From Hate… To Love!!

Episode-7

Pichle episode me pehli baar laga ki Pranav aur Ishani ek dusre se thik se baat kar sakte hain. Ye aage bhi aise hi chalega ya fir se dono ki ladayi ho jaegi, aaiye dekhte hain.

Pranav aur Ishani ab project bana rahe hain, Ishani Pranav ko project ke baare me sab samjha chuki hai. Ab dono aage ke kaam ke baare me discuss kar rahe hain. Aur Lab ke bahar Karan aata hai.

Karan: Ishani!

Pranav ko yaad aata hai ki usne Karan se Ishani ka number lene ke lie bola tha.

Ishani: Han Karan, koi kaam hai?

Karan: Han! Kya tum bahar aa sakti ho?

Ishani: Karan, main tumse baad me milu? Abhi thoda kaam hai mujhe.

Karan Ishani ki ye baat sunke, lab ke andar aata hai.

Karan: Don’t worry Ishani, main tumhe disturb karne nahi aaya. Main bas tumhara number maangne aaya hu.

Ishani: Number! Par kislie?

Karan Pranav ko ishare se puchta hai ki wo sahi kar raha hai na. Pranav bhi ishare se han bol deta hai. Karan Ishani se aage baat karta hai.

Karan: Ishani tumne mujhse kaha tha na ki tum mujhe janti nahi ho, to bas usi ke lie. College me tum busy rehti ho, to ghar par jake jab tum free ho, tab hum baat kar sakte hain.

Ishani: (in hesitation) Karan, mujhe ye sab nahi karna. Sach me.

Karan: Ishani! Bas ek baar chance dedo.

Pranav Ishani ko dekh raha hai aur note kar raha hai ki wo Karan ko apna number nahi dena chahti.

Karan: Ishani please.

Pranav ab bolta hai, “Karan wo tumhe apna number nahi dena chahti, to force mat karo use. Ishani ko jab sahi lagega wo tumhe khud apna number de degi.”

Karan: Pranav! Main bas Ishani se request kar raha hu.

Pranav: Ishani! Tumhe jo bhi kehna hai ise ek baar me bol do.

Ishani: Thik hai Karan main tumhe number de deti hu, note karo. Ishani apna number Karan ko batati hai.

Pranav sab dekh raha hai aur notice bhi kar raha hai ki Ishani ka mann nahi tha Karan ko number dene ka. Karan usse number exchange karta hai aur chala jata hai.

Pranav: Use number kyun dia?

Ishani: Matlab?

Pranav: Matlab, I could feel ki tumhe use number dene ka mann nahi tha, to kyun dia number?

Ishani: Wo itni request kar raha tha.

Pranav: Request to main bhi kar raha tha, us din ki mujhe apne sath kaam karne do.

Ishani: Us din main gusse me thi, tumhari wajah se pehli baar mujhe kisi professor ne class se bahar nikala tha. Wo mere lie bhot badi baat thi.

Pranav: To tum is chiz ke lie mera career kharab kar deti?

Ishani: Nahi Pranav. Mujhe pata hai kisi ka career kitna important hota hai.

Pranav: To kyun kia tha wo?

Ishani: Bas gusse me thi islie mana kar dia tha, par tum dobara mere paas aate to main mana nahi karti.

Pranav: Means tumse koi baar baar bheekh mangta rahe ye tumhe acha lagta hai?

Ishani: Aisa nahi hai.

Pranav: To kaisa hai? Agar aaj tumhe meri zarurat nahi hoti to tum mere paas nahi aati.

Ishani: Hume project pe dhyan dena chahiye ab.

Pranav: Tumhe acha lagta hai kya logon ko aise pareshan dekhna?

Ishani: (project ke baare me bolte hue) Is circuit me hume abhi kuch chize aur jodni padengi.

Pranav: Tumse main kuch bol raha hu aur tumhe circuit ki lagi hai.

Ishani: Hum yahan isi baare me baat karne aaye hai. To isi ke baare me baat karo, baki chizon ke baare me baat nahi karni mujhe.

Pranav: (gusse me) Okay!

Dono fir se project par kaam karne lagte hain. Thodi der baad, dono wahan se nikal jate hain. Ishani ke hath me wo form hai, jo Pranav ne use dia tha. Wo soch rahi hai form bharu ya na bharu aur sochte hue chal rahi hai. Tabhi uske mobile me ek message aata hai. Wo open karti hai. Karan ka message hai, “Hi!”

Ishani muh banati hai, uske message ka reply nahi karti aur chalti rehti hai. Tabhi fir se ek message aata hai. Wo phone me dekhti hai. Is baar Pranav ka message hai, “Hi!”

Ishani Pranav ko reply karti hai, “Hi!”

Pranav, Karan aur Rahul teeno ek sath baithe hain. Pranav hi Karan ko Ishani ko message karne ke lie kehta hai, par jab Ishani ka reply nahi aata to khud Ishani ko message karke dekhta hai. Ishani Karan ke message ka reply nahi karti, lekin Pranav ke message ka reply turant kar deti hai. Ye dekh ke Pranav thoda surprise hota hai. Wo Karan se kehta hai, “Ek baar dobara try kar, use message karke. Ho sakta hai ab reply kar de.”

Karan dobara message karta hai, “How’s u?”

Ishani fir koi reply nahi karti. Ab Pranav Ishani ko message karta hai, “How’s u?”

Ishani ka reply Pranav ke paas aa jata hai, “I am fine. Wht abt u?”

Pranav Karan ko nahi batata ki Ishani uske messages ka reply kar rahi hai, use ye samajh aa chuka hai ki wo Karan me interested nahi hai. Par wo uske messages ka answer kyun kar rahi hai, ye use samajh nahi aa raha. Wo soch raha hai, “Waise mujhse ladti rehti hai aur ab mujhe reply kar rahi hai, Karan ko nahi. Jabki Karan to usse kitne ache se baat karta hai.”

Sochte hue ek aur message type karta hai aur send kar deta hai, “Form bhar dia?”

Ishani reply karti hai, “Nahi.”

Pranav fir message karta hai, “To bhar do.”

Ishani reply karti hai, “Samajh nahi aa raha.”

Pranav message karta hai, “Don’t worry. Try to karo, jyada se jyada nikal hi jaogi.”

Ishani reply karti hai, “Yeah! But…”

Pranav message karta hai, “But kya?”

Rahul aur Karan dekh rahe hain ki Pranav kisi se chatting kar raha hai.

Rahul: Tu kisse baat kar raha hai?

Pranav: (baat chhupate hue) Koi nahi. Bas aise hi.

Karan: Yahan wo mujhe message kar nahi rahi, tu advice dene ki jagah khud laga pada hai message karne me.

Itne me Ishani ka reply aata hai, “Kuch nahi.”

Pranav Ishani ko message karta hai, “Kahan ho tum?”

Ishani reply karti hai, “Park me, but why are u asking?”

Pranav wahan se uthta hai, Rahul aur Karan ko bolta hai, “Sorry guys abhi jana hai, baad me milta hu tumhe.”

Aur wahan se chala jata hai. Park me jakar Ishani ko dhundta hai. Use Ishani dikhti hai aur wo uske paas aata hai.

Pranav: Hi!

Ishani Pranav ko dekhti hai aur bolti hai, “Hi! Tum yahan?”

Pranav: Kyun nahi aa sakta?

Ishani: Aa sakte ho.

Pranav: To kya problem hai form bharne me?

Ishani: Kuch nahi.

Pranav: To kyun nahi bhar rahi fir?

Ishani: Mujhe akele stage par jane me darr lagta hai.

Pranav: Wo to har kisi ko lagta hai, jab tak jaogi nahi tab tak lagega.

Ishani: Han! But mujhe koi support karne wala, motivate karne wala bhi nahi hai. Na mere sath koi hoga wahan jab main perform karungi.

Pranav: Mere sath bhi to nahi tha.

Ishani: Main thi.

Pranav Ishani ko dekhta hai. Ishani nazare chura kar aage bolti hai, “I mean, chahe kisi bhi wajah se thi, par tumhare time par koi aisa tha jo tumhe janta tha.”

Pranav: (kuch sochne ke baad) Hmm. To tumhare time par main chalunga.

Ishani: Nahi, iski zarurat nahi.

Pranav: I know, zarurat nahi, par yahi samajh lena ki tumne jo kia mere lie uska ye return hai.

Ishani Pranav ko dekhti hai.

Pranav: To tum ab form bhar do. Main sath chalunga tumhare.

Ishani: Tum mujhe itna kyun bol rahe ho form bharne ke lie?

Pranav: Dekho ab isme mera koi plan nahi hai.

Pranav aur Ishani dono smile karte hain. Ishani form bhar deti hai. Pranav Ishani ke sath jake form submit karwata hai. Next day ka time mila hai Ishani ko perform karne ke lie.

Ishani: Thanks!

Pranav: Please! Dushmani me no sorry and no thank you.

Ishani aur Pranav haste hain.

Ishani: Ye rule dosti ke lie hai.

Pranav: Par dushmani par jayda suit karta hai.

Dono smile karte hain.

Pranav: Kal ready rehna to perform. Koi ek song select kar lo aur uski practice karo pure din.

Ishani: Okay!

Pranav: Kal pehle tumhara auditions karaenge fir project par kaam karenge.

Ishani: Okay!

Pranav: Ache se tyari karna.

Ishani: Okay!

Pranav smile karta hai.

Pranav: Tumhe bas ‘Okay Okay’ hi bolna hai?

Ishani: (smiles) To aur kya bolu?

Pranav: (Ishani ko dekhte hue) Kuch nahi. (smiles)

Ishani bhi smile karti hai. Kuch seconds dono eye contact rakhte hain, fir suddenly nazare hata lete hain.

Pranav: To main chalta hu. Kal subah milunga tumhe.

Ishani: Okay!

Pranav use ghurta hai aur bolta hai, “Fir se Okay!”

Ishani: (dhire se haste hue) To aur kya bolu?

Pranav: (smiles) Kuch nahi chashmish. Bye!

Ishani: Bye!

Dono apne apne raste chale jate hain.

Hmmm. Lagta hai dhire dhire chize sudharne lagi hain dono ke beech. Par kya ye sudharti hui chize aise hi rahengi ya kuch aur mushkile aaengi dono ki dosti ke beech? Ye sab to aage ki story padh kar hi pata chal sakta hai. So, please guys, keep reading this story and stay connected with us.

The next episode of this story will be published soon. If you liked this episode then please do comment, like and share…
Like and follow our page, “Talking Hearts.”

Stay blessed guys..

Keep feeling the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: