne dale hain. Aur especially wo gidde wala.

Manpreet: Okay! Dekh lena.

Ridayjeet: Abhi!

Manpreet: Abhi kyun?

Ridayjeet: Mera mann hai.

Manpreet: Okay! Pehle room me chale?

Ridayjeet: Hmmm.

Dono room me aa jate hain.

Ridayjeet: To kahan hai wo video?

Manpreet: Aapko achanak video kyun dekhna hai?

Ridayjeet: Video me tum bhi ho na Manpreet ke sath?

Manpreet: Han! Kuch videos me hum dono hain.

Ridayjeet: To bas jisme dono ho wahi video dekhni hai mujhe.

Manpreet: Okay!

Ridayjeet: Aur shadi se pehle pata nahi kyun, tum mujhe le nahi jati thi academy…. Main to…

Manpreet: (sochte hue aur Riday ko beech me tokte hue) Par aapko wahi video kyun dekhni hain? Meri aur bhi videos hain.

Ridayjeet: Kyunki us video me tum ho. Baki sab video me to Mann hai na. To use dekh ke mujhe kya karna hai. Mainu to tumse matlab hai.

Manpreet ko Ridayjeet ka ye kehna acha nahi lagta. Use dil hi dil me us waqt Ridayjeet par gussa aata hai par wo kuch kehti nahi. Wo apne kapde nikalti hai aur bathroom me jane lagti hai.

Ridayjeet: Arey video to deti jao.

Manpreet wapas aati hai, Ridayjeet ko wo video nikal kar phone use de deti hai aur khud bathroom me chali jati hai. Ridayjeet wo video dekhta hai. Video maang to li usne Manpreet se, par wo pehchan hi nahi pata ki kon Jaspreet hai aur kon Manpreet. Dono hi ek jaisi hain, ek hi tarah se dance kar rahi hain, ek hi jaise kapde pehne hue hain. Video dekh ke wo confused ho jata hai. Manpreet shower leke bathroom se bahar aati hai. Aap nu vi wo video vekhni hai tan yahan vekh sakde hain.

Ridayjeet: Soniyo bata to do isme aap konsi ho?

Manpreet: (gusse me) Kyun aapko pata nahi chala? Mujhe to laga tha ki aap apni Jassi ko pehchan jaenge. Pehchana nahi?

Ridayjeet: Ki karaan Soniyo? Dono ek jaisi dikhti ho te dance me bhi koi farak nai hai. Ab bata bhi do.

Manpreet: Maine nahi batana. Aap dhund sakte ho to khud dhund lo. Te video dekh li ho to mera phone wapas karo.

Ridayjeet: Tussi gussa kyun ho rahe ho? Ab dono same lagti ho to main ki karaan? Nahi pata chal raha mainu.

Manpreet: To aapse kisne kaha hai ki difference dhundo? Aap sirf dance enjoy nahi kar sakte the? Aur Mann ka dance dekh lete to kya ho jata?

Ridayjeet: Yaar Mann ka dance dekhne aur tumhara dance dekhne me farak hai na, tum to meri wife ho. Jaise main tumhe dekhunga waise use nai.

Manpreet ka gussa aur badh jata hai. Ridayjeet ki har baat use yaad dila rahi hai ki wo Ridayjeet se dhokha kar rahi hai aur uske sath is waqt Mann ko nahi Jassi ko hona chahiye tha. Pehle use itna farak nahi padta tha par ab wo Ridayjeet ko pyar karne lagi hai islie use ye sab bardaasht nahi ho raha hai.

Manpreet: (gusse me) Sahi bol rahe ho aap. Lao hun phone wapas karo mera.

Ridayjeet: Arey bata to de kudiye!

Manpreet Ridayjeet ko gusse me ghurti hai. Ridayjeet chupchap uska phone wapas kar deta hai. Manpreet phone leke bed par let jati hai aur phone me se Jaspreet ke sath wali videos delete kar deti hai. Phone side me rakhti hai aur apni aankhein band kar leti hai. Jaise hi Mann aankhein band karti hai, waise hi Ridayjeet uske paas aake uske upar apna hath rakh leta hai. Manpreet aankhein kholti hai aur Ridayjeet ka hath apne upar se hata deti hai.

Ridayjeet: Ki hoya?

Manpreet: Mujhse dur raho.

Ridayjeet: Kyun?

Manpreet: (gusse me) Maine kaha na. Don’t dare to come near me.

Ridayjeet ko samajh nahi aata ki achanak use hua kya hai, wo itne gusse me kyun aa gayi hai.

Ridayjeet: Par hua ki?

Manpreet: Kuch ni. Bas mere kol aane di koi lod nai hai.

Ridayjeet: Par….

Manpreet: Bol dia na bas…Dusri side raho aap. Pillow pakado ya kuch aur karo, mere paas na aana.

Ridayjeet: (innocent face banake) Okay!

Ridayjeet chup chap Manpreet se dur hoke let jata hai. Manpreet apni aankhein band kar leti hai, par use aaj neend nahi aa rahi. Wo soch rahi hai, ki kha-m-kha usne Ridayjeet ko daant dia, jabki uski to koi galti bhi nahi hai. Wo to ek bhot acha pati hai jo apni patni se itna pyar karta hai. Manpreet uth ke balcony me chali jati hai aur aasmaan me dekhne lagti hai. Aasmaan me dekhte hue apni aankhein band kar leti hai. Wo soch rahi hai, “Kash aisa ho jaye ki Riday ko sab pata chal jaye aur use is baat se koi farak na pade baba ji, ki main Jassi nahi Mann hu. Wo mainu usi tarah accept kar le jive usne Jaspreet nu kita hoya hai.”

Manpreet ki aankhein band hi hain aur wo dhire se bolti hai, “Kash main aap nu apne gusse di wajah bata pati.”

Ridayjeet: Tan bata de na. Main sun raha hu.

Manpreet aankhein kholti hai aur palat kar dekhti hai. Samne Ridayjeet khada hai.

Manpreet: Aap kab aaye?

Ridayjeet: Jad tussi aasmaan nu vekh ke gallan kar rahe si.

Ridayjeet Manpreet ke paas aata hai.

Ridayjeet: Kya baat hai? Bolo. Kya baat pareshan kar rahi hai meri Soni nu?

Manpreet: (Sir jhuka ke) Kuch nai.

Ridayjeet: Kuch to hai, bas bata nahi rahi ho.

Manpreet: (baat change karne ki koshish karte hue) Andar chale?

Ridayjeet: Tum thik ho na?

Manpreet: Han!

Ridayjeet: Promise?

Manpreet Ridayjeet ko bade pyar se dekhti hai. Use lag raha hai ki kis tarah wo uski har choti si pareshani pe pareshan ho jata hai. Wo Ridayjeet ke seene se lag jati hai aur use zor se pakad leti hai.

Manpreet: (aankhon me aansuon ko rokte hue) Promise.

Ridayjeet: Okay! Ab chalte hain andar.

Dono room me chale jate hain, aur dono jaise roz cuddle karke sote hain, waise hi aaj bhi so jate hain.

Aaj ka din Manpreet ke lie acha bhi tha aur bura bhi. Kyunki use ye pata chala ki use ab log janne lage hain. Par usne ye bhi feel kia ki Ridayjeet ka pyar Jassi ke lie hai. To jo video uske lie khushi ki wajah bani thi, wahi uske gusse ka kaaran bhi ban gayi. Aur ab wo ye bardaasht nahi kar pa rahi hai ki Ridayjeet use Jassi samjhe. Par wo chup rahegi ya Ridayjeet ko sab sach bata degi, ye to ab next episode me hi jaan paenge. Tab tak… Shubh ratri, shabba khair, sayonara… keep enjoying your life and keep feeling the love… ❤

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: