From Hate… To Love!!

Episode-2

Pichle episode me Ishani ne Pranav ko college se do weeks ke lie nikalwa dia tha. Ab do weeks pure ho chuke hain, aur Pranav ab college wapas aa gaya hai. Par fir use principal office me bulaya jata hai. Jante hain kyun?

Pranav principal office me jata hai, principal use baithne ke lie kehte hain. Pranav baith gaya hai.

Principal: Pranav! Maine tumhe do weeks ke lie college se islie nikala tha jisse tum samajh sako ki tumne kya galti ki hai.

Pranav: Yes! Sir.

Principal: Us din jo bhi us ladki ke sath hua wo thik nahi tha. Ho sakta hai tumne uski help karne ki koshish ki ho, par tumse galati bhi hui thi. Tumne college ke sabse badnaam ladkon ke samne Ishani ko lake khada kar dia tha aur jo bhi wo kar rahe the wo acha nahi tha.

Pranav: Main janta hu sir, aur isilie maine use bachane ki koshish ki thi. Par usne meri hi complaint kar di.

Principal: Tumhari galati ye thi ki tumne pehle use un seniors ke samne khada kar dia tha, tumhe wo nahi karna chahiye tha. Agar wo wahan se bhagi nahi hoti, to uske sath kuch bura bhi ho sakta tha.

Pranav: Yes, sir. Main manta hu.

Principal: Aur ye sab main tumhe islie samjha raha hu, kyunki tumhare father ne aake tumhare bare me kaha tha ki tum ek ache ladke ho, ye galati ho gayi tumse. Isilie main tumhe chance de raha hu. Us ladki ko dobara pareshan mat karna.

Pranav: Yes, sir. I will not do anything now.

Principal: Thik hai. Tum ja sakte ho.

Pranav: Okay! Sir.

Pranav principal office bahar aakar class me chala jata hai. Class me Ishani bhi hai, jaise hi Pranav class me enter karta hai, Ishani use dekhti hai. Pranav bhi Ishani ko dekh leta hai aur ek seat par baith jata hai. Ishani Pranav ke paas aati hai.

Ishani: Hi!

Pranav: Mujhse baat karne ki zarurat nahi hai tumhe.

Ishani: Yeah! Bas main itna kehna chahti hu, ki main us incident ko bhulana chahti hu, to hum chahe to thik se baat kar sakte hain.

Pranav: (gusse me) Mujhe suspend karwa ke thik se baat karna chahti ho? Bola na mujhse dur raho. Mere aas paas bhi dikhna mat nahi to acha nahi hoga.

Ishani: Okay!

Ishani apni seat par wapas chali jati hai.

Sandhya (Ishani ki dost): Tujhe uske paas jake baat karne ki kya zarurat thi?

Ishani: Us din Pranav ke papa aaye the college me, aur unhone mujhe bulaya tha. Bol rahe the ki Pranav bura nahi hai, usse galati ho gayi hai. To use bura mat samjhna, usse baat kar lena, wo purani baat bhulke ache se rahega. To bas wahi karne gayi thi.

Sandhya: Par usne to sidhe muh baat bhi nahi ki.

Ishani: Mujhe bas ek baar try karna tha, wo maine kar liya. Ab use baat karni hai ya nahi, wo uski marzi.

Sandhya: Mujhe doubt hai wo baat karega, balki aur kuch gadbad kar sakta hai.

Ishani: Wo bhi dekhenge.

Itne me class me lecturer aa jate hain aur class start ho jati hai.

Kuch din aise hi beet jate hain, na Pranav Ishani se baat karta hai aur na Ishani Pranav se. Kuch din baad College fest hai. Pranav is din Ishani se badla lene ka plan banata hai. Jab Ishani college me aati hai, to wo Ishani ke paas jata hai.

Pranav: Hi Ishani!

Ishani: Hi! Tum mujhse baat kaise kar rahe ho?

Pranav: Kyun main tumse baat nahi kar sakta?

Ishani: (Pranav ko dekhte hue, kyunki wo Pranav par bharosa nahi kar sakti) Bolo kya kaam hai?

Pranav: Aise nahi bata sakta mere sath chalna padega.

Ishani: Okay!

Pranav use college ke andar le jata hai.

Ishani: Yahan kahan le ja rahe ho mujhe?

Pranav: Bahar bhot shor hai, kuch samajh nahi aaega jo bhi main bolunga, islie yahan laya.

Ishani: Thik hai bolo.

Pranav: Ishani! I am sorry. Maine jo bhi kia wo galat tha.

Ishani ko dal me kuch kala lag raha hai, par wo fir bhi sun rahi hai uski baaton ko.

Ishani: Mujhe tumse koi sorry nahi chahiye Pranav. It’s okay! Ab hum bahar chalte hain.

Pranav: Bas do minute aur.

Ishani: Bolo.

Pranav: Main bas abhi aaya, wait for me.

Ishani: Okay!

Pranav Ishani ko college ke andar chhod deta hai, aur us corridor ka lock laga deta hai. Jisse Ishani wahan se bahar na nikal paye aur fest ki wajah se uski awaz bhi logon tak nahi phoch paegi.

Ishani thodi der wait karti hai, par jab Pranav nahi aata to wo wahan se jane lagti hai. Jaise hi wo corridor ke door ko dekhti hai wo samajh jati hai ki Pranav ne door lock kar dia hai. Wo fir bhi try karti hai, ki door khul jaye. Par door nahi khulta. Wo apne friends ko call karti hai par fest ke shor me kisi ko kuch sunayi nahi deta. Raat bhar fest chalna hai, aur Ishani ko andhere se darr bhi lagta hai. Wo is waqt pareshan hai ki kya kare, kaise wahan se bahar nikale kyunki agar abhi wo yahan se bahar nahi nikal payi, to use raat bhar wahin college me akele rehna hoga. Ye sab soch ke wo bhot pareshan hai, aur use darr bhi lag raha hai. 2 ghante nikal gaye hain, wo try kar rahi hai ki uska koi friend phone utha le par uski koshish bekar ja rahi hai. Ishani ka sabr dhire dhire toot raha hai, aur uski aakhon se aansu nikalne lage hain. Wo corridor ke door par hi baith jati hai aur rone lagti hai. Kafi der ho chuki hai, Ishani ka darr ab dhire dhire badh raha hai, wo fir se ek baar Sandhya ko phone karti hai. Is baar Sandhya phone utha leti hai.

Sandhya: Ishani kahan hai tu?

Ishani Sandhya ko sab batati hai. Sandhya jaldi se apne baki friends ko leke, wahan phoch jati hai aur wo lock khulwa deti hai. Ishani Sandhya se gale milke rone lagti hai. Ishani ki halat dekh kar uske sare doston ko Pranav par gussa aa raha hai. Ishani bahar chal rahe fest me jati hai aur Pranav ko dhund rahi hai. Use Pranav dikhayi deta hai. Wo Pranav ka hath pakad ke use side me leke jati hai aur use ek zor ka tamacha maarti hai. Ishani ki aankhon me abhi bhi aansu hain.

Ishani: Main soch rahi thi ki jo us din tumne kia tha wo tumhari bhul thi, tumhare papa mujhe itna sab bolke gaye the ki Pranav acha ladka hai. Lekin aaj jo bhi tumne kia hai, usse mujhe samajh aa gaya hai, ki tumne apne papa ko bewakoof banaya hua hai, real Pranav to ye hai, jo bas dusron ko pareshan kar sakta hai. Ab tum ready ho jao, Mr. Pranav. Abhi tumne ye badla suspend hone ka lia tha, ab tumhe main rusticate kara ke chhodungi.

Ishani ye sab bolke wahan se chali jati hai. Pranav muskura raha hai wahan khade hue. Pranav ke dost uske paas aate hain aur bolte hain, ki ye tune sach me bhot jyada kar dia Pranav. Pranav unki baat ansuni karke chala jata hai.

Fest teen din tak chalta hai, par Ishani fest me nahi aati. Pranav Sandhya ke paas jata hai aur usse Ishani ke baare me puchta hai.

Pranav: Sandhya! Ishani aaj kal college kyun nahi aa rahi?

Sandhya: Tumhe kya Pranav wo college aaye ya na aaye, aur ye jo bhi kuch kia tumne ye sahi nahi kia. Tumhe nahi pata use andhere se kitna darr lagta hai.

Pranav: I know, shayad ye sab jyada ho gaya tha, isilie to maine tumhe bola tha to check your phone.

Sandhya: Han, tumne mujhe bola tha. Kyunki tumhe baad me realise hua ki ye sab thoda jyada ho gaya hai. Par ye sab kia hi kyun tumne? Tumhe chize samajh nahi aati hain kya? Us time bhi tumne Ishani ko seniors se pareshan karwaya aur baad me realise hua ki tumne galati kar di, aur ab fir se tumne aisa hi kia.

Pranav: Dekho, ab wo baat mat lao beech me, uska punishment mujhe mil chuka hai.

Sandhya: To ab iska bhi mil jaega.

Pranav: Wo Ishani decide karegi, use kya karna hai. Bas wo aa jaye to mujhe bata dena.

Sandhya: Tumhe kya lagta hai, jo tumne uske sath kia hai, wo tumse baat bhi karna chahegi?

Pranav: Thik hai, to ye de dena use. Aur batana mat maine dia hai, wo padhke khud hi samajh jaegi.

Sandhya: Thik hai.

Pranav Sandhya ko ek card deta hai. Sandhya wo card Ishani ke ghar le jati hai aur use de deti hai aur Ishani se kuch baat bhi karti hai.

Sandhya: Ishani! Tumhe pata hai us din, Pranav ne hi kaha tha mujhe to check my phone.

Ishani: Kya matlab?

Sandhya: Matlab, hum sab to dance me lage hue the, phones bhi humne guard uncle ko die the smbhalke rakhne ke lie. Par fir Pranav mera phone leke aaya aur mujhe mera phone deke bola ki apna phone check kar lo call aa rahi thi.

Ishani: Aur ye sab kyun kia usne?

Sandhya: Mujhe nahi pata ki usne aisa kyun kia? Khud pehle tumhe band kia aur fir khud hi mujhe phone de dia jisse main tumhe bahar nikal saku.

Ishani: Aur ye card usi ne dia hai?

Sandhya: Han! Bol raha tha ki Ishani ko batana mat maine dia hai, nahi to wo pdhegi nahi.

Ishani card khol kar dekhti hai. Wo ek sorry card hota hai. Ishani use dekhti hai, par use Pranav ki sari ki hue baate yaad aati hain aur wo use band karke rakh deti hai.

Ishani: Ye acha tarika hai, pehle logon ko pareshan karo aur fir sorry card bhej do. Aur ye bhi usne rusticate hone ke darr se bheja hoga.

Sandhya: Tu padh lena ise.

Ishani: Hmm. Thik hai.

Sandhya wahan se chali jati hai. Ishani ke papa bhi tab se bhot gusse me hain, jab se unhe Pranav ke baare me pata chala hai. Wo bas Pranav ko, college se nikalwana chahte hain.

Sandhya ke jane ke baad, Ishani card kholke dekhti hai. Us card me kuch likha bhi hota hai, jise Ishani padhti hai.

Hi Ishani!

I know you don’t want to talk to me. Main bhi tumse baat nahi karna chahta, par ye card main tumhe islie bhej raha hu kyunki mujhe lagta hai ki mujhse sach me galati hui hai. Mujhe ye bhi nahi pata tha ki tumhe andhere ka phobia hai. I am sorry!

Main sorry bol raha hu, iska matlab ye mat samjhna ki main rusticate hone se darta hu. Tum chaho to ab bhi mujhe rusticate kara sakti ho.

Ek chiz aur kehni thi. Main apne papa ko bewakoof nahi banata. Main jaisa hu unhe waisa hi show karta hu. Shayad tum me hi koi kami hogi jo meri achhai tum nahi dekh payi aaj tak.

Anyways! Mujhe bas ek baar tumse Sorry bolna tha, ab tumhe mujhe maaf karna hai ya nahi karna hai wo tumhare hath me hai.

Pranav.

Ishani wo letter padh to leti hai, par use padh ke phad deti hai aur apne mann me bolti hai, “Kitna attitude hai is ladke me, Sorry bhi aise bol raha hai jaise ehsaan kar raha ho. Ise to main bilkul nahi chhodne wali.”

Waise Ishani bol to sahi hi rahi thi. Pranav ne Ishani ko Sorry to bola tha, par us sorry me bhi Pranav ka attitude saaf dikhayi de raha tha. Aur ab Ishani bhi full mood me hain, Pranav ki complaint karne ke lie. To dekhte hain in dono ki ye ladayi aise hi chalti hai, ya kuch aur hota hai dono ke beech? Par use dekhne ke lie. Please, stay connected with us.

Next episode of this story will be published, tommorow at the same time. If you liked this story, then please comment, like and share…
To be updated, please like and follow our page “Talking Hearts.”

Stay blessed…

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: