The Imperfect Marriage!

Episode-3

Recap: Pichle episode me humne dekha tha ki Manpreet ko udas aur pareshan dekh ke Ridayjeet bhi pareshan hai. Next day wo Manpreet ko pagphere ke lie uske parents ke pass le jata hai. Wahan Manpreet apni biji se Ridayjeet ko sach batane ke lie kehti hai to wo Manpreet ko mana kar deti hain. Wo kehti hain ki ab use Jassi banke hi rehna hoga. Manpreet ko na chahte hue bhi unki baat manni padti hai. Ab aage….

Kuch der aur baithne ke baad Ridayjeet Manpreet ko uske ghar chhod ke apne ghar jane lagta hai. Manpreet ke biji aur bauji Manpreet ko use bahar tak chhod ke aane ke lie bolte hain. Manpreet Ridayjeet ko bahar chhodne aati hai.

Ridayjeet: Hun kab aaogi?

Manpreet: Jad aap di biji bulavengi.

Ridayjeet: Main mommy nu 2 din baad keh dunga.

Manpreet: Unhan ne tan mainu ik week de layi kiha si.

Ridayjeet: Ik week? Main ki karanga inne din?

Manpreet kuch nahi kehti.

Ridayjeet: Main phone karanga.

Manpreet: Okay!

Ridayjeet: Chal ab jhappi pa len de mainu.

Manpreet hichkichati hai, Ridayjeet ko ye feel ho jata hai.

Ridayjeet: Nai pani? (little upset) Koi na. Main wait karanga tuhadda.

Manpreet: Okay!

Ridayjeet Manpreet ko bye bolke chala jata hai. Manpreet ghar me chali jati hai. Par use ghar me acha nahi lag raha. Jo sukoon use pehle milta tha us ghar me, wo ab kahin kho sa gaya hai. Ye sab sirf ek din me badal gaya hai. Uski life is tarah change ho jaegi, ye usne socha nahi tha. Wo uthati hai aur apni academy chali jati hai. Wahan jake wo bacchon ko dance sikha rahi hai. Tabhi Ridayjeet ka call aata hai. Manpreet dekh ke ignore kar deti hai. Thodi der baad, fir Ridayjeet ka call aata hai. Manpreet phone receive karti hai.

Manpreet: Hello!

Ridayjeet: Hello!

Manpreet: Bolo ki hoya?

Ridayjeet: Kahan ho tussi? Bhot shor hai.

Manpreet: Main academy me han.

Ridayjeet: Wahan ki kar rahi ho tussi?

Manpreet: Ghar par dil nahi lag raha si tan yahan aa gayi.

Ridayjeet: Kya main wahan aa sakta hu?

Manpreet: Kyun?

Ridayjeet: Mainu vekhna hai Manpreet di academy nu.

Manpreet: Aap vekheya nahi?

Ridayjeet: Naa…

Manpreet: Okay! Aa jao tan.

Ridayjeet: Kahin jana mat tussi.

Manpreet: Yeah!

Thodi der baad Ridayjeet academy aa jata hai. Manpreet us time bacchon ko sikha rahi hai.

Manpreet: 1 and 2 and 3 and turn. 5 and 6 and 7 and up.

Ridayjeet piche khada hua use dekh raha hai. Manpreet ko pata nahi chalta ki wo aa gaya hai. Ridayjeet bina kuch bole Manpreet ko baccheyan nu dance sikhata dekh ke khush ho raha hai.

Manpreet: Now we will do it on music. Okay?

Bacche: (ek sath) Okay!

Wo music chala deti hai aur fir dance kar rahi hai. Ridayjeet do din se jo udasi Manpreet ke chehre pe dekh raha tha, wo use ab dikhayi nahi de rahi hai. Manpreet smile kar rahi hai. Jaise ye dance karke wo apni sari pareshaniyan bhul gayi hai.

Manpreet: Okay! Ab main dekhungi aur baki sab karenge.

Music fir se chalta hai aur bacche dance karne lagte hain.

Manpreet: Malkeet! Aise nahi, Pushpanjali ko dekho. Yeah! Correct.

Ab Ridayjeet uske paas aata hai. Wo Manpreet ke just piche jake khada ho jata hai. Sare bacche Ridayjeet ko dekhne lagte hain. Wo bachhon ko chup rehne ka ishara karta hai, par bacche hasne lagte hain.

Manpreet: Has kyun rahe ho? Piche ki hai.

Jaise hi wo piche mudti hai, apne just samne Ridayjeet ko dekhti hai, jis wajah se uska balance bigad jata hai, lekin wo girti usse pehle hi Ridayjeet use pakad ke apni taraf kheench leta hai. Wo Manpreet ko pakade hue hai aur use dekh raha hai. Manpreet ka chehra, dance karne se halka gulabi ho gaya hai, aur baal bikhar gaye hain. Wo is waqt t-shirt aur lower me hai, hathon me chuda aur gale me chota sa mangalsutra pehna hua hai. Wo Ridayjeet ko pata nahi kyun bhot sundar lag rahi hai.

Ridayjeet: Tum is tarah achi lag rahi ho.

Manpreet: (Ridayjeet se dur hote hue) Thanks! Aap yahan se guzar rahe si ki?

Ridayjeet: Nahi!

Manpreet: Te fir kyun aaye?

Ridayjeet: Shadi ke baad wife ke paas nahi aaunga to aur kahan jaunga?

Manpreet: (palat kar bacchon se) 15 minutes break! We will continue after 15 minutes.

Bacche wahan se chale jate hain.

Ridayjeet: Meri chhutti hain.

Manpreet: Matlab?

Ridayjeet: Matlab shadi ke baad ek month tak mujhe nahi jana kaam pe. Papa ne bola hai, ki ek mahine araam karu ya tumhare sath time bitau. Par tum to yahan aa gayi ho.

Manpreet: Ek week me wapas aa jaungi wahin.

Ridayjeet: Par aayi ho to ghar pe rehna si na. Aethe ki kar rahi ho? Ye to Manpreet ka kaam hai na.

Manpreet: Han! Wo mujhe bol rahi thi ki thode din main sambhal lu academy jab tak wo nahi aati.

Ridayjeet: Okay! Mujhe pata nahi tha ki tum itna acha dance bhi kar leti ho. Pata nahi kya kya talent hai tum me. Ab tak to tumhari shayari ka hi fan tha, ab se dancing ka bhi.

Manpreet sochti hai ki Jaspreet ne kab shayari ki.

Manpreet: Shayari?

Ridayjeet: Han! Wo tum padhati thi na diary me se.

Manpreet ko yaad aata hai ki Jaspreet uski shayari aur writings ki diary le jaya karti thi kisi friend ko sunane ke lie. Use ab samajh aata hai ki wo friend Ridayjeet hi tha. Wo sochti hai, ki kya coincidence hai, Ridayjeet ko pata hi nahi ki wo shayari bhi meri thi aur ye dance bhi mera hi hai. Ye sab sochke wo smile karti hai. Ridayjeet use dekhta hai.

Ridayjeet: Ki hoya?

Manpreet: Kuch nahi. Bas aise hi.

Ridayjeet: Mujhe academy dikhao.

Manpreet: Okay!

Manpreet Ridayjeet ko leke jati hai. Wo wahan ki sab chizon ke baare me Ridayjeet ko bata rahi hai.

Manpreet: Actually, bauji ko shaunk tha, music and dance ka. To unhone hi ye academy banwayi, jisse bacche seekh sake. Kuch teachers bhi rakhe. Mujhe bachpan se hi interest tha dance aur music me to main yahan aake seekha karti thi. Pehle to Jaspreet bhi aa jaya karti thi, par fir kya hua use pata nahi. School me 10th class ke baad yahan aana chhod dia. Uske baad bas main hi aati thi. Aur ab wo teacher bhi nahi rahe jo hume sikhaya karte the. To bas tabse bauji ne mujhe hi ye sambhalne ke lie de dia. Kafi bada hai ye, jahan marzi seekho. Khuli hawa me, band kamre me, hall me.

Ridayjeet: Wo sab to thik hai par tum aise kyun bol rahi ho jaise Manpreet bata rahi ho mujhe.

Manpreet ko yaad aata hai ki usne galati kar di bolne me. Use Jaspreet ke jaise behave karna tha, par wo bhul hi gayi thi ye sab. Ab wo soch rahi hai ki kaise ye sab thik kare.

Manpreet: Wo… Kya hai na… Manpreet sabko aise hi batati hai. To… maine bhi socha aise hi batau aapko.

Ridayjeet: (smiling) Mujhe daal me kuch kala lag raha hai. Kahin aisa to nahi ki tumhare ghar walon ne meri shadi Manpreet se kara di hai?

Manpreet: (darte hue) Nahi aisa kuch bhi nahi hai. Aapko aisa kyun lag raha hai. Main to bas Manpreet ke kehne se yahan aayi hu, jab tak wo nahi aati, tab tak dekhti rahungi yahan bas.

Ridayjeet: (smiling) Tum itna ghabra kyun gayi? Main majak kar raha tha.

Manpreet: (rahat ki saans lete hue) Okay!

Academy dikhane ke baad Manpreet Ridayjeet ke sath usi room me aa jati hai.

Manpreet: Ab aap jao. Mujhe bacchon ko sikhana hai.

Ridayjeet: Waise shadi wale din, aur usse pehle jab tum nahi aayi thi yahan tab bhi to koi sikhata hoga na.

Manpreet: Han! Aur bhi log hain jo yahan sikhate hain. Par bauji ne puri responsibility mere upar daali hui hai is academy ki. (khud ko correct karte hue) I mean, ‘Mann’ (Manpreet) ko di hui hai sari responsibility, wo hi dekhti hai sab kuch. Kab kya karna hai? Kitne choreographers chahiye, kitne musicians chahiye. Use khud bhi dance bhot pasand hai to wo khud bhi sikhati hai aur apne dance ki videos bana kar internet par daalti hai. Kafi acha response milta hai use wahan par.

Ridayjeet: To iska matlab Mann ko shuru se hi pata tha ki use kya karna hai.

Manpreet: Han! Use pata tha.

Ridayjeet: Par tumne yahan aana kyun chhod dia? Bauji ko acha lagta agar tum bhi unki is academy me unki help karti jaise ab Manpreet kar rahi hai.

Manpreet ko is baare me koi idea nahi hai ki Jaspreet ne academy aana kyun chhod dia, aur wo kya chahti thi use time. Wo soch rahi hai ki kya jawab de.

Manpreet: (atakte hue) Mujhe… modelling me jana tha islie.

Ridayjeet: Pata hai ki?

Manpreet: Ki?

Ridayjeet: Mujhe modelling ka pata nahi kyunki maine wo sab karte tumhe kabhi dekha nahi. Par tum aaj jis tarah se dance kar rahi thi, mujhe lagta hai ki tumhe yahi karna chahiye. Tum is waqt jis tarah baat kar rahi ho, aur isse ek din pehle jaise tum thi, bhot fark hai. I feel, yahan aake tumhe khushi milti hai. Aur tum to likhti bhi bhot acha ho. Wo bhi kar sakti ho tum.

Manpreet: To aap ye chahte hain ki main modelling na karu?

Ridayjeet: Nahi! Maine aisa nahi kaha. Par I am not sure about that. But ye do chize jo maine dekhi hain tumhare andar unhe dekh ke keh sakta hu, that you should do these things only. But you know yourself more. So, if you want to do modelling, I am with you.

Manpreet Ridayjeet ki ye baat sunkar smile karti hai. Wo sochti hai ki kis tarah Ridayjeet ko ek hi baar me samajh aa gaya ki uske lie kya sahi hai.

Manpreet: Okay! Thanks. Par ab mujhe bacchon ko dance sikhana hai, to aapko jana padega.

Ridayjeet: Main vella hu abhi. Yahi nahi baith sakta main? Side me? I promise, I will not disturb you.

Manpreet: But…

Ridayjeet: Please! Main ghar par bore ho raha hu. Yahan tumhe dekhta rahunga to acha lagega. Kam se kam ek week aise hi mil lu tumhe.

Manpreet: (hairani se eyebrows sikodte hue) Aap ek week tak yahan aane ka plan bana rahe hain?

Ridayjeet: I won’t disturb. Aur apni wife ke paas aane me kya problem hai?

Manpreet: Okay! Thik hai. Wahan side me baith jaiye.

Ridayjeet: Okay!

Ridayjeet side me jake baith jata hai, aur dekhne lagta hai.

Manpreet: Okay! Girls. Jahan tak maine sikhaya hai, wahan tak karenge.

Sari girls dance karne lagti hain. Manpreet sabko dekh rahi hai, koi galat karta hai to use bata rahi hai. Tabhi ek choti si kareeban 5 saal ki ladki use apne paas bulati hai. Ye sab Ridayjeet bhi dekh raha hai. Manpreet us ladki ke pas jati hai. Wo ladki gusse me hai.

Girl: Main aapse gussa hu.

Manpreet: Haww! Main ki kitta?

Girl: Tussi aayi kyun nahi itne din?

Manpreet: Tussi mainu miss kitta?

Girl: Pata hai! Sonia didi changi tarah sikhaundi vi nai si te daant vi lagaundi si. Maine unhan nu kahiya si ki jab Mann didi aaengi na tan main tuhaddi sikhayat karangi.

Manpreet: Hun main usdi pitayi karangi. Okay!

Girl: (smiles) Okay!

Manpreet: Chalo hun ek kissi deo mainu.

Ladki Manpreet ke gaal par kiss karti hai. Manpreet smile karti hai. Manpreet bhi use ek kiss karti hai aur use hug karti hai. Ridayjeet ye sab dekh raha hai. Ye sab dekh ke uske chehre pe smile aa jati hai. Wo soch raha hai, ki wo kitna lucky hai jo use Jaspreet mili hai. Wo asliyat se koson dur hai. Pata nahi use asliyat ka pata kaise chalega. Aur jab chalega to pata nahi wo kaise react karega.

Story kaise aage badhti hai ye janne ke lie fir dobara kal milenge. Tab tak keep enjoying your life and keep feeling the love. ❤

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: