The Imperfect Marriage!

Episode-2

Recap: Kal ke episode me Jaspreet modelling ke lie apni shadi chhod ke bhag gayi thi. Jaspreet ke bhagne ke baad sabhi ko bas ek hi baat samajh aayi ki Manpreet ki shadi Rijayjeet se kara de, kyunki Manpreet aur Jaspreet twins hain, dikhne me ek jaisi hain, kisi ko pata bhi nahi chalega ki ye Manpreet hai ya Jaspreet aur sab logon ke samne tamasha hone se bach jaega. Par is sab ko sambhalne ke lie Manpreet aur Ridayjeet ke parents ne Ridayjeet ko bhi kuch nahi bataya hai. Ye unki galati hai ya samajhdari, ye aage hi pata chalega.

Manpreet ab dulhan ke jode me saj chuki hai. Uski biji use shadi ke lie leke jati hain. Wahan use Ridayjeet ke samne khada kar dete hain. Dono Gurudware me mattha tekte hain. Fir Guru Granth Sahib ji ke phere lete hain. Dono ki shadi ho jati hai. Kisi ko kuch pata nahi chala hai. Lekin Riddhi, Manpreet ko dhund rahi hai. Wo dhundte hue Manpreet ki biji ke paas phochti hai.

Riddhi: Aunty! Aapne Manpreet ko kahin dekha kya? Wo dikh nahi rahi mujhe.

Ye sunke Manpreet ki biji ghabra jati hain. Fir wo kehti hain, “Beta uski tabyat thik nahi thi. To wo ghar gayi hai.”

Riddhi: Kya hua use? Thik to hai na wo?

Manpreet’s mother: Han! Thik hai. Bas bol rahi thi aaram kar ke aa jaegi.

Riddhi: Lekin itne me to vida bhi ho jaegi Jaspreet. Chalo koi baat nahi, use hamare ghar aane ki manayi thodi na hai. Aap use wahan bhej dena jab wo thik ho jaye to.

Manpreet’s mother: Han beta! Main bhej dungi use.

Riddhi ko shayad pata chal jata par Manpreet ki mommy ne use pata chalne nahi dia. Ab vidayi ho rahi hai. Manpreet apne bauji aur biji se gale lag ke bhot roti hai. Ridayjeet bhi samajh nahi pa raha ki wo itna kyun ro rahi hai. Kyunki shadi se pehle jab dono ki baate hoti thi, tab Jaspreet hamesha bola karti thi, ki use koi fark nahi padta wo kahin bhi rahe.

Dono ko car me baitha dete hain. Aur aage wali seat par Riddhi baith jati hai. Wahan se car Ridayjeet ke ghar ke lie nikal gayi hai. Manpreet ab bhi ro rahi hai. Ridayjeet apna rumaal Manpreet ko deta hai.

Ridayjeet: (dhire se) Mujhe pata nahi tha, tum itna rone wali ho. Nahi to main hi ghar jamai ban jata.

Manpreet usse rumaal le leti hai.

Riddhi: Arey yaar! Mann kahan hai? Aunty ne bola tha uski tabyat thik nahi. Sara plan kharab kar dia usne.

Ridayjeet: Kaisa plan?

Riddhi: Tum dono ko pareshan karne ke plan. Hum dono leke jate na tumhe ghar pe.

Manpreet yaad karti hai ki usne aur Riddhi ne milke Jaspreet aur Ridayjeet ko pareshan karne ka plan banaya tha.

Riddhi: Aane do use, ache se khabar lungi uski.

Ridayjeet: Acha hua wo nahi aayi. Tum dono ni to hume pareshan karte.

Riddhi: Wo main akele bhi kar sakti han. Ridu baby! (Riddhi ye kehke hasti hai)

Manpreet yaad karti hai ki usne Riddhi ko Jaspreet ki ye baat batayi thi aur dono uspe kitna hase the. Use yakin nahi ho raha ki jo insan kuch der pehle uska jiju tha wo ab uska husband ban chuka hai. Sirf kuch hi ghanton me sab kuch badal gaya hai. Uski kismat use yahan le aaegi use pata nahi tha. Usne bhot koshish ki, ki Ridayjeet ko sab pata chal jaye, lekin dono ke parents ne hi use kuch bhi pata chalne nahi dia. Ab Manpreet ko bas Ridayjeet se ummid hai, ki wo use samjhega jab bhi use sach pata chalega. Wo bolna chahti hai sab kuch, lekin use darr hai ki pata nahi wo kaise react karega, islie wo chup hai. Sahi time ka wait kar rahi hai. Ye sab sochte me fir ek aansu uske gaal par aa jata hai. Ridayjeet ye dekhta hai.

Ridayjeet: (dhire se) Jassi! Ro mat main hu na tumhare sath.

Manpreet Ridayjeet ki ye baat sunke, apne aansu ponch leti hai.

Ridayjeet: (dhire se) Lagta hai tum jyada hi upset ho islie bol bhi nahi rahi. Koi gal nahi, tumhara mood sahi karna vi apna hi kamm hai.

Riddhi: Jaspreet tu to aise behave kar rahi hai jaise kitni dur ja rahi ho. Paas me hi to jana hai, jab mann chahe apne ghar par chali gayi. Mann bhi aa jaegi thodi der me, maine aunty se bol dia tha ki use bhej de.

Ye sab sunke, Manpreet ki aankhein fir bhar aati hain. Wo islie ro rahi hai ki uski life me kitna bada change aa gaya hai. Ye sab pehle wo enjoy karne wali thi, aur ab sirf kuch hi ghanton me ye sab khushi se aansuon me badal gaya hai. Ridayjeet ko ye dekh ke acha nahi lag raha.

Ridayjeet: Jassi! Chup ho ja, ki ho giya. Main hu na tuhadde naal.

Ridayjeet car rukwa deta hai. Riddhi, Manpreet aur Ridayjeet teeno car se bahar nikalte hain. Riddhi jaise hi Manpreet ke samne aati hai, Manpreet use hug kar leti hai aur rone lagti hai. Riddhi use chup kara rahi hai. Jab dono ko lagta hai ki wo chup nahi ho rahi to Riddhi uske paas piche wali seat par baith jati hai aur Ridayjeet car ki aage wali seat par baith jata hai. Manpreet Riddhi ke kandhe par sir rakhe hue unke ghar tak jati hai. Ghar par sab unke welcome ka wait kar rahe hain. Unke ghar aane ke baad sab unka welcome karte hain. Kuch der baad Manpreet aur Ridayjeet ko unke room me bhej dete hain.

Room flowers se decorated hai, pure room me candles ki roshni hai. Ridayjeet Manpreet ke paas aata hai. Uska hath pakadta hai. Manpreet sehemi hui hai. Ridayjeet uske chehre ko dekhta hai.

Ridayjeet: Jassi! Kya hua hai tumhe? Sab thik hai?

Manpreet ‘Han’ me sir hila deti hai.

Ridayjeet uske chehre ko apne hath me leta hai, use feel hota hai ki Manpreet ko fever hai. Wo uske maathe par hath rakhta hai.

Ridayjeet: Tumhe to fever hai.

Ridayjeet thermometer lata hai aur check karta hai.

Ridayjeet: 102! Tum rest karo Jassi! Main medicines deta hu tumhe.

Manpreet bas chup khadi hai. Ab tak usne ek shabd bhi Ridayjeet se nahi kaha hai. Ridayjeet use bed par leta deta hai. Use medicines deta hai, aur khud bhi uske paas aake let jata hai.

Ridayjeet: (Manpreet ke sir par hath pherte hue) Lagta hai, tumhe biji, bauji aur Mann se alag hoke acha nahi lag raha.

Mann ab bhi chup hai.

Ridayjeet: Kuch bolo na Jassi. Aise chup kyun ho?

Mann ab bhi kuch nahi bolti. Ridayjeet uska face apni taraf karta hai.

Ridayjeet: Ki gal hai? Bol na.

Mann chah ke bhi bol nahi pa rahi. Aur fir se uski aankhon me aansu aa jate hain. Ridayjeet use gale se laga leta hai.

Ridayjeet: (Uske sir par hath pherte hue) Chup ho jao. Main hu yahan.

Ridayjeet uske sir par pyar se thapki de raha hai, kuch der me Manpreet so jati hai. Ridayjeet uske maathe par kiss karta hai aur use aise hi bahon me lie khud bhi so jata hai.

Subah ho chuki hai. Ridayjeet jag gaya hai aur Manpreet ko Jaspreet samajh ke dekh raha hai. Wo asaliyat se anjaan bhot khush hai ki uski shadi Jaspreet se ho gayi hai. Tabhi wo Manpreet ke chehre par bure expressions dekhta hai. Manpreet sapna dekh rahi hai. Sapne me usko wo sab dikhayi de raha hai jo real me uske sath ek din pehle hua tha. Sapne me bhi wo ro rahi hai aur achanak uski neend khul jati hai. Wo khud ko Rijayjeet ke samne pati hai. Aur dekhti hai ki Ridayjeet ki baahe uske sir ke niche hai. Wo jaldi se uthati hai aur bolti hai, “Sorry!”

Ridayjeet: Lae! Ae ki gal hui?

Manpreet: Ki?

Ridayjeet: Tussi subah uth ke na to Good Morning boleya na hi I love you boleya. Shadi de baad sabse pehla word tuhadde muh se Sorry nahi sunna si mainu.

Manpreet: Ohh! Sorry! I mean… Good Morning!

Ridayjeet: I love you bhi bol sakdi si.

Manpreet chup rehti hai.

Ridayjeet: Chalo koi gal nahi. Hun tabyat kaisi hai? Kal raat to fever si.

Ridayjeet uske sir par hath laga ke check karta hai.

Ridayjeet: Ab to normal lag raha hai. Chalo to ready ho jao.

Manpreet: Kis lie?

Ridayjeet: Wo to surprise hai. Ready ho jao.

Manpreet bina kuch kahe ready hone chali jati hai. Ridayjeet muskurata hai. Manpreet ready hoke bahar nikalti hai. Usne saree pehni hui hai. Ridayjeet use dekh ke khush hota hai aur uske paas aata hai.

Ridayjeet: Tussi tan vade change lag rahe ho.

Manpreet: (with a fake smile) Thanks!

Ridayjeet Manpreet ko piche se hug kar leta hai. Manpreet uncomfortable feel karti hai, par kuch kehti nahi.

Ridayjeet: Pata hai maine ye sab kitna sochta tha. Ki tum aise mere samne rahogi te main tumhe dekhunga.

Manpreet mirror me Ridayjeet ko dekh rahi hai. Wo use bhot khush lag raha hai. Wo chah rahi thi ki ab use sach bol de, par wo fir bol nahi payi.

Itne me Ridayjeet ki mommy unke room me aati hain.

Ridayjeet’s mother: Ho gaye tyar dono. Good. Hun ja, ise pagphere ke lie le ja.

Ridayjeet: Ji mommy!

Teeno room se bahar nikalte hain. Manpreet kitchen me Ridayjeet ki mommy ke paas jati hai.

Manpreet: Aunty! Ab to shadi ho gayi hai. Ab aap log bata dijiye sach.

Ridayjeet’s mother: Use kuch shaq hua ki?

Manpreet: Shaq nahi hua par ye sahi nahi hai. Wo dhoke me rahenge.

Ridayjeet’s mother: Beta ji! Tum ye sab mat socho, bas ab tum uski wife ho, ye yaad rakho. Dhire dhire sab thik ho jana hai.

Manpreet unhe samjha nahi pati. Ridayjeet aur Manpreet dono pagphere ke lie Manpreet ke ghar chale jate hain. Car me Manpreet ka phone aata hai. Ye uski biji ka phone hai. Wo phone uthati hai.

Manpreet’s mother: Kinni der lagegi puttar?

Manpreet: Hum raste me hain.

Manpreet’s mother: Thik hai.

Biji phone rakh deti hain.

Ridayjeet: (hairani se) Jassi! Ye phone tumhara to nahi hai.

Manpreet phone chupa leti hai. Manpreet soch rahi hai ki kya jawab de.

Ridayjeet: Arey! Chupa kyun rahi ho?

Manpreet: Han! Wo Manpreet ka hai.

Ridayjeet: To tumhare paas kya kar raha hai?

Manpreet: Wo mera phone gir gaya si te usdi screen tut gayi si. Is karke Manpreet ne mujhe ye phone de ditta.

Ridayjeet: (smiling) Okay! Uska number to nahi le aayi na apne sath.

Manpreet fir sochti hai kya jawab de.

Manpreet: Nahi! Number bhi usi ka hai.

Ridayjeet: (hairan hoke) Kyun?

Manpreet: Jaldi jaldi me change nahi kia.

Ridayjeet: Acha hua na bata dia. Koi na, ab ja ke change kar lena. Nahi tan main Manpreet ko phone karta ravanga pure time.

Manpreet: Hmm!

Manpreet soch rahi hai, change kaise karu, jab Jaspreet hai hi nahi ghar pe to. Dono ghar phoch jate hain. Wahan Ridayjeet ka grand welcome hota hai. Sare mehman ja chuke hain to ab bas biji aur bauji ghar par hain.

Ridayjeet: Bauji! Manpreet kahan hai?

Manpreet Biji-Bauji ko dekhti hai. Biji-Bauji Manpreet ko dekhte hain.

Manpreet’s father: Wo apni bua ke sath kuch dinon ke lie chali gayi hai. Aa jaegi thode dino me.

Ridayjeet: Okay!

Baate hoti hain. Khatir bhi hoti hai. Sab kuch sahi hai. Ridayjeet ko bilkul shaq nahi hua hai ki Manpreet uske sath hi hai aur Jaspreet ja chuki hai. Lekin Manpreet pareshan hai, use Ridayjeet ko sach batana hai. Wo apni biji ke paas jati hai.

Manpreet: Biji! Aapne sach kyun nahi bataya?

Manpreet’s mother: Jab Ridayjeet ko kuch lag hi nahi raha to kyun batana hai sach?

Manpreet: Abhi nahi lag raha. Par wo kuch aisi baat karne lage jo bas unhe aur Jassi ko pata thi, to kya karungi main?

Manpreet’s mother: Wo tab ki tab dekhenge. Abhi aisa kuch nahi hai na. Tu yaad rakh abse tu Manpreet nahi Jaspreet hai.

Manpreet: Aur tab kya jab Jaspreet wapas aa jaegi?

Manpreet’s mother: Wo wapas nahi aaegi. Aur aa bhi gayi to kya? Jaise tu Jaspreet banke reh rahi hai, wo bhi Manpreet banke reh legi.

Manpreet: Ye koi solution nahi hai biji.

Manpreet’s mother: Abhi yahi solution hai. Aur tu kyun in sab me pad rahi hai? Tere saasare walon ko sab pata hai.

Manpreet: Par Ridayjeet ko nahi pata hai biji. Unka ye janna hi important hai.

Manpreet’s mother: Koi important nahi hai janna. Wo tere sath pyar se reh raha hai na.

Manpreet chup rehti hai.

Manpreet’s mother: Bol!

Manpreet: Han!

Manpreet’s mother: To kyun batana? Dekh beta tere bhale ke lie keh rahe hain. Jaspreet banke reh uske sath. Bhul ja baki sab, bas naam hi to badla hai, baki sab waisa hi hai.

Manpreet: Kuch bhi waisa nahi hai biji. Aap log abhi nahi samajh rahe, lekin baad me ye sab chupane se jo hoga wo aap log nahi jante.

Manpreet’s mother: Meri gal sun. Tu Ridayjeet ko kuch mat bolna is baare me.

Manpreet: (Na chahte hue) Hmmm.

Manpreet pareshan hai, kyunki na to Manpreet ke khud ke ghar wale aur na hi Ridayjeet ke ghar wale koi bhi nahi chahta ki Ridayjeet ko sach pata chale. Lekin Manpreet apni is shadi ki shuruaat jhuth se nahi karna chahti, kyunki use ye lagta hai ki Ridayjeet Jassi se pyar karta hai aur is tarah uske sath rehna usse dhokha karna hai. Par ab wo kuch nahi kar sakti, use bhi apne parents ki baat manni hi padegi. Aage ye dekhna hai ki Manpreet kaise apne is jhuth ko bacha ke rakhegi. Ya Ridayjeet ko is jhuth ke baare me pata chal jaega?

Ye sab dekhne ke lie wait kijiye next episode ka. Till then, enjoy your life, and keep feeling the love. ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: