The Imperfect Marriage!

Episode-6

Recap: Pichle episode me aapne dekha tha ki Ridayjeet Manpreet ko manane ki puri koshish kar raha hai. Wo chahta hai ki Jassi ka gussa khatam ho jaye kyunki wo janta nahi hai ki wo Jassi nahi Mann hai. Wo har roz uski academy me aane ke lie permission mangta hai. Aur aaj sham ko jab wo academy se bahar aati hai to wo use koi jagah dikhana chahta hai. Wo ek jheel hai, jahan Ridayjeet ko aa kar acha lagta hai, par wo jagah Manpreet ne pehle se dekhi hui hai aur wo jagah Manpreet ko bhi pasand hai. Ab aage…

Dono jheel ke paas baithe hain. Manpreet jheel ke pani ko dekh rahi hai aur Ridayjeet Manpreet ko.

Ridayjeet: To ab tak tin gal hain jo hum dono ke lie bani hain.

Manpreet: Matlab?

Ridayjeet: Matlab… Tumhe likhna pasand hai aur mujhe padhna. Tumhe dance karna pasand hai aur mujhe dance karte hue tum.

Jab Ridayjeet ye bolta hai to Mann ke face par ek smile aa jati hai. Ridayjeet bas do baate bolke ruk jata hai.

Manpreet: Aur teesri baat kya hai?

Ridayjeet: Tumhe is jheel me dekhna pasand hai, aur mujhe jheel ko dekhte hue tum.

Manpreet muskurati hai. Ridayjeet bhi muskurata hai.

Ridayjeet: To tussi yahan kyun aate ho?

Manpreet: Matlab?

Ridayjeet: Main to yahan tab aata hu jab main akela feel karta hu. Tussi yahan kab aate ho?

Manpreet: Main yahan tab aati hu jab mujhe shanti chahiye hoti hai. Jab main khud akele rehna chahti hu. Waise aap last time kab aaye the yahan?

Ridayjeet: Kyun?

Manpreet: Bas janna chahti hu.

Ridayjeet: Rehne do na ye sab..

Manpreet wife hone ka haq jatane ki koshish karti hai, jaise shayad Jassi hoti to wo karti.

Manpreet: Main wife hu aapki. To mujhse chhupana sahi nahi hai.

Ridayjeet: (face na dikhate hue) Last time ajj aaya si.

Manpreet: (hairani se) Aaj?

Ridayjeet: (dhire se) Hmm.

Manpreet ko yaad aata hai ki aaj subah usne Ridayjeet se kaise baat ki thi. Wo sochti hai ki agar Jassi hoti to wo is tarah se baat nahi karti aur Ridayjeet use wahi sab expect kar raha hoga jo wo nahi kar pa rahi, shayad isilie wo khud ko akela feel kar raha ho. Use acha nahi lagta ki Ridayjeet uski wajah se upset tha. Manpreet sochti hai ki isse pehle kabhi nahi aise laga hoga Ridayjeet ko Jassi ki wajah se, jaise aaj uski wajah se laga hai. Wo thoda aur janne ke lie puchti hai.

Manpreet: (aur janne ki koshish karte hue) Aur kab kab aaye ho yahan meri wajah se?

Ridayjeet: Chhodo na ye sab. Abhi main bas aise hi tumhe ye dikhane laya tha.

Manpreet ko Ridayjeet ke lie acha nahi lag raha. Wo uska mood thik karne ke lie kuch sochti hai.

Manpreet: Waise aapne yahan aake ek chiz ki hai?

Ridayjeet: Ki?

Manpreet: Par uske lie aapko apne shoes utaarne padenge.

Manpreet jaise hi ye kehti hai Ridayjeet apne shoes aur socks utar deta hai. Manpreet muskurati hai ki kehte hi shoes utar die.

Ridayjeet: Ab ki karaan?

Manpreet bhi apni heels utar deti hai aur apne suit ko fold karti hai. Fir wo Ridayjeet ko apne piche aane ke lie kehti hai. Manpreet ab jheel ke bahar baith jati hai aur apne pair usme daal leti hai.

Ridayjeet: (Manpreet ko dekh ke) Main bhi aise hi karu?

Manpreet: Han!

Ridayjeet bhi jheel me pair daal ke Manpreet ke paas baith jata hai.

Manpreet: Kaisa lag raha hai?

Ridayjeet: (smiling) It’s nice. Acha feel ho raha hai.

Manpreet bhi muskurati hai. Ridayjeet fir Manpreet ko dekhne lagta hai.

Ridayjeet: Subah jo mujhe Jassi mili thi aur ye jo Jassi hai, usme zameen aasmaan ka farak hai. Tainu dance karke kujh ho janda hai ki?

Manpreet: Kyun?

Ridayjeet: Kal vi tussi subah ukhde-ukhde si, par sham nu sab changa ho giya si. Ajj fir ohi gal hai.

Manpreet dhire se hasti hai. Ridayjeet use muskura kar dekhta rehta hai. Manpreet bhi Ridayjeet ko dekh rahi hai, par jab wo notice karti hai ki Ridayjeet use dekhe ja raha hai to wo nazare hata ke face dusri taraf kar leti hai. Ridayjeet muskurata hai.

Ridayjeet: Tainu pata hai, tussi kinni sundar ho?

Manpreet: (muskurate hue) Mere jaisi ek aur bhi hai.

Ridayjeet: Han! Manpreet waise jyada khoobsurat hai.

Manpreet dhire se hasti hai.

Ridayjeet: (hairani se) Arey! Tumhe gussa hona chahiye aur tum has rahi ho.

Manpreet: Mainu pata hai ye sab tussi jaan ke bol rahe ho. Mainu tang karan vaste.

Ridayjeet: (muskurate hue) Pehle to gussa ho jandi si, ajj kal sudhar gayi ho.

Manpreet: Main? Manpreet ka naam sun ke gussa ho jati thi?

Ridayjeet: Han! Ik vaari maine bol dia tha ki Manpreet ki tarah rehna chahiye tumhe, tab gussa nahi ho gayi thi?

Manpreet: (curiously) Aur aapne aisa kyun boleya si?

Ridayjeet: Tainu sataaun vaste.

Manpreet: (little upset) Bas sataane ke lie?

Ridayjeet: Nai! Waise ek gal jo mainu Manpreet ki pasand hai wo ye hai ki wo tumhare jaise chabad chabad nahi karti.

Manpreet: (haste hue) Kisne kaha wo chabad chabad nahi karti. Bas thoda time chahiye hota hai use, aur fir use rok ke dekho zara.

Ridayjeet: (haste hue) Achha! Han to ive hi hona chahiye. Ye thodi ki kisi se bhi chabad chabad karne lag jao.

Manpreet: Mujhe to laga tha ki meri isi baat ki wajah se pasand kia tha aapne mujhe.

Ridayjeet: Nai nai! Ye gal nai si.

Manpreet: (curious) To ki gal si?

Ridayjeet: (pareshan karte hue) Wo fir kabhi batavanga.

Manpreet: Jab pucha abhi hai to abhi batao.

Ridayjeet: Bata dunga!

Manpreet: Kab?

Ridayjeet: Jad tussi ghar aa jaoge.

Manpreet: Usme to ek week hai.

Ridayjeet: Kehda ek week? Do din nikal gaye hain, hun bas panj din bache han.

Manpreet: (muskurate hue) Is tarah gin rahe ho aap?

Ridayjeet: Tainu ki pata. Khud tan yahan aa gayi ho mainu sataaun layi, ik week ke lie koi janda hai ki?

Manpreet: (muskurate hue) To kitne week ke lie jande hain?

Ridayjeet: Week! Week nai. Bas ghar par gaye aur tabhi wapas aa gaye ik ghante vich.

Manpreet muskurati hai.

Ridayjeet: Aur tuhanu pata hai, main mehndi bhi nahi dekh paunga. Ik week me to halki ho javegi. Mera kinna mann si. Shadi ke baad islie nai dekh paya ki tainu fever aa gaya si te hune (ab) aise nahi dekh paunga.

Ridayjeet muh latka leta hai, aur Manpreet rahat ki saans leti hai kyunki agar Ridayjeet uski mehndi dekhta to shayad use pata chal jata ki wo Jaspreet nahi Manpreet hai.

Manpreet: Ab dekh lo to.

Ridayjeet: Andhera chad aaya hai, ab kaise dekhu?

Manpreet: Koi gal nahi, main dobara laga lungi.

Ridayjeet: Main lagau to?

Manpreet: Aapko lagani aati hai?

Ridayjeet: Mera mann hai lagane ka, tuhadde hath vich mehndi.

Manpreet: Okay! Laga lena. Par ab chale? Andhera ho gaya hai.

Ridayjeet: Hmm. Chalna hi padega, ki kar sakde hain.

Manpreet aur Ridayjeet wahan se uth ke car me baith jate hain. Ridayjeet Manpreet ko uske ghar chhod deta hai. Manpreet ko Ridayjeet ke sath ghar aate dekh uski biji khush hoti hain. Manpreet ghar me aa jati hai.

Manpreet’s mom: Tussi donan ajj vi sath si?

Manpreet: Wo aa jate hain roz academy, main to mana karti hu.

Manpreet’s mom: Kyun mana karti hai? Wo kitna pasand karta hai tujhe uske baad bhi?

Manpreet: Wo mujhe nahi Jassi ko pasand karte hain. Aur wo Jassi ko hi pasand karte rahenge kyunki aapne mauka hi nahi dia ki wo jaan paye. Agar wo sach janne ke baad Jassi ko bhul ke is tarah mere sath rehte to baat alag hoti.

Manpreet ki biji Manpreet ki ye baat sunke chup ho jati hain.

Din beetate hain. Ridayjeet roz aise hi academy jata hai aur Manpreet se milta hai. Manpreet Ridayjeet ki baate sunke usse baat karke khush to hoti hai, par hamesha uske dimag me ye baat chalti rehti hai ki wo Jassi nahi Mann hai aur Ridayjeet Mann se nahi Jassi se pyar karta hai. Isilie wo Ridayjeet ko chance hi nahi de rahi ki wo Jassi ko nahi Mann ko jane.
Aaj Mann ko lene Ridayjeet uske ghar aa raha hai. Mann ne is ek week me ye accept kar lia hai ki ab use aise hi rehna hai. Par wo jhuth ke sath ab bhi nahi rehna chahti. Wo chahti hai ki koi Ridayjeet ko sach bata de kyunki uski khud ki himmat nahi hai Ridayjeet ko itna bada sach batane ki. Khair ye baate to hoti rahengi, chalte hain Manpreet ke ghar jahan Ridayjeet aaya hua hai. Wo biji aur bauji ke sath baitha hai, aur Manpreet wahan nahi hai.

Ridayjeet: Biji! Jassi kahan hai?

Manpreet’s mom: Aa rahi hai puttar ready ho rahi hai.

Ridayjeet: Okay!

Manpreet apne room se bahar nikalti hai. Ridayjeet use dekhta hai. Wo yaad karta hai ki pichle din usne Jassi ko red colour ki ek saree pehnne ke lie bola tha. Par Jassi ne use mana kar dia tha ki use saree me rehna pasand nahi. Lekin aaj to usne wahi saree pehni hui hai. Ridayjeet Mann ko dekh ke smile karta hai, kyunki use to ye hi lag raha hai ki ye request usne Jassi se ki thi aur pehle na karne ke baad usne Ridayjeet ki request maan li hai.

Manpreet Ridayjeet ke samne aati hai.

Manpreet’s mom: Puttar tu to badi changi lag rahi hai. Kahan se aayi ye saree?

Manpreet: Ye Ridayjeet ki pasand hai.

Ridayjeet muskurata hai.

Manpreet’s mom: Cheeku puttar! Tainu Jassi kaisi lag rahi hai?

Ridayjeet: Changi biji.

Manpreet ek nazar Ridayjeet ko dekhti hai, aur dekhti hai ki wo bina palake jhapkaye use dekh raha hai.

Lunch ke baad dono ghar se nikal jate hain.

Ridayjeet: Thanks!

Manpreet: Is saree ke lie? Itna to main kar sakti hu.

Ridayjeet: Yeah! But I know ki tuhanu ye saree pehenna aur is tarah rehna changa nai lagda. Mere layi itna sab kia us layi thanks.

Manpreet: (atakte hue) Waise mujhe ye sab pasand hai.

Ridayjeet: Seriously? Lekin mujhe kabhi laga nai. Hamesha casuals me hi dekha hai tumhe.

Manpreet: Han! Pasand hai, par comfortable nahi rehti inme roz roz islie casuals hi pehnti hu aur academy me main saree pehen ke to dance sikha nahi sakti.

Ridayjeet: Hmmm! Ae vi gal hai.

Ridayjeet car academy ki taraf mod leta hai.

Manpreet: Ye kahan ja rahe hain? Ghar nahi jana?

Ridayjeet: Thodi der ke lie academy chalte hain. Fir chalenge ghar.

Manpreet: Thanks!

Ridayjeet: Mujhe bhi pasand hai yahan aana, islie no thanks!

Manpreet smile karti hai. Dono academy ke andar chale jate hain.

Aage kya hoga wo hum aapko kal bataenge. Kya Ridayjeet Manpreet ka dil jeetne me kamyaab hoga? Ya koi aur naya siyappa ho jaega? Ye dekhne ke lie hum kal fir milenge aapse. Tab tak… shubh ratri, shabba khair, sayonara. Enjoy your life and keep feeling the love. ❤

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: