From Hate… To Love!!

Episode-8

Pichle episode me Pranav ne Ishani se singing competition ka form bharwa dia tha. Ab kal Ishani ko sabke samne perform karna hai.

Pranav Ishani ko next day ke lie samjha kar wapas ghar jane ke lie college se nikal raha hai aur Karan use raste me milta hai.

Karan: Abhi tu Ishani se milne gaya tha?

Pranav: (hesitating) Hann… Kyun?

Karan: Project ke lie?

Pranav: (hesitating) Nahii… actually… use… singing pasand hai. To bas… help kar raha tha uski… formalities puri karne me…

Karan: Arey yaar! Tune itna acha chance miss karwa dia.

Pranav: Kaisa chance?

Karan: Ye sab main karwata to impress ho jati na wo. Chal koi baat nahi. Ab ye bata ki ye audition kab hai?

Pranav: Kal.

Karan: Bas to… Kal tu mat jana wahan, main jaunga to cheer her up. Wo khush ho jaegi.

Pranav: (Indirectly mana karne ki koshish karte hue) Yaar ye uske lie thoda important hai. Tu kisi aur chiz se try kar lena. Ye sab rehne de.

Karan: Yaar! Itna acha mauka hai, aise kaise jane du? Kal tu nahi jaega, main jaunga. Okay?

Pranav: (na chahte hue bhi) Okay!

Agla din ho jata hai. Ishani college aa gayi hai, wo aaj pehle ke comparison me jyada khush lag rahi hai. Wo college me aane ke baad Pranav ko dhund rahi hai, lekin Pranav use kahin dikhayi nahi de raha hai. Thodi der use dhundne ke baad jab wo use nahi milta to wo class attend karne chali jati hai. Class ke baad wo Sandhya ke sath bahar aati hai aur Sandhya se kehti hai, “Sandhya mujhe kuch kaam hai, main tujhe baad me milungi.”

Sandhya se keh kar wo audition room me chali jati hai jahan auditions chal rahe hain. Pranav ab bhi wahan nahi aaya hai. Wo ab Pranav ko message karti hai, lekin Pranav ka koi reply nahi aata. Dhire dhire candidates ke names announce ho rahe hain aur use ghabrahat hone lagi hai. Ishani ab soch rahi hai, “Pranav! Kahan ho tum?”

Kitni ajeeb baat hai na. Jis ladke se wo ab tak ladti aayi thi aaj use hi yaad kar rahi hai. Pata hai kyun? Kyunki itno ki bheed me ek wahi hai jisne uske mann ko padha, uske mann ko smajhne ki koshish ki. Ek wahi hai jisne uske mann ki baat uske bina kahe jaan li. Islie wo use yaad kar rahi hai. Lekin… Pranav nahi aata. Pranav ki jagah Karan audition room me aata hai.

Karan: (Ishani ke paas aakar) Hi Ishani!

Ishani mud kar dekhti hai, use ek pal ko lagta hai ki Pranav aa gaya hai, par wo Karan hai. Jo khushi uske chehre par kuch dikhayi dena shuru hui thi wo ab dobara gayab ho chuki hai.

Ishani: Hi!

Karan: Mujhe kal Pranav ne bataya, tumhe singing ka shaunk hai.

Ishani: Pranav kahan hai?

Karan: Kyun?

Ishani: Usne kaha tha wo yahan aaega.

Karan: Ishani! Pranav ki kya zarurat hai? Main hu na tumhe cheer karne ke lie.

Ishani: (Karan ki baat ko ignore karte hue) Wo college aaya hai?

Karan: Han.

Ishani: Okay!

Ishani ye puch kar room se bahar nikal jati hai aur Pranav ko call karti hai. Pranav call uthata hai.

Pranav: Hello!

Ishani: Hello! Kahan ho tum?

Pranav: College me hi. Kyun?

Ishani: (gusse me) Kyun matlab? Tumne kaha tha ki kal tum mere sath hoge auditions me.

Pranav: Han. Karan hai to.

Ishani: Tum kyun nahi ho?

Pranav: Tum aise kyun baat kar rahi ho? Tumne kaha tha koi hona chahiye jo tumhe janta ho. To Karan ko bhi tum janti ho.

Ishani: Tumhe aana nahi tha to mujhe force kyun kia form bharne ke lie?

Pranav: Kyunki tum acha gaati ho.

Ishani: (gusse me) Now, I am not singing. Bye.

Ye keh ke Ishani phone rakh deti hai aur wahan se canteen ki taraf jane lagti hai.

Pranav Ishani ko call karta hai. Ishani call pick karti hai.

Ishani: Bolo ab kya kehna hai?

Pranav: Ishani tum ga kyun nahi rahi.

Ishani: Kyunki mujhe nahi gana. Project ke lie lunch ke baad aa jana lab me.

Pranav: Ishani! Okay! Main aa raha hu wahan. Tum wahin raho, wahan se jana mat.

Ishani koi jawab die bina phone kaat deti hai.

Pranav auditions room ki taraf bhagta hai. Wahan phoch kar dekhta hai, Ishani room ke bahar khadi hai. Pranav Ishani ke paas jata hai.

Pranav: (haanfte hue) Pani hai kya?

Ishani apne bag me se use pani ki bottle deti hai. Pranav pani pita hai.

Pranav: Ab khadi kya ho aa gaya main, ab chalo andar.

Ishani: Kyun?

Pranav: Jo bolna ho baad me bolna abhi andar chalo, tumhari chance aane wali hogi.

Ishani aur Pranav dono andar jate hain. Karan Pranav ko Ishani ke sath dekhta hai to use acha nahi lagta.

Karan: Arey! Tu yahan kaise?

Pranav: Ishani ne phone karke bula lia.

Tabhi Ishani ka naam announce hota hai. Ishani Pranav ko dekhti hai.

Pranav: All the best Ishani! I know you will rock it.

Ishani: (smiles) Thanks.

Karan: Best of luck Ishani!

Ishani: Thanks.

Ishani stage par jati hai aur gana shuru karti hai. Jaisa ki Pranav ne bola tha, her singing is intense. Wahan ki audience ko bhi ye feel hota hai. Ishani ki awaz kaano ko itni achi lag rahi hai ki sab sirf uski awaz sunna chahte hain. Pranav bhi uski singing sunke smile kar raha hai aur sunte sunte uske muh se nikalta hai, “Wow!”

Ishani gana band karti hai, aur pura room taaliyon se goonjne lagta hai.

Karan: Itna bhi khaas nahi tha, thik hi tha.

Pranav: Dude! Tu use like karta hai aur aise bol raha hai uske lie?

Karan: Like kon karta hai? Main to bas try kar raha hu. Pat gayi to acha hai.

Pranav kuch kehta nahi, par use Karan par gussa aa raha hai. Ishani stage se utar kar aati hai, wo bhot khush hai.

Pranav: (smiling) Maine bola tha na, tum acha gaati ho.

Ishani muskurate hue Pranav ko dekh rahi hai.

Karan: Wow! Ishani, mujhe sach me nahi pata tha tum itna acha gaati ho. Tum jab ga rahi thi na to mere muh se bas yahi nikal raha tha baar baar, wow… wow… wow…

Ishani: Thanks Karan.

Pranav Karan ko dekhta hai, Karan Pranav ko wink karta hai.

Ishani: Okay! Karan thanks for coming. Par ab hume jana hai, project ke lie. To tumse baad me milenge.

Karan: Okay Ishani. I will be waiting.

Ishani: Okay bye!

Ishani aur Pranav wahan se bahar nikalte hain.

Pranav: Tumne to kaha tha ki lunch ke baad project ke lie jana hai.

Ishani: Han. Abhi to maine aise hi bol dia tha, nahi to Karan bhi aata sath me.

Pranav: (smiling) You know na wo mera dost hai aur tum mere hi samne uske sath aisa kar rahi ho.

Ishani: Hoga tumhara dost, par use samajh nahi aata kya ki main usme interested nahi hu. Pata nahi kyun aa jata hai baar baar? Aur tumne use kyun bataya mere audition ke baare me? Maine ab tak Sandhya ko bhi nahi bataya hai aur ise pata chal gaya.

Pranav: Isne kal mujhe tumhare sath dekh lia tha to puch lia.

Ishani: Aage se jab bhi dekhe to bolna ki project ka kaam tha.

Pranav: (smiling) Okay!

Pranav chalte hue Ishani ko dekh raha hai aur muskura raha hai. Ishani Pranav ko dekhti hai.

Ishani: Kya?

Pranav: Kyaa?

Ishani: Kyaaa?

Pranav: Kyaaaa?

Ishani hasne lagti hai. Pranav bhi muskurata hai.

Ishani: Main puch rahi thi ki tum mujhe dekhke smile kyun kar rahe ho?

Pranav: Oh! That?

Ishani: Yeah! That.

Pranav: Ye sochke ki tumne kaise Karan ko wahan se bhagaya.

Ishani: Okay!

Pranav: Tum Karan ko pasand nahi karti?

Ishani: Nahi.

Pranav: Mera dost hai islie?

Ishani: Han. Islie tumhare sath ghum rahi hu main?

Pranav: (haste hue) Nahi. Wo to hume project banana hai sath me islie shayad.

Ishani: Abhi hum project bana rahe hain?

Pranav: Nahi. I mean hum dushman hain na.

Ishani: Han dushman hain, lekin trustworthy dushman.

Pranav: Matlab?

Ishani: Matlab tumne mujhe mana kar dia tha ki iske baad kuch nahi karoge to kuch nahi kia. Jo bolte ho wo karte bhi ho. To hue na trustworthy.

Pranav: You mean; you trust me?

Ishani: Keh sakte ho.

Pranav: So, you trust me?

Ishani: Han. Kitni baar kahu?

Pranav: Lekin kyun? Abhi tak humare beech bas ladayiyan hi hui hai, uske baad bhi?

Ishani: Hmm. Kyunki tum ek dushman ke lie bhi bhagte hue aa sakte ho, ki kahin uska audition miss na ho jaye.

Ishani ye baat kehti hai, Pranav ko dekhti hai aur smile karti hai.

Ishani: And thanks for this Pranav! Tumhare papa ne mujhse tab kaha tha ki you are a nice guy, us nice guy ki jhalak mujhe ab dikhayi de rahi hai.

Pranav Ishani ko dekhta hai aur smile karta hai.

Pranav: Waise tum bhi utni buri nahi ho jitni mujhe lagti thi.

Ishani: (smiling) Okay! Utni buri nahi hu, but… buri hu.

Pranav: (haste hue) Nooo… I mean tum achi ho. (Ruk ke Ishani ko dekhte hue) Yeah! Tum achi ho.

Ishani ek nazar Pranav ko dekhti hai smile karti hai aur nazare hata leti hai.

Pranav: To Karan ka kya karna hai fir?

Ishani: I don’t know. Ignore hi shayad, kyunki use samajh nahi aa raha.

Pranav: Use college se nikalwa sakti ho.

Ye bolke Pranav smile karta hai aur Ishani ko dekhta hai. Ishani bhi uski taraf dekhti hai aur ghurti hai. Fir dono dhire se haste hain.

Ishani aur Pranav kuch der sath rehne ke baad, chale jate hain. Fir lunch time ke baad milte hain aur project par kaam karte hain. Aaj dono bina lade bina behas kie project par kaam kar rahe hain.

Pranav: By the way, Ishani.

Ishani: Han? Kya hua?

Pranav: Hum agar chahe to bina lade kaam kar sakte hain.

Ishani: Hmm.

Pranav: Aur singing me bhi ek dusre ki help kar sakte hain.

Ishani: Hmm.

Pranav: Tum meri theory me help kar sakti ho aur main practical me.

Ishani: Hmm.

Pranav: Aur hum friendship bhi kar sakte hain.

Ishani: Hmm. (Surprisingly) Kya?

Pranav: Ishani! Kal tum okay okay bol rahi thi, aaj tum hmm hmm kie ja rahi ho. Kuch aur bolna nahi hota hai kya tumhe?

Ishani: (smile karte hue) Tumne jo bhi kaha hum wo sab kar sakte hain. Par friendship…

Pranav: Kyun? Nahi kar sakte kya?

Ishani: Tumne mujhse fir se ladayi ki to?

Pranav: (smiling) To tum mujhe fir se college se suspend kara dena. So! Will you be my friend?

Ishani: Hmm.

Pranav: (haste hue) Fir se hmm.

Ishani: (haste hue) Sorry! Yeah, I will be your friend.

Dono fir se project me lag jate hain. Dosti to ho gayi dono ki, par ye dosti dosti hi rahegi ya fir se koi ladayi hogi dono ke beech. Ye to dekhna banta hai. Aur use dekhne ke lie, yes aap jante hain, please stay connected like always.

The next episode of this story will be published soon. If you liked this episode then please do comment, like and share…
Like and follow our page, “Talking Hearts.”

Stay blessed guys..

Keep feeling the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: