The Imperfect Marriage!

Episode-7

Recap: Pichle episode me humne dekha tha ki Ridayjeet Manpreet ko jheel par leke jata hai. Jahan Manpreet ko ye realise hota hai ki wo Ridayjeet se sahi se behave nahi kar rahi. Use Ridayjeet ko udas dekh ke acha nahi lagta aur wo Ridayjeet se ache se baat karti hai. Ridayjeet aaj ki is mulakaat se khush hai, par andhera hone ki wajah se use Manpreet ko uske ghar chhodna padta hai. Din beet jate hain aur Ridayjeet Manpreet ko apne ghar le jane ke lie aata hai. Manpreet uske lie uski kahi hui saree pehen kar uske samne aati hai, jise dekh ke Ridayjeet ko acha lagta hai. Ridayjeet bhi use academy le jata hai, kyunki ab Manpreet ke sath sath Ridayjeet ko bhi academy jana pasand aane laga hai. Ab aage…

Ridayjeet Manpreet ko thodi der ke lie academy le jata hai. Wo wahan ke mahaul aur wahan ke bacchon ko dekh kar khush hota hai. Aur sabse jyada khushi use Manpreet ko wahan dekh ke milti hai, kyunki use Manpreet ka bacchon se baat karne ka aur unke sath rehne ka tareeka bhot pasand aata hai. Academy me thoda time spend karke dono ghar ke lie nikalte hain.

Manpreet: Aapko academy aana acha lagne laga hai shayad.

Ridayjeet: Han! Tumhari wajah se…

Manpreet: Meri wajah se?

Ridayjeet: Han! Jis tarah se tum wahan sabse baat karti ho, mujhe acha lagta hai. Tum bacchon ke sath bilkul bacchi ban jati ho.

Manpreet muskurati hai.

Ridayjeet: To bas mujhe ye sab dekh ke acha lagta hai aur mujhe bhi bacchon ke sath rehna pasand hai.

Manpreet: I know.

Ridayjeet: U know, kaise?

Manpreet: (hichakte hue) Wo… Maine dekha hai aapko kayi baar, bacchon ke sath. Aur wo bhi jab aap apni shop ke piche ki basti ke kuch bacchon ko padhaya karte the.

Ridayjeet: Ye sab tumne kab dekha?

Manpreet: Wo biji ko ek din kuch kamm si aapke papa se, to main unhan de sath gayi si aapki shop par.

Ridayjeet: To tumne kaise dekha?

Manpreet: Tab… aapke papa ne mainu bheja si aap nu bulaun layi. Bataya si unhan ne ki aap wahan honge.

Ridayjeet: Par tussi aayi to nai si mere kol.

Manpreet: Han! Wo fir aapda naukar aa gaya si te unhan ne mainu mana kar ditta si. Par mainu curiosity si ki aap wahan ki kar rahe honge, is layi gayi si wahan vekhne, tab hi maine vekha si.

Ridayjeet: Te ye gal aapne mainu pehle tan kadi vi nai batayi.

Manpreet: (dhire se badbadate hue) Kaise batati, wo Jassi ne nahi Mann ne dekha tha.

Ridayjeet: Aur bhi hain aisi gallan jo tussi jande ho mere baare ‘ch?

Manpreet: (fir badbadate hue) Jandi tan bhot kuch hu.

Ridayjeet: Ki boli?

Manpreet: Kuch nahi. Bas yahi si aur kuch nahi hai aisa.

Ridayjeet muskurata hai. Wo dono baate karte hue ghar bhi phoch jate hain. Wahan sab log dono ka wait kar rahe hain. Ridayjeet ki mommy dono ki aarti utaarti hain. Ghar par sab log hain, mommy-papa, chacha-chachi, unke bacche, aur Mann ki best friend Riddhi. Sab Manpreet ko ghere hue hain.

Ridayjeet’s mom: Sab acha tha beta?

Manpreet: Ji!

Ridayjeet’s mom: (smiling) Ridayjeet ab thik se reh paega.

Manpreet: (hairani se) Matlab?

Ridayjeet’s chachi: Matlab ab tak uska mann nahi lag raha si ghar vich.

Ridayjeet: Aisi baat nahi hai chachi, main janda si na bahar roz, apne doston ke paas. Aisa hota to kahin aata jata bhi nahi.

Mann Ridayjeet ko dekhti hai, kyunki use pata hai ki wo din me bhi uski academy me usse milne aaya karta tha. Ridayjeet bhi Manpreet ko dekhta hai aur ishara karta hai ki kuch na bole. Manpreet Ridayjeet ki is harkat par dire se muskurati hai.

Riddhi: Tu in sab nu chhad. Mere sath chal, tujhse gallan karni hain mainu.

Riddhi Manpreet ko apne sath apne room me le jati hai. Ridayjeet is waqt pareshan hai kyunki wo Manpreet (jo use lagta hai Jaspreet hai) ke sath akele me time spend karna chahta hai, par lagta hai use time milega nahi.

Riddhi: Yaar ek gal das. Ye Mann kahan hai? Bina bataye bua ke sath chali gayi. Kuch samajh nahi aaya mainu.

Manpreet se ab raha nahi jata. Riddhi uski best friend hai aur usse usne har choti badi baat share ki hai, lekin uski life ki itni badi chiz Riddhi ko pata nahi hai aur jab Riddhi khud Mann ke bare me puchti hai to wo chupa nahi pati.

Manpreet: Mann kahin nahi gayi.

Riddhi: Ki matlab?

Manpreet Riddhi ke room ka door band kar deti hai. Riddhi ko ajeeb lagta hai ki ye Jassi kya kar rahi hai.

Manpreet: Mann kahin nahi gayi hai kyunki Mann main hu.

Riddhi: (shocked) Kya? Ae ki bol rahi hai?

Manpreet: Shant hoke sunegi to main bata paungi.

Riddhi: Das (bol).

Manpreet Riddhi ko shadi ke din ki sari baat bata deti hai. Riddhi shock me apne bed pe baith jati hai. Use ab sab samajh aa raha hai ki Jassi itna ro kyun rahi thi, aur shadi me sab log itne pareshan kyun the.

Riddhi: Tune ab tak veer ji nu kuch nahi bataya?

Manpreet: Nahi! Kisi ne batane nahi dia.

Riddhi: Ye Jassi ne ki kita yaar? Veer ji nu pata chala to pata nai ki hoga.

Manpreet: (pareshan) Hun tu hi bata ki kare?

Riddhi: Abhi jaise chal raha hai waise hi chalne de Mann.

Manpreet: Par kyun?

Riddhi: Teri shadi ho gayi hai ab veer ji se, wo tere sath khush hain. Unke face pe smile dekhi hai tune?

Manpreet: Par wo mujhe Jassi samajh rahe hain.

Riddhi: Main tujhe hamesha ke lie nahi bol rahi ki unse sach chupa. Abhi kuch din, jab tak tum dono ek dusre ko ache se jaan nahi lete tab tak.

Manpreet: Isse ki hoga?

Riddhi: Trust me! Tum dono ka ek dusre ko ache se janna bhot zaruri hai kyunki tu Jassi se bilkul alag hai. Manpreet: Sab pata nahi kaise kaise suggestions die ja rahe hain mainu. Isse ki hoga? Abhi nahi bataya baad me bataya to farak ki padna hai?

Riddhi: Abhi tum ek dusre ko jaan lo. Veer ji ko Jassi banke nahi Mann banke baat kar, bas naam uska hona chahiye, baki puri ki puri tu hi honi chahiye. Aur fir bata denge veer ji nu, fir wo hi decide kar lenge ki unhe pehli wali Jassi pasand hai ya ab wali Mann. Aur itne tujhe bhi time mil jaega unhe samjhne ka.

Manpreet: Mujhe nahi samajh aa raha tu kya bol rahi hai.

Riddhi: Jo bol rahi hu bas karti ja.

Manpreet ko samajh nahi aa raha ki ab ye Riddhi kya bol rahi hai. Wo is sab se nikalna chahti hai, aur Riddhi bhi use is sab me aur phasana chahti hai. Use samajh nahi aa raha ki aakhir sabko hua kya hai.

Riddhi: Waise ek baat bolu?

Manpreet: Bol.

Riddhi: Main khush hu, ki meri bhabhi tu hai.

Manpreet: (eyebrows sikodte hue) Riddhi! Mujhe laga tha ki tu pareshan hogi. Par teri shakal dekh ke lag nahi raha hai mujhe.

Riddhi: (smiling) Pareshan to main hu, veer ji ke lie. Par sach hai ye. Jab veer ji ne mujhe bataya tha na ki wo meri friend hai jise wo pasand karte hain, to maine tera naam hi lia si. Yakin na ho to puch lena.

Manpreet: Tu pagal hai ki? Mera naam kyun liya si?

Riddhi: Main hi nahi mere sare ghar wale. Sab tere baare me hi soch rahe si, jab veer ji aur Jassi ke baare me pata chaleya si. Sab nu laga si ki wo tum dono ho, veer ji aur Jassi nahi, kyunki sab hi tainu jyada pasand karde han.

Manpreet: Aur aisa kyun hai?

Riddhi: Bas aisa hi hai. Aur dekhna jab tainu veer ji jaan javenge tan wo bhi Jassi ko bhull jaenge.

Manpreet: Faltu gallan na kar Riddhi.

Riddhi: Tainu mazak lag riha hai. Thik hai, na maan.

Manpreet: Han! Nahi maan rahi.

Riddhi: Waise main bhot khush hu, ki tu meri bhabhi ban gayi hai. Yippie! It’s time to party.

Mann aur Riddhi dono hasti hain aur ek dusre ke gale lag jati hain. Shadi ke baad pehli baar wo is tarah hasi hai. Chalo acha hai, ab koi to hai jo uske dil ki baat sun aur samajh paega. Ab wo Riddhi se baat karke apna dil halka kar sakegi aur Ridayjeet ke baare me shayad kuch baatein bhi jaan paegi.

Riddhi: Ab sun! Veer ji se ab teri shadi ho gayi hai, to ab wife to tu hi hai unhan di. To ab tainu hi wife wale sare kamm karne padenge. (haste hue) Samjhi na ki keh rahi hu main.

Manpreet: (Riddhi ko zor se marte hue) Meeku ki bacchi! Jyada mat bol tu.

Riddhi: (haste hue) Hahaha! Arey! Ab shadi hui hai to ye to hona hi hai.

Manpreet: Muh band rakh apna.

Riddhi: (haste hue) Main tan muh band rakh laangi, par veer ji ko kaise dur rakhegi apne se?

Manpreet: (sochte hue) Jassi gussa hai Ridayjeet se.

Riddhi: Kyun? Ab wo kyun gussa hogi?

Manpreet Riddhi ko Jassi ke bhagne ki wajah bata deti hai. Wo batati hai ki pehle Ridayjeet aur Jassi ka Mumbai jane ka plan tha, par jab Ridayjeet use Mumbai nahi le ja pa raha tha to wo shadi se bhag gayi.

Riddhi: To wo shadi Mumbai jane ke lie kar rahi si, iska matlab.

Manpreet: Mainu nai pata par is sab se lagta to yahi hai.

Riddhi: Main ta pehla hi jandi si, wo bas veer ji nu use kar rahi hai.

Manpreet: Yaar aise na bol, wo meri behen hai.

Riddhi: Teri behen hai is karke to ab tak chup si main. Par usne tan limit cross kar diti hai. Main khush han ki teri shadi veer ji naal hui hai, par jab veer ji nu pata chalega tan ki hoga ye pata nai. Waise ghar me sab nu pata hai is de baare ‘ch?

Manpreet: Han!

Manpreet aur Riddhi dono kuch der ek sath room me rehti hain.

Sham ko dinner ke baad sab log baithe hue hai. Ridayjeet Manpreet ko ishare se bula raha hai, par Mann use ignore kar rahi hai. Riddhi sab dekh rahi hai muskura rahi hai. Wo Mann ko Ridayjeet ke sath room me jane ka ishara karti hai, to Mann use ghur ke dekhti hai. Riddhi dhire se smile karti hai. Teeno ke beech isharebazi chal rahi hai. Thodi der baad Ridayjeet uth ke apne room me chala jata hai.

Ridayjeet’s mom: (Manpreet se) Ja puttar ab tu bhi ja. Jake aaram kar lae.

Manpreet ka mann to nahi hai jane ka, par wo kuch kar bhi nahi sakti. Islie wo uthke wahan se chali jati hai.

Manpreet room me aati hai aur door band kar deti hai. Ridayjeet bed par lete hue koi book padh raha hai. Manpreet change karke aati hai aur aake bed ki dusri side let jati hai aur apni aankhe band kar leti hai. Ridayjeet book rakh deta hai aur Manpreet ki taraf karwat le leta hai. Wo Manpreet ko dekh raha hai.

Ridayjeet: Jassi!

Manpreet: (aankhe band kie hue hi) Hmm!

Ridayjeet: Mujhe acha nai lag raha.

Manpreet: (aankhe kholke) Kya?

Ridayjeet: (upset) Tum mujhse naraz ho, aur main tumhe mana nahi pa raha. Kaise manogi tum?

Manpreet: (Ridayjeet ki taraf dekh ke) Main aapse naraz nahi hu.

Ridayjeet: Ho naraz. Isilie meri baat nahi sunti, na hi thik se jawab deti ho. Mujhse dur rehne ki koshish karti ho. Ki gal hai samajh nai aa raha mainu.

Ridayjeet baith jata hai. Mann bhi baith jati hai. Mann ko acha nahi lag raha ki wo chah ke bhi Ridayjeet ko ye feel nahi kara sakti ki wo usse gussa nahi hai, kyunki wo Ridayjeet se dur rehna chahti hai to ye sab use karna hi hoga. Par Ridayjeet ko wo aise upset nahi dekh pa rahi.

Manpreet: Aap aisa mat socho. Aisa kuch nahi hai.

Ridayjeet: To tum inni chup kyun ho? Mere sath tainu acha nai lagda ki? Tussi Meeku ke sath changi tarah gal kar rahi si, sare ghar walo se ache se gal kar rahi ho. Bas mere sath reh ke chup rehndi ho. Ki problem hai?

Manpreet: Kabhi kabhi life me aisi situation aa jandi hai jis vich samajh nai aaunda ki kya kare.

Ridayjeet: Maine shadi islie nahi ki hai tumse ki tum akele sab chizon ke baare me socho. Ab main bhi tumhare sath hu. Ek baar trust to karke dekho.

Manpreet chup rehti hai.

Ridayjeet: Listen Jassi!

Manpreet ka dhyan hi nahi jata ki wo use bula raha hai. Ridayjeet fir bolta hai, “Jassi! Main tainu bol riha hu.”

Manpreet ko dhyan aata hai ki wo hi Jassi hai Ridayjeet ki lie.

Manpreet: Han! Sorry mera dhyan kahin aur si.

Ridayjeet: Please bas ek baar bharosa kar lo mujhpe.

Manpreet shant rehti hai aur sochti hai, “Main bharosa to kar lu, par main khud bharosa ke layak nahi hu. Itna bada jhooth bol rahi hu.”

Ridayjeet: (tokte hue) Jassi!

Manpreet: Han!

Ridayjeet: Tussi meri baat sun vi rahi ho ya nai.

Manpreet: Sun rahi hu.

Ridayjeet: To ki soch rahi ho?

Manpreet: Yahi ki agar kisi din ye bharosa toota to?

Ridayjeet: To jo saza deni ho de dena.

Manpreet: Aur bharosa maine toda to?

Ridayjeet: Aisa nahi ho sakta.

Manpreet: Kisi par bhi itna bharosa nahi karna chahiye.

Ridayjeet: Aisi baate kyun karti ho tum? Hamesha dil todne wali baate. Kabhi kabhi to lagta hi nahi ki tumhe mujhse pyar hai.

Manpreet: Ye hi sach hai.

Ridayjeet: Ye jhooth hai. Tum jab bhi mujhe dekhti ho, to mujhe kyun lagta hai ki tum mujhse pyar karti ho? Ab bas kar do na Jassi itna bhi kya naraz hona?

Manpreet: Main naraz nahi hu. Main sach bata rahi hu.

Ridayjeet: Fir mujhe nahi sunna aisa sach.

Ridayjeet Manpreet ke hath ko apne hath me leta hai aur uske thoda nazdeek aata hai.

Ridayjeet: Meri taraf dekho!

Manpreet uski taraf nahi dekh rahi.

Ridayjeet: Meri taraf dekho Jassi!

Manpreet nazare uthati hai aur Ridayjeet ko dekhti hai.

Ridayjeet: Main ab bhi dekh pa raha hu ki tum mujhe pareshan dekh ke khud bhi pareshan ho. Tum mujhse pyar karti ho, I know. Kya tumhe nahi lagta ki main tumse pyar karta hu?

Manpreet: (apni palakein jhukate hue) Lagta hai.

Ridayjeet: (tez awaz me) Meri taraf dekho Jassi.

Manpreet Ridayjeet ki taraf dekhti hai.

Ridayjeet: Jab lagta hai ki main tumse pyar karta hu aur tum bhi mujhse pyar karti ho. To ye sab kyun karti ho?

Manpreet fir chup hai.

Ridayjeet: Will you trust me Jassi? Bolo.

Manpreet: (Ridayjeet ko dekhte hue) Hmm. Par kya main aapse kuch keh sakti hu?

Ridayjeet: Han bolo na.

Manpreet: Will you trust me?

Ridayjeet: Of course! I trust you stupid.

Manpreet: No! Agar kabhi koi aisi gal hui jis pe aapnu lage ki aap mujhe trust nahi kar sakte tan karoge trust?

Ridayjeet: Aise kyun bol rahi ho?

Manpreet: Aap bolo pehle.

Ridayjeet: Han! I will trust you. Hamesha kia hai aur karta rahunga.

Manpreet: Hamesha aur ab me bhot bada farak hai.

Ridayjeet: Kya farak hai?

Manpreet: Riday!

Ridayjeet: (smiling) Wow! Kya bola tumne abhi?

Manpreet: Aapka naam lia. Nahi lena chahiye tha?

Ridayjeet: Nai! Jis tarah se lia, wo acha laga mainu. Nahi tan tussi Ridu bolti ho na mainu.

Manpreet: (Jassi kis naam se bulati thi ye yaad karte hue) Han! Galati se ye bol dia.

Ridayjeet: Yehi bola karo ab. Acha hai ye.

Manpreet: (smiling) Okay! (after a moment) Mujhe kuch kehna tha.

Ridayjeet: Han! Bolo na.

Manpreet: Kuch hai jo mujhe aapko batana hai, par abhi nahi bata sakti.

Ridayjeet: To kab batana hai?

Manpreet: Pata nahi.

Ridayjeet: Jab batana ho bata dena.

Manpreet: (Ridayjeet ko hairani se dekhte hue) Aapko kabhi kuch bura nahi lagta kya?

Ridayjeet: Kyun?

Manpreet: I mean, main aapki wife hu, aapse kuch chupa rahi hu. Aur fir bhi aap bol rahe hain jab batana ho bata dena.

Ridayjeet: To kya karu? Gussa karu? I trust you Jassi.

Manpreet ko acha nahi lag raha ki wo use Jassi bol raha hai baar baar. Wo nahi chahti ki Ridayjeet use Jassi bulaye.

Manpreet: Kya main kuch maang sakti hu aapse?

Ridayjeet: Bolo.

Manpreet: Mainu Jassi na bulaya karo.

Ridayjeet: Tan ki bulawan?

Manpreet: Koi aur naam… Koi nick name…

Ridayjeet: (haste hue) Nick name chahida hai, aap nu.

Manpreet: Han!

Ridayjeet: Okay! Ae to sochna paega.

Manpreet: Soch lo tan.

Ridayjeet: Par sabke samne to Jassi hi bolna padega.

Manpreet: Hmmm. Chhaddo rehen do fir. Hun mainu neend aa rahi hai, main so rahi han.

Ridayjeet: Soniye!

Manpreet Ridayjeet ko dekhti hai.

Ridayjeet: Ae naam kaisa hai?

Manpreet: Ae koi naam hai?

Ridayjeet: Kyun? Changa to hai. Tussi soni vi ho te meri soni vi ho, to kadi Soni, kadi Soniye te kadi Soniyo bula lawanga.

Manpreet muskurati hai.

Manpreet: Tussi Jassi hi bolo mainu. Good night.

Manpreet Ridayjeet se dur rehna chahti hai, par Ridayjeet samajh nahi pa raha ki Jassi usse dur kyun bhag rahi hai. Kya ye confusion aise hi bani rahegi? Ya kuch aur bhi hoga aage? Ye sab dekhne ke lie aage ki story padhni padegi. Tab tk… Good night… Shabba khair… Sayonara… & Keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: