From Hate… To Love!!

Episode-18

Kal humne dekha tha ki Ishani aur Pranav ne group performance di thi. Us performance me dono ke dil ki baat bhi samne ubhar kar aa rahi thi. Logon ko bhi unke gane ka ye andaz pasand aa raha tha. Dono perform karke back stage chale jate hain. Aur next round ke lie wait kar rahe hain.

Pranav aur Ishani dono ke papa ek sath baithe hain aur dono ki performance ke baad discuss kar rahe hain.

Pranav’s dad: Kyun sir? Kaisa laga aapko dono ka performance?

Ishani’s dad: Ye to kamaal hi ho gaya mujhe nahi pata tha ki Ishani itna acha gaati hai, aur isne seekha kahan se?

Pranav’s dad: Kuch chize god gifted hoti hain. Bas Ishani ki singing bhi waisi hi hai.

Ishani’s dad: Par isse earning nahi ho sakti.

Pranav’s dad: Han agar sahi guru, ya sahi disha na mile to earning nahi ho sakti, par agar Ishani ke jaisa gane wala sahi disha me jaye to wo zarur kama bhi sakta hai aur apna naam bhi bana sakta hai.

Ishani’s dad: Maine aaj tak aisa dekha nahi hai.

Pranav’s dad: Aise kayi examples hain, jo kuch bhi nahi the, bas apne josh aur apne passion ki wajah se log unhe jante hain aaj.

Ishani’s dad: Sach batau to mujhe Pranav ki singing bhi achi lagi, to aap bas Ishani ke baare me hi kyun bol rahe hain?

Pranav’s dad: Han! Pranav bhi thik hai, par Ishani better hai.

Ishani’s dad: (muskurate hue) Thik hai.

Pranav’s dad: Waise aap bura na mane to ek baat kahu?

Ishani’s dad: (smiling) Han! Kahiye.

Pranav’s dad: Agar Ishani ka gana acha hai to use ek baar aage badhne dijiye singing me.

Ishani’s dad: Aage badhne du, par wo tab kya karegi jab wo successful nahi hogi is career me? Utne paise nahi milenge use kamane ke lie.

Pranav’s dad: Har chiz paison se nahi toli jati hai, bhaisahab. Kuch chize dil se bhi jod ke dekhni chahiye. Aur maan lijiye wo successful nahi hui, to aap to hain hi na uske sath, uske lie khade hue. Hume bacchon ka hausala banna chahiye, na ki unhe rokna chahiye. Hum apni life me apne mann ka nahi kar paye, kyunki aapke halat sahi nahi the aur mere to ab bhi sahi nahi hain. Humare sath koi nahi tha, lekin hum to apne bacchon ke lie khade ho sakte hain, jab wo gire unhe sambhal sakte hain. Nahi to hum me aur hamare parents me fark hi kya reh jaega? Jaise aaj hum apne parents ko koste hain, waise hi aage jake hamare bacche bhi hume kosenge.

Ishani ke papa Pranav ke papa ki ye baat sunke soch me pad jate hain.

Pranav’s dad: Aap ek baar is baare me sochiega zarur. Maine to apne bete ko isi tarah pala hai aaj tak. Hum ye sab kar to apne bacchon ke lie hi rahe hain na, jab wohi khush nahi rahenge to in sab chizon ka fayda kya hai?

Ishani’s dad: Maine aaj tak is tarah se kabhi socha hi nahi tha bhaisahab. Aapki soch bhot alag hai.

Pranav’s dad: Islie to Pranav bhi aapko alag lagta hai.

Ishani’s dad: (muskurate hue) Han! Wo to alag hai hi.

Pranav’s dad: Ishani bhi bhot alag hai. Maine uske jaise bacchi nahi dekhi hai.

Ishani’s dad: (dhire se haste hue) Pranav aur aap, dono bas Ishani ki tareef hi karte rehte hain. Lagta hai aapko aur aapke bete ko kuch jyada hi pasand hai Ishani.

Pranav’s dad: Pasand kyun nahi hogi, itni samajhdar ladki hai.

Ishani’s dad: Waise Pranav ne kuch aur bhi kaha hai kya kabhi Ishani ke baare me?

Pranav’s dad: Main samjha nahi.

Ishani’s dad: Main samjha deta hu. Kya wo dono ek dusre ko pasand karte hain?

Pranav’s dad: (smiles) Waise kabhi usne is baare me khulke baat nahi ki hai, par mujhe lagta hai ki han wo ek dusre ko pasand karte hain.

Ishani’s dad: (smiles) Mujhe bhi yahi laga tha, jis tarah se Pranav ghar pe aake Ishani ke lie bol raha tha, mujhe tabhi samajh aa gaya tha, ki kuch na kuch hai.

Pranav’s dad: To aapko koi aitraaz nahi?

Ishani’s dad: Pranav acha ladka hai, apne kaam ko leke passionate hai. Aur mujhe yakin hai aage jake wo kuch na kuch zarur karke dikhaega. To mujhe aitraaz kyun hoga?

Pranav’s dad: Han! Lekin aap itne ameer aur hum to….

Ishani’s dad: Maine kabhi in chizon ko nahi dekha. Hum bhi pehle aapke jaise hi the, waqt ke sath sare halat badal jate hain.

Pranav’s dad: Ye aapne bilkul sahi kaha.

Dono jis tarah se baat kar rahe hain lagta hai dono ki dosti ho jaegi. Udhar Ishani aur Pranav apni chance ka wait kar rahe hain. Unke friends unhe pehli performance ke lie congratulate karne aate hain.

Sandhya: Kya yaar kamaal kar dia dono ne. ‘Kya dekhte ho? Surat tumhari.’ (Ye song sunne ke lie sabse last vedio ko dekhiye) Kya baat hai Ishani aur Pranav.

Neha: Waise ye song Pranav pe suit karta hai, kyunki iska dhyaan singing pe kam aur Ishani pe jyada tha.

Akshay: Pranav abhi bhi Ishani ko hi dekh raha hai.

Pranav blush karte hue hasne lagta hai.

Sandhya: Pehla ladka dekha hai jo itna blush krta hai.

Ishani: Bas karo use jyada pareshan mat karo.

Sandhya: Haha! Lagta hai gussa khatam ho gaya hai madam ka. Tabhi kaise tarafdari chal rahi hai Pranav ki.

Neha: Wo to hona hi tha, aur kitne din Laila Majnu se dur rehti.

Akshay: Chalo guys ab bas karo, hum jate hain, apni performance deke hume milna.

Pranav: Okay!

Sab dono ko wish karte hain for next performance aur chale jate hain.

Pranav Ishani ko wahan se thodi dur le jata hai. Dono kuch dur jake khade ho jate hain aur dusron ki performance dekh rahe hain. Par performance se jyada Pranav ka dimag Ishani me hi laga hua hai. Ishani ye notice karti hai.

Ishani: Kya?

Pranav: (smiling) Nothing.

Ishani: Then?

Pranav: Main aaj chah ke bhi tumse nazarein nahi hata sakta. Kyunki ek to tum itni sundar lag rahi ho, aur dusra meri mom ki tarah dikh rahi ho.

Pranav holds her hands and ask, “Ye sab kyun kia tumne? Kya main jaan sakta hu?”

Ishani: (looking into his eyes) You know already.

Pranav: (looking into her eyes) But I want to know from you. So, tell me.

Ishani: (nazarein jhukate hue) I will tell you, after the competition.

Pranav: Wait karna mushkil hai thoda.

Ishani: Itna wait to karna padega.

Pranav: To… Tab tak main tumhare hath pakad sakta hu?

Pranav Ishani ke hathon ko apne hath me leta hai, Ishani smile karti hai. Dono ab ek dusre ka hath pakde hue hain aur baki performances dekh rahe hain. Thodi der baad, Pranav ka naam announce hota hai. Pranav aur Ishani dono jate hain.

Ishani: All the best Pranav. I know you will sing well.

Pranav: (smiles) Thank you!

Pranav ab stage par aa gaya hai. Ishani aur Pranav ke pehle performance se audience ki ummeed un dono se badh gayi hain, islie wo Pranav ke stage par aate hi khushi se shor machane lagte hain. Pranav unhe ishara karke shant karta hai aur bolta hai, “This song is for someone whom I adore the most, whom I respect the most and whom I love the most.”

Ye bolke piche palat ke dekhta hai jahan Ishani use dur khadi dikh rahi hai. Ishani bhi Pranav ko muskurate hue dekh rahi hai. Pranav Ishani ki taraf dekhte hue bolta hai, “It’s for you!”

Ishani smile karti hai aur gane ke lie ishara karti hai. Pranav gana shuru karta hai. Music start hote hi sab shant ho jate hain. Pranav gana gata hai, “Hume tumse pyar kitna, ye hum nahi jante…”

Sab log enjoy kar rahe hain. Ishani ye sab dekh kar khush hai. Audience me baithe dono ke parents bhi khush hain, aur unhe jo confusion tha ab wo bhi khatam ho chuka hai. Dono hi Pranav ka song sunkar muskurate hain, ek nazar ek dusre ko dekhte hain aur dobara song sunne lagte hain. Pranav song khatam karta hai, taaliyan bajne lagti hain. Pranav audience ka response dekh ke bhot khush hai. Wo “Thank you!” bolke back stage chala jata hai.

Ishani wahin khadi hai. Ishani Pranav se hand shake karne ke lie hath aage badhati hai. Pranav usse hath milata hai.

Ishani: Well done Pranav!

Pranav use kheench ke hug kar leta hai. Ishani surprised hai.

Pranav: Ishani! This song was not for the competition. Yeah! I have practiced it a lot for competition but these are my feelings for you. Mujhe fark nahi padta main ye competition jeetu ya na jeetu. Main bas tumhare sath rehna chahta hu and I promise Ishani, I promise main ab aisi koi galati nahi karunga jo tumhe dukh phochaye.

Ishani: (Pranav se alag hokar) Tumhe kuch bhi kehne ki zarurat nahi hai Pranav. I know wo sab jo bhi hua wo tum karna nahi chahte the, lekin situations aisi thi ki chize ho gayi. Mujhe tumse koi bhi shikayat nahi hai. Jab mujhe wo sab pata chala tha, tab Karan ne aise bataya tha ki mujhe sab tumhari hi galati lag rahi thi, fir Sandhya ne samjhaya, tumne bhi sab explain kia. Par kahin na kahin wo narazgi thi mere andar, ki hum itne close hain, tum ek baar mujhe bata nahi sakte the? Tumne use chance hi kyun dia, ki wo tumhari kisi bhi chiz ka fayda utha sake. But you know, time heals everything. I have no complains. I know you are always with me and will be with me. Mujhe nahi pata mere papa jo abhi mera sath de rahe hain wo waise hi rahenge ya nahi par I can trust you ki tum hamesha mere sath rahoge.

Pranav aur Ishani ab ek dusre ko dekh rahe hain. Tabhi Ishani ka naam bhi announce ho jata hai.

Pranav: Ishani! All the best. Please yaad rakhna ki jo bhi ho, tumhare papa tumhari singing ke lie mane ya na mane, main tumhare sath hu. Hum unhe mana lenge.

Ishani: (smiles) I know Pranav.

Ishani ab stage par ja chuki hai, sab logon ka shor waisa hi hai jaisa Pranav ke lie tha. Ishani mic leti hai aur kuch bolti hai, “Maine kabhi apni mom ko nahi dekha, wo bhi gaati thi, to aaj kuch unhi ki tarah gaane ki koshish kar rahi hu, I hope aapko pasand aaye.”

Music start hota hai, Ishani gana shuru karti hai. Pranav ki aankhe khushi se chamak rahi hain. Har baar ki tarah ab bhi wo Ishani ke gane ko feel kar raha hai. Audience me baithe Ishani ke papa bhi use is tarah gate dekh hairan hain. Sab log uske gane ko feel kar rahe hain. Sab chahte hain ki wo gaati rahe. Ishani gana band karti hai aur audience me se awaz aane lagti hai, “Once more! Once more!”

Taaliyon ki gadgadahat se auditorium goonjne laga hai. Ishani ki aankhon me aansu hain, usne socha nahi tha log use itna pasand karenge. Wo stage ke piche jati hai. Pranav use milta hai, wo use sidha uske papa ke paas leke jata hai. Pranav aur Ishani ke papa bhi audience se bahar nikal kar un dono se milne aate hain.

Pranav: Uncle! Kaisa laga aapko Ishani ka song?

Ishani’s dad: Maine to socha nahi tha Ishani itna sundar ga sakti hai. Beta tumne ye sab seekha kahan se?

Pranav’s dad: Sochiye! Agar ye bina kisi training ke aisa ga sakti hai to, jab ise training mil jaegi to kaisa gaegi?

Ishani’s dad: (Pranav ke papa se) Aap sahi bol rahe hain. (Ishani se) Ishani beta! Kal se main tumhare lie ek music teacher dhundta hu, jo tumhe music me aage jane me help karega. Aur maan lo, ki chize sahi bhi nahi rahi, to bhi koi baat nahi. Main hu tumhare sath. (muskurate hue) Aur ye Pranav bhi to hai.

Ishani aur Pranav muskurate hain. Pranav aur Ishani ke papa ab audience me jake baith jate hain. Ishani aur Pranav ab friends ke paas chale jate hain. Wo log bhi dono ko congratulate karte hain. Ab sabko results ka intezaar hai.

Ishani Pranav dono hi khush hain kyunki jo bhi results ho, unhe jo chahiye tha wo unhe mil chuka hai. Ishani apni singing ke lie apne papa ko manana chahti thi, wo maan chuke hain. Pranav is singing competition ke through naraz Ishani ko manana chahta tha, wo bhi ho chuka hai. Results aa chuke hain, judges stage par aate hain aur second runner up ka naam announce karte hain.

Jugde: And the second runner up is Pranav Ahuja.

Pranav apna naam sunke apne papa ke paas bhag ke jata hai aur unke gale milta hai. Wo stage par jata hai aur award leta hai.

Judges: Aur sath hi inhe milta hai, Rs. 10,000 ka cheque.

Pranav ye sunke hairan reh jata hai. Ishani aur baki sare friends bhi khush ho jate hain aur shor machate hain. Auditorium me sab “Pranav! Pranav!” chilla rahe hain. Pranav award aur cheque leke stage se niche aata hai.

Ab judges first runner up ka name announce karte hain. Par wo naam Ishani ka nahi hai. Pranav upset ho jata hai. Ishani use samjhati hai, “Pranav mujhe jo chahiye tha wo mil gaya, ye sab koi mayne nahi rakhta.”

Pranav: Han par hum dono ne sath me sab kia tha.

Ishani: (smiling) It’s okay! Tumhe award mila hai, hum ise celebrate karenge na.

Ishani use smile karane ki koshish kar rahi hai.

Tabhi judges winner ka naam announce kar dete hain.

Judge: And the winner of this competition is Ishani Vaidya!

Pranav Ishani ka naam sunta hai.

Pranav: Ishani! Tumhara naam liya hai unhone.

Ishani: (uske chup karate hue) Pranav! Chup karo. Mera naam kyun lenge?

Pranav: Ishani! Its you stupid. Jao.

Ishani aas paas dekhti hai, uske dost bhi use stage par jane ke lie keh rahe hain. Ishani kuch seconds ke lie bilkul blank hai, use samajh nahi aa raha wo kaise react kare. Pranav use hilata hai.

Pranav: (use hilate hue) Ishani!

Ishani: (normal hote hue) Hmm.

Pranav: Jao! Tumhe bula rahe hain.

Ishani stage ki taraf badh rahi hai. Uske mind me bachpan se leke ab tak ke sare moments ek sath aa rahe hain. Wo stage ki taraf badhti ja rahi hai aur yaad kar rahi hai apni nani ko, jis tarah wo use pyar se uski mom ke baare me chize batati thi. Unke singing ki vedios dikhati thi, apni mom ko gaate hue dekh kar hi use bhi pehli baar gaane ka mann hua tha. Wo yaad kar rahi hai, kis tarah uski nani use encourage karti thi. Fir use apni nani se alag hone ke pal yaad aate hain. Ye sab yaad karte hue uski aankhon se aansu girne lage hain. Use yaad aa raha hai, kaise uske papa ne use har baar uske mann ki karne se roka, uski sauteli maa ne use kis tarah uske papa ke samne galat saabit kia aur uske papa ne kabhi uski baat nahi suni. Wo stage ki taraf badh rahi hai, aur Pranav ka chehra uske samne aata hai. Pranav! Jisne usse bhot sari ladayi ki, aur fir uska sabse bada support wahi bana. Use yaad aa raha hai, wo har pal jab Pranav ne use aage badhne ke lie motivate kia. Jab bhi wo darke piche hatne lagi tab hi Pranav ne uska hath thama aur use aage bdhaya. Use Pranav ke sath bitaya hua har lamha yaad aa raha hai.

Stage par phonch kar wo award leti hai.

Judge: And we are happy to give you a cheque of Rs. 50,000.

Ishani ki aankhon se aansu ruk nahi rahe wo award aur cheque leti hai aur stage se niche utar jati hai. Sab log Ishani ko cheer kar rahe hain. “Ishani! Ishani!” naam pure auditorium me goonj raha hai.

Ishani apna award leke apne papa ke paas aati hai. Ishani ke papa use gale se laga lete hain.

Ishani’s dad: I am sorry beta. Maine tumhe samjhne me galati kar di.

Ishani: No! Papa. Aap ye sab mat boliye mujhe.

Pranav, uske papa aur baki log bhi wahin khade Ishani ko cheer kar rahe hain. Pranav bhot khush hai. Ishani ro rahi hai, par wo khush hai, kyunki wo janta hai ki ye khushi ke aansu hain.

Sab log dhire dhire ab ja rahe hain. Ishani aur Pranav ke papa bhi ja chuke hain. Ab bas dost hi bache hain jo celebrate kar rahe hain. Pranav Ishani ko ishare se wahan se nikalne ke lie kehta hai. Ishani uske ishare ko samjh jati hai. Pranav wahan se chala jata hai, kuch der baad Ishani bhi wahan se nikal jati hai. Ab dono wahan aa chuke hain jahan wo practice kia karte the.

Ishani ko dekh kar Pranav uske paas aata hai.

Pranav: Ishani!

Ishani: I love you!

Pranav: (smiles) Kya?

Ishani: I love you!

Pranav: (smiling) I love you too!

Ishani: Maine socha tum kuch kaho usse pehle hi main ye bol du. Kyunki tumhe shayad nahi pata ki tum mere lie kya ho.

Pranav ko samajh aa raha hai ki Ishani emotional ho rahi hai, islie wo use shant karne ki koshish karta hai. Lekin Ishani aage bolti hai.

Ishani: Mujhe bolne do please.

Pranav chup rehta hai.

Ishani: Meri life me kisi ne mera itna sath nahi dia jitna tumne dia hai Pranav. Pata nahi main tumse itna naraz kaise ho gayi. I am so sorry Pranav!

Abhi tak jo aansu Ishani ne aankhon me sambhal ke rahe hue the, wo ab uski aankho se nikal gaye hain. Pranav Ishani ko chup karane ki koshish kar raha hai.

Pranav: Ishani! Ye sab mat bolo. Ab sab thik hai na.

Ishani: (rote hue) Nahi! Maine tumpe itna gussa kia, aise kaise sab thik hai. You know, meri life me bas tum hi ho jo mere ho. Koi bhi mera nahi. Aur maine tumpe hi gussa kia, tumse naraz rahi, tumse baat nahi ki itne din.

Pranav: Ishaniiii..! Ye sab tum kyun soch rahi ho ab? Chup ho aur smile karo.

Ishani: No! Pehle tum batao. Tumne kyun mere lie itna socha Pranav? Bina kisi wajah tumne mere lie itna kyun kia?

Pranav chup hai. Aansu abhi bhi Ishani ke chehre par hain.

Ishani: (Pranav ke paas aake) Bolo na.

Pranav: Mujhe nahi pata.

Ishani: Aise kaise nahi pata. Bolo.

Pranav Ishani ko baithane ke lie koi jagah dekh raha hai. Wahan ek Table Tennis ki table rakhi hui hai. Pranav Ishani ko wahan le jake uske sahare khada kar deta hai. Wo Ishani ko shant karne ki koshish kar raha hai.

Ishani: Bolo Pranav!

Pranav: Chup ho jao Ishani! Aise bacchon jaise kyun ro rahi ho?

Ishani: Tumne kyun mujhe nahi chhod dia jab main tumhe itna gussa kar rahi thi?

Pranav ab Ishani ko shoulders se pakad kar zor se hilata hai aur zor se bolta hai, “Ishani!”

Ishani ek sath chup ho jati hai.

Pranav: (strictly) Kyun ro rahi ho? Ab sab thik hai na.

Ishani: (sir niche karke) I am sorry!

Ishani wahan se jane lagti hai. Pranav use kheench ke wahin khada kar deta hai. Pranav ko lagta hai usne kuch jyada hi zor se Ishani ko bol dia. Wo ab khud ko shant karta hai aur bolta hai, “I am sorry, Ishani!”

Ishani kuch nahi kehti.

Pranav: (smiles) Suno na.

Ishani: Bolo.

Pranav: (apne kaan pakadte hue) Idhar dekho.

Ishani Pranav ki taraf dekhti hai.

Pranav: (kaan pakade hue hi) I am sorry!

Ishani: (dusri taraf dekhte hue) It’s okay!

Pranav: (smiling) Acha! Itna gussa. Abhi to bol rahi thi ki tumne mujhpe gussa kia, aur use yaad karke ro rahi thi.

Ishani Pranav ko ghur rahi hai. Pranav Ishani ke gaal par ek kiss kar deta hai.

Ishani: (use piche karte hue) How dare you to kiss me?

Pranav: (smiling) Dare to shuru se hi hai, hamari pehli meeting se. Tum chaho to ab bhi ja sakti ho, jaise tab chali gayi thi.

Pranav Ishani ke paas aata hai. Ishani Pranav ko dekh rahi hai. Pranav Ishani ko kamar se pakad kar apne kareeb kheench leta hai. Ishani uske seene par apne hath rakh deti hai. Dono ek dusre ki aankhon me dekh rahe hain. Pranav Ishani ke aansu ponchte hue bolta hai, “Tum janna chahti thi na ki main kyun nahi gaya tumhe chhodke. Kyunki main ja hi nahi sakta tha. Aur ye mujhe bhi nahi pata kyun? Tumse meri hamesha ladayi rahi. Par na jane kyun hamesha se mere mann me tumhare lie ek soft corner tha. Jab wo seniors tumhe pareshan kar rahe the tab bhi, jab maine tumhe college ke andar band kia tha tab bhi, jab pehli baar tumne logon ko gaate hue dekha aur tumhare face par chamak dekhi tab bhi. Isilie shayad main hamesha Karan ko mana karta tha ki tumhe pareshan na kare. Tum mere lie hamesha se hi special thi Ishani aur hamesha rahogi.”

Pranav Ishani ke maathe par kiss karta hai. Wo Ishani ko apne aur kareeb lata hai, uske baalon ko chehre se hatate hue, uski aankhon pe kiss karta hai. Ishani ke chehre pe smile aa jati hai. Pranav uski naak par apni ungali lagata hai aur uspe kiss karta hai. Ishani dhire se hasti hai. Pranav ab Ishani ke hothon ko dekh raha hai. Ishani bhi Pranav ko dekh rahi hai. Pranav dhire dhire apne honth Ishani ke hothon ki taraf badha raha hai, Pranav ke honth ab Ishani ke honthon ko chhune wale hain, ki Ishani achanak wahan se hat jati hai. Pranav Ishani ka hath pakad ke use rok leta hai aur smile uske chehre par hai.

Pranav: (gate hue) “Aaj jane ki zid na karo……”

Ishani muskurati hai aur Pranav ko palat kar dekhti hai.

Pranav: “Yuhin pehlu me baithe raho… Aaj… Jaane ki zid na karo…..”

Pranav Ishani ko dhire dhire fir wahin lake khada kar deta hai, bas Ishani ko dekh raha hai aur muskura raha hai.

Pranav: (achanak surprised hoke) Oye!

Ishani: (hairani se) Kya hua?

Pranav: Bindi kahan hai?

Ishani apne maathe par hath lagati hai, uske maathe par bindi nahi hoti.

Ishani: Pata nahi kahan gir gayi?

Pranav: (apni pocket me kuch dhundte hue) Abhi tak to thi.

Ishani: Kya dhund rahe ho?

Pranav: Wait!

Pranav apni pocket se ek pen nikalta hai.

Pranav: Mil gaya.

Pranav Ishani ke maathe par pen se bindi bana deta hai. Ishani use ye karta dekh smile karti hai.

Pranav: (smiling) Now, perfect.

Ishani: Tumhe pata hai, tum bhot cute ho.

Pranav: Aur tum bhot sweet ho, like mishti dohi!

Ishani: (haste hue) Acha?

Pranav: (chhedge hue) Han! May I taste you?

Ishani: (haste hue) Hehe! Noo…

Pranav: Thoda sa.

Ishani: Nooo..

Pranav: Please!

Ishani: No!

Pranav: Please! Please! Pleaase!

Ishani: No! No! Noo!

Dono haste hain. Pranav Ishani ko hug kar leta hai. Ishani bhi Pranav ke seene par apna sir rakh leti hai.

Ishani: Tum mere sath hamesha aise hi rahoge na.

Pranav: Hmm, hamesha.

Pranav Ishani ke maathe par kiss karta hai.

Pranav: Tumhe bhaga ke le jau yahan se?

Ishani: Mujhe nahi lagta uski zarurat padegi.

Pranav: Hmm! Tumhare papa ko hum mana hi lenge iske lie bhi.

Ishani: (smile karte hue) Hmmm. Acha! Aisi koi aur chiz hai, jo tumne ki ho aur maine nahi ki. Jaise wo beach pe jana tha.

Pranav: Han! Hai na. Tumne kabhi hath se khana nahi khaya.

Ishani: (staring at Pranav) Shut up! Ye main kabhi nahi karne wali.

Pranav: Karke to dekhna. Tumhe beach wali chaant achi lagi thi na, to ye bhi acha lagega.

Ishani: No ways!

Pranav: Ishaniii..!

Ishani: Pranavvv..!!

Pranav: (smiling) I love you!

Ishani: (smiling) I love you too!

Lagta nahi hai dono ki baatein ab khatm hone wali hain. Dono aise hi bolte rehenge aur ek dusre ko gale lagaye khade rahenge. Lekin hume to sab samajh aa chuka hai. Unki sari pareshaniyan ab khatam ho chuki hain. Aage jo bhi pareshaniyan unki life me aane wali hain, un sab ke lie wo dono tyaar hain. Ek dusre ek sath aur ek dusre ke lie.

Agar aage unki life me kuch naya hua to hum aapko zarur bataenge, lekin abhi ke lie dono ki life set hai, future bhi set hai. To hum bhi aapse vida lete hain. Fir milenge ek aisi hi pyar bhari nayi kahani lekar. Tab tak, aap log is kahani aur iske songs ko enjoy kijiye aur life ka maza lete rahiye.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: