Love Struck!

Holi Special

Happy Holi Doston! Aap ye soch rahe honge ki main fir se yahan kaise? Par aapko nahi lagta ki Aakansha aur Abhimanyu ne Holi kaise manayi wo aap bhi jane? Batati hu, batati hu, bas thoda sabr rakhiye.

Holi ke kuch din pehle shadi hone ke yahi fayda hai, sabse pehla tyohar hi Holi. Ye rangon se sath, pyar ka tyohar bhi hai. Gane nahi sune kya aapne? “Ang se ang lagana, sajan hume aise rang lagana”, “Holi ke din, dil khil jate hain”, “Rang barse bheege chunar wali rang barse”, “Aaj na chhodenge bas humjoli khelenge hum holi”, aur latest song hai, “Balam Pichkari jo tune mujhe maari, to sidhi sadhi chhori sharabi ho gayi”. In sare songs me romance koot koot ke bhara hua hai. To hamare hero heroine romance kaise nahi karenge is din?

Arey han! Dono hero heroine ki shadi kaisi thi ye bhi aap soch rahe honge. Shadi me to dhoom honi hi thi, itne din se intezaar jo tha jiju ko hamari Chutki ko le jane ka. To bas baraat aayi meri mom, yani Aakansha ki mom ne apne damaad ki aarti utaari aur zor se naak khinchi. Fir baarat andar aayi aur wait hone laga dulhan ka, par kya karte dulhan thi hi nahi shadi me.

Nahi, nahi bhagi nahi thi, uski parlour wali ne use ready karne me time laga dia tha. To bechare hamare hero, fir se wait karna pada unhe Aakansha ka. Par jab Aakansha stage par aayi, aur Abhimanyu ne use dekha, to aise lag raha tha jaise wo kehna chah raha ho, “Aakansha! You are worth waiting for.”

Aakansha jab samane se chal kar stage ki taraf aa rahi thi, Abhimanyu bas use hi dekh raha tha, na use kuch sunayi de raha tha aur na kuch aur dikhayi. Aakansha stage ke paas aayi, aur ladke wale stage ki stairs par khade ho gaye ki wo Abhimanyu ko stage se utarne nahi denge. Aashish ne Abhimanyu ke kaan me kaha, “Bro jab tak main na bolu, niche mat aana.”

Jaisa ki maine kaha Abhimanyu ko na kuch sunayi de raha tha, na aur kuch dikhayi, to usne Aashish ko answer dia, “Okay! Ab main Aakansha ko lene jata hu.”

Aashish bechara use rokta raha, par hero stage se utar gaye, aur Aakansha ke samne jake kneel down ho gaye.

Abhimanyu: (bas Aakansha ko hi dekhte hue) Kanshu! Main tumse ye kayi baar puch chuka hu, par aaj aisa laga raha hai ki agar ye aaj nahi pucha to ek badi mistake kar dunga.

Aakansha surprised ho jati hai, ki sabke samne Abhimanyu mujhe Kanshu kyun bol raha hai, lekin Abhimanyu hosh me ho tab na.

Aakansha: Abhi! Ye kya bol rahe ho?

Abhimanyu: Kanshu! Will you make my life perfect by entering in it? You know, you are my life, but please will you be my wife?

Abhimanyu ki baat sunke, sab bhot khush hote hain. Meri mom ke aankhon me to aansu hi aa gaye aur wahan khadi sari ladkiyan thodi jealous ho gayi hongi.

Meri behen Aakansha thodi sharmayi, thodi ghabrayi, aur bhot jyada khush ho gayi thi us ek moment me. Fir unse answer diya, “Han Abhi! I will be your wife.”

Abhimanyu kisses her hand. Aakansha use dhire se bolti hai, “Ab uth jao, sab dekh rahe hain.”

Tab Abhimanyu charon taraf dekhta hai aur use realise hota hai, ki usne kya kia hai. Dono stage par jate hain, aur jaisa ki aap jante hain Abhimanyu ke Aakansha me khoye hone ki wajah se Aashish ka koi bhi plan kaam nahi karta aur jaimala ho jati hai. Hero heroine baith jate hain.

Aakansha: (stage par smile karte hue) Abhi! Ye kya kia tumne?

Abhimanyu: (smile karte hue) Mujhe khud nahi pata bas ho gaya.

Aakansha: Aur Kanshu kyun bola tumne? Sabne sun lia.

Abhimanyu: Sorry! Par maine bola na ki mujhse ho gaya.

Aakansha: Aise kaise ho gaya?

Abhimanyu: Tum ek to itni khoobsurat lag rahi ho, meri nazar hat hi nahi rahi thi tum se. Abhi bhi bas tumhe dekhe ja raha hu.

Aakansha: Samne dekho.

Abhimanyu: (Aakansha ki baat ko ignore karte hue) You know, jab tum samne se aa rahi thi to mere mind me kya chal raha tha?

Aakansha: Kya?

Abhimanyu: Ki is moment ka mujhe kab se intezaar tha, aur maine tumhe imagine kia tha pata nahi kitni baar ki jab tum aise aaogi to kaisi lagogi. Par meri sari imaginations fail ho gayi, jab maine tumhe dekha. Sach me Kanshu, you are so beautiful.

Aakansha: Abhi! Thoda normally behave karo.

Abhimanyu: Koshish kar raha hu main. Tumhe pata hai, ek aur chiz bhi baar baar aa rahi hai mere mind me.

Aakansha: Ab wo kya hai?

Abhimanyu: Yahi ki aaj ke baad, tum mere room me rahogi, aur main tumhe jitna chahe utna dekh sakunga. Tumhe main khud se door nahi jane dunga.

Aakansha: (blushing) Ab chup raho tum thodi der.

Abhimanyu Aakansha ko dekh ke smile kar raha hai.

Aakansha: (blushing) Aur please meri taraf mat dekho na, samne dekho.

Abhimanyu: Okay! Meri hone wali Mrs.

Abhimanyu sach me Aakansha se bhot pyar karta hai. Aise husband bhot kismat walon ko milte hain. Main bhot khush hu ki meri behen un kismat walon me se hai.

Pheron ka time bhi ho gaya hai, aur sab log wahan aa gaye hain. Aakansha ko Abhimanyu ke paas baitha dete hain aur mantra shuru ho jate hain. Jaise jaise mantra bole ja rahe hain, waise waise Aakansha ko lag raha hai ki wo Abhimanyu ke aur paas aati ja rahi hai. Yahan main unke beech ke distance ki baat nahi kar rahi, yahan main baat kar rahi hu unke mann ki, unke rishte ki. Duniya me bhot se religions hain aur har religion me apne ek alag dhang se shadi hoti hain. Iske alawa bhi ek tarika hai, court me jake shadi karne ka. Par wo bandhan, wo rishta tab tak pura nahi lagta jab tak hum wo rasam puri na kar le, jo hamare lie banayi gayi hain. Chahe wo rasam, Hindu agni ke Saat phere leke karte ho ya Sikh Guru Granth Sahab ke ke phere leke. Chahe Muslim teen baar kabool hai kehte ho ya Christian kiss karte ho. In rasamon ka apna ek alag hi matlab hota hai. Aur yahi bandhan ab Aakansha ko feel ho raha hai Abhimanyu ke sath. Kehne ko ye bas kuch time ki baat hai, par un rasamon ko nibha ke mann khud bolne lagta hai, ki ab hum aapke ho gaye aur aap humare.

Jab chutki vida ho rahi thi, to main royi nahi, kyunki main janti thi ki use itni achi family mili hai, ki use hamari yaad aaegi hi nahi. Par jab wo car me baith ke chali gayi tab aankhon me aansu aa gaye kyunki tab laga ki ab hum behene, waise nahi reh paengi jaise pehle rehti thi. Lekin main khush hu ki, use Abhimanyu mila.

Jab dono ghar phoche, tab bhot hi dhoom dham se swagat hua dono ka, band baje ke sath. Dhire dhire sari rasame puri hui aur time aaya dono ke sath hone ka.

Ab aap soch rahe honge ki typical dulhano ki tarah Aakansha ghunghat me baithi Abhimanyu ka wait kar rahi hogi. Nahi, ye sab to movies me hota hai. Aakansha is waqt ek khoobsurat red saree me hai, mathe par bindi, maang me sindoor, hathon me chudiyan, means shadi ke baad ladkiyan jaise aur bhi jyada sundar lagne lagti hain, Aakansha bhi bilkul waisi hi lag rahi hai aur room me khade hue Abhimanyu ka wait kar rahi hai. Abhimanyu room me aata hai, aur Aakansha ko dekhta hai. Aakansha sharmati hui aur blush karti hui Abhimanyu ko dekh rahi hai. Dono ek dusre ko dekh ke smile kar rahe hain. Abhimanyu Aakansha ke paas aata hai.

Abhimanyu: (muskurate hue) Shadi ke baad tum jyada khoobsurat nahi ho gayi ho?

Aakansha: (muskurate hue) Aisa tumhe lag raha hai bas, main to waisi hi hu.

Abhimanyu holds Aakansha from her waist. Aakansha puts her hands on Abhimanyu’s chest. Abhimanyu puts her hairs behind the ear.

Abhimanyu: Hmm. To aakhir ho hi gayi hamari shadi.

Aakansha: Yes! Tumhe koi shaq hai?

Abhimanyu: (smiling) Nahiii… par jab tumhe pehli baar dekha tha tab nahi laga tha, ki ye din bhi aaega meri life me. Tab to bas main tumhe aise hi dekh ke khush hota tha. Pata nahi tha ki Bhagwan ne hum dono ko ek dusre ke lie hi banaya hai.

Aakansha Abhimanyu ke seene par apna sir rakh leti hai aur aankhe band kar leti hai. Abhimanyu uske mathe par kiss karta hai.

Ab jo dono ke beech hona hai, wo hota rahega, hum unki privacy ko kyun kharab kare? Hum to chalte hain aaj ke din par. Ji han, aaj Holi hai. Subah ho chuki hai, dekhte hain hamare hero heroine kya kar rahe hain?

Lae! Ye dono to so rahe hain. Alarm baj raha hai. Aakansha alarm band karke fir so gayi hai. Ye pakka naak katwaegi meri mom ki. 15 minute baad fir alarm bajta hai, Aakansha fir alarm band kar deti hai aur so jati hai. Arey! Aakansha meri behen uth ja. Hmm. Uth gayi, chalo shukr hai. Oho! Par ye kya? Abhimanyu ne Aakansha ko pakda hua hai.

Aakansha: Abhi! Hath hatao, mujhe ready hona hai.

Abhimanyu: (neend me) Aaj itni jaldi?

Aakansha: Aaj Holi hai na aur tumhari mom ne jaldi ready hone ke lie kaha tha.

Abhimanyu: (holds her more tightly) Abhi thodi der me chhodunga. Abhi aise hi raho.

Aakansha: Ohhoo!

Abhimanyu: (kandhe se baal piche karte hue) Aur ye baal hatao apne, mujhe sone nahi de rahe.

He buries his face in Aakansha’s neck. Aakansha 15 min aur wait karti hai, uske baad Abhimanyu ko fir se jagati hai.

Aakansha: Abhiii! Abhiii!

Abhimanyu: Kanshu! Sone do na.

Aakansha: Arey! Mujhe to chhodo par.

Aakansha khud hi try karti hai Abhimanyu ka hath hatane ki, par wo nahi manta.

Aakansha: Abhi!

Abhimanyu: First kiss, then go.

Aakansha: No kiss, now leave me.

Abhimanyu: Leti raho fir.

Aakansha: Abhi! Subah subah shaitani nahi karte.

Abhimanyu: Wife ke sath allowed hai.

Ab Abhimanyu bhi jag gaya hai, aur Aakansha ko dekh ke smile kar raha hai.

Aakansha: Not allowed. Ab jane do.

Abhimanyu: Ja sakti ho to chali jao. Waise tumne mujhe promise kia tha, roz good morning kiss dogi.

Aakansha: Nahi maine aisa kuch nahi kaha tha, tumne kaha tha ki main good morning kiss lia karunga.

Abhimanyu: Okay! To main hi le leta hu fir.

Abhimanyu Aakansha ke paas aata hai and gives a peck on her lips. Both smiles.

Aakansha: Ab jau?

Abhimanyu: Mann to nahi hai, par thik hai jane deta hu.

Aakansha bed se utar jati hai aur bolti hai, “Shaitan!”

Abhimanyu: Idhar aao, fir batata hu shaitani ke baare me.

Abhimanyu bed se uthata hai aur Aakansha bathroom me bhag jati hai.

Aakansha naha kar bahar aati hai, ab mirror ke samne ready ho rahi hai. Abhimanyu bed par lete hue Aakansha ko dekh raha hai aur smile kar raha hai. Aakansha Abhimanyu ko dekhti hai. Abhimanyu ishare se bolta hai, “Main aau?”

Aakansha: Nahi. Wahin raho.

Abhimanyu: Kyun?

Aakansha: Kyunki fir tum mujhe tyar nahi hone doge.

Abhimanyu Aakansha ke paas aata hai aur use piche se hug kar leta hai.

Abhimanyu: Tumhe pata hai tum is saree me kaisi lag rahi ho?

Aakansha: Kaisi?

Abhimanyu: Hot!

Aakansha: I know, why I am looking hot. Chup chap bed pe baitho aur mujhe ready hone do.

Abhimanyu: Bed pe baithke kya karunga main bhi ready ho jata hu.

Aakansha: Okay!

Abhimanyu bhi ready hone chala jata hai. Aakansha mom ke paas chali jati hai.

Aakansha: (mom ke pair chhute hue) Happy Holi mom!

Abhimanyu’s mom: (smiling) Happy Holi beta! Abhimanyu kahan hai?

Aakansha: Ready hone gaye hain.

Abhimanyu’s mom: Beta usse aaj bach ke rehna, use Holi ka bhot craze rehta hai.

Aakansha: Han, isi baat ka to darr hai.

Itne me Abhimanyu bhi aa jata hai.

Abhimanyu: (pair chhute hue) Happy Holi maa!

Abhimanyu’s mom: Happy Holi beta!

Abhimanyu thoda gulal leta hai aur mom ke gaalon par laga deta hai. Ab papa aur Aashish bhi aa gaye hain. Abhimanyu un dono ko bhi wish karta hai aur gulal laga deta hai. Fir wo Aakansha ko dekhta hai aur uski taraf badhta hai. Aakansha chupchap khadi hai. Abhimanyu gulal leta hai aur Aakansha ke face par bhi laga deta hai.

Abhimanyu: Happy Holi Kanshu!

Aakansha bhi gulal Abhimanyu ke face par laga deti hai.

Aakansha: (smiling) Happy Holi Abhi!

Aashish bhi sabke gulal lagata hai aur wish karta hai. Abhimanyu, Aashish aur unke dad teeno living room me baith jate hain. Aakansha aur mom sabke lie nashta laga rahe hain.

Aakansha: Bas yahi thi Holi?

Abhimanyu’s mom: Pata nahi aaj itni sharafat kaise dikha raha hai Abhimanyu?

Aakansha: (smile karte hue) Acha hai shareef hi rahe to.

Dono nashta leke jati hain, sab milke nashta karte hain. Nashta khatam hi hota hai ki Aakansha ke mom, dad, Sushant aur Aasha, yani main, phoch jate hain. Sab log wish karte hain ek dusre ko aur rang lagate hain. Abhimanyu ab bhi kuch nahi karta, thoda bhot rang sabke laga deta hai aur sabke sath enjoy karta hai. Thandai, dance, khana pina sab sath me chal raha hai. Aur Abhimanyu dance karte karte andar chala jata hai. Abhimanyu ke face se lag raha hai ki wo kisi baat se upset hai. Aasha usse puchti hai, “Kya hua sab thik hai na.”

Aakansha: Han. Thik hai.

Aasha: Fir Abhimanyu aise andar kyun chala gaya?

Aakansha: Pata nahi. Main dekhti hu jake.

Aasha: Okay!

Aakansha bhi andar chali jati hai, pure ghar me dhundti hai par Abhimanyu kahin nahi milta. Fir apne room me jati hai aur awaz lagati hai, “Abhi!”

Wo Abhimanyu ko dhund rahi hai ki piche se ek hath uski taraf badh raha hai aur use padak lia. Aakansha cheekhti hai. Abhimanyu uske muh pe hath rakhta hai.

Abhimanyu: Pagal ho? Cheekh kyun rahi ho? Main hu.

Aakansha: Tumne mujhe dara dia.

Abhimanyu: Abhi aur darogi.

Aakansha: Kya matlab?

Abhimanyu apna dusra hath dikhata hai, usme rang laga hua hai, gulal nahi, pakka rang jo ziddi hota hai, chhudane se chhut ni pata.

Aakansha: No Abhi!

Abhimanyu: Yes, Aakansha!

Abhimanyu Aakansha ko pakad leta hai aur dusre hath me jo rang h use bas ek ungali se Aakansha ke gaal par touch karta hai.

Aakansha: (muh banate hue) Kyun lagaya?

Abhimanyu: Jab main sabke rang lagata hu, to apni Kanshu ko kaise chhod sakta hu?

Aakansha: Tum bhot gande ho.

Abhimanyu: (smiling) Hmm. Wo to main hu.

Aakansha Abhimanyu ko dhakka deke bahar bhagne lagti hai. Abhimanyu use pakad leta hai.

Aakansha: (bachne ki koshish me) Abhi! Main bahar jaungi to sab kya sochenge.

Abhimanyu: Jise jo sochna hai sochne do, ab to tum meri legally wedded wife ho. Ab chup raho aur mujhe pyar se apni wife ke rang lagane do.

Aakansha: Acha bahar chalke lagao, tum sara room kharab karoge.

Abhimanyu: Shhh! Bola na rang lagane do.

Abhimanyu Aakansha ke gaal par kiss karta hai aur dono gaalon par rang laga deta hai.

Aakansha: Aur ganda rang nahi mila tha tumhe?

Abhimanyu: Tumhare lie sabse acha colour leke aaya hu, mujhe apni wife ki bhot chinta hai.

Aakansha ke hath apne hath me leta aur hath par kiss karta hai. Aakansha ke hath par rang laga deta hai. Aakansha fir bhagti hai, wo Aakansha ko pakadta hai aur deewar pe laga deta hai. Aakansha ke face par fir se rang lagata hai. Aakansha ke baal piche karta hai. Abhimanyu kisses on her neck aur Aakansha ke neck par rang laga deta hai.

Aakansha: Tumhe rang lagana hai ya ye sab karna hai?

Abhimanyu Aakansha ke hothon par ungli rakhta hai, aur uske naak par ek kiss karta hai. Ab uski arms pe rang laga deta hai, aur bolta hai, “Dono.”

Aakansha: (pareshan hote hue par smile karte hue) Abhiiiii! Tum nahi manoge?

Abhimanyu: (smiling) Nahi.

Abhimanyu Aakansha ko ache se rang deta hai. Hehe! Ise kehte hain apne rang me rangna. Aakansha bhi Abhimanyu se rang lekar Abhimanyu ke lagane lagti hai. Dono ek dusre ko puri tarah rang dete hain. Iske baad Abhimanyu Aakansha ko god me utha leta hai aur bathroom ke tub me leja kar daal deta hai. Aakansha puri tarah gili ho jati hai.

Aakansha: (gusse me) Abhi ab tum nahi bachne wale. Mujhe pura geela kar dia.

Aakansha Abhimanyu ko bhigone ke lie bathroom ka shower on kar deti hai. Abhimanyu Aakansha ko bhi uske neeche kheench leta hai. Dono hug kar lete hain.

Abhimanyu: Happy Holi Kanshu!

Aakansha: Happy Holi Abhi!

Dono room se nikalte hain aur bahar aa jate hain. Ab Aakansha bhi Abhimanyu se rang leti hai aur wahan sabke lagati hai. Koi bhi Aakansha aur Abhimanyu se bach nahi pata. Abhimanyu sabko rang lagata hai aur sabko bhigo deta hai. Ye thi Abhimanyu aur Aakansha ki pehli Holi. Kaisi lagi aapko? Achi lagi ho to zarur bataiyega.

Ab aap bhi apni Holi dhoom dham se manaiye aur kisi ko chhodna mat. Jam ke rang lagana.

Happy Holi!

Stay blessed.

&

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: