From Hate… To Love!!

Episode-3

Pichle episode me Pranav ne Ishani ko college me band kar dia tha aur fest ke shor ki wajah se koi uski awaz bhi sun nahi pa raha tha, par Ishani wahan se nikalne me successful ho gayi thi. Pranav Ishani se milna chahta tha par jab wo nahi aayi to Pranav ne Sandhya ke hath uske ghar ek sorry card bhej dia tha. Use padhke Ishani Pranav ko maaf karti hai ya use rusticate karati hai, ye dekhte hain.

Fest khatam hone ke next day, Ishani college aati hai, par sath me uske papa bhi hain. Ishani ko aata dekh Pranav khush ho jata hai. Lekin use pata nahi hai, ki Ishani ke piche uske papa bhi hain. Pranav Ishani ki taraf badhta hai. Pranav ke sath uske dost Karan aur Rahul bhi hain. Ishani piche mud kar dekhti hai, uske papa kuch dur hain. Pranav ke paas jaldi se jati hai aur bolti hai, “Pranav yahan se jao jaldi.”

Pranav: Main kyun jau? Tumhari baat kyun maanu main?

Ishani: Agar abhi bachna chahte ho to please chale jao.

Ishani ye bolke piche ishara karti hai. Pranav ko samajh to nahi aata fir bhi wo wahan se chala jata hai.

Ishani: (Karan aur Rahul se) Please tum dono mere papa ko ye bolna ki Pranav aaj college nahi aaya hai.

Karan: Kyun?

Ishani: Tumhe apne dost ko bachana hai na, to please yahi bolna.

Itne me Ishani ke dad wahan aa jate hain.

Ishani’s dad: Mila kya tumhe wo Ishani?

Ishani: Nahi. Aaj college nahi aaya hai wo. Ye dono usi ke dost hain, maine inse pucha, mana kar rahe hain.

Ishani’s dad: (Karan aur Rahul se) Sach bol rahe ho na?

Karan aur Rahul: (ek sath) Yes uncle.

Ishani’s dad: Thik hai Ishani. Aaj main ja raha hu. Par jis bhi din wo college aaye mujhe bata dena, main principal se baat karke use rusticate karwa dunga.

Ishani: Okay! Papa.

Ishani ke papa wahan se chale jate hain. Karan aur Rahul sari baat jakar Pranav ko batate hain. Ishani apni friends ke sath canteen me baithi hai aur wahan Pranav aata hai.

Pranav: Ishani!

Ishani Pranav ki awaz sunke use dekhti hai aur khadi ho jati hai, Ishani ki friends use Pranav ke paas jane ke lie mana karti hain. Wo unhe bolti hai, “Don’t worry, canteen me hi hu.” Aur Pranav ke paas aati hai.

Ishani: Han, bolo.

Pranav: Ye sab jo bhi tumne abhi kia, kyun kia?

Ishani: Matlab?

Pranav: I mean kya tumne mujhe, umh… tumne mujhe maaf kar dia?

Ishani: Tumhe kya lagta hai?

Pranav: How can I say?

Ishani: Maafi ka pata nahi, par main ye sab band karna chahti hu. Pehle tumne kuch kia fir maine kuch kia, fir se tumne kuch kia. So, now, main ise yahin par rokna chahti hu.

Pranav: Okay! To meri sorry accept nahi ki tumne? Tum bas ye sab band ho jaye islie ye sab kar rahi ho.

Ishani: Yeah! I have accepted your sorry. Lekin hum dost nahi ban sakte shayad, aur is sab ke baad main chahti bhi nahi tumhara dost banna. To bas, hum ek dusre se dur rahe yahi acha hoga.

Pranav: Han. Main bhi konsa tumse friendship karne ke lie mara ja raha hu.

Ishani: Okay! To I hope ab tum aisa kuch nahi karoge jo hamari ladayi ko badhaye.

Pranav: Agar tumne kuch nahi kia to main bhi kuch nahi karunga.

Ishani: Meri life me, aur bhi important kaam hain, tumhare jaise plans nahi banti main.

Pranav: Thik hai. Aaj ke baad main aisa kuch nahi karunga.

Ishani: Fine!

Pranav aur Ishani ye final kar dete hain, ki ab wo nahi ladenge. Wo dost nahi ban sakte par wo ab ladayi bhi nahi karenge. Is sab ke baad Pranav wahan se chala jata hai.

Kuch months aise hi beet jate hain. Ab dono college aate hain, ek hi class me hai, par na to dono ek dusre ko dekhte hain, na ek dusre par dhyan dete hain, bas dono padhte hain aur apne doston ke sath time spend karte hain.

Ishani padhne me kafi tez hai, marks bhi ache aate hain, wo practical aur theory dono chizon ko sath leke chalti hai islie bas uska sara time padhayi me hi nikal jata hai. College me aur bhi kayi chize karte hain log, par wo sirf padhayi, class aur ghar bas itne me hi khush hai. Use kisi aur chiz se matlab hi nahi. Uski friends kehti hain ki thoda enjoy to kia kar, par wo kabhi dhayan nahi deti. Ishani ke opposite Pranav hai, jo shuru se hi ek average student hai, uska dimag theory me kam aur practically chizon ko karne me jyada lagta hai, to college me bhi wo classes me kam aur practical sessions me jyada present rehta hai. Is sabke sath hi wo college ki dusri chizon me bhi participate karta hai. Ladkiyon ko wo pasand hai, par usne abhi tak kisi bhi ladki ko pasand nahi kia hai. Uske dost bhi puchte hain ye sawal usse. Aur aaj bhi kuch aisa hi puch rahe hain.

Rahul: Pranav yaar, tujhpe itni ladki marti hain. Tu kisi ko bhav kyun nahi deta?

Pranav: Kisko bhav du?

Karan: Arey ladkiyon ko yaar.

Pranav: Jaisi ladki mujhe chahiye waisi nahi hai koi.

Karan: To tujhe kaisi ladki chahiye.

Pranav: Tere bhai ko ye pata hota to dhund leta na ab tak. Abhi tak aisi koi mili nahi hai.

Rahul: Arey! Preference to bata na.

Pranav: Preference kya? Wo in ladkiyon jaisi nahi honi chahiye. Uski khud ki ek personality honi chahiye. Jo apni baat khul ke mujhe keh sake, main ladka hu ye sochke mere samne jhuke nahi, meri har galat baat ko sahi na bole. Jiske sath reh ke main grow kar saku.

Rahul: Aisi ladki kahan milegi?

Karan: Hai na! Apne college me hi.

Pranav: Kon?

Karan: Ishani.

Pranav: Arey yaar! Kiska naam le lia? Sara mood kharab kar dia.

Karan: Pranav! Tujhe wo pasand nahi hogi par tera description usse match karta hai.

Rahul: Bol to sahi raha hai waise, abhi tak ladkon se takkar usi ne li hai, baki sab me kahan itna dum tha.

Pranav sochne lagta hai.

Karan: Han. Islie wo mujhe pasand hai, aur mujhse to baat bhi ache se karti hai.

Pranav: Tu usse baat karta hai?

Karan: Han. I mean, Hi, Hello… Kabhi college nahi aaya to notes le lie usse. Tumhe kya lagta hai, main class me update kaise rehta hu? Usi ki wajah se.

Pranav: Acha.

Karan: Aur ek week pehle jab tum dono movie dekhne gaye the, tab maine usse ek topic samjha tha. Kya mast samjhati hai wo.

Rahul: Tu kya uspe line maar raha hai?

Karan: Try karne me kya jata hai? Agar pat gayi to, acha hai. Life set hai fir to.

Rahul: Pranav! Mujhe lagta hai ye bakwas kar raha hai.

Karan: Thik hai. Abhi mat maano. Aaj class me usse notes leke dikhata hu, tab manoge.

Pranav: Han, thik hai. Tu aaj usse notes leke dikha.

Pranav aur Rahul, Karan ko challenge karte hain aur teeno phoch jate hain class me, jahan Ishani hai. Rahul aur Pranav ek seat par baith jate hai, aur Karan Ishani ke paas jata hai.

Karan: Hi! Ishani.

Ishani: Hi!

Karan: Kaisi ho?

Ishani: I am good.

Karan: Ishani mujhe apne kal ke notes de sakti ho, mujhe kuch check karna hai.

Ishani: Okay! Ye lo.

Ishani use apne notes de deti hai. Karan dono ko notes dikhate hue, wapas aa raha hai.

Karan: (dono ke paas pahunch kar) Dekha! Maine kaha tha na. I will get the notes.

Pranav ko ye sab dekh kar kahin na kahin acha nahi lagta, use confidence tha ki Ishani Karan ko notes nahi degi. Lekin wo dost ki achievement par smile karta hai.

Pranav: To tu, Ishani ko patana chahta hai?

Karan: Han, aur kya bhai. Kya sahi hai na wo, padhne me intelligent, dikhne me beautiful, aur kabhi usse baat karo to kitni soft voice hai uski. Aisi girlfriend kisko nahi chahiye bhai?

Pranav: Shadi karega, agar pat gayi to?

Karan: Abhi shadi tak kon soch raha hai. Abhi to bas time pass karna hai, aur jyada aage baat badhi to pehle sath reh lenge, shadi to bhot baad ka plan hoga, wo bhi agar mera mood hua to.

Pranav: To ye sab mat kar fir.

Karan: Kyun?

Pranav: Kyunki wo ek achi ladki hai.

Karan: To main tujhe bura lagta hu kya?

Pranav: Nahi yaar, wo baat nahi hai. Par agar tu shadi tak ka nahi soch sakta uske sath, to kyun kar raha hai.

Karan: Tu itna kyun soch raha hai? Waise bhi teri to dushman hai na wo, to kya fark padta hai, uske sath timepass karu, live in me rahu, ya shadi karu.

Pranav: Yaar wo aisi ladki nahi hai, bas islie bol raha hu.

Rahul: Arey! Yaar tum dono ek ladki ke lie behas kyun kar rahe ho?

Karan: Ise bol na. Isne shuru kia hai.

Pranav: Tu kisi aur ladki ke bare me soch, ise chhod de.

Karan: (Rahul se) Dekh abhi bhi bole ja raha hai. (Pranav se) Kyun nahi patau? Jab tu use pareshan karta tha, tab nahi socha tha, wo aisi ladki nahi hai?

Rahul: Dono chup ho jao, please. Aur Pranav yaar, tu itna senti mat ho, Karan thik keh raha hai.

Pranav: (gusse me) Tum log nahi samjhoge.

Pranav wo seat chhod ke un dono se door jake baith jata hai.

Karan: Pagal ho gaya hai ye.

Jis seat par wo baitha hai uske side wali seat par Ishani baithi hui hai. Pranav Ishani ko dekhta hai aur use Karan aur Rahul ki kahi hui baate yaad aati hain, “Pranav! Tujhe wo pasand nahi hogi par tera description usse match karta hai.” “Bol to sahi raha hai waise, abhi tak ladkon se takkar usi ne li hai, baki sab me kahan itna dum tha.”

Ab Pranav use notice karta hai, wo Sandhya ke sath baithi hui hai. Dono ek dusre se baate kar rahi hain. Ishani Sandhya ki kisi baat par has rahi hai. Pranav ne Ishani ko pehli baar haste hue dekha hai. Use uski hasi achi lagti hai. Wo smile karta hai aur itne me lecturer aa jate hain. Lecturer padha rahe hain, par Pranav ka dhyan Ishani par hai, wo dekh raha hai ki wo kitne dhyan se lecture sun rahi hai. Kabhi apne baal ki ek lat jo baar baar uske chehre par aati hai use piche karti hai, kabhi pen ko apne daanton ke beech me phasa leti hai, fir kuch likhne lag jati hai. Jaise hi likhne ke lie jhukti hai, uski wo lat fir se uske chehre par aa jati hai. Fir usse pareshan hoke wo use ek pin se baalon me samet deti hai. Ab wo lat Ishani ko pareshan to nahi kar rahi, lekin Pranav ko uski wo lat baar baar girte hue achi lag rahi thi. Tabhi Pranav ka dhyan lecturer ki taraf jata hai, wo use hi awaz laga rahe hain.

Lecturer ki awaz sunke Pranav hosh me aata hai, aur sochta hai ki main Ishani ko aise kyun dekh raha tha?

Hmmm. Sach me, wo Ishani ko aise kyun dekh raha tha? Kya hua use? Kya Karan ne jo use bola ye uska asar hai, ya usne pehli baar Ishani ko itne dhyan se dekha ye islie hai? Aur kya ye un dono ki dosti ki shuruaat kara sakta hai? Ya ye ek nayi ladayi ki shuruaat hai? Ye jo bhi hai, ye to aage jake hi pata chalega aur uske lie aapko hamare sath jude rehna padega. So, please guys stay connected with us.

Next episode of this story will be published, tommorow at the same time. If you liked this story, then please comment, like and share…
To be updated, please like and follow our page “Talking Hearts.”

Stay blessed…

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: