Love Struck!

Episode-17

So, pichle episode me Abhimanyu bhot dara hua tha, kyunki Aakansha ke dad ne un dono ko unke ghar ki road par kuch aise dekha tha jaise unhe dekhna nahi chahiye tha. Aur ab Aakansha ke papa ne un do premiyon ko apne samne pesh hone ke orders jaari kie hain. Dekhte hain ki ye situation dono kaise handle karte hain.

Abhimanyu ab kapde change karke aa gaya hai. Aakansha use fir dad ke paas le jati hai. Aakansha ke dad Abhimanyu ko baithne ka ishara karte hain aur Aakansha ko wahan se jane ke lie kehte hain. Aakansha bhi pareshan hai ki pata nahi ab kya hone wala hai. Wo seedha didi ke paas jati hai.

Aakansha: Didi!

Aasha: Han chutki.

Aakansha: Papa ne kuch bataya hai kya ghar pe aake?

Aasha: Han. Bhot gusse me hain aur bol rahe the ki Aakansha se ye ummeed nahi thi. Kya hua?

Aakansha: Wo didi..

Aasha: Han bol.

Aakansha: Aaj barish ho rahi thi to Abhi ne socha ki wo mujhe ghar tak chhod dega.

Aasha: Han to isme kya hai? Bol dena ki chhodne aaya hai bas.

Aakansha: Nahi. Papa ne hume ek hi umbrella ke andar dekha hai.

Aasha: To ek hi umbrella tha to usi ke andar jaoge na.

Aakansha: Han..

Aasha: (sochte hue) Ek minute. Tum dono kar kya rahe the?

Aakansha face niche kar leti hai.

Aasha: Yaar chutki! Tu pagal hai kya?

Aakansha: Ab kya karna hai?

Aasha: Ab to papa hi batenge ki wo kya karenge.

Aakansha: Papa ne mom ko kuch bataya hai kya?

Aasha: Pata nahi.

Aakansha: Mujhe bhot darr lag raha hai.

Aasha: Mom ko patane ki koshish karte hain.

Aakansha: Thik hai chalo.

Aasha aur Aakansha dono mom ke paas gayi hain.

Aasha: Mumma!

Aakansha’s mom: Han. Kya hua?

Aasha: Papa gusse me kyun hain aaj, pata hai kya?

Aakansha’s mom: Mujhe kya pata, hua hoga kuch. Tu kyun puch rahi hai?

Aasha: Nahi bas aise hi.

Aasha Aakansha ko wahan se chalne ka ishara karti hai ki tabhi, mom Aakansha ko rokti hain.

Aakansha’s mom: Aakansha!

Aakansha: Han.

Aakansha’s mom: Ye ladka wahi hai na jo Aasha ko dekhne aaya tha aur ab ye tere sath aata jata hai?

Aakansha: (darte hue) Han, wahi hai.

Aakansha’s mom: Ye yahan kyun aaya tha?

Aakansha: Mujhe ghar chhodne.

Aakansha’ mom: Roz aata hai?

Aakansha: Nahi. Wo aaj barish thi to usne socha ki wo mujhe safely ghar phocha de.

Aakansha’s mom: (Aakansha ko ghurte hue) Aise?

Aakansha samajh jati hai ki papa ne mom ko sab bata dia hai. Wo sir jhuka leti hai.

Aakansha’s mom: Ab tum mujhe bataogi kuch? Ya yuhin khade rehna hai?

Aakansha: Wo mom.. Main aur wo ek dusre ko…

Aakansha’s mom: (ghurte hue) Aage bolo main sun rahi hu.

Aakansha: Hum ek dusre ko pasand karte hain.

Aakansha’s mom: Hume kab batati?

Aakansha: Batane hi wali thi, par aapko pehle pata chal gaya.

Aakansha’s mom: Ye sab karoge to pata to chalega hi.

Aakansha sir jhuka leti hai. Aakansha ki mom aage bolti hain.

Aakansha’s mom: Kab se chal raha hai ye sab?

Aasha: Jab se inhone metro me jana shuru kia hai.

Aakansha’s mom: Oh! To tujhe bhi pata hai ye sab?

Aasha: Han, pata hai. Aur in dono ne mujhe hi bola tha tum dono se baat karne ke lie, par pehle hi ye sab ho gaya.

Aakansha’ mom: Chalo tum dono ab papa ke paas.

Aakansha, Aasha aur unki mom ab usi room me jate hain jahan Abhimanyu aur Aakansha ke papa baithe hain. Aakansha ki mom, uske dad ke paas aa kar baith jati hain. Abhimanyu ko unhone apne samne wali chair par baithaya hua hai. Aasha aur Aakansha side me khadi hain.

Aakansha’s dad: Han! Bolo ab, kya bolna hai tumhe? Hum tumhe apni baat rakhne ka mauka dena chahte hain.

Abhimanyu Aakansha ko dekhta hai. Aakansha ke papa Aakansha ko bulate hain.

Aakansha’s dad: Chutki! Uske paas wali chair par jakar baith ja tu bhi aur Aasha tu bhi khadi mat reh baith ja.

Aasha mom dad ke paas baith jati hai aur Aakansha Abhimanyu ke barabar me ek chair par beth jati hai.

Aakansha’s dad: Ab tum dono bolo jo bhi tumhe bolna hai.

Aakansha bolne wali hoti hai, par Abhimanyu use chup rehne ka ishara karta hai. Aakansha ke mom dad abhi bhi Abhimanyu ko ghur rahe hain.

Abhimanyu: Sir! Main janta hu, aapne jo bhi dekha, jaisa bhi dekha wo aapko acha nahi laga hoga. Kisi ko bhi nahi lagega. Main uske baare me koi safayi nahi dena chahta. Han, bas sorry bol sakta hu. I am sorry! Par sach kahu to main dil se sorry feel nahi karta.

Aakansha’s dad: Kya matlab hai tumhara? Jo tumne kia wo sahi tha?

Abhimanyu: Han, mere hisab se. Par nahi, aapke hisab se.

Aakansha’s dad: Dhang se bolo.

Abhimanyu: Sir! Main Aakansha ko pasand karta hu, usse shadi karna chahta hu, wo sab jo bhi tha wo isilie tha aur mujhe isme kuch galat nahi lagta. Par aapne hume pehli baar ek sath dekha, wo bhi aise, to aapko ye acha nahi laga hoga bilkul bhi, islie aapke hisab se ye galat hai.

Aakansha’s dad: Tum isse shadi kyun karna chahte ho? Meri badi beti ke lie to tumne mana kar dia tha?

Abhimanyu: Aapki badi beti ke lie maine Aakansha ki wajah se hi mana kia tha.

Aakansha’s dad: Matlab tum dono ek dusre ko usse bhi pehle se jante ho?

Abhimanyu: Nahi sir. Aakansha nahi, sirf main.

Aakansha’s dad: Kya kehna chahte ho?

Abhimanyu: Sir! Maine Aakansha ko pehle hi dekha tha metro me, par Aakansha ne kabhi note nahi kia tha.

Aakansha’s dad: Aur tum hamari beti ka picha karne lage.

Abhimanyu: Maine kabhi aapki beti ka picha nahi kia. Han, main Aakansha ko pasand zaroor karta hu, par agar Aakansha chahe to ab bhi mujhe mana kar sakti hai, main use pareshan nahi karunga kabhi. Ye sab mere lie kafi mushkil hoga, par main aisa nahi hu jo kisi ladki ko aise pareshan karta rahu. Agar wo mujhe pasand nahi karti hai to wo uski choice hai.

Aakansha’s dad: To tum ye kehna chahte ho ki Aakansha tumhe pasand karti hai?

Abhimanyu: Ji sir! Karti hai. Aur hum dono hi ek dusre se shadi karna chahte hain.

Aakansha’s dad: Tumhare ghar pe pata hai is baare me?

Abhimanyu: Ji! Pehle din se pata hai.

Aakansha’s dad: Unka kya kehna hai?

Abhimanyu: Unhe Aakansha pasand hai, wo bas wait kar rahe hain ki kab aap logon ko pata chale aur wo rishta leke aaye.

Aakansha’s dad: Hum mana kar de to?

Abhimanyu: Ye aapki icchha hogi sir. Aakansha pe pehla haq aapka hai, lekin main wait karta rahunga shayad kabhi to aap maan hi jaoge.

Aakansha’s dad: Waise tum bol rahe ho ki tum Aakansha ko pasand karte ho, aur waise use itni aasani se jane de rahe ho ki hamara pehla haq hai uspe.

Abhimanyu: Main jane nahi de raha sir. Par haq to pehla aapka hi hai, aapke sath wo bachpan se reh rahi hai, par ye aapki zimmedari bhi hai ki aage aapki beti jahan bhi jaye wahan khushi se reh sake. Aakansha ko aapki khushi ki chinta hai, islie wo mujhse pehle hi keh chuki hai, ki agar mere mom dad nahi maane to wo mujhse shadi nahi karegi, agar aapko bhi Aakansha ki khushi ki chinta hai, to aap Aakansha ko is shadi ke lie mana nahi karenge.

Aasha Abhimanyu ke is situation ko handle karne ke tarike se impress ho jati hai. Aasha Aakansha ki taraf dekhti hai aur “Wah!” ka ishara karti hai. Aakansha dhire se smile karti hai.

Aakansha’s dad: (Aakansha se) Aakansha!

Aakansha: Han, papa.

Aakansha’s dad: Tumhe ye ladka pasand hai?

Aakansha: Ji papa!

Aakansha’s dad: Dekho beta, hum tumhare lie isse bhi ache rishte dekhenge. Ye ek baar tumhari behen ko reject bhi kar chuka hai aur tumhe hi wo bhot bura laga tha, wo sab bhul gayi ho kya tum?

Aakansha: Nahi mujhe sab yaad hai papa. Par uske baad bhi mujhe inhi se shadi karni hai.

Aakansha’s dad: Hum mana kare fir bhi.

Aakansha: Aap mana karoge to nahi karungi, par….

Aakansha aage kuch bolti itne me Aakansha ke dad bolte hain.

Aakansha’s dad: To thik hai. Hume ye shadi manzoor nahi hai aur, aaj ke baad tum isse nahi milogi.

Aakansha: Par papa!

Aakansha’s dad: Mera decision final hai. Ise jane se pehle thoda time de raha hu, jo bhi baat karni hai kar lo.

Ye keh ke Aakansha ke mom dad room se chale jate hain. Aasha unke piche unhe awaz lagate hue chali jati hai. Aakansha aur Abhimanyu dono shock me hain. Kuch pal waise hi baithe rehte hain. Fir Abhimanyu Aakansha ko dekhta hai. Aakansha ro rahi hai, Abhimanyu ki aankhe bhi bheegi hui hain.

Abhimanyu: (Aakansha ko sambhalte hue) Aakansha! Aakansha suno naaa.

Aakansha: (rote hue) Abhi! Ye kya hua?

Abhimanyu Aakansha ko hug kar leta hai, use chup karane ki koshish kar raha hai, par aansu uski aankhon me bhi hain.

Abhimanyu: Koi baat nahi Aakansha. Hum fir se try karenge. Aise rote nahi hain.

Aakansha: Mujhe tumhare sath hi rehna hai Abhi! Kyun bola tumne ki wo decide kar sakte hain.

Abhimanyu: Shhhh! Shant ho jao Aakansha. Main maa papa ko bhejunga. Sab thik ho jaega.

Aakansha roye ja rahi hai.

Abhimanyu: Kanshuu! Beta chup ho jao naa..

Aakansha kuch nahi bol rahi, sirf ro rahi hai. Abhimanyu use khud se alag karta hai. Uske aansu ponchta hai.

Abhimanyu: Be strong Kanshu! Hmmm? Hum hi shadi karenge ek dusre se. Aise rote nahi hain. Okay?

Aakansha “Han” Me sir hila deti hai.

Abhimanyu: Aur ab mujhe jana hoga. Hum ache se kal baat karenge is baare me. Okay?

Aakansha: (Na me sir hilate hue) Mat jao Abhi!

Aakansha fir gale lag jati hai.

Abhimanyu: Kanshuu! Hum kal baat karenge. Abhi mujhe jana hoga. Tum chaho to phone pe rehna mere sath, ab didi ko to pata hi hai na.

Aakansha: Hmm.

Abhimanyu: Please ab chup ho jao aur smile karo.

Aakansha ka face apne hathon me leta hai.

Abhimanyu: Kanshu! Smile karo na pleeeaseee.

Aakansha smile karti hai.

Abhimanyu: That’s my good girl. Chalo ab main jata hu. Ghar phoch kar baat karunga. And tab tak mujhe ek bhi aansu nahi chahiye tumhari aankhon me. Thik hai na?

Aakansha fir “Okay!” ka ishara kar deti hai.

Dono fir se hug karte hain aur Abhimanyu room se bahar nikal jata hai. Bahar Aakansha ke mom dad khade hain. Abhimanyu unke paas jata hai.

Abhimanyu: I am sorry sir, agar meri kisi bhi baat ka bura laga ho to. Par main wait karunga Aakansha ka, aur try karta rahuga ki aap hum dono ke lie maan jaye.

Abhimanyu Aakansha ke mom dad ke pair chhuta hai.

Aakansha’s dad: Hume lagta hai, ab Aakansha ki shadi hume Aasha se pehle karni padegi.

Abhimanyu ye sunke Aakansha ko dekhta hai, aur ishara karta hai, not to cry. Smile karta hai aur bahar jane lagta hai. Tabhi Aakansha ke papa use rokte hain.

Aakansha’s dad: Suno.

Abhimanyu: Ji sir!

Aakansha’s dad: Arey apne pita ji ka number to dete jao.

Abhimanyu: Kis lie sir?

Aakansha’s dad: Baat jo karni hai unse, (smiles) tumhari aur Aakansha ki shadi ki.

Abhimanyu surprised ho jata hai. Aakansha ye sunke dad ke gale lag jati hai aur rone lagti hai.

Aakansha’s dad: (smiling) Pagal ladki. Tujhe kya laga hum teri khushi ka khayal nahi rakhenge? Ab chup ho.

Abhimanyu smile karta hai aur bolta hai, “Thank you so much sir.”

Aakansha’s dad: (Abhimanyu ko gale lagate hue) Ab sir nahi, papa kehne ki aadat dalo.

Aakansha apni mom ke gale lag jati hai. Abhimanyu ki aankhon me aansu hain.

Aakansha’s dad: Arey beta! Ro kyun rahe ho?

Abhimanyu: (smile karte hue) Mujhe khud nahi pata sir. Bas khud hi aa rahe hain ye aansu.

Aakansha’s mom: Ye khushi ke aansu hain.

Abhimanyu: (mom ke pair chute hue) Ji Aunty.

Aakansha’s dad: To aaj ka dinner hamare ghar par hai, yahin khana khake jao.

Abhimanyu: Nahi sir. Ab main nikalta hu.

Aakansha’s dad: (ghurte hue) Maine jane ke lie kaha tumse?

Abhimanyu: (serious hoke) Nahi.

Aakansha’s dad: (smiles) Han. To yahin khana khake jana.

Abhimanyu aur Aakansha ke papa dono haste hain.

Oh God! Kaisa din tha ye? Pehle Aakansha ki didi, fir uske dad, aur fir itna lamba interview. Ek hi din me, bhot sari chize ho gayi, aur ek hi din me sab kuch acha bhi ho gaya. Isilie kehte hain, jab Bhagwan sath de raha ho to kisi bhi mushkil se nikala ja sakta hai. Ab dinner bhi ho chuka hai, aur kafi baate bhi ho gayi hain. Ab Abhimanyu ko ghar ke lie nikalna hai.

Aakansha’s dad: Chutki! Ja Abhimanyu ko bahar tak chhod de. Aur han gali me baki bhi ghar hain, to dhayan rakhna.

Aakansha aur Abhimanyu muskurate hain.

Aakansha: Han, hum dhyan rakhenge.

Abhimanyu Aakansha ke parents ke pair chhuta hai, Aasha ko “Bye!” kehta hai aur dono ghar ke bahar chale jate hain.

Abhimanyu: Aakansha!

Aakansha: Han.

Abhimanyu: Papa ne bas kiss ke lie mana kia hai na? Hug to hum kar sakte hain.

Aakansha dhire se hasti hai. Abhimanyu Aakansha ka hath pakad leta hai.

Abhimanyu: Tumhe pata hai Aakansha, jab tumhare papa ne kaha tha ki wo ready nahi hain for our marriage, mere samne wo sare moments aa gaye the jo maine tumhare sath bitaye hain. Main tumhe sambhal raha tha par main soch raha tha ki kya hoga agar wo nahi maane to. I just can’t explain the feeling of letting you go.

Ye kehte kehte fir se Abhimanyu ki aankhe bhar aati hain. Aakansha puts her hand on his cheek.

Abhimanyu: Thanks for coming in my life Kanshu! You don’t know how much I adore you.

Aakansha Abhimanyu ko hug kar leti hai. They want to cuddle up in each other’s arms. So, they stay quiet and remain that way for some time. Then, Aakansha says something.

Aakansha: Abhi! Can’t we just stay like this?

Abhimanyu: Yeah! I also want to, but hum bahar khade hain aur fir se tumhare papa ne dekh lia to judi hui shadi toot jaegi.

Aakansha smiles, Abhimanyu further says, “Kitni buri duniya hai na, dhang se ek sath rehne bhi nahi deti hai.”

Aakansha: Chup raho thodi der and please hold me tight.

Abhimanyu: Okay! Miss.

Dono chup hain aur ek dusre ko hug kie hue hain. Kuch pal baad dono alag hote hain aur Abhimanyu kuch kehta hai.

Abhimanyu: Tumhe pata hai? Kitne papad bele hain maine tumhare lie.

Aakansha hasti hai.

Abhimanyu: Waise ab to milwa de na parents ko apne.

Aakansha: Pehle baat karwa dena apne papa ki mere papa se.

Abhimanyu: Jaise aap kahe.

Aakansha: Ab jao Mr. Calm. Waise tumne handle acha kia sari situation ko. Mujhe to samajh hi nahi aa raha tha ki kya bolu. But tumne unka mind change kar dia.

Abhimanyu: Hmmm. Ab iske lie puri life thanks bolna mujhe.

Aakansha: (smiling) Hmmm. Ab jao.

Abhimanyu: Okay! My Love. Ja raha hu. Bye! You take care.

Aakansha: (smiles) Bye!

Abhimanyu apne ghar ke lie chala jata hai. Thank God! Finally, Aakansha aur Abhimanyu ki mushkile khatam hui aur dono ke parents maan gaye hain shadi ke lie. Par abhi kahani baki hai doston. To ab aage kya hoga use janne ke lie, please stay connected with us.

If you liked this episode, then please hit like and share…

Please also like our page, “Talking Hearts.”

Stay blessed.

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: