Love Struck!

Episode-18

Ab tak to aapko pata hi hai ki Aakansha aur Abhimanyu ke ghar wale unki shadi ke lie maan chuke hain. Aakansha aur Abhimanyu ki life me sab acha hai, dono ke parents dono ko pasand karte hain, dono ek dusre ke ghar bejhijhak kabhi bhi aa ja sakte hain.

Dono ke parents bhi ek dusre se phone par baat kar chuke hain aur mil bhi chuke hain. Dono hi family ek dusre se khush hain. Lekin abhi hero heroine ki shadi nahi hogi, kyunki pehle Aakansha ki badi behen ki shadi honi hai. Waise to dono beheno ki shadi ek hi din ho sakti hai, par Aakansha ki mom nahi chahti ki unki dono betiyan ek sath ghar khali kar ke chali jaye. To hamare hero ko abhi thoda aur intezaar karna padega apni heroine ko ghar le jane ke lie. Par sabr ka phal meetha hota hai. Islie hero ab lage hain Aakansha ki badi behen ki shadi ki date jaldi se fix karwane me. Aur kal ke din ka roka bhi fix ho gaya hai Aasha aur Sushant ka.

Aakansha ke papa ne khud Abhimanyu ke ghar walon ko invite kia hai, aur Abhimanyu ke ghar walon ne ache rishtedaron ki tarah time se pehle hi Aakansha ke ghar phoch jane ka vada kia hai. Par Abhimanyu unke sath nahi jaega, kyunki wo ek din pehle se hi Aakansha ke ghar par aa chuka hai aur ek ache bete ki tarah Aakansha ke ghar walon ki help kar raha hai. Aakansha ke papa Abhimanyu ko aise dekh kar bhot khush hain. Wo Aakansha ko apne paas bulate hain.

Aakansha’s dad: Aakansha beta, idhar aa zara.

Aakansha: Han papa, kya hua?

Aakansha’s dad: (Abhimanyu ki taraf ishara karte hue) Beta teri choice badi achi hai.

Aakansha smile karti hai.

Aakansha’s dad: Main pehle gussa tha, fir uski baate sunke mujhe laga ki wo sahi hoga, par mann me ek doubt tha, lekin uske parents se milke aur ye sab dekh ke koi doubt nahi hai ab mann me.

Aakansha papa ke gale jati hai.

Aakansha’s dad: Bas tum dono khush raho aise hi main yahi chahta hu.

Itne me Aakansha ki mom bhi aa jati hain.

Aakansha’s mom: Kya hua tum dono ko?

Aakansha’s dad: Kyun hum dono koi personal baat nahi kar sakte kya?

Aakansha’s mom: Aisi kya personal baat hai, mujhe bhi bata do.

Aakansha ke dad Abhimanyu ki taraf ishara karke bolte hain, “Wo baat hai.”

Aakansha ki mom smile karti hain aur bolti hain, “Haann! Ye baat to hai hi. Bada acha damad mila hai mujhe. Aap nazar mat lagao use.”

Aakansha’s dad: Arey main nazar kahan laga raha hu? Main to bas dekh raha hu.

Aakansha’s mom: Nazaron se hi to dekhoge na. (Aakansha se) Buddhe ho gaye hain tere papa, kya bolte hain samajh nahi aata mujhe to.

Aakansha dono ki nok jhok par muskura rahi hai. Aakansha ki mom Abhimanyu ko awaz lagati hain, “Abhimanyu beta!”

Abhimanyu: Ji aunty! Koi kaam tha?

Aakansha’s mom: Beta tumhe kitni baar bola hai, aunty mat kaho, mom, maa, mommy jo bolna hai bolo.

Abhimanyu: Ji! main try karunga abse.

Aakansha’s mom: Try nahi, abhi decide karo kya bologe.

Abhimanyu: Main aapko maa bolunga, chalega?

Aakansha’s mom: Han, kyun nahi.

Aakansha’s dad: Aur mujhe kya bologe?

Abhimanyu: Papa.

Aakansha’s dad: Thik hai. Ab se no uncle aunty.

Abhimanyu: Okay! Papa.

Aasha dur khadi dekh rahi hai aur awaz lagati hai, “Thoda pyar dusre damad ke lie bhi bacha kar rakh lo, ya sab isi par lutana hai?”

Aasha ki ye baat sunkar sab haste hain, aur dad bolte hain, “Tu kyun jal rahi hai? Jab uski baari aaegi tab uspar bhi luta denge pyar.”

Fir se sab kaam me lag jate hain. Raat ho chuki hai, sab dinner kar chuke hain, Abhimanyu ab bhi wahin hai.

Abhimanyu: Okay! Papa, ab main chalta hu.

Aakansha’s dad: Beta! Aaj to yahan rukne ki baat thi na.

Aakansha’s mom: Han beta!

Abhimanyu: Ji. Par Aashish ko maine bola tha kal ke lie kapde lane ke lie, use kuch kaam aa gaya to ab mujhe jana hi padega.

Aakansha’s dad: Arey! Itni si baat, subah aa jaenge kapde.

Abhimanyu: Par abhi ke lie bhi koi kapde nahi hain mere paas.

Aakansha’s dad: Tum tension mat lo, us din bhi to die the maine kapde.

Abhimanyu: Par koi baat nahi na, abhi itna bhi late nahi hua hai. Aap log bewajah pareshan honge meri wajah se.

Aakansha’s dad: Abhimanyuuu!

Abhimanyu: Ji papa! Okay! Okay! Samajh gaya. (smile karte hue) Aapne mujhe yahan se jane ke lie nahi kaha hai to main kaise yahan se ja sakta hu.

Aakansha’s dad: (smiling) Han!

Abhimanyu ki ye baat sunke sab haste hain. Raat ke 12 baj chuke hain, par abhi tak koi soya nahi hai, sab baith kar baate kar rahe hain. Aakansha ko uske dad ki kahi hui baat yaad aati hai aur wo Abhimanyu ko dekh kar smile kar rahi hai. Abhimanyu use dekhta hai aur ishare se puchta hai, “Kya hua?”

Aakansha “Kuch nahi” ka ishara kar deti hai.

Abhimanyu fir ishare se puchta hai, “All okay na?”

Aakansha ishare se hi use, “Sab thik hai.” keh deti hai.

Tabhi Aakansha ke papa kuch kehte hain.

Aakansha’s dad: Abhimanyu beta! Tumne us din hume ye to bataya ki tum pehle se Aakansha ko dekh chuke the. Par detail me kuch nahi bataya. Batao zara.

Abhimanyu: (blush karte hue) Jiii… Papa…. Wooo…

Aakansha’s mom: (Aakansha ke papa ko tokte hue) Aap bhi kya puch rahe ho bacchon se.

Aakansha’s dad: (Aakansha ki mom se) Arey isme sharmane ki koi baat nahi hai. Hamari bhi to love marriage hui thi. (Abhimanyu se) Tumhe Aakansha ne ye bataya hai beta?

Abhimanyu: Ji papa bataya to hai. Par mujhe isse jyada kuch nahi pata.

Aakansha’s dad: Chalo main batata hu.

Aasha: Not again papa. Main sun sun ke thak gayi hu.

Aakansha’s dad: Thik hai short me bata deta hu apne damad ko. To Abhimanyu! Hua ye ki hum the college me.

Abhimanyu Aakansha ki taraf dekh kar smile kar raha hai, Aakansha bhi smile kar rahi hai aur ishara karti hai, ki suno story. Abhimanyu Aakansha ke dad ki baat sunne lagta hai.

Abhimanyu: Ji papa! Fir…

Aakansha’s dad: Fir ye ki humne inhe dekha aur dekh kar hi laga ki yehi honi chahiye hamari zindagi me, aur bas fir jo mehnat ki hai inhe patane me.

Aasha: Patana mat bolo papa. (Abhimanyu ko chhedte hue) Hai na Abhimanyu.

Abhimanyu: (Haste hue) Han. Patana nahi, manana. Manane me mehnat ki thi.

Aakansha’s dad: Han. Par ye bhot hi mushkil se maani thi, kitni chize ki, kabhi rafi to kabhi Kishore ke gane sunaye, kabhi gulab dia. Maanne ke baad bhi inka gussa aisa tha ki darr lagta tha ki kahin fir se mana na kar de shadi ke lie. To jab tak shadi nahi ho gayi, ji huzoori karte rahe aapki saas ki.

Abhimanyu: (smile karte hue) Papa! Gussa to aapki beti ka bhi kam nahi hai.

Aakansha’s dad: Han wo mujhe pata hai, ye apni maa par hi gayi hai.

Aakansha aur Aakansha ki mom, dono ek sath bolti hain, “Main kab karti hu gussa?”

Aakansha ke dad aur Abhimanyu haste hain.

Aakansha’s dad: Beta! Agar pitne se bachna hai to topic change kar do.

Abhimanyu: (haste hue) Ji papa.

Thodi der aur sab baate karte hain fir dhire dhire sabko neend aane lagti hai aur sab sone chale jate hain. Abhimanyu aur Aakansha ab bhi jage hue hain, wo chhat par baithe thandi hawa ka maza le rahe hain, aur baate kar rahe hain. Aakansha Abhimanyu ke kandhe par sir rakhe hue hai, Abhimanyu ne Aakansha ka hath apne hath me lia hua hai.

Aakansha: Abhiii!

Abhimanyu: Hmm.

Aakansha: Main aaj bhot khush hu.

Abhimanyu: Aisa kya hua?

Aakansha: Tumhare ghar wale mujhe jaise pasand karte hain, mujhe lagta tha ki mere ghar wale karenge ya nahi. Kyunki hamara galat impression pada tha un par.

Abhimanyu: Hmm. Wo to hai.

Aakansha: Par aaj papa ki baat se mujhe laga ki ab sab thik hai. Wo tumhe pasand karte hain.

Abhimanyu: (smiling) Aur aaj to tumhare papa mood me bhi the.

Aakansha: (smiles) Han. Kyunki wo bhot khush hain.

Abhimanyu smile kar raha hai aur Aakansha ke baalon se khel raha hai.

Aakansha: Ab sab acha hai. Ab mujhe kisi baat ki tension nahi.

Abhimanyu: Mujhe to hai.

Aakansha: Ab kya tension hai?

Abhimanyu: Yahi ki abhi mujhe aur wait karna hoga tumhe ghar le jane ke lie.

Aakansha: (smile karte hue) Bas thoda hi wait karna hai.

Abhimanyu: Hmmm… par karna to hai na.

Aakansha Abhimanyu ke kandhe se sir utha kar ek nazar use dekhti hai, smile karti hai aur fir uske kandhe par sir rakh leti hai.

Abhimanyu: Kya hua?

Aakansha: Kuch nahi. Bas tumhe dekhne ka mann kia.

Abhimanyu: (smile karte hue) Acha. Aur kya mann kar raha hai aapka ma’am?

Aakansha: (smile karte hue) Aurrr….

Abhimanyu: Han aurrr…

Aakansha: (smile karte hue) Tumhare paas aise hi rehne ka.

Abhimanyu: (maathe par kiss karte hue) Wo to aap hain hi mere paas.

Aakansha: (smiles and says slowly) Aur jyada paas rehne ka.

Abhimanyu Aakansha ko apne paas kheench leta hai.

Abhimanyu: Ab thik hai?

Aakansha: (Na me sir hilate hue) Aur paas.

Abhimanyu ab Aakansha ke kandhe par apna hath rakh deta hai, Aakansha Abhimanyu ke seene par apna sir rakh kar baith jati hai, Abhimanyu use dono hathon se pakad leta hai.

Abhimanyu: (after a few moments) Ab thik hai Kanshu?

Aakansha: (smile karte hue dhire se bolti hai) Hmm. Ab thoda thik hai.

Abhimanyu: Hehe! Bas thoda. Isse jyada paas aane ka mann to hamesha mera karta hai, aaj aapka kaise?

Aakansha: Arey! I also love you na.

Abhimanyu: (dhire se haste hue) Okay! You also love me. Ye to mujhe pata hi nahi tha.

Aakansha: (muh banate hue) Majak uda rahe ho mera?

Abhimanyu: Nahi. Main aisa kaise kar sakta hu.

Aakansha: (muh banate hue) Kar rahe ho.

Aakansha wahan se uth kar khadi ho jati hai.

Aakansha: Main ja rahi hu. Good night.

Abhimanyu: (Aakansha ka hath pakadte hue) Ohhoo! Miss Gussel, ab to gussa mat karo.

Abhimanyu bhi khada ho jata hai aur piche se Aakansha ko pakad leta hai aur uske right kandhe par apni chin rakh deta hai.

Abhimanyu: Mat jao. Yahin raho mere paas.

Aakansha: Tumhe sona nahi hai? Kal jaldi uthna hai.

Abhimanyu: (Aakansha ke baalon ko piche karte hue) So jaunga. Tumhe jana hai to ja sakti ho.

Aakansha chupchap khadi rehti hai.

Abhimanyu: Jana hai?

Aakansha “Han” me sir hilati hai. Abhimanyu use chhod deta hai. Aakansha uski taraf palat jati hai. Abhimanyu smile kar raha hai. Aakansha uske gaal par dhire se ek laga deti hai. Abhimanyu bhi dard hone ka natak karta hai.

Abhimanyu: Ouch!

Aakansha: (smile karte hue) Bhot bade dramebaaz ho tum.

Abhimanyu: (smiling) Aur tum meri Kanshu ho.

Abhimanyu Aakansha ki kamar par hath rakhta hai, Aakansha uske thoda kareeb aati hai aur Abhimanyu ke usi gaal par ek kiss karti hai jispe usne dhire se maara tha.

Abhimanyu: (smiles) Ab thik ho gaya.

Aakansha Abhimanyu ki nose par ek chota sa kiss karti hai, Abhimanyu smile karta hai. Aakansha Abhimanyu ko smile karta dekhti hai aur uski aankhon par hath rakh deti hai. Abhimanyu apni aankhe band kar leta hai, Aakansha uski aankhon par kiss karti hai. Abhimanyu apni aankhe band kie hue hi muskura raha hai. Tabhi Aakansha uske mathe par kiss karti hai. Abhimanyu ab dhire dhire Aakansha ko apne kareeb la raha hai. Dono ek dusre ke bhot kareeb hain. Abhimanyu ne Aakansha ko uski kamar se pakada hua hai aur Aakansha ne Abhimanyu ke gale me hath dale hue hain. Abhimanyu ki aankhe abhi bhi band hain, tabhi Aakansha apne honth Abhimanyu ke honthon par rakh kar unhe dur kar deti hai. Abhimanyu apni aankhe kholta hai aur Aakansha ko dekhta hai. Abhimanyu Aakansha ko apne aur kareeb le aata hai, Aakansha ke chehre se uske baalon ko hatata hai, apne honth uske hothon ke paas lekar jata hai aur unhe uske hothon se mila deta hai. And yes, they kiss. They kiss for a few seconds. After a few seconds, they open their eyes. Both look at each other. Aakansha ne muskura kar apni palakein jhuka li hain. Abhimanyu Aakansha ko dekh raha hai aur muskura raha hai. Wo Aakansha ko aur kas kar pakad leta hai, Aakansha uski taraf dekhti hai.

Abhimanyu: I love you Aakansha.

Aakansha: (Abhimanyu ki aankhon me dekhte hue) I love you too Abhimanyu.

Aakansha smile karti hai aur Abhimanyu ke seene se lag jati hai. Dono ek dusre ke gale lage hue hain. Dono bas aise hi rehna chahte hain, ek dusre ke paas, ek dusre me khoye, ek dusre ko feel karte hue. Bas… aise hi ek dusre ke sath puri raat bitana chahte hain.

Kitna ajeeb hota ye pyar bhi, kya kya karata hai logon se. Hehe! Nahi to koi soch sakta hai kya, ki agle din ghar me badi behen ka roka hai, itna kaam hai, aur wo puri raat jage. Par hero heroine ko sona nahi hai. Unhe mauka mila hai ek dusre ke sath rehne ka to wo ye mauka khona nahi chahte. Puri raat aise hi nikaal dena chahte hain, ek dusre ke sath. Aur rahenge bhi kyun nahi, pehli baar unhe aisa chance mila hai, sath me rehne ka. Kuch logon ko ye sari baate ajeeb lagti hongi. Lagta hoga, ye sab sirf pagalpan hai. Par kabhi pyar karke dekhiye janab, sab pata chal jaega, ki ye pagalpan hai ya pyar hai. Pyar me log kitne papad belte hain, ye wahi jante hain. Jaise hamare hero ne bele the, apne pyar ke chakkar me aur aakhir mujhe apni sali bana hi lia.

Arey! Kya maine aapko nahi bataya main kon hu? Main wahi hu jise Abhimanyu pehle Aakansha ke ghar par dekhne aaya tha aur reject kar dia tha. Ji han! Main Aasha hu jo aap sab ko meri behen aur hone wale jija ji ki kahani suna rahi thi. Aap soch rahe honge, mere roke ka kya hua? Wo sab kaam to bhot ache se pura ho gaya tha aur uske 3 mahine baad meri shadi ho gayi. Ab main apne husband ke sath aaram se rehti hu. Waise ab Abhimanyu ko hone wale jija ji nahi, ho chuke jija ji kahe to jyada better hoga. Kyunki bas abhi jija ji ki baarat hamare yahan aane hi wali hai. Main wahin ja rahi hu, unhe dekhne. Aap bhi un dono ko apna aashirwad aur wishes dena mat bhuliyega. To main chalti hu, aap log apna khayal rakhiyega.

Stay blessed.

And…

Of course, Keep Feeling the Love ❤

If you liked this story, please comment, like and share…

The first episode of next story “From Hate… To Love!!” will be published after two days. Till then enjoy Holi.. Play safe… & Have fun…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: