From Hate… To Love!!

Episode-17

Kal hume samajh aaya ki Ishani ke papa is tarah se usse ache se baat kaise karne lage. Unhone jo ummeedein apne bete se ki thi wo unpe na to khara utar paya aur na hi use is baat ka koi dukh hai. Yahi wo wajah hai jisne Ishani ke lie unke mann me galat chize kam ki, halaki abhi bhi wo yahi chahte hain ki Ishani singing na kare kyunki wo singing ko acha nahi mante.

Aap log soch rahe honge ki Ishani jab engineering me acha kar hi rahi hai to use singing me jane ki zid kyun hai? Baat darasal ye hai ye engineering wo mann se kar rahi hai, lekin singing uska mann hai. In do baaton me me bhot antar hai. Jo shayad wahi bata sakta hai jo in chizon se hokar guzra hai. Waise to aaj kal ye shayad sabhi ke sath hota hai, bacchon ke parents padhayi ko jyada aehmiyat dete hain. Wo ye nahi sochte ki unke bacche ka dil kisme hai, wo ye sochte hain ki unka baccha kama kisme jyada sakta hai. Aur ye hi wo maap dand jo, bacchon ko unke mann ki karne nahi deta. Kabhi kabhi mere dil me khayal aata hai ki hum duniya se race me jeetne ke chakkar me itne piche chhut gaye ki apne aap se haar gaye. Kash hum khud ko samajh pate ki hum sach me chahte kya hain?

Raat ho chuki hai. Ishani apne bedroom me hai ki tabhi Pranav ka call aata hai. Ishani call uthati hai.

Pranav: Hello!

Ishani: Hi! Call kyun kia?

Pranav: Nahi kar sakta?

Ishani: Kar sakte ho, par koi reason to hoga.

Pranav: Han! Mujhe tumse baat karne ka mann tha.

Ishani: (smiles) Aaj kal tumhara mann aisi chize jyada karne laga hai.

Pranav: Ishani!

Ishani: Hmm.

Pranav: Mujhe tumse kuch kehna hai.

Ishani: Han bolo na.

Pranav: Aise nahi, samne aake.

Ishani: To kal college me bol dena jo bolna ho.

Pranav: College me tum sunti kahan ho, dushman dushman karti rehti ho.

Ishani: (haste hue) Okay!

Pranav: Ye sab kab tak chalana hai tumhe?

Ishani: Kyun?

Pranav: Kyun? Kya? Ishani. Mujhe tumse thik se baat karni hai. Kitne din ho gaye hain pata hai. Pehle Karan ki wajah se nahi hui aur ab tum khud nahi kar rahi. This is not good na Ishani.

Ishani: (Smiles) Acha tumhe janna tha na ki main aaj khush kyun hu?

Pranav: Han! Btao na.

Ishani Pranav ko uske papa se hui sari baat batati hai.

Pranav: Okay! To ye reason hai.

Ishani: Hmm.

Pranav: Pata hai, tumhe aise khush dekh ke bhot acha lag raha hai.

Ishani muskura rahi hai. Dono kuch seconds ke lie chup ho jate hain.

Pranav: Kuch bolo.

Ishani: Kya?

Pranav: Umm… Thik hai mat bolo. Kuch ga kar hi suna do.

Ishani: Nahi.

Pranav: Mujhe sunna hai.

Ishani: Tum hi sunao kuch.

Pranav: Main?

Ishani: Kyun tum bhi to gate ho na.

Pranav: Okay! Mere papa ye song gate the jab meri mom unse gussa ho jati thi.

Ishani: Haha! Okay! Sunao.

Pranav song sunana shuru karta hai,

“Bade acche lagte hain….”

Ishani beech beech me girl ki awaz ko pura kar rahi hai,

“Kyaaa?”

Pranav smile karta hai aur aage gata hai,

“Bade acche lagte hain…

Ye dharti… Ye nadiya… Ye raina…”

Ishani fir gati hai, “Aur?”

Pranav aage gata hai, “Aur tum…”

Ishani muskurati hai, Pranav aage gata hai,

“Bade acche lagte hain…

Ye dharti… Ye nadiya… Ye raina…”

Ishani: “Aurr?”

Pranav: “Aur tummm…”

Ye lines gakar Pranav chup ho jata hai.

Ishani: Arey! Chup kyun ho gaye, aage gao na. Mujhe sunna hai.

Pranav: Okay!

Pranav aage gata hai,

“Hum tum kitne paas hain, kitne dur hain chand sitare…

Sach pucho to mann ko jhoothe lagte hain ye sare…

Hum tum kitne paas hain, kitne dur hain chand sitare…

Sach pucho to mann ko jhoothe lagte hain ye sare…

Magar, sacche lagte hain…

Ye dharti… Ye nadiya… Ye raina…”

Ishani: “Aur?”

Pranav: “Aur tummm….”

Ishani: (smile karte hue) Wow! Bhot hi beautiful song hai.

Pranav: Waise ek baat bolu?

Ishani: Han!

Pranav: Song selection papa ka hai, likha kisi aur ne hai, par gate waqt jo feelings thi, wo meri hain.

Ishani: (smiling) Ab tum jyada mat bolo.

Pranav: (smiling) Thik hai nahi bol raha. Waise ek baat aur batayi thi papa ne mujhe mom ke baare me. Jo mujhe lagta hai, meri would be wife kare.

Ishani: Kya?

Pranav: (Chhedte hue aur muskurate hue) Tumhe kyun batau? Main to tumhara dushman hu na.

Ishani: (sad act karte hue) Nahi bataoge?

Pranav: Aisa ho sakta hai na batau?

Ishani: (smiles) To batao.

Pranav: Mom ko saree pehenna pasand tha. Aisi koi restrictions nahi thi ghar me, par papa ko wo achi lagti thi saree me. Maine bhi pics dekhi hain unki, wo sach me bhot sundar lagti thi, aur sath me wo bindi, lagati thi. Aur wo kya bolte hain use, jo kaano me dalti hain ladies?

Ishani: Earings…

Pranav: Yeah! But alag alag naam hote hain na unke bhi.

Ishani: Bali?

Pranav: No.

Ishani: Jhumki?

Pranav: Yes! Yes! Jhumki. Wo dalti thi kaano me. Bhot achi lagti thi.

Ishani smile karti hai.

Ishani: To tum chahte ho ki tum jiske sath raho wo bhi aise hi rahe?

Pranav: Nahi. Not all the time, but kabhi kabhi kuch special occasions pe.

Ishani: (smiles) Okay!

Pranav: Papa batate hain, ki mujhe mom ki bindi bhot pasand thi. Wo jab nahi lagati thi, to main unhe tok deta tha.

Ishani: (dhire de haste hue) Hehe! Acha.

Pranav: Han! I mean mujhe pata to tha nahi ki ye kya hai? Par maine unke maathe par hath rakh kar ishara karta tha ki kahan hai? Wo fir muskurati thi aur laga ke aati thi. Aur kayi baar to jaan kar nahi lagati thi ye dekhne ke lie ki main kuch bolta hu ya nahi, lekin main hamesha hi bol deta tha. Aur jab laga ke aati thi tab main khush ho jata tha aur clap karta tha.

Ishani Pranav ki baaton ko sunke muskura rahi hai. Wo apne bachpan ke dher sare kisse jo uski mom se related hain, Ishani ko suna raha hai. Ishani bhi itminan se sun rahi hai, aur raat kab din me badal gayi dono ko pata hi nahi chala. Par dono ko milna bhi hai college me to bas kuch ghante so kar dono college phoch jate hain.

Pranav aur Ishani roz ab singing ki practice karte hain. Dono ne jis tarah project me mehnat ki thi, waise hi singing ko bhi pura time de rahe hain. Lekin Ishani ka wo dushman wala majak abhi tak khatam nahi hua hai. Aur wo din bhi aa gaya hai jab unhe apni ki hui practice logon ke dilon tak phochani hai. Ishani nervous hai, Pranav use samjhata hai.

Pranav: Ishani! Itna pareshan mat ho, bas jab gao to sochna ki wahan koi nahi hai.

Ishani: Hmm. Main try karungi.

Pranav: Sab acha hoga don’t worry.

Ishani: Okay!

Pranav: Sham ko time se phoch jana.

Ishani: Main aur papa dono hi time se phoch jaenge aur tumhare papa aa rahe hain na.

Pranav: Han! Aa rahe hain.

Ishani: Okay! Good.

Pranav: Chalo ab tum ghar jao aur jyada stress mat lena.

Ishani: Okay!

Ishani aur Pranav dono college se ghar ke lie nikal jate hain.

Sham ho chuki hai, auditorium bhar chuka hai, participants bhi phoch chuke hain. Pranav Ishani ke aane ka wait kar raha hai. Tabhi Sandhya back stage Pranav ke paas aati hai.

Pranav: Kya hua Ishani kahan hai?

Sandhya side hoti hai, uske piche se Ishani aage aati hai. Pranav Ishani ko dekhta hai aur bas dekhta reh jata hai. Usne ek bhot hi sundar saree pehni hui hai, jisme wo khud bhot khoobsurat lag rahi hai. Upar se usne waise hi kaano me baliyan, mathe par bindiya aur aankhon me kajal lagaya hai, jaise Pranav ne apni mom ke baare me bataya tha. Uski khoobsurati me aur char chand laga rahe hain uske baal jo khule hain aur kabhi kabhi chehre par aa girte hain. Usne hathon me saree se match karta hua ek bracelet bhi pehna hua hai. Pranav khada hai aur bas khada hi hai, uske muh se na shabd nikal rahe hain aur na uski palkein jhapak rahi hain.

Sandhya: (Pranav ko hilate hue) Kya hua? Shock me chala gaya kya?

Pranav: (senses me aate hue) Hmm. Nahi. Wo main bas dekh raha tha ki ye itni late kyun hai, sab aa chuke hain.

Ishani: Wo raste me traffic tha.

Pranav: (jhutha gussa karte hue) Maine kaha tha na time se nikal jana.

Ishani: Hmm. Sorry!

Pranav: It’s okay!

Sandhya chali gayi hai. Pranav ab Ishani ko fir se dekh raha hai.

Pranav: (Ishani ki taraf aakar) You know?

Ishani: What?

Pranav: (smiling) You are looking gorgeous today.

Ishani blush karte hue smile karti hai.

Ishani: Thanks!

Pranav Ishani ka hath pakadta hai.

Pranav: (smiling) Ishani! Maine tumse kaha tha na ki mujhe tumse kuch kehna hai.

Ishani ‘Han’ me sir hilati hai.

Pranav: (smiling) Lekin tumhe aise dekhke lagta hai, ab mujhe kuch bhi kehne ki zarurat nahi hai. Sab kuch clear hai.

Ishani smile kar rahi hai aur Pranav ki aankhon me dekh rahi hai.

Pranav: Lekin! Mujhe… fir bhi kuch kehna hai tumse.

Ishani: (Pranav ki taraf muskurakar dekhte hue) Abhi nahi.

Pranav: Competition ke baad?

Ishani ‘Han’ me sir hila deti hai aur smile karti hai.

Pranav: Par competiton ke baad tum wo apna natak band kar dogi. Main bhot pareshan ho gaya hu khud ko tumhara dushman sunte sunte.

Ishani: (smiling) Okay!

Pranav Ishani ko fir dekhne lagta hai.

Pranav: You know Ishani!

Ishani: Pranav! Abhi kuch nahi.

Pranav: Okay!

Pranav smile karta hai. Ab dono apni chance aane ka wait kar rahe hain jb un dono ko sath me gana hai. Dono ka naam announce hota hai, dono stage par jate hai. Audience me baithe hue dono ke papa unhe all the best ka ishara kar rahe hain. Dono unhe dekh ke smile karte hain aur gana shuru karte hain. Jaise hi dono gana shuru karte hain, log bhot hi shanti se sunne lagte hain. Logon ko Ishani aur Pranav dono ki singing aur unke gane ka andaaz pasand aa raha hai. Gana khatam hota hai aur taaliyan bajne lagti hain. Dono public ka itna acha response dekh kar khush hain. Janna chahte hain Ishani aur Pranav ne konsa song gaya? Ye song un dono par hi bhot suit karta hai. Please listen the song, this will make you feel their feelings.

While singing, Pranav is mischievously looking at Ishani. Sometimes Ishani ignores him, sometimes she stares at him, to stop doing all this in front of the audience, where their parents are also present. But as Pranav is mesmerized by the beauty of her and her singing, he is not able to stop himself.

To ye round acha gaya, public ka response bhi acha tha, lekin abhi ek round aur baki hai jisme dono ko akele gana hai. Is round me dono ache se ga paenge ya nervous ho jaenge? Ye janne ke lie kal fir mulakat kijiyega. Tab tak, humse jude rahe aur zindagi ka lutf lete rahe.

Next episode of this story will be published tomorrow. If you liked this episode, please like and share…
Keep reading & keep feeling the love. ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: