Kuch Khatti… Kuch Meethi…

Women!

Hi doston,

Hamare is page ‘Talking Hearts’ me hum kuch poems, kuch quotes aur kuch stories lekar aate hain. Shayad wo sab aapko pasand bhi aa rahi hain, isilie log is page ko kuch hi din me bhot pyar bhi dene lage hain. Aur isilie hum ek aur nayi chiz is page par aapke lie la rahe hain, we hope use bhi aap isi tarah apna pyar denge.

To pesh hai aapke lie, “Kuch Khatti Kuch Meethi”, jahan par hum daily life ya humse judi hui kuch chize, kuch customs, kuch topics ke baare me discuss karenge. Ye baate kisi ko lag sakti hain “Meethi”, ye bhi ho sakta hai ki kisi ko ye baate lage “Khatti”. Lekin ye to sabka apna nazariya hai. Humari baat achi lage to use apni life me follow kijiega, agar achi na lage to bas entertainment ki ek chiz samajh kar bhul jaiyega. Aur jaisa ki aap log jante hain, ki ye page apni baat Hinglish me karta hai, to ye baate bhi hum Hinglish me hi karenge, bina kisi hichak aur bina kisi jhijhak ke.

Hamara pehla topic jiske baare me hum baat karne ja rahe hain, wo hain Women. Women’s Day ka time hai, to isse acha topic nahi mila hume, jiske baare me hum baat kar sake. Sabse pehle to aap sabhi ko humari taraf se Women’s Day ki dher sari wishes. Doston! Aurat kon hai? Aurat kya hai? Wo kya karti hai, kya nahi karti, wo kitni saksham hai. Iske baare me hum aaj aapko nahi batana chahte, kyunki agar hum ye sab batane lagte hain to hum ye show kar rahe hain ki aurat kahin na kahin kamzor hai, use aadmi ki zarurat hai upar uthne ke lie, use aadmi ki zarurat hai aage badhne ke lie. Lekin hume aisa nahi lagta.

Aaj is International Women’s Day ke din hum kuch apne mann ke vichar aap logon ke samne rakhna chahte hain. Ho sakta hai aapko pasand aaye, ho sakta hai pasand na aaye, kyunki humare baat karne ka tarika thoda teekshan hai. Teekshan samjhte hain aap? Jo dil pe lage, ab acha ya bura ye to aap hi decide kar paenge.

Hum sab hi aurat ka ek hissa hain, kyunki hume janam ek aurat ne hi dia hai. Kuch log kehte hain ki hum aurat ko samajh nahi sakte, kuch kehte hain aurat ko samjhna namumkin hai, kuch to ye bhi kehte hain ki aurat samajhne layak hi nahi hai.

Hamara desh, hamari country bhot aage badh chuki hai, lekin ab bhi aise bhot se log hain, jo shayad wahi purani dakyanusi soch rakhte hain. Aurton ko aage badhne nahi dena chahte. Unhe bas yahi lagta hai ki aurat bas ghar sambhalne aur bacche paida karne ke lie hai. Aur aise log India ke rural areas me hi nahi, hi-fi society me rehne wale well established aur well cultured log hain. Jinki soch ka pata unki baaton se bilkul nahi chal sakta. Unki reality bas tabhi samne aati hai, jab koi ladki unke ghar me shadi karke jati hai. Hum kitne hi aise cases dekh chuke hain jahan aaj bhi logon ko ladki ki job se problem hoti hai, unhe bas yahi lagta hai ki ladki ko ghar ka kaam karna chahiye, saas sasur ki seva karni chahiye, agar uske kuch dreams hain to unhe wahin maar dena chahiye. Aur inme sirf aadmi hi nahi, kabhi kabhi khud aurtein bhi shamil hoti hain.

Hume nahi pata hamare desh me ye sab chize kab sudharengi, log bas nare lagate hain, posters chhapte hain ya kuch log humari tarah likh bhi dete hain. Hamari soch to badli hi hui hai. Sawal ye uthata hai ki un logon ki soch kaise badle jo aaj bhi ek ladki ko sirf ghar ke kaam ke kabil samjhte hain. Hum ye nahi kehna chahte ki ladkiyon ko ghar ka kaam bilkul nahi karna chahiye, hum ye kehna chahte hain ki ek ladki jo apne dil se apne mann se karna chahe, use wo karne dena chahiye. Kuch ladkiyon ka passion hota hai cooking karna, to kuch ka passion hota hai ghar sajana, kisi ko fashion designing pasand hai, to kuch ko badminton aur table tennis jaise games me dilchaspi hai. Aur hum kya karte hain? Hum kisi se kuch nahi puchte sabko ek hi tarah se bada karte hain. Sab ko ek hi tarah ki parvarish dete hain, kabhi unse nahi puchte ki wo kya chahti hain.

Kisi aadmi ne humse kabhi kaha tha, ki ek ladki ko life me kya chahiye hota hai? Bas ek aadmi ho jo acha kamaye, dikhne me acha ho, uske paas car ho, aur use wo dher sari shopping kara sake. Bas ladki khush ho jaegi. Ye baat hume kisi, 17-18 saal ke ladke ne nahi balki ek aise insan ne kahi thi jo ek ladki ka pita hai. Pata nahi apni ladki ko wo kaise palega, mujhe to us ladki par taras aata hai.

Hum aap sab se puchna chahta hu, ki kya yahi astitva hai ek ladki ka? Use bas car me ghumao aur shopping karao aur ladki ko set kar lo. Han yahi wo shabd hai, ladki set karna. Yahi hum bolte hain aam bhasha me. Hume to aise logon ki soch par sharm aati hai, aur sharm aati hai ki hum is chiz ko khatam karne ke lie kuch kar nahi sakte bas apna gussa is tarah likh kar nikal sakte hain.

Logon ko samajh nahi aata ki ladki kya chahti hain, kis baat par unhe gussa aata hai aur kis baat par wo khush ho jati hain, in short ladkiyon ko samjhna impossible hai. Hum un logon se ye kehna chahenge ki unhe ladki na samjh kar insan samjhe, problem khud-b-khud solve ho jaegi.

Han hum jante hain ki jaise har aadmi ek jaisa nahi hota waise hi har aurat bhi ek jaisi nahi hoti. Kuch auratein hoti hain jo aurton ki hi dushman hoti hain aur unka hum kuch nahi kar sakte. Wo shayad is baat se jealous ya obsessed hoti hain ki mujhe aaj tak ye sab nahi mila to dusre ko bhi kyun mile. Islie wo chizon ko stereotypes me convert kar deti hain ki humne apne time me aise hi kia tha to ab ise bhi wahi sab karna chahiye. They don’t believe in change. But they don’t know, change is the only constant.

To hum aaj ke din har us ladki, har us aurat se yahi kehna chahenge. Break the stereotypes. Live your life in the way you want to. It’s your country and you are free too. Be strong and fight with all the odds. Go girl! Yes! You can do it.

Aaj ke lie bas itna hi. Aap sabse vida lena chahenge aur jald hi milenge aapse ek naye topic ke sath. Tab tak…

Enjoy your Life…

Feel the Change…
&
Feel the Love…<3

HAPPY INTERNATIONAL WOMEN’S DAY!!

MORE POWER TO YOU GIRLS!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: