The Imperfect Marriage!

Episode-10

Recap: Pichle episode me aapne dekha ki Manpreet bhi ab Ridayjeet ki taraf jhukne lagi hai. Jis tarah wo pehle Ridayjeet se dur bhaga karti thi ab wo aisa nahi kar rahi hai. Use Ridayjeet ke sath rehna usse baat karna acha lag raha hai. Wo Ridayjeet ko aur janna chahti hai, lekin wo uske kareeb aane se darti hai. Isilie hai usne Ridayjeet ko usse dur rehne ke lie mana lia hai. Ridayjeet bhi Manpreet ki ye baat maan gaya hai. Ab aage…

Ab Ridayjeet aur Mann ki shadi ko do mahine ho chuke hain. Din kis tarah se beete ye dono ko hi pata nahi chala. Dono ek dusre ke sath khush hain. Ab to dono ke beech achi dosti bhi ho gayi hai. Manpreet ne bhi ab apne baare me sab kuch Ridayjeet ko bata dia hai. Uski khushi, uska gham, uska darr sabke baare me Riday jaan chuka hai. Isi tarah Manpreet ko bhi Ridayjeet ke baare me kafi kuch pata chal chuka hai. Use kya pasand hai, kya na pasand hai, use Manpreet ki kis baat pe pyar aata hai, aur Manpreet ki konsi baat use achi nahi lagti, ye sab Manpreet bhi Ridayjeet ke baare me pata kar chuki hai. Bas agar un dono ke beech kuch chupa hai to wo yahi hai ki jise Ridayjeet Jassi samajh raha hai wo Jassi nahi Manpreet hai. Jaise jaise din beet rahe hain, dono ka ek dusre par trust badhta ja raha hai. Ridayjeet ko waise to Jassi se pyar tha hi, par wo ab wali Jassi se aur jyada pyar karne laga hai. Rahi baat Mann ki, to wo bhi ab Ridayjeet ko chahne lagi hai. Is shadi se jitna wo pehle na khush thi, ab utni hi khush hai aur khud ko lucky samajhti hai ki uski shadi Ridayjeet se hui. Ridayjeet ke pyar aur uski care ne Mann ke mann ko puri tarah badal dia hai. Par ab bhi wo dono ek dusre se dur rehte hain. Ab bas Manpreet chahti hai ki Ridayjeet ko is ek jhooth ke baare me pata chal jaye aur wo use khul ke apne pyar ka izhaar kar sake aur jitni bhi pabandiyan Manpreet ne Ridayjeet ke upar lagayi hain wo sari hata sake.

Par aaj ka din kuch ajeeb hai Manpreet ke lie kyunki Ridayjeet subah se hi uske sath weird behave kar raha hai.

Manpreet so rahi hai aur uski neend khulti hai. Wo dekhti hai ki Ridayjeet aaj bed par nahi hai. Wo ready ho raha hai. Manpreet uth ke baith jati hai.

Manpreet: Good morning!

Ridayjeet: (ready hote hue) Good morning Soniyo! Uth gaye tussi. Chalo hun ready ho jao academy ke lie.

Manpreet ko samajh nahi aata ki wo kahan jane ke lia ready ho raha hai.

Manpreet: Aap kahin ja rahe ho ki?

Ridayjeet: Han! Mainu ik kamm hai, tainu academy chhad ke main othhe chala jawanga.

Manpreet: Okay!

Manpreet ready hoti hai aur dono academy ke lie chale jate hain. Wahan jake Ridayjeet Manpreet ko roz ki tarah andar tak chhodne nahi aata. Wo use bahar se hi bye bolke chala jata hai. Manpreet ko ye ajeeb lagta hai, kyunki do mahino me ye sab pehli baar ho raha hai uske sath. Use samajh nahi aa raha kuch. Wo soch rahi hai ki hua kya hai. Fir sochti hai ki shayad kuch kaam hoga isilie jaldi jaldi me chale gaye honge.

Sham hoti hai. Manpreet academy se bahar nikalti hai. Ridayjeet uska wait kar raha hai. Ridayjeet ko dekh ke uske face par smile aa jati hai. Wo sochti hai, ki subah shayad sach me koi kaam hoga. Lekin us din pehli baar Ridayjeet ne academy se wapas aake Manpreet ke sath time spend nahi kia. Wo Manpreet ko chhod ke fir kahin bahar chala gaya. Manpreet bhi soch me pad gayi thi ki aaj aisa kya hua hai jo Ridayjeet uske sath nahi baitha aur use ghar chhod ke wapas kahin chala gaya. Raat me dinner ke time bhi jab Manpreet ne Ridayjeet ko phone kia to bhi wo nahi aaya. Sab log dinner kar ke apne rooms me chale gaye. Manpreet bina khana khaye apne room me chali gayi. Ab wo Ridayjeet ka wait kar rahi hai.
Manpreet soch rahi hai ki kya hua hai. Usne dinner time pe papa se bhi pucha tha ki unhone koi kaam dia hai Ridayjeet ko, to unhone bhi mana kar dia tha. To aisi kya baat hai jo Ridayjeet subah se busy hai. Ab Manpreet ko darr lag raha hai. Wo jo ek jhuth usne Riday se bola hua hai, wo baar baar uske dimag me aa raha hai ki kahin Riday ko us jhuth ke baare me pata to nahi chal gaya. Kahin wo sab sach to nahi jaan gaya hai aur isilie wo usse dur bhag raha hai. Wo ye sochte hue room me chakkar kaat rahi hai. Raat ke 10:30 baj chuke hain aur Ridayjeet ka koi pata nahi hai. Wo Ridayjeet ko phone karti hai.

Ridayjeet: (Manpreet ki baat bina sune) Han! Hune aa raha han, bas dus minute.

Aur wo phone kaat deta hai.

Manpreet ki samajh nahi aa raha ki kya hua hai. Uski dil ki dhadkan badhi hui hain. Kya hoga agar Ridayjeet ko sach pata chal gaya hoga. Wo ye soch soch ke pareshan ho rahi hai. Thodi der me Ridayjeet ghar aata hai. Manpreet uske lie darwaza kholti hai.

Manpreet: Kahan the aap?

Ridayjeet: Ik zaruri kamm si.

Manpreet: Kehda zaruri kamm?

Ridayjeet: Si kujh.

Ridayjeet room me aa jata hai. Manpreet bhi uske piche room me aati hai.

Ridayjeet: Hune main fresh ho jawan fir khana khana hai mainu. Bhot bhukh lagi hai.

Manpreet: Main le aandi hu aethe hi.

Ridayjeet: Te Suno!

Manpreet: Hmmm!

Ridayjeet: Mainu pata hai ki tumne bhi nahi khaya hoga, tan apna bhi sath me lae aana.

Manpreet jate hue sochti hai, “Sab pata hai fir vi inni late kar ditti te hun bata vi nahi rahe ki kahan gaye si.”

Ridayjeet: Te suno!

Manpreet: (palat kar gusse me) Hun ki hai?

Ridayjeet: Ae vi leti ja. Sambhal ke rakh dena.

Manpreet: Ae ki hai?

Ridayjeet: Vekh lo khud hi.

Manpreet envelope kholke dekhti hai. Usme do tickets hain, Kerala ki.

Manpreet: (hairani se) Ye sab kya hai?

Ridayjeet: (smiling) Soniyo! Main tainu Australia to lae ja nahi paya, kyunki tab tussi gussa si mere naal. Te mainu wo trip cancel karni padi. Par mera dil si ki tuhadde sath kahin ghumne jawan. Te ab Australia nahi to Kerala hi sahi.

Manpreet: (aankhon me aansu lie) Tussi subah se ye kar rahe si?

Ridayjeet: Han! Hor ki.

Manpreet: (marte hue) Tussi tan meri jaan hi nikal diti si. Mainu bata nahi sakde si?

Ridayjeet: (smiling) Surprise dena si mainu. Aise kaise bata deta.

Manpreet: (marte hue) Te mera yahan ki haal hoya, us da ki?

Ridayjeet: (kaan pakad ke) Sorry! Agge se nahi karunga. Promise.

Manpreet gusse me hai aur aankhon me aansu bhi hain. Ridayjeet Manpreet ko apne gale laga leta hai. Manpreet bhi rahat ki saans leti hai ki jaisa wo soch rahi thi waisa kuch nahi hai. Wo Ridayjeet ko kas ke pakad leti hai. Use pehli baar Ridayjeet se dur hone ka darr sata raha hai. Wo soch rahi hai ki ab wo Ridayjeet se dur nahi hogi. Use jald hi sab sach bata dena chahiye. Yahi sab sochke uski aankhon me aansu aa rahe hain. Ridayjeet use khud se alag karta hai aur uske aansu pochta hai.

Ridayjeet: Pagal kudi! Aise rote hain kya?

Manpreet: Aap nu nahi pata. Mere mann vich ki ki khayal aa rahe si.

Ridayjeet: Ki ki khayal aa rahe si? (haste hue) Main tainu chhad ke kisi dusri naal hu?

Manpreet: Mazak na karo mere naal.

Ridayjeet: Okay! Nahi karta. Pyar kar sakda han?

Manpreet: Nahi! Wo bhi nahi.

Ridayjeet: Lae! Te tainu Kerala le jane ka ki fayda fir?

Manpreet Ridayjeet ke gale lag jati hai. Ridayjeet bhi use apni bahon me le leta hai.

Manpreet: I love you! I love you so much!

Ridayjeet: I love you too meri Soni!

Ye pehli baar hai, jab Manpreet ne khud se Ridayjeet ko I love you kaha hai. Pehle wo bas Ridayjeet ke I love you ka jawab dia karti thi. Shayad use pehli baar ye realise hua hai ki Ridayjeet uske lie kitna khaas hai aur wo sach me Ridayjeet se kitna pyar karti hai. Itna ki ek din bhi wo usse dur nahi rehna chahti. Lekin use ye bhi yaad hai ki Ridayjeet ka pyar Jassi ke lie hai, Manpreet ke lie nahi. Aur wo is sab se ab ye decide kar chuki hai, ki jaldi hi wo sab sach Ridayjeet ko bata degi.

Ridayjeet: Chalo hun chalke khana khate hain.

Manpreet: Tussi aethe hi raho, main le aati han.

Ridayjeet: Mainu bigado na tussi.

Manpreet: Bigad nahi rahi, bas niche koi mil gaya to fir baithna padega us de kol, Islayi main aethe hi khana la rahi han.

Ridayjeet: (smiling) Hun mainu lag raha hai, ki tussi vi mere sath time bitana chahte ho. Jao le aao khana. Te ik hi thali me lana. Sath me khane se…

Manpreet: Pyar badhta hai…

Ridayjeet: (smiling) Han!

Manpreet khana lati hai. Dono ek sath ek hi thali me bade pyar se khana khate hain. Ridayjeet pehla niwala Manpreet ko khilata hai. Manpreet bhi pehla bite Ridayjeet ko khilati hai. Fir dono khana khate hain. Ek sath, ek dusre ki chance ka wait karte hue. Ridayjeet khana khate hue beech beech me Manpreet ko dekh raha hai. Manpreet ye notice kar rahi hai par kuch keh nahi rahi.

Khana khane ke baad dono sone ke lie let gaye hain.

Ridayjeet: Soniye!

Manpreet: Hmmm!

Ridayjeet: Maine suna hai Kerala me na thand vi hundi hai te garmi vi. Te sanu dono tarah de kapde lae jane honge.

Manpreet: Mainu pata hai.

Ridayjeet: Hmmm. I know tainu sab pata rehnda hai.

Ridayjeet Mann ke paas aake uske upar hath rakh ke let jata hai.

Ridayjeet: Pata hai main tuhanu India se kahin bahar lae ke jana chahunda si, par abhi bas is da intezaam ho paya.

Manpreet: Koi gal nai. Hume sath me ghumna hi to hai, Kerala ho ya Australia. Donan sath me rahe ye jyada important hai.

Ridayjeet: Sach me kabhi kabhi to lagta hai ki tum koi aur ho, Jassi ho hi nahi.

Manpreet: Main Jassi nahi hu.

Ridayjeet: To kon ho?

Manpreet: Aapki Soniyo.

Ridayjeet smile karta hai.

Ridayjeet: Jab pehle maine tumse pucha tha ki honeymoon ke lie kahan jana chahti ho, tab tumne kaha tha ki India se to bahar hi jana hai kahin. Aur jis tarah se bol rahi thi usse mujhe lag raha tha ki tumhe agar main India se bahar ni le ke gaya to naraz ho jaogi. Isilie maine Australia ki tickets karwayi thi, par tumhe bataya nahi tha. Surprise dena tha tumhe. Aur aaj… Aaj to tumhara attitude bilkul change hai, tumhe hum dono sath ho isse matlab hai, us jagah se nahi jahan hum jaenge. Tum shuru se aisi hi thi ya shadi ke baad kuch hua hai tumhe?

Manpreet: Kya main har baat pe gussa ho jaya karti thi?

Ridayjeet: Bol to aise rahi ho jaise kuch yaad hi na ho.

Manpreet: Han! Bataiye na.

Ridayjeet: Hmmm! Ho to jati thi. Aur fir tumhe samjhana bhot mushkil hota tha. Fir to bas tum kisi gift se hi manti thi.

Manpreet: (haste hue) To aaj tak kitne paise kharch kie hain aapne shadi se pehle wali Jassi pe?

Ridayjeet: Gifts ki koi keemat nahi hoti.

Manpreet: Hmmm! Aur isilie aap mujhe ek chota sa phool bhi lakar doge to wo bhi mere lie bhot hoga. Kyunki wo aapne dia hoga, aur mujhe pata hai, aap jo bhi doge wo dil se doge. Main usme keemat nahi dekhungi kabhi.

Ridayjeet Manpreet ke maathe par kiss karta hai. Manpreet muskura kar Ridayjeet ko dekhti hai.

Ridayjeet: Ab packing karni shuru kar dena, te kujh lana hai market se wo le aavenge.

Manpreet: Okay! Hun so jave?

Ridayjeet: So jao Soniyo!

Manpreet: (smiling) Good night Soniye!

Ridayjeet: (Manpreet ke gaal pe kiss karte hue) I love you Soniye!

Manpreet: I love you too!

Ridayjeet Manpreet ko har roz ki tarah cuddle karke so jata hai. Manpreet bhi uski bahon me so jati hai.

Ab do din baad dono ko honeymoon par jana hai. Kaisa hoga unka honeymoon pata nahi. Is trip par dono aur kareeb aate hain ya Ridayjeet ko Manpreet ke sach ke baare me pata chal jata hai, ye dekhte hain next episode me. Tab tak… Shubh ratri, shabba khair, sayonara… Keep enjoying your life and keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: