From Hate… To Love!!

Episode-5

Pichle episode me hua ye tha ki Pranav ko Diwakar sir ne bola tha Ishani ke sath unke bataye hue project me kaam karne ke lie. Lekin Ishani Pranav ko ek sath kaam nahi karna tha, islie Ishani bas sir ko show karne ke lie Pranav ka naam sir ko bata deti hai. Karan ko Ishani ke sath dekh kar Pranav ko gussa aata hai kyunki wo Ishani ke lie concerned hai, wo Karan ko dobara Ishani se dur rehne ke lie bolta hai par Karan nahi manta. Aage kya hota hai, wo ab dekhna hai.

Ishani aur Pranav dono apni apni duniya me rehte hain. Diwakar sir ne dono ko ek sath kaam karne ke lie to bol dia hai, par dono ek dusre ke sath kaam nahi karna chahte islie bhul ke bhi na to Pranav ek bhi din Ishani se milta hai aur na hi Ishani ek bhi din Pranav se project ke baare me kuch bhi baat karne jati hai.

Pranav ke padhayi ke sath hi kuch aur shaunk bhi hain jinhe wo pura karna chahta hai, aur ab uske paas ek mauka bhi aaya hai, to wo use chhodna nahi chahta. Ye mauka hai, singing comptetion ka. Ji han! Pranav ko gaane ka shaunk hai. Pranav ne kayi baar doston ke samne, ya aise hi choti moti jagah par gaya zaroor hai, par kabhi kisi competition me participate nahi kia. Is baar wo participate karke dekhna chahta hai ki wo kitna kabil hai aur wo singing me kitni aage tak ja sakta hai. Lekin shayad uske is chance par Diwakar sir apna grahan lagane wale hain. Kaise? Aaiye dekhte hain.

Diwakar sir ko pata chala gaya hai ki project pe kaam bas Ishani kar rahi hai, Pranav sirf naam ke lie project se juda hai. Ye pata chalne ke baad unhe kafi gussa aata hai aur wo Pranav ko apne paas bulate hain.

Sir: Tumhe maine ek project karne ke lie diya tha Ishani ke sath, par main jab bhi dekhta hu, us par bas Ishani kaam kar rahi hoti hai, tum mujhe dikhayi nahi dete.

Pranav: Sir! Main thoda busy tha islie uske sath kaam nahi kar paya, ab main zarur uske sath project banaunga.

Sir: I hope jo tum bol rahe ho wo karo bhi, tumhe theories nahi pasand isilie tumhe ek project dia tha maine. Ab agar tum use bhi mann laga kar nahi kar sakte, to mere subject me tum pass nahi ho paoge.

Pranav: Ji sir! Main aage se is baat ka dhyan rakhunga.

Sir: Good! Ab tum ja sakte ho. Ek baat ka dhayan rahe ki main check karne aaunga, tum mujhe wahan milne chahiye ho jab bhi Ishani wahan kaam kar rahi hogi.

Pranav: Okay sir! Ab aapko shikayat ka mauka nahi dunga.

Pranav ye keh ke wahan se class me jata hai, wahan Ishani bhi hai. Wo Ishani ke paas jakar khada hota hai aur tabhi professor class me aa jate hain. Pranav Sandhya ko seat se hatne ka ishara karta hai aur khud Ishani ke sath seat par baith jata hai. Sandhya Ishani ke piche wali seat par jakar baith jati hai. Pranav aur Ishani ab dhire dhire baat kar rahe hain.

Ishani: (dhire se) Yahan kyun baithe ho?

Pranav: (dhire se) Kuch baat karni hai tumse.

Ishani: To class khatam hone ka wait kar lete.

Pranav: Han. Par ye professor aa gaye to yahin baith gaya.

Ishani: To ab chup raho aur mujhe lecture sunne do.

Pranav: (apna sir peetate hue) Tum shuru se hi itni boring ho kya?

Ishani: Tum to cool ho na. Usi me khush raho. Aur ab chup raho.

Pranav chup ho jata hai, par wo Ishani ki notebook leke uske piche kuch likhta hai, “Bolke baat nahi kar sakta par likhke to kar sakta hu.”

Ishani bhi usi ke niche likhti hai, “Tumhe class attend nahi karni, par mujhe karni hai islie sunne do mujhe.”

Pranav Ishani se notebook leta hai aur likhta hai, “To sunti raho, par sath me meri baat ka answer bhi dedo.”

Ishani bhi likhti hai, “Kaisa jawab?”

Pranav notebook leta hai aur likhta hai, “Yahi ki mujhe tumse kuch baat karni hai, meri zindagi aur maut ka sawal hai, plz mere sath bahar chalo.”

Un dono ko ye sab karte hue professor dekh lete hain.

Professor: Ishani aur Pranav, kya kar rahe ho tum dono?

Ishani: (darte hue) Kuch nahi sir. Note down kar rahe hain jo bhi aap bol rahe ho.

Pranav sir par hath marta hai aur dhire se bolta hai, “Ye bolne ki kya zarurat thi?”

Professor: Kya note kia hai dikhao zara mujhe.

Pranav fir se Ishani ko ghurte hue dhire se kehta hai, “Ab dikhao ise.”

Ishani Pranav ko ghurti hai. Professor unki desk par aa jate hain, aur notebook le lete hain. Us notebook me piche ke page par jo bhi likha hai, wo padh lete hain.

Professor: Aisi kya baat hai, jo tumhari zindagi aur maut ka sawal hai?

Pranav: Kuch nahi sir.

Professor: (zor se bolte hue) Batao mujhe.

Ishani: (darte hue) Kuch nahi sir, bas majak kar raha tha ye.

Professor: Bolo Pranav.

Pranav: Sach me sir, kuch nahi hai.

Professor: Dono ke beech me chal kya raha hai? College me padhne nahi yahi sab karne aate ho tum log. Jise dekho padhayi me kam aur aisi chizon me jyada interest hai. Ishani mujhe tumse ye ummid nahi thi.

Ishani: Sorry sir.

Professor: Both of you, get out of this class right now. Ab jo bhi baat karni hai bahar jake karo.

Ishani: Sir! Mujhse isse koi baat nahi karni. Ye mujhe disturb kar raha tha. Aap ise hi class se bahar bhej dijiye.

Professor: Tumhe disturb kar raha tha to mujhse bolti, iski baato ka jawab kyun de rahi thi? Tumhe bhi class se bahar jana hai Ishani.

Ishani: (sir niche karte hue) Okay! Sir.

Ishani aur Pranav class se bahar chale jate hai. Class ke bahar kuch dur aake, Ishani Pranav ko bolti hai.

Ishani: Kya zarurat thi tumhe class me baat karne ki?

Pranav: Tumhe acha nahi lag raha? Pehli baar aise class se bahar aake?

Ishani: Isme acha lagne ki kya baat hai? Meri image kharab ho gayi unke samne.

Pranav: What? Image? Tumhe koi yaad bhi nahi rakhega is college ke baad. To apni image kam banao aur apni life par jyada dhyan do.

Ishani: Mujhe tumse sikhne ki zarurat nahi hai. Kaam bolo, jiki wajah se class se bahar aaye ho.

Pranav: Mujhe ab tumhare sath project banana padega.

Ishani: Par kyun?

Pranav: Diwakar sir ne kaha hai.

Ishani: Par tumne mujhe kaha tha ki bas tumhara naam lena hai.

Pranav: Han. Lekin wo nahi maan rahe, bol rahe hain ki wo check karenge ki main tumhare sath hu ya nahi jab tum project bana rahi ho.

Ishani: Ab ye kya nayi nautanki hai? Mujhe pehle hi tumhari baaton me nahi aana chahiye tha.

Pranav: Please Ishani. Mana mat karna, nahi to wo mujhe jaan ke apne subject me fail kar denge.

Ishani: Yahi acha rahega tumhare lie.

Pranav: Ishani! Please yaar.

Ishani: Nahi. Main tumhari ye baat nahi maan sakti. Tumhe jo karna hai karo. Tumhe bhot overconfidence hai apne upar ki tum bina kuch kie hi pass ho sakte ho. To ab pass hoke dikhao.

Pranav: Ishani ye mere career ka sawal hai.

Ishani: Tum apna career apni skills se banao, tumhe marks ki kya zarurat hai?

Pranav: This is not fair Ishani.

Ishani: Tumhe ye sab mujhe class se bahar nikalwane se pehle sochna chahiye tha.

Ishani wahan se chali jati hai, Pranav gusse me hai. Pranav, Rahul aur Karan ke paas jata hai, wo dono canteen me baithe hain.

Rahul: Aur Pranav, aaj Karan ke hote hue yahan kaise aa gaya?

Pranav: (Karan se) Tujhe Ishani ko patana hai na?

Karan: Han.

Pranav: Thik hai. Main tujhe bataunga kya kya karna hai, waisa hi karna.

Karan: Tujhe kya hua? Abhi tak to mana kar raha tha.

Pranav: Han. Par ab teri help kar raha hu.

Pranav Karan ko kuch samjhata hai aur fir teeno smile karte hain.

Next day, Ishani college aati hai aur use Karan milta hai.

Karan: Hi Ishani!

Ishani: Hi! How’s you?

Karan: I am good. Tumse kuch baat karni thi.

Ishani: Han! Bolo.

Karan: Aise nahi. Coffee? Coffee pite hain canteen me tab baat karte hain.

Ishani: Okay!

Karan aur Ishani canteen me jate hain aur coffee order kar dete hain.

Ishani: Bolo kya kehna hai?

Karan: Ishani! Main ye sab bol raha hu, par pata nahi tumhe kaisa lage. But I… I really like you Ishani.

Ishani: (surprised) Ye kya bol rahe ho tum?

Karan: I know, shayad tumhe ye lage ki main jhuth bol raha hu, ya mujhpe doubt ho, to you can check anytime. Tumhe jo janna hai, jaan sakti ho, jo check karna hai kar sakti ho. I am ready for every test.

Ishani: Karan! In sab chizon ki need nahi hai, kyunki maine kabhi waise tumhare baare me socha nahi hai, aur main yahan ye sab karne nahi aayi hu.

Karan: I know Ishani. Main tumhe tumhari padhayi me kabhi bhi disturb nahi karunga. Bas thoda time chahta hu, tumhare sath spend karne ke lie.

Ishani: Main tumhe thik se janti bhi nahi hu.

Karan: To jaan lo. Isilie to time maanga hai, aur agar janne ke baad bhi acha na lagu to mana kar dena. Main tumse kuch nahi kahunga.

Ishani: Main tumhe iska answer abhi nahi de sakti.

Karan: No problem. I will wait.

Ishani: Okay! Abhi mujhe class ke lie late ho raha hai, to main chalti hu.

Karan: Okay! Bye Ishani. Take care.

Ishani: Bye!

Ishani wahan se chali jati hai. Ishani ke jane ke baad Rahul aur Pranav aate hain aur Karan ko congratulate karte hain, kyunki unke plan ka pehla part Karan ne ache se complete kar dia hai. Teeno ek dusre ke gale milte hain. Pranav apne mann me sochta hai, “Maine tumse kaha tha Ishani, tumhari wajah se agar mujhe koi problem nahi hui to main bhi tumhe pareshan nahi karunga, par tum chahti nahi ho shayad shanti se rehna. To ab ready raho, tumne mujhse panga leke acha nahi kia hai.”

Oh no! Jaise taise chize sudhari thi, ab fir se bigad gayi. Kya ye dono aise hi ladte rahenge ya inme kabhi dosti bhi hogi. To know about this. Please keep reading the story and stay connected with us.

Next episode of this story will be uploaded soon. If you liked this episode, then please comment, like and share…

Please also like and follow our page, “Talking Hearts.”

Till then..

Stay blessed, &

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: