From Hate… To Love!!

Episode-13

Kal Pranav ne apne dil ki baat Ishani ko bata di thi, par Ishani ne uska koi jawab nahi dia tha. Usne bas pranav ki baat suni aur smile kia.

Ab Pranav Ishani ko leke uske ghar ja raha hai. Ishani ne kuch kaha nahi hai, par uske chehre ki smile ye saaf bata rahi hai ki Pranav ne Ishani se jo bhi kuch kaha hai wo use manzoor hai. Pranav bike chala raha hai, thandi hawa chal rahi hai, Ishani Pranav ke kandhe pe hath rakhe hue hai, Pranav ko aur kya chahiye. Dono chup hain, par dono khush hain, thodi der me wo Ishani ke ghar par phoch jate hain. Ishani bike se utarti hai.

Pranav: Bye Ishani!

Ishani: Andar aao.

Pranav: Nahi, fir kabhi.

Ishani: (ghurte hue) Tumne pehle bhi aise hi kaha tha.

Pranav: (smiling) Han! Par is waqt tumhare ghar wale honge.

Ishani: To kya hua? Tum mere dost ho.

Pranav: Thik hai. Tum bol rahi ho to chalta hu.

Dono ghar ke andar jate hai.

Ishani: Ye hai mera ghar.

Pranav: (Surprised) Tumhara ghar to bhot bada hai. Tumhare ghar ke samne hamara ghar to kuch bhi nahi.

Ishani: Par ghar bada hone se kuch nahi hota.

Ishani’s dad: (awaz sunke apne room se bahar nikalte hue) Kon? Ishani?

Ishani: Han papa.

Ishani’s dad: Ishani! Aaj tum late nahi ho gayi?

Ishani: Han papa, wo hum padh rahe the, islie late ho gayi.

Ishani’s dad: (bahar aake Pranav ko dekhte hue) And who is he?

Ishani: Papa ye Pranav hai, mere sath class me padhta hai.

Pranav: Namaste uncle!

Ishani’s dad: Namaste! (thoda sochne ke baad) Tum wahi ho na jisne Ishani ko college me band kar dia tha?

Ishani aur Pranav surprised ho jate hain, ki inhe ab tak naam yaad hai.

Ishani: (smiling) Han! Ye wahi hai.

Pranav: I am sorry uncle. Wo sab nadani samajh ke maaf kar dijiye.

Ishani’s dad: (smiling) It’s okay! I know tum ek ache student ho.

Pranav: (in surprise) Kaise?

Ishani’s dad: Main college jata rehta hu, Ishani ke baare me uske teachers se janne ke lie. To unhone hi bataya tha ki tum dono ek project par kaam kar rahe ho aur bhot mehnat bhi kar rahe ho.

Pranav: Han! Hum sath me kaam kar rahe hain aur bas is week hum us project ko submit kar denge.

Ishani’s dad: (Pranav se) Good! Ishani ko tum bhot kuch sikha sakte ho.

Pranav: I will try my best uncle.

Ishani’s dad: Okay!

Pranav Ishani se kehta hai, “Ishani ab main chalta hu, ghar par papa bhi wait kar rahe honge.”

Ishani: Okay!

Pranav aur Ishani dono ghar se bahar aate hain.

Pranav: Maine jo bola hai, us par dhyan dena.

Ishani: (dhire se smile karte hue) Hmm.

Pranav: Okay bye!

Ishani: Bye!

Pranav bike start karta hai aur chala jata hai.

Next day, Pranav college aata hai aur sidha class me jata hai jahan Ishani hai. Wo Ishani ke paas jakar usse bolta hai, “To kuch socha?”

Ishani suddenly Pranav ki awaz sunke palat kar dekhti hai. Wahan uske sath Sandhya aur Neha bhi hain. Wo dono bhi ye sun leti hain.

Sandhya: (chhedte hue) Kis baare me Pranav?

Pranav: (baat chupate hue) Wo ab singing competition ko bas 15 days bache hain to bas yahi puch raha tha ki kuch socha kaise practice karogi?

Neha: To tum Ishani ko beach par ye baat karne ke lie leke gaye the?

Pranav eyebrows upar karta hai aur sochta hai ki kahin Ishani ne in dono ko sab kuch to nahi bata dia. Wo Ishani ki taraf dekhta hai, Ishani Pranav ko ghurte hue na me ishara kar rahi hai. Pranav samajh jata hai ki Ishani ne unhe kuch nahi bataya hai. Ab Pranav Neha ki baat ka reply karta hai, “Wo kya hai na Neha, Ishani ne aaj tak Gola nahi khaya tha, to bas maine socha ki use khila lata hu.”

Sandhya: To tum beach par use gola khilane leke gaye the.

Pranav: (smiles) Han.

Itne me wahan Akshay bhi aa jata hai.

Akshay: Kyun Pranav! Kaisi rahi kal ki date?

Pranav: Date?

Sandhya: Han! Date.

Pranav: Hum beach par gaye the, thelo par khana khaya tha. Wo koi date nahi thi.

Akshay: Bhai, ladki ke sath thele pe khana khao ya icecream, hoti wo date hi hai.

Ye sunke sab hasne lagate hain.

Akshay: Ab bata tune Ishani ko bola?

Pranav: Arey yaar! Kya? (atakte hue) Kya bolna tha mujhe?

Akshay: Ab ye bhi main bataunga ki kya bolna hai? Teri girlfriend banegi, tu decide kar ki kya bolega.

Ishani ye sab baate sunke muskura rahi hai.

Sandhya: Acha thik hai, kuch nahi hai na, aur tum date pr bhi nahi gaye the, na hi tumne Ishani ko kuch kaha hai.

Pranav: Han!

Sandhya: To thik hai, main Ishani ke sath seat par baith jati hu, tu kisi aur seat par baith jana.

Pranav: Arey! Kyun?

Sandhya: Kuch nahi hai na.

Pranav: Kuch nahi hai to… arey dost to main bhi hu na Ishani ka.

Neha: Bol de Pranav, Ishani ke sath baithne ke lie mil jaega.

Pranav ek lambi saans leke, bolta hai, “Please! Mujhe baithne do.”

Sab fir se hasne lagte hain.

Neha aur Sandhya Ishani ki seat ke samne jake khadi ho gayi hain.

Pranav: Ishani! Inhe samjhao na.

Sandhya: Wo kuch nahi bolegi. Tum btao Pranav.

Ishani bhi ye sab dekh kar has rahi hai, aur Pranav ko sabse pareshan hote hue dekh ke khush ho rahi hai.

Pranav: Acha thik hai. Jo samjhna hai samjho aur mujhe baithne do.

Akshay: Na! Na! Aise kaise bhai. Confirm kar hume pehle.

Ab Pranav bhi hasne lagta hai. Fir wo Ishani ko dekhta hai, smile karta hai aur nazare hata leta hai.

Akshay: Ye dekh, ye dekh ladka blush kar raha hai.

Pranav smile karte hue apne face par hath rakh leta hai. Sab log haste hain. Neha aur Sandya seat se hat jate hain aur Pranav Ishani ke paas jakar baith jata hai. Pranav ek nazar Ishani ko dekhta hai, Ishani bhi usse nazare milati hai, dono smile karte hain aur aage dekhne lagte hain.

Class ke baad sab canteen me baithe hain aur baate kar rahe hain.

Sandhya: Tum dono ki practice kaisi chal rahi hai? Maine suna hai tum dono sath me ga rahe ho?

Ishani: Han. Do rounds hain, ek round me alag aur ek round me hume sath me gana hai.

Akshay: That will be great.

Pranav: Han! Aaj Diwakar sir ko finally sab dikha denge. Uske baad wahan se free ho jaenge.

Neha: Tab pura time apni singing par lagana tum dono.

Ishani: Yeah!

Sab log ye discuss kar rahe hain aur piche se Karan aur Rahul aate hain.

Karan: Aur Pranav! Tune to gang change kar lia lagta hai.

Pranav: (Karan ko piche mud kar dekhte hue) Jab dost galat chize karne lagte hain to doston se alag hona hi better hai.

Rahul: Ab chhod na yaar beeti baton ko.

Pranav: (Chair se khada hokar) Mujhe koi problem nahi hai, bas tu ise samjha le ki ye Ishani se dur rahe.

Rahul: Ye tum dono ka matter hai, dono sort kar lo. Main ise yahan isilie lekar aaya hu.

Karan: To tu mujhe bataega ki sahi kya hai aur galat kya hai?

Pranav: Han!

Karan: Tune kitni chize sahi ki hain aaj tak? Jab tu khud Ishani ke sath galat chize karta tha tab tujhe nahi pata tha ki wo galat hain?

Pranav: (uski aakhon me dekhte hue) Maine jo bhi kuch kia tha mujhe uski punishment mil chuki hai, aur wo sab is tarah ka nahi tha.

Karan: (hashte hue) Acha… Dekha Rahul jo ye kare wo is tarah ka nahi tha aur jo hum kare wo is tarah ka ho gaya?

Ishani: Pranav! Rehne do, maine mana kia tha na, tumhe isse baat karne ki koi zarurat nahi hai.

Karan: Han, jake muh chupa ke baith ja uske paas. Himmat to tujhme hai nahi.

Ishani ko ye sab sunke gussa aata hai. Ishani khadi hoti hai aur Karan se kehti hai, “Karan! Ye sab tum jo ab kar rahe ho isse kya lagta hai tumhe, main tumhe pasand karne lagungi?”

Karan: Arey ja! Nahi karna tujhe impress. Ye sab to main islie kar raha tha ki agar pat gayi to thoda time pass ho jaega, (Ishani ko niche se upar tak dekhte hue) aur thoda entertainment bhi.

Pranav uski collar pakad leta hai. Karan khud ko chhuda nahi pata.

Pranav: Kya bola tu? Apne muh se faltu baate nikalna band kar aur chala ja yahan se. Last baar keh raha hu, Ishani se dur reh, nahi to acha nahi hoga.

Ye bolke Pranav Karan ko chhod deta hai, lekin ab Karan Pranav ko pakad leta hai. Dono ek dusre se bhid gaye hain. Akshay aur Rahul dono ko alag karne me lage hue hain, par dono alag nahi ho pa rahe. Ishani ye sab dekh ke bhot preshan hai. Akshay aur Rahul dono ko alag karte hain aur dur kar dete hain. Par Karan use fir marne aa jata hai. Dono fir aapas me bhid jate hain aur ek dusre ko maar rahe hain. Ab canteen ka owner bahar se guards ko bula leta hai aur wo log dono ko alag karke principal office me le jate hain. Ishani aur baki sab bhi principal office me phochte hain.

Principal: Ye sab kya ho raha tha? Tum logon sharam aani chahiye. Seniors hoke is tarah college me tamasha karte ho, tumhare juniors tumse kya seekhenge?

Karan: Sir! Pranav ne pehle meri collar pakdi uske baad sab shuru hua.

Principal: Pranav! Ye kya bol raha hai?

Pranav: Sir! Ye Ishani ke lie kuch galat words use kar raha tha, islie mujhe gussa aa gaya.

Principal: To ladayi Ishani ki wajah se hui hai tum dono me?

Pranav chup rehta hai.

Karan: Han sir.

Principal: Karan, Pranav aur Ishani. Mere cabin me ruko aur baki sab bahar jao.

Teeno room me ruk jate hain, baki sab bahar chale jate hain.

Principal: Pranav! Jahan Ishani hoti hai, wahan tumhara hona zaruri hota hai kya? Pehle bhi jab Ishani ko seniors pareshan kar rahe the, tum wahan the. Aur ab yahan bhi.

Ishani: Sir! Pranav ki galati nahi hai.

Principal: Bolo Ishani! What’s the matter?

Ishani: Sir! Karan mujhe kayi dino se pareshan kar raha hai. Har time mere piche laga rehta hai. Main ise clearly mana kar chuki hu ki mujhe tumse dosti karne me koi interest nahi hai, fir bhi ye nahi manta. Aur jab Pranav ne ise rokne ki koshish ki to isne ladne ke lie bola use. Pranav ne wo sab bhi ignore kia. Lekin aaj ye fir khud hi Pranav ke paas aa gaya aur use provoke kar raha tha ki wo lade. Jab isne mere bare me galat bola to Pranav ka hath uth gaya.

Principal: Kya ye sach hai Pranav?

Pranav: Yes sir! Yahi sach hai.

Karan: Ye sach nahi hai sir.

Principal: Acha! Tum bhi bolo kya bolna chahte ho?

Karan: Sir! Pranav pehle Ishani se meri friendship karane me help kar raha tha.

Ishani: What? Ye kya bakwas hai?

Principal: Use bolne do Ishani.

Ishani chup ho jati hai.

Karan: Sir! Ye mujhe naye naye ideas deta tha, Ishani ko impress karne ke lie. Main iske die ideas hi follow karta tha hamesha.

Pranav sab sun raha hai, wo apni aankhen band kar leta hai aur sir jhuka leta hai, kyunki use pata hai ki Karan jo bhi bol raha hai sach hai.

Karan: Sir main bata bhi sakta hu isne kya kya ideas die the.

Principal: Batao.

Karan: Isne mujhe idea dia tha ki Ishani se uska contact number maangu, meri language abusive hai thodi to isne mujhe meri bhasha sudharne ke lie bola tha, ki aisi ladkiyan tameez se bolne wale ladkon ko pasand karti hain.

Principal Pranav ko dekh rahe hain, Ishani bhi ye sab sunke surprised hai, par use ab bhi yakin hai ki Karan jhuth bol raha hai.

Karan: Ishani ko singing competition ke auditions me jana tha to isne mujhe bheja tha, ki tu Ishani ko wahan jake cheer karna, wo impress ho jaegi. Ek din ye bahana karke college bhi nahi aaya tha jisse main Ishani ke sath pure din reh saku, kyunki agar ye college aata hai, to project aur singing ki wajah se Ishani pure time iske sath rehti hai.

Ishani ko wo din yaad aata hai jab auditions me Pranav ki jagah Karan aaya tha aur Ishani ne phone karke Pranav ko bulaya tha. Use wo din bhi yaad aata hai jab Pranav college nahi aaya tha, aur us din subah se hi karan uske piche lag gaya tha. Ishani ab shock me hai aur Pranav ko dekh rahi hai.

Karan: Ab tak isne meri help ki hai. Pata nahi suddenly ise kya hua jo ye bolne laga ki Ishani se baat mat kar, usse dur reh. Aur mujhse lad raha hai.

Principal: Kya ye sach hai Pranav?

Pranav: (hesitating) Ji! Ji sir sach hai, par wo auditions aur ek din college na aane ka idea iska khud ka tha, maine bas iski baat mani thi.

Ishani Pranav ka wo ek sentence sunke apni sari hopes kho deti hai.

Principal: To ab tum ise mana kyun kar rahe ho, jab ab tak iski help kar rahe the?

Pranav: (apna sir jhukaye hi) Sir! Kyunki Ishani nahi chahti Karan se baat karna, aur ye zabardasti uske piche laga hua hai. Mujhe pehle lagta tha ki chance dena chahiye, par ab ye sab bhot jyada badh gaya hai. Ishani bhot pareshan ho rahi hai, Karan ke is behaviour se.

Principal: Han! Tum sahi bol rahe ho Pranav. Karan ka behaviour thik nahi hai. Agar Ishani use baat nahi karna chahti to Karan ko use pareshan nahi karna chahiye aur main khush hu ki tumne sahi step lia, karan ka dost hote hue bhi use samjhane ki koshish ki. Lekin tumhe apna temper loose nahi karna chahiye tha.

Pranav: I am sorry sir!

Principal: (Pranav se) It’s okay! Aage se is baat ka dhyan rahe. (Karan se) Aur Karan! Tumhe main warn kar raha hu, agar ab Ishani ya Pranav koi bhi shikayat leke aaye to tumhare against strict actions lie jaenge.

Karan: Okay sir! I am sorry sir.

Principal: Ishani ko sorry bolo.

Karan: I am sorry Ishani!

Ishani: (Karan ki taraf na dekhte hue) It’s okay!

Principal: Ab tum teeno ja sakte ho.

Teeno principal room se bahar nikalte hain.

Karan: (smile karte hue Pranav se) Haar kar bhi jeetne wale ko bazigar kehte hain.

Pranav Karan ko gusse se dekh raha hai. Karan smile karta hua wahan se chala jata hai.

Bahar Sandhya, Neha aur Akshay khade hain. Wo teeno paas aate hain.

Sandhya: (Ishani se) Kya hua?

Ishani: Kuch nahi sir ne sab sort out kar dia. Ab karan mujhe pareshan nahi karega.

Sandhya: Good!

Ishani: Kafi time waste ho gaya hai. Hume aaj project finally sir ko dikhana hai, to hum wahan jate hain. Tumse baad me milenge.

Sandhya: Okay!

Ishani Pranav ko dekhti hai aur use chalne ka ishara karti hai. Pranav Ishani ke sath chalne lagta hai. Pranav ki himmat nahi ho rahi ki wo Ishani se kuch bhi bole. Dono chupchap chal rahe hain aur lab me phoch jate hain.

Ishani: Pranav! Tum sir ko bula lao, tab tak main set up karti hu.

Pranav Ishani ki baat sunke chala jata hai. Kuch minutes baad Pranav aur Diwakar sir lab me aa jate hain.

Ishani aur Pranav unhe project dikhana shuru karte hain aur uske har part ki functioning bhi samjha rahe hain. Diwakar sir dono ke kaam se bhot khush hain. Wo dono ko congratulate karte hain.

Pranav: Sir! Isme koi galti ho to aap bata dijiye hum use thik kar lenge.

Diwakar sir: Nahi! Sab bilkul perfect hai. Well done both of you. Tum dono ki Jodi kamaal ki hai.

Pranav: (smiles) Thank you sir!

Pranav Ishani ko dekh raha hai, uske chehre par koi khushi nahi hai.

Diwakar sir: Tum dono ko is semester me full marks milna tai raha.

Pranav: (with a fake smile) Thank you sir!

Diwakar sir: Okay! Ab main jata hu, meri ek class hai.

Pranav: Okay sir.

Diwakar sir lab se bahar nikal jate hain. Unke jane ke kuch seconds baad, Ishani bhi wahan se bahar jane lagti hai. Pranav ab himmat karke bolta hai, “Ishani!”

Ishani ruk jati hai, par kuch bolti nahi.

Pranav: Ishani! I am… sorry.

Ishani: Kislie?

Pranav: Jo bhi kuch Karan ne kaha uske lie.

Ishani: Jab karte hue tum sorry feel nahi kar rahe the, to ab kyun sorry bol rahe ho?

Pranav: Main wo sab karna nahi chahta tha.

Ishani: Tumne wahan pe khud bola ki maine help ki thi Karan ki.

Pranav: Han. Wo sab shuru ki baat hai, jab hum dono ladte rehte the. Uske baad maine koi help nahi ki uski.

Ishani: (aansu aankhon se gir rahe hain) Tum jab Karan ke kehne se college nahi aaye the, tab hum ladte rehte the? Tumne nahi ki uski help Pranav?

Pranav: (sir jhuka kar) I am sorry!

Ishani: (rote hue) Tumhe pata hai, maine usi din tumhe apni mom aur dad ke bare me bataya tha. Apna itna bada secret reveal kia tumhe.

Pranav sir jhuka leta hai.

Ishani: Agar ye baat mujhe aise pata nahi chalti to tum mujhe kabhi nahi batate na?

Pranav sir niche jhukaye hue chup khada hai.

Ishani: (chillate hue) Bolo Pranav!

Pranav: Nahi batata.

Ishani: Great!

Ishani apne aansu pochti hai aur wahan se jane lagti hai.

Pranav: Ishaniii! Ishani! Please don’t go. I love you Ishani!

Ishani mud kar Pranav ke paas aati hai aur kehti hai, “Apne muh se ye sab baate ab mat nikalna kabhi. Ye project khatam ho gaya, aur humari dosti bhi. Ab tum apne raste aur main apne raste.”

Ye keh kar Ishani lab se bahar chali jati hai. Pranav lab me akela reh gaya hai, use samajh nahi aa raha ki achanak uske sath ye kya ho gaya hai. Wo zameen par gir jata hai aur zor se rone lagta hai, lekin uski awaz sunne wala wahan koi nahi hai.

Pranav ek acha ladka hai, bas usse ek galti ho gayi ki usne Ishani ko ye sab nahi bataya. Use andaza bhi nahi tha ki kisi din, ye sab is tarah se uspe back fire kar jaega. Uske papa ne sahi hi kaha tha, ki ye sab mat karo nahi to ek din pachhataoge. Aur wo din yahi hai. Ab pata nahi kis tarah Pranav chize sambhal paega. Aisa kya karega ki Ishani use maaf kar paegi. Par ye dekhne ke lie, intezaar kijiye next episode ka. Tab tak ke lie enjoy reading and enjoy the life.

Next episode of this story will be published tommorow, at the same time. If you liked this episode, then please hit like and share…
Till then, stay blessed and feel the love. ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: