From Hate… To Love!!

Episode-1

College ka pehla din hai, Pranav jo hamara hero hai, uska admission hua hai is college me. Ye ek engineering college hai, yahan Pranav apne passion ko pura karne aur kuch banne aaya hai. Par ye kya? College ke pehle hi din use seniors ne pakad lia hai, aur jam ke uski ragging kar rahe hain. Lekin Pranav un logon me se nahi hai jo aisi situations me darr jaye, use ache se pata hai ki use kya karna chahiye. So, wo khud ko cool rakhte hue, wo log jo bhi bolte hain, wo karne lagta hai. Use ye sab acha to nahi lag raha par, ab kia bhi kya ja sakta hai.

College me roz yahi hota hai. Koi na koi senior mil jata hai aur juniors ki ragging karne lagta hai. Bechara Pranav gussa aate hue bhi kuch nahi keh pata. Jaise jaise din beetate hain, sab thik hone lagta hai. Seniors bhi apni classes par dhyan dene lagte hain. Pranav ke mann me ragging itni bas chuki hai ki wo chahta hai ki wo bhi jaldi se second year me jaye aur apne juniors ko rag kare. Par ye din uski life me jaldi aane wala tha wo use pata nahi tha.

Us din Pranav apne doston ke sath college ke compound me baitha hua tha, tabhi use ek ladki college ke gate se andar aati hui dikhayi di. Wo apne doston se kehta hai, “Wo dekh rahe ho tum log, gate se koi ladki aa rahi hai.”

Pranav ka ek dost jiska naam Rahul hai, wo kehta hai, “To aa rahi hogi, karna kya hai?”

Pranav: First year ki lag rahi hai.

Karan (Pranav ka dusra dost): Arey to hume kya lena dena. Hone de.

Pranav: Ruk main puchta hu usse.

Karan: Ye khud bhi marega aur hume bhi marwaega.

Rahul: Chal dekhte hain, kya kar raha hai ye?

Pranav gate ke paas phoch jata hai. Jaise hi wo us ladki ko dekhta hai, to ek baar ko wahin ruk jata hai. Itne me Rahul aur Karan bhi aa jate hain.

Rahul: Yaar ladki to khoobsurat hai.

Karan: Han yaar.

Pranav: Tum dono ruko. Main usse jake puchta hu.

Rahul: Arey ruk ja bhai, wo senior bhi ho sakti hai.

Par Pranav sunta nahi hai, uske paas chala jata hai aur bolta hai, “First year?”

Wo ladki bolti hai, “Yeah!’

Pranav ke dimag me ab jo chal raha hota hai, use wo pura karne ki sochta hai.

Pranav: I am Pranav. Your senior. Give me your introduction.

Wo ladki: I am Ishani.

Pranav: Give me your full intro. Tabhi jane dunga.

Ishani: Sorry sir. Par abhi main late ho rahi hu aur mere paas kafi saman bhi hai. Please kya main abhi ja sakti hu?

Pranav: Senior ko mana kar rahi ho, tumhe pata hai iska anjaam bura ho sakta hai.

Ishani: Yes, I know sir. Par mujhe abhi jana hai.

Ishani! Han yahi hai wo ladki jo Pranav ki life me aane wali hai, par iska pata na to Pranav ko hai aur na hi Ishani ko. Filhal to Ishani Pranav ki baat bina sune hi chali gayi hai. Jisse Pranav ko bhot gussa aa gaya hai aur wo Ishani ko sabak sikhane ka soch raha hai. Wo sochta hai, ki main to kuch nahi kar paya par seniors to kar sakte hain. Pranav wahan jata hai jahan kuch seniors baithe hain, aur unhe Ishani ke baare me bata deta hai.

Ab seniors Ishani ke aane ka wait kar rahe hain. Pranav unke sath hi khada hai. Ishani thodi der baad bahar aati hai. Seniors use rok lete hain.

Senior 1: Hello madam! First year?

Ishani itne sare boys ko ek sath dekh kar thodi seham jati hai. Wo bolti hai, “Yes.”

Senior 1: Come here.

Ishani unke samne jake khadi ho jati hai.

Senior 2: Give us your intro.

Ishani: I am Ishani Vaidya.

Ishani unhe apna intro deti hai. Pranav ye sab dekh ke acha feel kar raha hai, use aisa lag raha hai jaise uska badla pura ho raha hai.

Senior 3: Itni late kyun join kia?

Gauri: Family problem thi kuch.

Senior 4: Aisi kya problem thi?

Gauri: Wo main aapko nahi bata sakti.

Senior 3: Kyun nahi bata sakti. Batao.

Ishani ab tak sir jhukaye niche dekh rahi thi, ab wo unse sir utha kar aankhe mila kar bolti hai, “Wo mere ghar ka issue hai, main nahi bata sakti.”

Senior 4: Par yahi to ragging hai, tumhe batana padega.

Ishani: (waise hi nazare mila kar jawab deti hai) I am sorry, but ragging is not allowed.

Sare ladke uski ye baat sunke ek sath bolte hain, “Ooohhh!”

Aur hasne lagte hain. Ishani bol to deti hai, par use darr lag raha hai.

Senior 1: Asli ragging hoti kya hai, ab ise dikhaenge.

Senior 3: Idhar aake khadi ho.

Ishani nahi jati, jahan khadi hai wahin khadi rehti hai.

Senior 4: Suna nahi?

Ishani ki nazare niche hain aur wo apni jagah se hil nahi rahi. Senior Pranav ko ishara karte hain, use leke aane ke lie. Pranav Ishani ke paas jata hai.

Pranav: Chalo.

Ishani kuch nahi bolti, bas khadi hui hai.

Pranav: Inki baat maan lo fayde me rahogi nahi to ye pure saal tumhe aise hi pareshan karenge.

Ishani ab bhi chup hai.

Senior 3: Nahi aa rahi to kheench ke le aa ise.

Pranav Ishani ka hath pakad kar, seniors ke samne le jata hai.

Senior 1: Good job Pranav.

Pranav: Thank you sir.

Senior 1: Acha kia jo iske baare me bata dia tumne, iski ragging karne me maza aaega. First year ke ho par aaj, tumhe ek inaam de hi dete hain.

Ishani Pranav ko dekhti hai aur sochti hai ki isne to mujhe bataya tha ki ye senior hai, lekin chup rehti hai.

Pranav: Kya gift sir?

Seniors ek dusre ko dekhte hain aur smile karte hain.

Senior 2: (Ishani se) To Miss Ishani Vaidya, aapne hamari pehli baat nahi mani, uski punishment me aapko ab ye karna padega jo hum ab aapse bol rahe hain.

Ishani chup hai, bas sun rahi hai ki wo log kya bol rahe hain.

Senior 2: Kiss karo Pranav ko.

Ishani shocked hai, wo upar dekhti hai. Pranav bhi thoda surprised hota hai seniors ki ye baat sun kar. Sab has rahe hain. Wo chupchap khadi rehti hai.

Senior 3: Suna nahi kya bola humne? Kiss karo Pranav ko.

Ishani ab bhi chupchap khadi hai.

Senior 2: (gusse me) Tu chahti nahi kya ki hum tujhe jane de?

Senior 3: Lagta hai ise hume hi kiss karna padega.

Ye kehke wo Ishani ki taraf badhta hai. Ishani piche ho rahi hai. Wo Ishani ka hath pakad leta hai.

Ishani: Leave my hand, please.

Senior 3: Tujhe bola tha use kiss karne ko, tu maani nahi, ab mujhe kiss kar chal.

Wo Ishani ke dono hath pakad leta hai, aur Ishani ko chhod nahi raha. Ab Pranav ko bhi ye sab sahi nahi lag raha hai. Wo Ishani ko bachane ki koshish karta hai.

Pranav: Sir! Jane dijiye. Main baat karta hu, wo kiss kar degi mujhe.

Senior use chhod deta hai.

Pranav: Ishani! It’s just a kiss. Kar do aur picha chhuda lo inse.

Ishani Pranav ko gusse se dekh rahi hai. Ye sab jahan ho raha hai, wahan aas paas koi hai nahi. Ishani ko samajh nahi aa raha hai ki wo yahan se nikale kaise.

Senior 3: Pranav, ye nahi kar rahi to tu kar le. Iski ego thikane lagani hai aaj.

Pranav: I am sorry. Par mujhe ye sab karna padega.

Pranav Ishani ki taraf badhta hai, Ishani dhire dhire piche ho rahi hai, aur suddenly bhag jati hai. Seniors uske piche bhagte hain, wo log try karte hain ki Ishani ko pakad le, par wo principal office ki taraf chali jati hai. Aur wahan jane ka risk wo log nahi lete.

Ishani principal office me jati hai, aur pura incident unhe bata deti hai. Principal bhi Ishani ko support karte hain aur tabhi second year ke sare boys ko bulwate hain, Ishani ko un boys me se pehchanne ke lie kehte hain. Ishani un charon ko pehchan leti hai. Principal un charon ko tabhi rusticate kar dete hain aur Ishani se bolte hain, “You are safe now, humne inhe college se nikal diya hai and we will see ki inhe baki colleges bhi admission na de.”

Ishani: Thank you sir. Par ek aur ladka hai, jo in logon ke sath tha.

Principal: To batao, wo kon hai?

Ishani: Wo first year ka hai, Pranav naam hai uska.

Principal Pranav ko bulwate hain, aur Ishani se puchte hain, “Yahi hai wo?”

Ishani: Yes sir! Yahi hai.

Principal: First year ke hoke aisi harkate hain tumhari, sharam aani chahiye tumhe.

Ishani: Sir ye pehle khud hi ragging karna chah raha tha, jab maine ise mana kia to ye seniors ko bula laya. Asli wajah to ye hi hai is sabki.

Pranav: Nahi sir. Ye aise hi kuch bhi bole ja rahi hai. Main to ise unse bachane ki koshish kar raha tha.

Principal: Iska matlab tum the wahan par.

Pranav: Yes sir!

Principal: To tumhari ye zimmedari banti thi ki jab seniors tumhare sath ki ladki ko pareshan kar rahe hain to tum mujhe aake batao.

Ishani: Sir ye to un logon ki baate maan raha tha. Aur bol raha tha ki tum bhi maan lo, nahi to ye log picha nahi chhodenge tumhara.

Principal: Pranav! Tumne humare college ko aisa waisa college samjha hai kya? Ye bhot hi reputed college hai aur is college me aisi chizon par bhot strict actions liye jate hain.

Pranav: I am sorry sir.

Principal: Tumne bhi galati ki hai, chahe use bachane ke lie hi ki ho. To punishment tumhe bhi milega. Do weeks ke lie tumhe is college se suspend kia ja raha hai.

Pranav: Yes sir.

Principal: Aage se dhyan rakhna, tumhari koi complaint mere paas aayi to sidha college se nikal dunga.

Pranav: Dhyan rakhunga sir.

Principal: Ab tum dono ja sakte ho.

Ishani: Thank you sir.

Dono principal office se bahar nikalte hain. Pranav Ishani ke samne aata hai aur kehta hai, “Tumhe to main dekh lunga. Ye acha nahi kia tumne.”

Ishani: Shaunk se dekhna, aur fir college se nikal jana.

Ishani ye bolke apni classes ke lie chali jati hai. Pranav wahan se apne ghar ke lie nikal jata hai.

Oh my God! Starting aisi thi in dono ki, to aage kya hoga? In dono me pyar hona to mushkil sa hi lag raha hai. Kya pyar ho paega? Ye janne ke lie, story padhte rahiye aur humse jude rahiye. Stay connected with us.

Next episode of this story will be published, tommorow at the same time. If you liked this story, then please comment, like and share…
To be updated, please like and follow our page “Talking Hearts.”

Stay blessed friends…

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: