From Hate… To Love!!

Episode-9

Pichle episode me Ishani ko singing audition dena tha, jab tak Pranav nahi aaya tha wo khud ko akela feel kar rahi thi, lekin Pranav ke aane ke baad wo stage par jati hai aur confidently gati hai. Logon ko uski singing pasand aayi hai.

Aur ab wo din bhi aa gaya hai jab unke auditions ka result aana hai, aur dono next round ke lie select ho gaye hain.

Ye janke dono bhot khush ho jate hain.

Ishani: (khushi se smile karte hue) Thank you so much Pranav. Tum nahi hote to ye nahi hota.

Pranav: Ye sab mat bolo chashmish.

Ishani: Ab main Sandhya ko bata dungi, is competition ke baare me.

Ishani Sandhya ke paas jati hai, Pranav bhi uske piche aata hai dekhne ke lie, par dur khada hai, kyunki abhi Ishani aur Pranav ki friendship ke baare me kisi ko pata nahi hai. Ishani Sandhya se kuch bol rahi hai, Sandhya Ishani ke gale lagti hai aur wo khush dikhayi de rahi hai. Tabhi Ishani Pranav ki taraf dekhti hai aur use wahan aane ka ishara karti hai. Pranav wahan unke paas chala jata hai.

Ishani: Sandhya! Isi ki wajah se main aaj competition me participate kar payi.

Sandhya: Aur tum dono ki ladayi?

Pranav: Ab hum dost hain.

Sandhya: Ye acha hai tum dono ka. Ladayi sabko dikha ke ki aur dosti ka pata kisi ko bhi nahi chalne dia.

Ishani: Ek din hi hua hai dosti hue, ab tu jyada mat bol.

Sandhya: (haste hue) Main majak kar rahi hu pagal. I am happy for you. Aur kam se kam mera picha chhuta tum dono ke beech mediator ka kaam karne se.

Teeno haste hain.

Sandhya: To ab kab hai next performance? Is baar main bhi aaungi dekhne.

Ishani: Inter college competition hai to time lagega. Bhot colleges participate kar rahe hain.

Pranav: Abhi 2 month ka time hai.

Sandhya: Hmm. To dono ache se practice karna fir. Aur tu ghar pe apne papa ko bata dena.

Ishani: (serious hoke) Nahi. Mujhe kisi ko nahi batana.

Pranav ko ye dekhke kuch ajeeb lagta hai, par wo kuch bolta nahi.

Pranav: To abhi focus project par.

Ishani: Han!

Ab dono ka focus wo project hai, to dono din raat mehnat karke us project ko bana rahe hain. Ab dono ke beech koi ladayi, koi kaha suni nahi hoti hai, dono aaram se ek dusre ki baat ko sunte hain, samjhte hain aur uske baad project me kaam karte hain. Ishani ki theoretical knowledge aur Pranav ka practically chizo ko karne ka experience dono kaam me aa rahe hain. Ab project bhi speed se banne laga hai, kuch hi dino me dono ne use final stage tak phocha dia hai. Jald hi wo dono us project ka final submission Diwakar sir ko kar denge.

Dono din par din ek dusre se close hote ja rahe hain, project aur singing ki wajah se dono ka kafi time ek sath hi beetate hai aur bacha hua time bhi wo ek dusre ke sath hi bitana chahte hain. Dono jo kabhi har baat par lada karte the, ab ek dusre ka sath pasand karne lage hain. Ab Ishani Pranav ke sath class bhi bunk karne lagi hai aur Pranav bhi ab Ishani ki wajah se classes attend karne laga hai. Lecturers bhi ab Pranav se khush hain. Sab acha chal raha hai, dono ek dusre ke dost hain, par jaisa aap jante hain, ki college me aisi dosti, dosti nahi dosti se jyada maan li jati hai. Aur yahi ho raha hai ab, Pranav aur Ishani ke sath. Dono itna sath me rehne lage hain ki ab logon ko lagne laga hai, ki ye dono dost nahi couple hain. Waise maine ye nahi kaha ki dono ke beech kuch hai nahi, lekin jo baat log samajh pa rahe hain, wo in dono ko abhi samajh nahi aayi hai, to is pyare se pyar ke rishte ko, ye dono dosti ka naam de rahe hain. Aur idhar Karan bechain hai, kyunki use apna plan flop hota dikh raha hai. Use Ishani pasand nahi hai, usne ye sab bas aise hi time pass ke lie shuru kia tha, par ab usne ye baat apne ego par le li hai, aur wo kisi bhi tarah Ishani ko pata ke dikhana chahta hai aur prove karna chahta hai khud ko.

Ek din, sham ko jab Pranav apne ghar jane ke lie nikal raha hai tab use Karan aur Rahul milte hain.

Rahul: Kya yaar. Aaj to tu dikha hi nahi pure din. Kahan tha tu?

Pranav: Wo project ki wajah se busy tha.

Karan: (sarcastically) Aaj ye pure din project bana raha tha.

Rahul: Karan ne bataya mujhe. Tu aaj kal us Ishani ke sath jyada rehne laga hai. Hum doston ko to bhul gaya hai tu.

Pranav: Aisi baat nahi hai, bas project ki wajah se time nahi milta.

Karan: Ishani kab se teri sagi ho gayi? Jo tu har time uske sath rehta hai, aur uska project complete karwa raha hai? Aur lagta hai hamare plan ke baare me tu bhul hi gaya hai.

Pranav: Dekh Karan, wo mera bhi project hai. Maine tujhe help karne ke lie bola tha par main khud ka nuksaan nahi kara sakta.

Karan: Jab tu use akela chhodega tab hi to main baat kar paunga usse. Tu har time uske sath rehta hai, main kaise baat karu?

Pranav: Kyunki bhai wo tujhme interested nahi hai.

Karan: Tujhe kaise pata?

Pranav: Mujhe pata hai.

Karan: Dekh tu mujhe gussa mat dila. Kal tu college mat aana. Mujhe ek baar try karne de.

Pranav: Kal to project hume sir ko dikhana hai, last stage par hain hum.

Karan: Parso dikha lena. Kal koi bhi bahana bana ke college mat aana.

Pranav: (upset hoke) Okay!

Karan: Chal bye!

Pranav: Bye!

Pranav ghar ke lie nikal gaya hai, aur pure raste ye soch raha hai ki usne Karan ki help karke acha nahi kia. Use apne papa ki baat yaad aa rahi hai, jab wo use samjha rahe the, “Pranav tum aise nahi ho, abhi gusse me ho islie ye sab karne ke lie soch rahe ho. Apna gussa pehle shant kar lo, kahin aisa na ho tumhe pachhtana pade.”

Par Pranav sochta hai, ki ek chance Karan ko dena chahiye, ho sakta hai, Ishani usse baat karne lage. Islie wo decide karta hai ki kal wo college nahi jaega. Lekin sath me ye bhi sochta hai ki agar kal tak Karan successful nahi ho paya, to uske baad wo Karan ki help nahi karega.

Agle din Pranav college nahi jata. Aaj Karan full tyari me hai ki Ishani ko pata sake. Karan Ishani ka wait kar raha hai. Jaise hi wo College me enter karti hai, Karan uske piche aata hai.

Karan: Hi Ishani!

Ishani: Hi!

Karan: Kaisi ho?

Ishani: Achi hu.

Karan: Coffee piogi?

Ishani: Sorry Karan mujhe thoda kaam hai.

Karan: Project ka na. Han par aaj Pranav nahi aaya hai college, islie hi puch raha tha. Kyunki aaj project ka kaam to ho nahi paega.

Ishani: Pranav college nahi aaya? Kyun?

Karan: Bol raha tha ki wo acha feel nahi kar raha.

Ishani: (pareshan hoke) Wo thik hai?

Karan: Pata nahi. Bas message karke hi bataya tha usne mujhe.

Ishani: By the way, mujhe class attend karni hai. Main tumse baad me milti hu.

Ishani Karan se ye keh ke classroom me chali jati hai. Karan Ishani ke piche classroom me bhi aa jata hai.

Ishani Pranav ko text karti hai, “Karan told me, u will not come to college. U alryt?”

Pranav Ishani ka message to dekh leta hai, par uska reply nahi karta.

Ishani Pranav ke message ka wait kar rahi hai aur pareshan bhi hai. Sandhya use pareshan dekhti hai to puchti hai.

Sandhya: Kya hua? Pareshan kyun hai?

Ishani: Pranav aaj college nahi aaya hai.

Sandhya: (smiling) Ooh! To islie pareshan hain madam.

Ishani: Nahi. Wo reply bhi nahi kar raha messages ka. I hope sab thik ho.

Sandhya: (Ishani ko dekhte hue) Look at you! Tu wo hi Ishani hai na jo Pranav ka naam sunke 10 kilometre dur bhagti thi?

Ishani: Yaar tu faltu baate mat kar.

Sandhya: (smiling) Nahi kar rahi main faltu baat. Jab tu realise karegi na tab samajh aaega tujhe.

Ishani: Kya realise karungi main?

Sandhya: (smiling and singing) You are in love, you are in love, you are in lovveee…

Ishani: Shut up. Aisa kuch nahi hai. We are just friends.

Sandhya: Enemy se friends aur friends se life partners bhi ban jaoge. Dekh lena.

Ishani ki nazar tabhi Karan par jati hai.

Ishani: Oh God! Ye Karan, pata nahi kab mera picha chhodega?

Sandhya: Haha! Ye bhi ajeeb namoona hai. Pata nahi Pranav ne kaise dost banaye hain. Khud itna classy hai, aur iske dost tapori.

Ishani: Pehle to wo bhi mujhe tapori hi lagta tha, ho sakta hai ye bhi na ho.

Sandhya: Ohoo! Side li ja rahi hai Pranav ki.

Ishani: (irritate hote hue) Tu mujhe chhedna band kar aur ye bata ki Pranav ko contact kaise karu, wo na to call utha raha hai aur na messages ke reply kar raha hai.

Sandhya: College bunk maarte hain aaj.

Ishani: (bhauhe sikodte byhue) Kya?

Sandhya: Pranav ke ghar chalte hain. Pata chal jaega wo kyun nahi aaya college.

Ishani: Nahi. Pagal hai? Aise kisi ke ghar jana thik nahi hai.

Sandhya: Kisi ke nahi. Pranav ke, jo tera friend hai aur hone wala…

Sandhya puri baat kahe ki Ishani uska muh band kar deti hai.

Ishani: Aisa kuch nahi hoga.

Sandhya: Hoga. Zarur hoga. Dekh lena. (after few seconds) Ab chal! Nahi to koi na koi padhane aa jaega.

Ishani: Par uska address?

Sandhya: Uski tension mat le, uski wo diary hai na tere paas notes wali, usme hai.

Ishani: Han! Ye to main socha hi nahi.

Sandhya: Ab chal.

Ishani: Par Karan ka kya kare? Ye tab se mere piche laga hua hai.

Sandhya: Tu chal to, iska ilaaj bhi karte hain.

Ishani: Okay!

Ishani aur Sandhya class se bahar nikalte hain. Karan bhi unke piche aata hai. Ishani aur Sandhya ladies’ toilet me chali jati hain. Sandhya bahar nikal ke aati hai.

Sandhya: (Karan se) Kya hai? Picha kar rahe ho hamara?

Karan: Arey nahi.

Sandhya: To fir? Humare piche kyun aaye?

Karan: Main to khud ja raha hu.

Ye keh ke Karan gents’ toilet me ghus jata hai. Sandhya Ishani ko awaz lagati hai aur dono wahan se nikal jati hain. College se bahar nikalne ke baad Sandhya aur Ishani ek auto me baith jati hai.

Ishani: Sandhya! Maine teri baat to maan li hai, par mujhe thoda awkward lag raha hai. Aise uske ghar pe jana thik hoga kya?

Sandhya: Arey! Main hu na tere sath. Bol dungi ki mujhe fikr ho rahi thi uski.

Ishani: (hairani se) Tujhe fikr ho rahi hai?

Sandhya: Kya chahti hai fir? Tera naam bhi nahi lena, apna naam bhi nahi lena. To kya kahu wahan jake?

Ishani: Isilie to soch rahi hu ki nahi jate hain.

Sandhya: Main apna naam le lungi. Ab tu jyada mat soch.

Ishani: Par tu aise bolegi to kahin wo galat na samajh le?

Sandhya: Kya galat?

Ishani: I mean, wo ye na samjhe ki tujhe uski fikr hai aur tu use… U know what I mean…

Sandhya: (smiling) Samjhega to samajhne de. Tere mann me to aisa nahi hai na uske lie?

Ishani: (hesitating) Na… Nahii…

Sandhya: Bas to… Use jo samajhna hai samjhne de.

Ishani: (little upset aur auto se bahar dekhte hue) Okay!

Pranav ka ghar aata hai, dono auto se utar jati hain. Ishani ab bhi hesitate kar rahi hai uske ghar jane me Sandhya use pakad ke kheenchti hai. Dono uske ghar ke door ke bahar khadi hain.

Ishani: Sandhyaaa!

Sandhya: Chup kar!

Sandhya doorbell baja deti hai.

Pranav door kholta hai. Pranav Sandhya aur Ishani ko dekh ke surprised ho jata hai.

Pranav: (khushi se) Wwoowhh!

Sandhya: Hi!

Ishani: Hi!

Pranav: Hi! Maine tum dono ko expect nahi kia tha. Please come.

Ishani aur Sandhya ghar me enter karte hain.

Pranav subah se upset tha, uska mann bas college me laga hua tha. Ishani thik hogi ya nahi, Karan kahin use pareshan na kare. Lekin Ishani yahan uske ghar par aa jaegi ye usne socha nahi tha. Wo Ishani ko dekh kar bhot khush hai aur bas use hi dekhe ja raha hai.

Sandhya: Actually! Karan ne bataya hume ki you are not feeling well. To jab mujhe pata chala, to main to bhot pareshan ho gayi thi. Ishani se messages bhi karwaye, par tumne reply nahi kia. Fir maine use bola tumhe call karne ke lie tumne uska bhi answer nahi dia. To kya karti fir? Tumhari itni fikr ho rahi thi mujhe ki raha nahi gaya mujhse.

Pranav Sandhya ki ye sab baate sunke smile kar raha hai aur Ishani ko dekh raha hai. Ishani Pranav ko dekhna ignore kar rahi hai islie pure ghar ko dekh rahi hai.

Pranav: (Ishani ko dekhte hue) Thanks Sandhya meri itni fikr karne ke lie.

Ishani: (ab Pranav ko dekhte hue) Phone kyun nahi uthaya?

Pranav: Sorry! Wo phone silent par tha.

Ishani: To call back kyun nahi kia?

Pranav: (Sir jhuka ke) Mujhe laga tum class attend kar rahi hogi.

Ishani: Kam se kam ek message hi kar dete.

Pranav: Sorry!

Sandhya dono ki baate sun rahi hai aur muskura rahi hai. Use samajh aa raha ki dono ke beech kya hai, par shayad abhi Pranav aur Ishani ko iska realisation nahi hua hai.

Sandhya: Han! Ishani ko tumse bhot zaruri discussion karna tha, use kuch realise hua hai.

Ishani Sandhya ke pair par pair marti hai.

Sandhya: Ouch! Project ke baare me. Project ke baare me kuch realise hua hai, wo discuss karna tha Ishani ko.

Pranav: Kya realise hua hai?

Ishani: Kuch nahi. Ye aise hi bolti rehti hai. To hum chalte hain.

Pranav: Itni jaldi.

Sandhya: Han! Itni jaldi?

Ishani: (Sandhya ko ghurte hue) Han! Bas tumhe dekhne aaye the, (Pranav ko dekhte hue) dekh lia.

Pranav: (Upset) To college jaoge wapas?

Ishani: Nahi.

Pranav: To ruko na thodi der.

Sandhya: Han! Waise bhi mujhe thoda kaam hai. Main itne wo kaam khatam karke aati hu, tu tab tak yahin wait kar.

Ishani: Sandhya! Kya kaam hai? Main sath chalti hu na.

Sandhya: Mujhe apne boyfriend se milna hai. Tu yahan apne boyfriend… I mean friend ke sath reh thodi der. Main aati hu.

Ishani use fir ghurti hai, Sandhya smile karti hai aur wink karke wahan se chali jati hai.

To hero aur heroine ab ghar me akele hain. Dono ko hi samajh nahi aa raha hai ki wo kya kare. Wo kya karte hain, ye sab hume abhi pata nahi chalega, kyunki abhi time hai aapse vida lene ka. To next episode me milte hain aur dekhte hain ki story aage kya mod leti hai. Till then enjoy the life and stay connected.

The next episode of this story will be published soon. If you liked this episode then please do comment, like and share…
Like and follow our page, “Talking Hearts.”

Stay blessed guys..

And Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: