The Imperfect Marriage!

Episode-8

Recap: Pichle episode me aapne dekha ki Manpreet Riddhi ko sab bata deti hai. Riddhi ek taraf khush hai ki uske bhai ki shadi Mann se hui hai to dusri taraf wo Jassi se gussa bhi hai kyunki usne uske bhai ko dhokha dia hai. Manpreet Ridayjeet se dur rehna chahti hai islie wo Ridayjeet ko ignore kar rahi hai, lekin Ridayjeet ko ye sab samajh nahi aa raha aur wo udas hai. Jab Manpreet room me aati hai to wo apne dil ki baat Mann se kehta hai. Mann ko Ridayjeet ko is tarah upset dekh ke acha nahi lagta islie wo Ridayjeet se baat karti hai. Baaton baaton me Ridayjeet use jab bhi Jassi bolta hai to use acha nahi lagta aur wo chahti hai ki Ridayjeet uska koi nick name rakhe. Ab aage…

Manpreet Ridayjeet ko good night bolke let jati hai. Ridayjeet bhi Mann ki taraf face karke let jata hai aur use dekh raha hai.

Ridayjeet: Oye! Soniye!

Manpreet: (aankhe kholke) Ye naam nahi. Jassi hi thik hai.

Ridayjeet: (muskurate hue) To meri taraf dekho fir.

Mann Ridayjeet ki taraf face karke let jati hai.

Manpreet: Bolo hun. Ki bolna hai?

Ridayjeet: Bolna to kuch nai hai Soniye, bas tainu vekhna hai.

Manpreet: Mainu maaf kar deo, mainu ni bolna chahida si aap nu mera nick name rakhan layi.

Ridayjeet: (haste hue) Ab tan rakh diya hai maine.

Manpreet: (muh banate hue) Apne jaisa hi rakha hai.

Ridayjeet: Ki matlab?

Manpreet: Jaise aap ka hai. (haste hue) Cheeku!

Ridayjeet: (haste hue) Acha tainu mera nick name pasand nai?

Manpreet: Naa!

Ridayjeet: Jo tumne bola tha na abhi, tussi wahi bola karo.

Manpreet: Riday?

Ridayjeet: Han! Ae hi.

Manpreet: (muskurate hue) Okay! Now I am sleeping and let me sleep.

Ridayjeet: What if, I won’t let you sleep?

Manpreet: Ki karna hai, inni raat vich?

Ridayjeet: (dhire se) Das davan?

Manpreet: Good night!

Manpreet aankhe band kar leti hai. Ridayjeet uske kareeb aata hai. Manpreet ko Ridayjeet ka paas aana feel kar pa rahi hai, par wo chup hai. Wo soch rahi hai ki kaise use dur kare. Ridayjeet uske kafi kareeb aa gaya hai.

Ridayjeet: Suno!

Manpreet aankhe kholti hai.

Ridayjeet: Tussi jande ho na, ki main kabhi bhi tuhaddi permission ke bina kuch nai kar sakda. To ki main tuhadde kol so sakda han? Inne paas?

Manpreet jab Ridayjeet ki ye baat sunti hai, to uske mann me Ridayjeet ke lie izzat aur badh jati hai. Wo han me sir hila deti hai. Ridayjeet Manpreet ke paas let jata hai aur Manpreet ke upar apna hath rakh leta hai. Ridayjeet ne bhi ab aankhe band kar li hain. Thodi der baad jab Manpreet ko lagta hai ki Ridayjeet so gaya hai tab wo use dekhti hai. Manpreet Ridayjeet ko dekh ke smile karti hai. Wo sochti hai ki Jassi ne Riday ko chhod ke acha nahi kia. Pata nahi wo kaise Riday jaise ache bande ko chhod ke chali gayi. Ye sab usne tab kia jab Ridayjeet uski har baat manta tha. Uski har baat me uska sath deta tha. Ye sach me usne acha nahi kia. Wo ye sab soch rahi hai aur sochte hue uski aankh lag jati hai.

Agli subah Mann jaagti hai to dekhti hai ki Ridayjeet pehle se hi jaga hua hai aur use hi dekh raha hai.

Ridayjeet: Good Morning Soniye!

Manpreet: (muskurate hue) Good morning! And no Soniye please.

Ridayjeet smile karta hai.

Ridayjeet: Chalo chheti chheti (jaldi jaldi) ready ho jao, assi academy ‘ch jana hai.

Manpreet: Mainu jana hai. Aap nu yahin rehna hai.

Ridayjeet: Main tainu chhod ke aawanga na.

Manpreet: Okay!

Manpreet ready hoti hai. Dono breakfast karke academy me chale jate hain. Ridayjeet thodi der academy me rehta hai, fir Manpreet ko academy me chhod ke wapas aa jata hai. Lekin wo Jassi me (Jo real me Manpreet hai) kuch changes feel kar raha hai. Wo pehle ki tarah usse dur nahi ho rahi. Aaj usne Ridayjeet ko smile karte hue good morning kaha. Wo jab use academy chhod ke aaya to usne Ridayjeet ko sabse milwaya, jo usne ab tak nahi kia tha. Ridayjeet ko ab lag raha hai ki Jassi ka gussa ab shant ho gaya hai. Wo ye nahi janta ki wo Jassi nahi Mann hai, jo uske sath reh ke uski baaton aur uske behaviour se dhire dhire change ho rahi hai. Ya ye keh sakte hain ki use shuru se pata tha ki Ridayjeet kaisa hai, bas wo apni life me is sudden change ko accept nahi kar pa rahi thi, jo ab wo dhire dhire kar rahi hai.

Sham ho chuki hai. Mann apni academy se bahar nikalti hai aur Ridayjeet ko wahin uska wait karte hue dekhti hai. Mann ko ye acha lag raha hai, use special feel hota hai jab bhi wo academy se bahar nikalti hai aur Riday ko uska wait karte hue dekhti hai. Wo smile karte hue Riday ki taraf badhti hai.

Manpreet: Hi!

Ridayjeet: Hi! To chale?

Manpreet: Hmm.

Dono car me baith jate hain.

Ridayjeet: Mujhe ghar nahi jana.

Manpreet: Kyun?

Ridayjeet: Kyunki wahan fir tainu sab gher ke baith jande han. Mere sath to tussi time spend hi nai kar pande.

Manpreet: To kahan jana hai?

Ridayjeet: Wahi main soch riha han.

Thodi aage jake.

Ridayjeet: (smile karte hue) Okay! Chalo tuhaddi favourite ice cream khande hain.

Manpreet: (smiles) Okay!

Ridayjeet car ek ice-cream parlour ke samne rok deta hai. Aur ice-cream lene chala jata hai. Manpreet sochti hai, ki Ridayjeet use manane ki kitni koshish kar raha hai, Jabki wo janta hi nahi ki wo Riday se gussa nahi hai, bas wo usse dur rehna chahti hai, wo decide karti hai ki ab jab wo uski wife hai to wo bhi Ridayjeet ko usi tarah accept karegi, wo try karegi ki use kabhi udas na hone de aur jis tarah Ridayjeet uski har choti khushi ka khayal rakh raha hai wo bhi uski khushi ka khayal rakhe. Wo ye sab soch rahi hai aur Ridayjeet ke sath bitaye hue moments yaad kar rahi hai, Itne me Ridayjeet ice-cream le aata hai.

Ridayjeet: Ye lo ji madam ji. Ye tuhaddi all-time favourite butter scotch te mera chocolate.

Manpreet ye dekh ke muh banati hai, kyunki use butter scotch flavour pasand nahi hai, lekin use Jassi banna hai to use wo lena hi padega. Wo smile karte hue ice-cream le leti hai. Par ab soch rahi hai ki ye khaye kaise. Dhire dhire wo ye ice-cream kha rahi hai. Ridayjeet apni ice-cream kha raha hai. Manpreet ko Chocolate flavour hi pasand hai, wo Ridayjeet ko ice-cream khate hue dekh rahi hai.

Ridayjeet: Kya hua? Khao.

Manpreet: (hesitating) Kya main ye flavour taste karu?

Ridayjeet: Han kyun nahi.

Ridayjeet apni ice-cream Manpreet ko de deta hai.

Manpreet: (apni ice-cream Ridayjeet ko dete hue) Aap ye flavour try karo.

Ridayjeet: (ice-cream lete hue) Kya baat hai? Shadi ke baad itni change ho jaogi ye nahi socha tha.

Manpreet: (ice-cream khate hue) Kyun?

Ridayjeet: (smiling) Pehle to mujhe ek bite bhi nahi taste karne deti thi. Ab puri ice-cream mujhe de di. Good! I like these changes in you.

Manpreet chup rehti hai.

Ridayjeet: (smiling) Aur waise bhi ik-duje da jutha khane se pyar badhta hai.

Manpreet ko samajh nahi aa raha wo kya jawab de, wo Ridayjeet ki han me han mila deti hai.

Manpreet: Hmmm.

Ridayjeet: (haste hue) Ki gal hai yaar. Shadi ke baad inna change.

Manpreet sochti hai, “Ab kya bol dia maine aisa.”

Manpreet: Kyun?

Ridayjeet: Pehle jab bhi main ye kehta tha, to mana kar deti thi ki ye sab faltu baate hoti hain.

Manpreet: (baat sambhalte hue) Wo tab tak shadi nahi hui thi na, is layi.

Ridayjeet: To shadi ke baad chize ive change ho jaengi ye to nahi socha si. (haste hue) Matlab tuhanu fir se janna padega. Kyunki shadi ki pehle wali Jassi aur shadi ke baad wali Jassi me mujhe bhot changes dikh rahe hain.

Manpreet: (serious hoke) Shadi se pehle ki duniya aur shadi ke baad ki duniya me bhot fark hota hai. Shadi se pehle apne biji bauji se kujh vi aise hi maang sakde si, keh sakde si. Ab to aisa kujh vi nahi hoga.

Ridayjeet: Ohhoo! (pyar se) Kadi meri chinta vi kar lo thodi si, main vi tan tuhanu pyar karda han.

Manpreet: (smiles) Hmmm.

Dono ice-cream khate hain aur ghar phochte hain.

Riddhi: Kaisa raha sab?

Manpreet: (smiles) Sab acha si.

Ridayjeet’s mom: Beta din kaisa raha tuhadda?

Manpreet: Changa si biji.

Ridayjeet: Kuch thik nahi hai. Ye avain hi bol rahi hai. Raste vich mainu keh rahi si ki thak gayi hai bhot.

Manpreet: (hairan hote hue) Maine kab kaha ye sab?

Ridayjeet’s mom: Thak to jana hi hai puttar, academy sambhalna asaan gal nai hai. Ja puttar thodi der araam kar lae ja ke.

Ridayjeet: (muskurate hue) Okay mommy.

Dono apne room me chale jate hain.

Manpreet: (Ridayjeet ko ghur ke dekhte hue) Maine kab kaha si wo sab? Avain hi biji ke samne pata nai ki ki bole ja rahe si.

Ridayjeet: (Manpreet ke paas aate hue) Wo sab to maine jaan ke boleya si, thodi der tuhadde naal time tan milega mainu.

Ridayjeet Manpreet ko hug kar leta hai. Manpreet Ridayjeet se dur hona chahti hai aur koi bahana dhund rahi hai.

Manpreet: (dur hote hue) Main change karke aati hu.

Ridayjeet: Thodi der raho aethe hi.

Manpreet wahi khadi rehti hai. Ridayjeet use gale lagaye hue khada hai.

Ridayjeet: Tuhanu ik gal pata nahi hai.

Manpreet: Ki gal?

Ridayjeet: Ki tussi ajj kinne sone lag rahe ho.

Manpreet: (khud ko alag karne ki koshish karte hue) Main change karke aati hu.

Ridayjeet Manpreet ko hug kie rehta hai.

Ridayjeet: Ruko na.

Thodi der dono aise hi khade rehte hain. Fir Manpreet Ridayjeet se alag hoke room ki balcony me jake khadi ho jati hai. Ridayjeet uske piche aata hai aur uske samne jake khada ho jata hai.

Ridayjeet: (Manpreet ko dekhte hue) I love you!

Manpreet chup rehti hai.

Ridayjeet: Bolo na.

Manpreet: Hun ki bolan aap nu?

Ridayjeet: Hun ye vi main hi dassan? Mere I love you da answer karo.

Manpreet: (hichkichate hue) I… love you too!

Ridayjeet: Ae gal hui na.

Manpreet ko samajh nahi aa raha ki wo kaise react kare.

Ridayjeet: Waise ik gal dasso. Ye aap bolna bhi Manpreet se seekha hai tumne?

Manpreet: (Ridayjeet ke samne se face side me karte hue) Nahi! Wo kyun sikhaegi mujhe? Aapko problem hai, mere aap bolne se?

Ridayjeet: Nahi! Problem to kuch nahi, bas tumhara behaviour mujhe thoda alag lag raha hai shadi ke baad se. (muskurate hue) Pata nahi itni respect kaise dene lagi ho tum mujhe. Aur practical Jassi se emotional Jassi ho gayi ho. Us din vidayi pe bhi kitna ro rahi si.

Manpreet chup rehti hai.

Ridayjeet: Sach kahu to mujhe aise tum jyada pasand ho.

Manpreet: Kaise?

Ridayjeet: Aise… Kabhi nazarein churate hue, kabhi sharmate hue. Aur wo saree jo us din pehni thi mere kehne pe… Main hamesha hi tumhe is tarah dekhna chahta tha. Par tum hamesha mana kar deti thi.

Manpreet: Han! Jassi ko to ye pehenna pasand nahi tha, par mujhe…..

Manpreet bolte bolte chup ho jati hai.

Ridayjeet: Jassi ko pehenna pasand nahi tha par tumhe?

Manpreet: I….. mean, ab….. shadi ho gayi hai, to pasand bhi badal gayi hai kuch chizon ki. Pehle ki Jassi aur is Jassi me fark hai.

Ridayjeet: You know, main hamesha se aisi hi Jassi chahta tha, jaisi tum abhi ho.

Manpreet: Ki matlab?

Ridayjeet: Matlab, tum baate karo aise hi, tum mujhe dekho, aise hi pyar se. (Manpreet ke paas aate hue) Tum mujhe apne paas aane do, par dur chali jao, aise hi sharma ke. Shadi se pehle ye sab jab main tumhe kehta tha to tum ignore kar deti thi. Mujhe kabhi ye sab chize nahi dikhi tum me jo ab main dekh pa raha hu. Shayad shadi se pehle ki sari farmaishe kahin note karti thi, jo ab bina kahe hi puri kar rahi ho.

Manpreet Ridayjeet ke paas aate hi thoda dur ho jati hai. Ridayjeet ye dekh ke muskurata hai. Manpreet janna chahti hai ki Jassi kaise rehti thi Ridayjeet ke sath.

Manpreet: (Face dusri taraf karte hue) To pehle main pyar se nahi bolti thi kya?

Ridayjeet: Tainu yaad nahi? Jab bhi main pyar se kuch kehta tha, to meri har baat ko apne practical views se nakar deti thi. Har time bas ye hi karti rehti thi ki ye relationship casual hai, relationships ko casual hi rakhna chahiye. Aur ab….

Ridayjeet Manpreet ke paas aa raha hai.

Manpreet: Ab kya?

Ridayjeet: (dhire se) Mujhe nahi pata tha ye shadi tum me itne changes le aaegi.

Ridayjeet Manpreet ke piche aake uske kandhe se baal hata deta hai. Ridayjeet ke is tarah kareeb aane se Manpreet wahin khadi reh jati hai.

Manpreet: (aankhen band kar ke) Aapko shadi ke pehle wali Jaspreet jyada pasand hai ya ab wali?

Ridayjeet: (Manpreet ke kandhe par apni chin rakhte hue dhire se) Ab wali.

Manpreet ki aankhein band hain, Ridayjeet ka kareeb aana use na jane kyun bura nahi lag raha, par wo Riday se dur hona chahti hai kyunki wo jo bhi kuch kar raha hai, use Jassi samajh ke kar raha hai aur wo Ridayjeet ko dhokha nahi dena chahti. Lekin, wo chah ke bhi usse dur nahi ja pa rahi.

Manpreet: (dhire se) Par aapne pyar to pehle wali Jaspreet se kia tha na.

Ridayjeet: (pyar se bolte hue) Hmmm. Par mujhe ye wali Jaspreet jyada achi lag rahi hai.

Ridayjeet Manpreet ke piche khada hai. Wo Manpreet ke shoulders se dhire dhire apne hath uski baajuon ko touch karte hue uske hath tak le jata hai. Ridayjeet ab Manpreet ke dono hathon ko pakad leta hai. Manpreet ki ungaliyon me apni ungaliyan phasa leta hai. Wo apna chehra Manpreet ki gardan me chhupana chahta hai. Manpreet ko pehli baar lagta hai ki Ridayjeet Jaspreet ko nahi use hi pasand karta hai. Manpreet ki aankhein ab bhi band hain. Ridayjeet ki saanse Mann ki gardan ko chhu rahi hain, jisse Manpreet ke dil ki dhadkan badh gayi hai. Manpreet Ridayjeet ki taraf palat jati hai. Manpreet ki aankhein ab bhi band hain. Ridayjeet apna matha (forehead) Manpreet ke maathe se touch karta hai. Manpreet na chahte hue bhi Ridayjeet se dur jane ki koshish karti hai.

Manpreet: (dur hote hue) Main change karke aati hu.

Ridayjeet: Main jab bhi paas aata hu, tumhe change karne jana hota hai. Abhi to khadi thi yahin.

Manpreet: Main wo nahi hu jisse aap pyar karte hain.

Ridayjeet: Matlab?

Manpreet chahti hai ki wo sach bol de ki wo Jaspreet nahi Manpreet hai. Par wo bol nahi pati.

Manpreet: Matlab main shadi se pehle wali Jaspreet nahi hu.

Ridayjeet: Ohho! (Manpreet ko apne paas khichte hue) Main jaise hamesha se tumhe dekhna chahta tha, jaise hamesha se tumhare sath rehna chahta tha, tumse request karta tha ki tum ye karo wo karo aur shadi se pehle tum meri in sab baaton par dhyan nahi deti thi. Lekin ab mujhe kuch kehna hi nahi pad raha, tum khud-b-khud wo chize kar rahi ho. Aur tum shadi se pehle wali Jassi ke piche padi ho. Mujhe ye Jassi jyada pasand hai, bola na. Islie mujhe apne paas rehne do, aise hi.

Ridayjeet Manpreet ko kheench ke apni bahon me le leta hai. Ab tak Manpreet soch rahi thi, ki is tarah Ridayjeet ke kareeb aana sahi nahi hai, islie wo khud Ridayjeet se dur ja rahi thi. Par ab uska dil uske dimag par haavi ho gaya hai. Ridayjeet ke use hug karne ke kuch seconds baad wo bhi uske kandhe par apna sir rakh ke apni aankhein band kar leti hai. Dono kuch der aise hi ek dusre ko hug kie hue khade rehte hain. Thodi der baad dono alag hote hain. Ridayjeet Manpreet ke chehre ko apne hathon me leta hai, aur uske maathe par kiss karta hai. Manpreet apne maathe par uske hothon ka pehla touch feel karti hai. Ridayjeet ke is touch se uske shareer me ek ajeeb sa ehsaas hota hai, jo use acha lagta hai. Wo apni aankhein band kar leti hai. Ridayjeet uske aankhon ko kiss karta hai. Manpreet apni aankhe kholti hai. Ridayjeet use dekh ke smile kar raha hai. Manpreet bhi use dekh ke smile karti hai.

Lekin Manpreet ke dimag me ab bhi wahi baate ghum rahi hain islie wo wahan se jane lagti hai. Ridayjeet uska hath pakad ke apne paas kheench leta hai.

Ridayjeet: Yahin raho na. Baad me jana.

Manpreet: Biji ne rest karne ke lie kaha tha, thodi der.

Ridayjeet: Thik hai, to rest kar lete hain. Chale bed par?

Manpreet: (dur hote hue) Nahi! Aap yahin raho, main jandi han.

Ridayjeet Manpreet ki is baat par hasta hai. Manpreet ab bed par aake baith gayi hai. Ridayjeet bhi uske paas aake bed par baith gaya hai.

Ridayjeet: Thoda aaram kar lo.

Ridayjeet pyar se Manpreet ko bed par leta kar use chadar odha deta hai. Manpreet thodi der ke lie rest karti hai, fir dono dinner ke lie chale jate hain.

Hun lag raha hai ki jaise jaise Mann Ridayjeet ko jaan rahi hai, waise waise wo uske nazdeek aati ja rahi hai. Ridayjeet ke kareeb aane se use jaisa feel ho raha hai, wo is baat ka saboot hai ki ab Mann ke dil me bhi Ridayjeet ke lie feelings hain. Ridayjeet ko bhi nayi Jassi jyada pasand aa rahi hai. Par kya Riday aur Mann aise hi ek dusre ke kareeb aa jaenge ya Mann Riday ko sab sach bata degi? Ye janne ke lie, you have to read the next episode of this story. Tab tak… story enjoy karte rahiye, life ka maza lete rahiye. Good night… Shabba Khair… Sayonara and keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: