From Hate… To Love!!

Episode-12

Kal humne dekha tha ki Ishani aur Pranav dono classroom me baithe hain. Ishani Pranav ko bahar nahi jane dena chahti kyunki Karan uska bahar wait kar raha hai, usse ladne ke lie.

Ab dono class se bahar aa gaye hain, Ishani aur Pranav sath me canteen jate hain, jahan Sandhya aur Ishani ke baki friends bhi baithe hain. Wo dono bhi unhi ke paas jakar baith jate hain.

Sandhya: Aa gaye tum dono.

Pranav: Han aur ab ja bhi rahe hain.

Ishani: (in surprise) Kahan?

Pranav: (smiles) Bata dunga.

Pranav Akshay ko uthkar side me aane ka ishare karta hai. Akshay side me aa gaya hai. Sandhya ke sath, Akshay aur Neha bhi Ishani ke dost hain aur Ishani inhi ke sath college me rehti hai, halaki in teeno me se uske sabse close Sandhya hai. Aur Ishani ke sath rehne ki wajah se ab Pranav ka bond bhi in sab se kafi acha ho gaya hai.

Akshay: Kya hua?

Pranav: Yaar teri bike milegi kya aaj ke lie?

Akshay: (smiling) Kyun kahan le jana hai Ishani ko?

Pranav: Bas aise hi, wo yahan mujhe gussa karti rahegi, islie soch raha hu aaj ke lie use le jau kahin.

Akshay: Bike to de dunga, par pehle ye bata tum dono date kar rahe ho na.

Pranav: Arey nahi yaar! Bas dost hain.

Akshay: Rehne de main bike ki keys nahi de raha.

Pranav: (haste hue) Sach me. Yahi hai bhai.

Akshay: Acha tu use pasand to karta hai na, bola nahi hoga ye alag baat hai.

Pranav uski baat sunke smile karta hai. Akshay bhi smile karta hai aur samajh jata hai.

Akshay: Haha! Mujhe pata tha.

Pranav: Aisa nahi hai.

Akshay: Aisa hi hai, aaj bol dena use, aur ye le bike ki keys.

Pranav: Thanks bro!

Akshay: Enjoy!

Pranav Ishani ke paas jata hai, jahan Neha aur Sandhya bhi baithi hui hain.

Pranav: Ishani chalo.

Ishani: Par kahan?

Pranav: Bata dunga, abhi chalo.

Ishani Sandhya aur Neha ko dekh ke muh banati hai aur uth kar Pranav ke sath chali jati hai.

Neha: Ise kya hua?

Akshay: Lagta hai aaj propose karne wala hai.

Sandhya: Really? Tujhse kuch bola usne?

Akshay: Nahi, bola to nahi. Par maine feel kia. Aaj usne deny nahi kia ki wo Ishani ko like karta hai.

Neha: (excited) Kal pakadna padega dono ko college aate hi.

Teeno ye sab soch ke khush hain. Pranav Ishani ko leke college se bahar nikal gaya hai. Dono bike par hain.

Ishani: (curious) Hum ja kahan rahe hain?

Pranav: Wahin jahan maine tumhe bola tha le jane ke lie.

Ishani: Kahan? Beach par?

Pranav: Han! Waise to tum gayi hi hogi, lekin aaj mere sath chalo.

Ishani: Nahi!

Pranav: (chillate hue) Kya? Tum beach par nahi gayi aaj tak?

Ishani: Isme chillane ki kya baat hai?

Pranav: Tum mujhe kisi din heart attack de dogi. Tum Mumbai me rehke aaj tak beach par nahi gayi?

Ishani: Han! Nahi leke gaya koi ghar se. Khud se kabhi gayi nahi.

Pranav: Friends ke sath bhi nahi?

Ishani: Friends ke sath bhi nahi. Waise kabhi kisi jagah aane jane me on the way jo sea dikha hai bas wahi dekha hai. Aur ek baar shayad bachpan me gayi thi, yaad nahi mujhe thik se.

Pranav: Fir to tumhe wahan le jana banta hai.

Pranav bike ki speed tez karta hai. Ishani Pranav ko shoulders se pakad leti hai.

Ishani: Pranav aaram se.

Pranav: Okay!

Pranav bike ki speed kam kar deta hai. Ishani ne ab bhi Pranav ke kandhe par apna hath rakha hua hai. Pranav ko ye acha lag raha hai. Thodi der baad, dono beach par phonchte hain.

Pranav: Lijiye aapka beach aa gaya.

Ishani: (smile karte hue) Thanks Pranav!

Pranav: Isme thanks ki kya baat hai?

Ishani: Jo chize aaj tak kabhi maine try bhi nahi ki wo sab main tumhare sath kar rahi hu. Pehle singing competition me participate aur ab ye.

Pranav: (smiling) Waise tumne bunk bhi nahi ki thi classes mujhse dosti karne se pehle.

Ishani: (haste hue) Han! Tum mujhe totally bigad rahe ho.

Pranav: Ise bigadna nahi sudharna kehte hain.

Ishani: Acha?

Pranav: Han! Abhi aur bhi bigadna hai tumhe.

Ishani: Ab kya reh gaya hai?

Pranav: Bhot kuch. Abhi tumne kia hi kya hai. (apna hath dete hue) Aao mere sath.

Ishani Pranav ka hath pakad leti hai. Pranav use samudra ki leheron ke paas le jata hai.

Pranav: Kaisa lag raha hai?

Ishani: It’s nice.

Pranav: Sunset dekhogi to aur acha lagega.

Ishani: Itni der main nahi ruk sakti.

Pranav: Ruk sakti ho.

Ishani: Pranav! Main ghar pe kya bolungi?

Pranav: Un logon se sach bolne ki zarurat hi kya hai tumhe? Wo tumhe kisi bhi baat me support nahi karte kabhi.

Ishani: To kya kahu unse?

Pranav: Keh dena friends ke sath group study kar rahi thi, waise bhi exams aane wale hain.

Ishani: Aur kisi ko pata chala to?

Pranav: Darr kyun rahi ho? It’s your life Ishani. Thoda apne mann ki to kar hi sakti ho. Aur kuch hua to mujhe batana, I will handle.

Ishani: Tum kya karoge?

Pranav: Wo sab baad me sochenge, pehle jahan aayi ho wahan ka maza lo.

Pranav Ishani ka hath pakad ke use aur aage le ja raha hai. Ishani shuru me thoda darti hai, par jab pani uske pairon ko chhuta hai to use acha lagta hai.

Pranav: (Ishani ko dekhte hue) Kaisa lag raha hai?

Ishani Pranav ko dekh rahi hai aur smile kar rahi hai. Dono aur aage jate hain. Dono ki jeans thodi bheeg gayi hain. Ishani aur Pranav ab wahin khade hain, lehre aa rahi hai aur ja rahi hain. Ishani muskura rahi hai, Pranav use dekh kar apne andar khushi mehsoos kar raha hai.

Ishani: Thoda aur aage chale?

Pranav: Han kyun nahi.

Pranav aur Ishani apni jeans fold karke aur aage jate hain. Ab pani unke ghutno ko chune laga hai. Pranav ne ab Ishani ka hath chhod dia hai. Ishani un lehron ko feel kar rahi hai aur pani se khel rahi hai. Pranav bas Ishani ko dekh raha hai. Tabhi ek lehar tezi se aati hai aur Ishani ka balance bigad jata hai. Pranav use pakad leta hai, Ishani girte hue bach jati hai.

Pranav: Thik ho?

Ishani: Hmm.

Ishani ab pani ki chhinte Pranav ke chehre par marti hai.

Pranav: Ishani! Shaitani nahi.

Ishani fir bhi uske chhinte maar rahi hai. Pranav usse thodi dur ho jata hai. Ishani fir pani se khel rahi hai. Pranav ne pehli baar Ishani ko aise bacchon ki tarah enjoy karte hue dekha hai. Wo in moments ko sambhalke rakhna chahta hai. Pranav apna phone nikalta hai aur Ishani ki pics click karni shuru kar deta hai.

Ishani: Kya kar rahe ho?

Pranav: Tumhari pics le raha hu. Tum itni cute bhi lag sakti ho maine socha nahi tha kabhi.

Ishani: Yahan aao, hum dono ki pic honi chahiye ek sath.

Pranav Ishani ke paas jakar ek selfie click karta hai.

Pranav: Aao chalo kuch khate hain.

Ishani: Okay!

Pranav use wahan par khade thelon ke paas le jata hai aur bhaiya se do achi si bhelpuri banane ke lie kehta hai.

Ishani: Hum yahan khaenge?

Pranav: Han! Kyun?

Ishani: Tum dekh nahi rahe ye kaise bana rahe hain, aur sab khula hai yahan, sab kuch isme jata hoga.

Pranav: Tumhare ghar walon ne sach me tumhe kuch nahi sikhaya hai. Kha ke dekho pehle, fir bolna.

Ishani: Nahi main nahi kha sakti.

Pranav: Thik hai, to main hi dono kha lunga.

Thele wala bhelpuri bana kar deta hai. Pranav Ishani ko khane ka ishara karta hai. Wo mana kar deti hai.

Pranav: Khao chupchap. Main tumhe nakhre dikhane ke lie nahi laya hu yahan.

Ishani: Main nakhre dikha rahi hu?

Pranav: Han!

Ishani: Ye sab tumhe bhi nahi khana chahiye.

Pranav: Acha mere kehne se ek baar kha lo. Uske baad mat khana kabhi.

Ishani: Okay!

Pranav Ishani ko khilata hai. Ishani khati aur muh banati hai.

Pranav: Kaisa hai?

Ishani: Teekha hai.

Pranav: Haha! Aur khao tab acha lagega.

Ishani muh banate hue khane lagti hai. Ishani ki aankhon se aansu nikal rahe hain par wo kha rahi hai.

Pranav: Kya hua? Acha nahi hai?

Ishani: Acha to hai par itna teekha kyun hai?

Pranav: Okay! Lao mujhe de do nahi khana to.

Pranav usse bhelpuri lene ke lie apna hath aage badhta hai. Ishani apna hath piche kar leti hai.

Ishani: Kha rahi hu main.

Pranav: (smiles) Par tumhe to ye pasand nahi tha.

Ishani Pranav ko ghurti hai, Pranav smile kar raha hai.

Bhelpuri ke baad Ishani Pranav se puchti hai, “Kuch aur bhi hai aisa khane ke lie?”

Pranav: Han, kyun nahi. Aao tumhe khilata hu.

Pranav Ishani ko sab dishes khilata hai, pani puri, pav bhaji, vada pao. Waise ye sari dishes Ishani ne khayi hui hai, par bade bade restaurants me, jahan swad kam aur health ka khayal jyada rakha jata hai. To ye pehli baar hai, jab usne ye sab chize unke asli swad me taste ki hain. Usse sab kuch bhot teekha lag raha hai, lekin wo har chiz ko badi khushi se try kar rahi hai.

Ishani: Pranav! Aur bhi kuch hai kya?

Pranav: (haste hue) Kyun? Tumhe khana hai kuch aur bhi?

Ishani: Han! Maine ye sab aise to dekha hi nahi tha. Sab bhot tempting hai mere lie.

Pranav: Okay!

Ishani: Pranav!

Pranav: Hmm.

Ishani: Wo tumne mujhe pic dikhayi thi na, jisme tum wo gola kha rahe the.

Pranav: (smiling) Han!

Ishani: Wo ab bhi milta hai kya?

Pranav: Hehe! Tumhe khana hai?

Ishani: Jab baki sab chize try ki hain to wo bhi try karna hai.

Pranav: Okay! But baad me mat kehna kya khila dia.

Ishani: Okay!

Pranav gole wale bhaiya ke paas jata hai, unhe ek kala khatta gola banane ke lie kehta hai aur apne lie ek dusra flavour banwata hai. Dono flavours ke gole lekar wo Ishani ke paas aata hai. Ishani ko kala khatta gola deta hai. Ishani jaise hi use apne muh me rakhti hai, bhot ganda muh banati hai. Pranav yehi dekhna chahta tha, Ishani ko aise dekhke wo zor se hasne lagta hai.

Ishani: (muh banaye hue) Has kyun rahe ho?

Pranav: (haste hue) Kuch nahi khao, jaise baki chize achi lagi hain ye bhi lagega.

Ishani muh banate hue khati hai. Dhire dhire use taste thik lagne lagta hai.

Pranav: Mera wala try karna chahogi?

Ishani: Han!

Pranav: Okay! Main dusra gola banwa deta hu.

Ishani: Kyun? Ye hai to.

Pranav: Lekin ye to mera jutha hai.

Ishani: To kya hua? Tumhe bhi mera gola taste karna hai to kar sakte ho.

Dono apne gole exchange karte hain. Ishani Pranav wala gola khati hai aur Pranav use dekh raha hai. Wo feel kar raha hai jaise usne bhot badi chiz pa li ho. Pranav bhi Ishani ka dia hua gola taste karta hai.

Pranav: Ye bhot tasty hai.

Ishani: Ye wala bhi.

Khana khatam karne ke baad Ishani Pranav se puchti hai, “Ab kya?”

Pranav: Thodi der baithte hain.

Ishani: Okay!

Ishani aur Pranav dono lehron ke paas baithe hue hain, lehron ka shor sun rahe hain, dur tak samudra ko dekh rahe hain. Sham hone wali hai. Pranav ko wahan ek sea shell milta hai. Wo wahin bethe hue usse ret par Ishani ka naam likhta hai. Ishani ye dekhti hai, aur wo Pranav se wo sea shell lekar uske niche Pranav likh deti hai. Pranav ye dekh ke muskurata hai, Ishani bhi muskura rahi hai. Ab thandi hawa chalne lagi hai aur suraj samudra me doobane ja raha hai. Dono baithe hue ye nazara dekh rahe hain. Ishani ab dhire se Pranav ki baju ko pakad leti hai aur sir Pranav ke kandhe ki taraf jhuka leti hai. Pranav uske sir ko hath se apne kandhe par tika deta hai. Ishani ye dekh kar smile karti hai aur Pranav ki baju ko ab thoda kas ke pakad leti hai.

Thoda waqt aur beet gaya hai, aasmaan ab narangi ho gaya hai. Dono ab jane ke lie wahan se uthate hain. Pranav apni bike start karta hai aur dono ghar jane ke lie nikal jate hain. Ishani ne Pranav ke kandhe par hath rakha hua hai. Pranav bike chala raha hai, aur Ishani use bike rokne ke lie kehti hai. Pranav bike rok deta hai. Is waqt dono Nariman point par khade hain.

Pranav: Kya hua Ishani?

Ishani: Tumhe pata hai Pranav, main yahan se kayi baar guzari hu aur mera mann karta tha ki main yahan is jagah ko ruk kar dekhu. Lekin kabhi chance nahi mila.

Pranav: Abhi chance hai, jitni der rukna hai ruk jao.

Ishani: Aur mujhe in rocks par bhi jana tha.

Pranav: To chalte hain. Aao.

Pranav pehle khud wahan utar jata hai aur uske baad Ishani ka hath pakad ke use un rocks par kheench leta hai. Ishani wahan khadi hai aur samudra ko dekh rahi hai.

Ishani: (smiling) Kitna acha lag raha hai na?

Pranav: (Ishani ko dekhte hue) Han.

Pranav ishani se dur jata hai aur wahan bhi uski kuch pics click karta hai.

Ishani: Ab bhot ho gaya Pranav, pics click karni band karo.

Ishani Pranav ke paas jati hai lekin patthar par uska pair ladkhada jata hai. Pranav Ishani ko pakad leta hai.

Ishani: Thanks!

Pranav: (smiles) It’s alright.

Ishani: Ab chalte hain.

Pranav: Hmm.

Ishani wahan se bike ki taraf jane ke lie badhti hai. Pranav uska hath nahi chhodta, wo palat kar dekhti hai.

Ishani: Kya hua?

Pranav: Kuch nahi.

Bina kuch bole Pranav Ishani ke kareeb aata hai. Ishani ko kamar se pakad kar apne paas kheenchta hai. Ishani apne hath Pranav ki arms par rakhti hai khud ko chhudane ke lie.

Ishani: Pranav! Kya kar rahe ho?

Pranav: Thodi der chup raho, aur meri taraf dekho.

Ishani Pranav ki taraf dekhti hai.

Pranav: Kya tumhe sach me lagta hai ki hum ek dusre se dur chale jaenge?

Ishani: Pranav!

Pranav: Ishani! Please listen to me.

Ishani ab chup hai.

Pranav: Ishani! Main tumse dur nahi jana chahta. Mujhe nahi pata ye dosti hai ya iske aage ka kuch hai. Par mujhe tumhare sath reh ke acha lagta hai aur main aise hi rehna chahta hu zindagi bhar.

Ishani Pranav ko dekh rahi hai, Pranav bhi Ishani ko dekh raha hai aur aage bolta hai, “I know ye sab thoda mushkil hai, tumhari family aisi hai ki shayad wo iske lie nahi mane, lekin agar tum bhi mere sath rehna chahti ho to main kuch bhi karunga, to be with you.”

Ishani chup hai aur nazare niche kar li hain.

Pranav: (smiles) Samjhi bewakoof?

Pranav apna sir Ishani ke sir se mila deta hai, Ishani aankhe utha ke Pranav ko dekhti hai aur smile karti hai. Dono wahan kuch der aise hi rehte hain, fir dono ghar jane ke lie nikal jate hain.

Pranav ne to apne dil ki baat khul kar bol di, par Ishani ne abhi tak apne dil ka haal Pranav ko nahi bataya hai. Kya hoga, wo kaise Pranav ko bol paegi, ye janne ke lie intezaar kare kal tak. Till then, enjoy the life.

Next episode will be published soon. If you like this episode, then please hit like and share..

Stay blessed & keep feeling the love… ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: