From Hate… To Love!!

Episode-10

Yaad hai na aapko, ki kal kya hua tha? Oho! Aap bhul jate ho. Chalo main yaad dilati hu. Ishani Sandhya ke sath Pranav ke ghar par gayi hai pehli baar. Ab Ishani aur Pranav ko ghar par akele chhod ke Sandhya chali gayi hai bahar. Dono baithe hain gupchup aur gumsum, soch rahe hain ki kya baat kare. Aaiye dekhte hain ki kaise dono apni awkwardness ko khatam karke baatein karte hain.

Pranav aur Ishani ab akele hai aur dono ke beech ek awkward sa silence hai. Pranav Ishani ko dekh raha hai, Ishani Pranav se nazare milane ki himmat nahi kar pa rahi hai. Kuch minute baad, thodi himmat karke wo Pranav se puchti hai, “Uncle ko pata hai ki tum bimar ho?”

Pranav: Nahi! Unhe batata to wo chhutti le lete. Islie bataya nahi.

Dono fir chup hain. Kuch minute baad fir Ishani bolti hai.

Ishani: Kuch khaya subah se?

Pranav: Nahi.

Ishani: Kyun?

Pranav: Mann nahi tha.

Ishani: Ab kuch khaoge?

Pranav: Han. Main kuch banake lata hu.

Ishani: Nahi! You are not well. Tum rest karo. Main le aati hu.

Pranav: Okay! Main help kar deta hu.

Dono kitchen me jate hain. Pranav Ishani ko chize deta jata hai, Ishani bana rahi hai.

Pranav: Sorry! Thoda messy hai ghar.

Ishani: To kya hua? Isse pata chalta hai ki ghar me log rehte hain. Warna kuch ghar me to log hokar bhi nahi lagta ki koi rehta hai.

Pranav: (serious hoke) Apne ghar ki baat kar rahi ho?

Ishani han me sir hila deti hai. Dono soup lekar kitchen se bahar aate hain aur baith jate hain.

Pranav: Kuch batao apne ghar ke baare me.

Ishani: Kuch bhi batane layak nahi hai.

Pranav: Tum kisi se bhi share nahi karti na apne ghar ke baare me?

Ishani: Nahi.

Pranav: Aisa kya hai?

Ishani chup rehti hai.

Pranav: Acha main batata hu, tab btaogi?

Ishani: Okay!

Pranav: Jab main 5 saal ka tha na, tab meri mom nahi rahi thi. Unhe cancer ho gaya tha aur papa ke paas itne paise nahi the ki ilaaj kara sake.

Ishani: Ohh! To tumhare papa ne kabhi dobara shadi ke baare me nahi socha?

Pranav: Nahi! Logon ne kaha bhot par unhone nahi socha. Unhe meri mom se bhot pyar tha, wo kisi aur ko unki jagah nahi de paye.

Ishani: Tum bhot lucky ho Pranav. Tumhare papa tumse bhot pyar karte hain.

Pranav: I know. Par main hi kabhi kabhi unki baaton ko samajh nahi pata shayad, aur kuch chize galat kar deta hu.

Ishani: Par baad me to samajh jate ho na.

Pranav: Han! Chalo ab tum batao.

Ishani: Kya batau?

Pranav: Apne ghar ke baare me.

Ishani: Tumhe sunna hai?

Pranav: Han, sunna to hai. Par agar tum nahi chahti to, it’s okay.

Ishani: (smiles) Waise tumhara ghar acha hai. Shanti rehti hai yahan.

Pranav: Kon shanti? Yahan koi shanti nahi rehti. Bas main aur mere papa rehte hain.

Ishani: Please Pranav, apne PJs baad me sunana.

Pranav: Okay! Chalo tumhe apna room dikhata hu.

Ishani: Okay!

Pranav Ishani ko apne room me le jata hai. Ishani Pranav ke room ko dekhti hai. Pranav ke room me art aur science ka mixture dekhne ko mil raha hai. Kahin kuch chize science se related bikhri hui hain, to kahin arts se related kuch saman pada hua hai.

Pranav: (chize sambhalte hue) Sorry! Room thoda bikhra hua hai.

Ishani smile karti hai. Pranav use bed par baitha deta hai.

Ishani: Tum bhi baitho.

Pranav bhi Ishani ke paas aakar baith jata hai.

Ishani: Tumhe pata hai, meri nani mujhe batati thi meri mom ke baare me, ki wo bilkul mere jaisi thi. Aur unhe bhi singing ka shaunk tha.

Pranav: Hmmm. To ye hobby wahan se mili hai tumhe.

Ishani smile karti hai.

Ishani: Lekin papa ko kabhi ye sab pasand nahi aaya. Unhone mom ka bhi gana band karwa dia tha shadi ke baad.

Pranav: To isilie kabhi tumne gaane ke baare me nahi socha?

Ishani: Jab main choti thi, to main apni nani ke paas jaya karti thi. Mom ko to kabhi dekha nahi tha, to unse hi pucha karti thi. Aur wo mujhe unke baare me bataya karti thi.

Pranav: Ab kahan hain tumhari nani?

Ishani: Meri mom ke paas.

Pranav kuch der chup rehta hai, fir bolta hai, “Ye kab hua?”

Ishani: Jab main 11th class me thi.

Pranav: Kaise?

Aansu Ishani ki aankhon se chalakte hain.

Ishani: Papa ne mujhe unse milne se mana kar dia tha, uske ek week baad pata chala ki wo nahi rahi.

Pranav: (surprised) Kya? Aisa kyun kia unhone?

Ishani: (apne aansu pochte hue) Unhe pata chal gaya tha ki main gana chahti hu aur unhe lagta tha ki ye sab mujhe nani ne sikhaya hai.

Pranav: Tumhare papa ko gaane se kya problem hai?

Ishani: Meri family normal family nahi hai Pranav. Isilie main apni family ke baare me jyada baat nahi karti.

Aansu fir se Ishani ki aankhon se bahar aane lagte hain.

Pranav: Okay! Thik hai hum baat nahi karte is baare me.

Ishani: Meri mom ki shadi jab mere papa se hui thi, tab unhe unke nature ke baare me pata nahi tha. Baad me sab chize pata chali. Jab mera birth hone wala tha, tab wo test karana chahte the ki ladki hai ya ladka. Meri mom ne ye sab nahi hone dia, tab bhot ladayi hui thi, mom nani ke paas wapas aa gayi thi.

Pranav: Fir?

Ishani: Fir mom ki pregnancy me complications hui, aur mere papa ko bulaya gaya choose karne ke lie, ki kise bachaye, mom or baby? (Aansu tezi se behne lagte hain) Unhone mom ko choose nahi kia. Meri wajah se meri mom nahi rahi.

Ye kehke Ishani zor se rone lagti hai. Pranav use chup karane ki koshish karta hai.

Pranav: Ishani! Please don’t cry.

Pranav Ishani ke chehre se aansu ponch raha hai. Ishani use hug kar leti hai. Pranav bhi Ishani ko apni bahon me le leta hai aur koshish kar raha hai ki wo chup ho jaye.

Pranav: Chup ho jao Ishani. Aisa nahi hai jaisa tum soch rahi ho.

Ishani Pranav ko zor se pakad leti hai aur bolti hai, “Main meri mom ke jane ki wajah hu. Tum nahi jante ye sochke mujhe khud par kitna gussa aata hai.”

Pranav: Please Ishaniii! Aisa nahi hai jaisa tum soch rahi ho. Unhe kisi ko to choose karna hi tha na.

Ishani: (waise hi rote hue) Meri mom ko choose karna chahiye tha unhe.

Ishani ke baare me ye sab janke Pranav ki aankhon me bhi aansu aa jate hain. Wo Ishani ko chup karane ki koshish kar raha hai, lekin wo chup nahi ho rahi. Ab wo Ishani ko rone de raha hai aur aise hi use pakade hue hai. Kuch minute baad Ishani rote hue khud hi chup ho jati hai, par ab bhi usne Pranav ko hug kia hua hai. Pranav ki shirt Ishani ke aansuon se bheeg gayi hai. Pranav Ishani ke baalon ko sehla raha hai, use shant karne ki koshish kar raha hai. Jab Ishani rona band kar deti hai, tab Ishani ko gale lagaye hue hi Pranav usse puchta hai, “Ye sab tumhe tumhari nani ne bataya tha?”

Ishani: Nahi!

Pranav: Kisne bataya fir?

Ishani: Meri dusri mom ne.

Pranav ko Ishani ki step mom par gussa aa raha hai, kyunki wo janta hai ki maa se alag hone ka dukh kya hota hai, ispar koi ye kahe ki usi ki wajah se uski maa is duniya se chali gayi to wo insan tut jaega. Lekin uski step mom ne uske emotions ki bilkul parwah nahi ki aur tod dia ek masoom si ladki ka dil.

Pranav: Kab bataya unhone?

Ishani: Nani ki death ke baad.

Pranav: Aur tumhare papa ne dusri shadi kyun ki?

Ishani: Unhe ek ladka chahiye tha islie.

Pranav: (pareshan hote hue) Tum wahan kaise rehti ho Ishani?

Ishani koi jawab nahi deti.

Pranav: Tumhare papa tumse thik se behave karte hain ya nahi?

Pranav Ishani ko khud se alag karta hai, uske chehre ko apne hath me leke usse puchta hai, “Bolo. Wo tumse thik se baat karte hain?”

Ishani: Han! Wo chahte hain ki main unke hisab se rahu, agar main wo sab karti hu, to wo mujhse thik se baat karte hain.

Pranav fir se Ishani ko gale laga leta hai. Wo soch raha hai ki usne bhi Ishani ko kitna sataya hai. College ke pehle din se lekar ab tak wo Ishani ko bas pareshan hi karta raha. Pranav ko yaad aata hai, college ke pehle din jab seniors ne usse pucha tha ki itni late kyun aayi ho tab bhi Ishani ne ‘family problem’ answer diya tha. Use bura lag raha hai ki ab tak wo Ishani ko kitna galat samajh raha tha aur aaj bhi usne Ishani ko Karan ke paas chhod dia tha. Wo mann me hi ye decide kar leta hai ki ab wo Ishani ko kisi bhi tarah se pareshan nahi hone dega. Jitna ho sake use khush rakhne ki koshish karega.

Ishani ko Pranav ki bahon me reh ke jaise ek sukoon mil raha hai, wo aankhe band kie aise hi rehna chahti hai uski bahon me. Pranav bhi apni aankhe band kie use aise hi thame rehna chahta hai. Dono aise hi baithe hain bed par. Aur dono aise hi baithe hue kab so jate hain, dono ko hi pata nahi chalta.

Kuch ghante aise hi beet jate hain. Ab doorbell bajti hai, aur Pranav ki neend khulti hai. Ishani bhi jag jati hai. Dono ek dusre ko dekhte hain aur yaad karte hain ki kya hua tha. Dono ko hesitation ho rahi hai ek dusre ke sath aise dekhne me. Dono jaldi se alag hote hai aur bed se utar jate hain. Pranav Ishani ko dekh raha hai. Ishani nazare chura rahi hai. Doorbell fir se bajti hai. Pranav ka dhayan doorbell par jata hai.

Pranav: Main dekhta hu kon hai.

Ishani bhi uske piche room se bahar aa jati hai aur sofe par baith jati hai. Wo phone me dekhti hai to Sandhya ka message hai, “Be with ur Romeo, my Juliet! Kal college me milenge.” Ishani message padh ke samajh jati hai ki Sandhya ab nahi aaegi. Pranav door kholta hai aur dekhta hai ki uske papa samne khade hain.

Pranav: (surprised) Papa aap!

Pranav’s dad: Kyun? Ab apne ghar me aane me manayi hai mujhe? Aur darwaja kholne me itni der kyun laga di?

Wo andar aate hain aur Ishani ko dekhte hain.

Pranav’s dad: (dhire se Pranav ko) Ab samajh aaya der kyun lagi.

Ishani: Namaste uncle!

Pranav’s dad: Namaste! Kaisi ho Ishani beta?

Ishani: Thik hu.

Pranav’s dad: Yahan kaise? Isne fir se pareshan kia?

Ishani: Nahi uncle. Actually, Pranav was not well to bas milne aa gaye the hum dono.

Pranav’s dad: (Pranav ko dekhte hue surprise me) Teri tabyat thik nahi?

Pranav: Thik hai. Aap apna kaam karo jo karne aaye ho aur jao.

Pranav’s dad: (Pranav se) Han, ja raha hu mere baap. (Ishani se) Waise Ishani beta, ise itni importance dene ki koi zarurat nahi hai, ye baad me tumhe hi pareshan karega.

Ishani Pranav ke papa ki baat par smile karti hai.

Pranav’s dad: Koi aur bhi aaya tha kya? Tum bol rahi thi na hum dono aaye the.

Ishani: Yes, uncle. Meri friend bhi thi, wo kisi kaam se gayi hai, aane hi wali hogi.

Pranav’s dad: (smiling) Okay!

Pranav: (papa ke paas jakar, dhire se) Ab aap jaoge?

Pranav’s dad: Ja raha hu, tujhe itni kya jaldi ho rahi hai? Tu to isse baat bhi nahi karna chahta tha, ab kya hua tujhe?

Pranav: Pehle nahi karna chahta tha, ab karta hu main baat.

Pranav’s dad: Arey wah! Ye kab hua? Tune to mujhe bataya bhi nahi.

Pranav: Hue honge ek ya do month aur ab to aapko pata chal gaya na.

Pranav’s dad: Ab usse ladayi mat karna, achi ladki hai wo.

Pranav: (smiles) Hmmm. Thik hai nahi karunga.

Pranav’s dad: (Ishani se) Ishani beta! Is pagal ne tumhe kuch khilaya ya nahi?

Ishani: It’s okay uncle. Waise bhi iski tabyat thik nahi hai.

Pranav’s dad: Iski tabyat ko kaise thik karna hai mujhe pata hai. Tum dono baitho, main abhi kuch banata hu tumhare lie.

Ishani: Uncle iski zarurat nahi hai.

Pranav’s dad: Zarurat kyun nahi hai? Tum pehli baar hamare ghar aayi ho.

Ishani: Aap pareshan mat hoiye. Aapko shayad kahin jana bhi hai.

Pranav’s dad: Tum bhi mujhe bhagana chahti ho? Thik hai, ab main chala hi jata hu.

Ishani: Nahi nahi uncle. Main to islie bol rahi ki aap pareshan na ho.

Pranav: Karne do. Ye aise hi karte rehte hain.

Ishani: Okay!

Pranav: (zor se bolta hai) Kuch chahiye ho to bata dena.

Pranav’s dad: Kuch nahi chahiye. Tum jake Ishani ko ghar dikha do.

Pranav: (dhire se haste hue) Inhe kya pata hum ghar pehle hi dekh chuke hain.

Ishani bhi Pranav ki is baat par muskurati hai.

Pranav: (smiling) To chale? Ek baar fir ghar dekhne?

Ishani smile karte hue khadi ho jati hai. Dono fir se pura ghar dekhte hain aur last me Pranav ke room me jate hain.

Pranav: To ye dekhiye mera room. Kaisa hai?

Ishani kuch nahi bol rahi bas Pranav ko is tarah acting karte hue dekh ke smile kar rahi hai.

Pranav: Sorry! Thoda messy hai. To aap bed par baithna pasand karengi?

Ishani: Pranav!

Isse aage Ishani kuch bole Pranav beech me bolta hai, “Tum baitho mujhe kuch dikhana hai tumhe.”

Ishani bed par baith jati hai. Pranav apni cupboard se kuch nikal kar lata hai.

Pranav: Ye dekho.

Ishani: Ye kya hai? Album?

Pranav: (smile karte hue) Han. Mere bachpan ki.

Ishani khush ho jati hai aur use kholti hai. Usme Pranav ki purani pics hain, apne papa aur mom ke sath ki. Usme wo bhot cute aur innocent lag raha hai. Ishani uski koi purani pic dekh kar muskurati hai, to kisi purani pic ko dekh kar hasti hai. Pranav ko wo aise hasti aur muskurati hui bhot achi lag rahi hai, aur wo use aise muskurata dekh khud bhi smile kar raha hai.

Ishani: Ye konsi pic hai?

Pranav: Ye tab ki hai jab hum beach par gaye the aur mujhe beach par gola khana tha.

Ishani: Gola!

Pranav: Han, wo hota hai na, jo barf ko crumb karke usme alag alag colors aur flavours ke syrup dalte hain.

Ishani uski baate sunke ajeeb sa face banati hai. Pranav use dekhta hai.

Pranav: Seriously!

Ishani: Kya?

Pranav: (surprised) Tumne gola nahi khaya kabhi?

Ishani: Nahi.

Pranav: Oh God! Tum ye kaise miss kar sakti ho?

Ishani: (eyebrows sikodte hue) Aisa kya hai us gole me?

Pranav: Tumhe kisi din khilaunga, tab puchunga ki aisa kya hai.

Ishani: (smiles) Okay!

Dono baat kar rahe hain ki Pranav ke papa room me aate hain.

Pranav’s dad: Ye lo bacchon. Garma garam pulav.

Pranav kood ke bed par baith jata hai.

Pranav: Wow! Papa aakhir aapne bana hi dia, main itne din se bol raha tha aapse.

Pranav’s dad: Ab kha le.

Ishani: Ye aapne banaya hai uncle? Yakin nahi hota, dekhne me hi kitna tasty lag raha hai.

Pranav: Khane me aur bhi tasty hai.

Pranav ke papa dono ko plates me daal kar dete hain aur kehte hain, “Tum dono khao, main ja raha hu.”

Pranav: Okay!

Pranav’s dad: Aur han. Ishani ko uske ghar tak chhod ke aana.

Ishani: Nahi uncle main…

Pranav’s dad: Beta! Ye chhod aaega, main tumhe akele nahi jane dunga. Pehli baar aayi ho yahan.

Ishani smile karti hai. Pranav ke papa chale jate hain.

Pranav ne dhyan hi nahi dia ki uske papa chale gaye hain. Wo pulav khane me laga hua hai. Aur chammach se nahi, hath se kha raha hai. Ishani use dekh kar muh banati hai.

Ishani: Ye kaise kha rahe ho? Spoon hai na, isse khao.

Pranav: Nahi mujhe aise hi khana hai.

Ishani use dekh ke smile karti hai.

Ishani: Tumhara aur uncle ka bond bhot acha hai. Dono doston ki tarah rehte ho.

Pranav: (khate hue) Hmm. Papa aise hi hain. Tum khao na.

Ishani: Hmm.

Ishani bhi khana shuru karti hai, use bhi pulav bhot tasty lagta hai. Khana khane ke baad, Ishani Pranav se kehti hai, “Acha ab main chalti hu.”

Pranav: Abhi?

Ishani: To kab?

Pranav: Abhi to Sandhya bhi nahi aayi.

Ishani: Wo nahi aaegi to main yahin rahungi kya?

Pranav: (dhire se) Reh jao, mujhe koi problem nahi hai.

Ishani: Kya bola?

Pranav: Kuch nahi. To tum ruko main bas abhi aata hu, ready hoke.

Ishani: Nahi. Main chali jaungi.

Pranav: Bhul gayi papa ne kya kaha tha?

Ishani: Hmm. Okay! Aao jaldi se.

Pranav apne room me jata hai aur ready hokar aata hai. Dono ghar se bahar nikalte hain aur ek taxi me baith jate hain. Taxi chal rahi hai aur Ishani khidki se taxi ke bahar dekh rahi hai. Uske baal hawa se ud rahe hain. Pranav use dekh raha hai aur uske udte hue baalon ko dekh kar smile kar raha hai. Dono kuch bol nahi rahe bas aise hi chup baithe hain, beech beech me dono ki nazare ek dusre se takrati hain to dono muskura dete hain. Pranav mann me sochta hai, “I am sorry Ishani, maine tumhe ab tak bhot sataya, par ab main aisa kuch nahi karunga. I promise.”

Thodi der baad, Ishani ka ghar aa jata hai. Pranav taxi wale ko wahin wait karne ka bolke, Ishani ke ghar ke gate tak aata hai.

Ishani: Andar nahi aaoge?

Pranav: Fir kabhi.

Dono ek dusre ko dekh rahe hain, smile dono ke chehron par hai. Dono ki aankhen ek dusre se kuch keh rahi hain, par abhi dono hi wo baat samajh nahi paye hain.

Pranav: To main chalta hu fir.

Ishani: (na chahte hue) Okay!

Pranav taxi ki taraf palat jata hai, Ishani use dekh rahi hai aur fir wo bhi ghar ki taraf palat jati hai. Pranav Ishani ko mud kar dekhta hai aur use awaz lagata hai, “Ishaanii!”

Ishani Pranav ki awaz sunke paltati hai.

Pranav: Please do take care of yourself.

Ishani smile karti hai aur kehti hai, “Okay! You too Pranav.”

Pranav: Bye!

Ishani: Bye!

Pranav taxi me baith jata hai aur Ishani ghar ke andar chali jati hai.

Aaj ki ye mulakaat dono ke lie hi khaas thi. Dono ko hi ek dusre ke baare me kuch aisi chize pata chali, jinse wo anjaan the. Ye mulakaat islie bhi bhot khaas hai, kyunki is mulakaat ki wajah se dono ek dusre ke bhot kareeb aa gaye hain. Ab shayad dono ko ehsaas ho jaye ki jo rishta dono ke beech dushmani se shuru hua tha wo ab dosti ki seema bhi laangh chuka hai. Par dekhte hain ki is mulakaat ka asar unke aane wale dino par kaisa hota hai? Abhi ke lie hum lete hain aapse vida. To ye kahani padhte rahiye, enjoy karte rahiye aur ek kaam aur hain jo aapko karna hai, humse jude rehne ka.

The next episode of this story will be published tommorow. Keep reading the story. If you like this episode, then please comment, like and share…
And do like and follow our page “Talking Hearts” too.

Till then…
Be Blessed.
And feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: